稻香 (新九龍廣場) (已結業)

同朋友聚舊天,1:00去勝在不用多等, 但要搭枱。油菜芯: 大碟,菜滑, 但油多, 配以什料, 幾好味。腐竹卷: 顏色偏淡, 唔多吸引; 但汁唔錯, 料都可以 。棉花雞 :雞肉嫰滑, 棉花多汁料正, 冬菇有一隻都有香味, 唔錯 。粉菓: 晶瑩, 蝦爽彈牙, 唔錯 !牛肉腸粉: 腸粉滑, 肉都份量多, 鮮味。好耐無來過, 無以前咁旺場 。

星期日晚上，我們一家6 大2 小一起吃晚飯。玩了一整天, 爸爸提議到屋企付近的「稻香」吃晚飯，我們當然樂意遵從。爸爸選了半席「開心宴」，共九道菜式，算是豐富超值。由於姐夫要負責駕車，因此不可以喝啤酒，爸爸只好自斟自飲，只要了一瓶啤酒；另外我們要了一瓶橙汁，讓我們和2 個小bb慢慢享用。乳豬大拼盆送上來了，半席菜的分量讓人覺得份量不夠，有點兒孤韓，沒吃到多少塊乳豬，乳豬便給吃光了。緊接送上來的是「喜灼海生蝦」，生蝦新鮮，塊頭也夠大﹐不會給你送來一碟「蝦子蝦孫」。第三道菜式是「XO醬碧綠炒鮮花膠」，XO醬味道不夠香濃，花膠炒起來較硬，魚鯹味也太重。第四道菜式是「沙巴龍躉兩味．碧綠炒球」，沙巴龍躉還算鮮味，只是份量少了一點。第五道菜式是「沙巴龍躉兩味．清蒸頭腩」，蒸的火喉剛好，只是油放得太多了。 第六道菜式是「大廚燉靚湯」，用料十足，湯水十分滋潤。第七道菜式是「鮑汁螺片扣花菇」，鮑汁？我吃不出來，只吃到一個很油膩的芡汁......第八道菜式是「脆皮醬燒雞」，雞肉尚算嫰滑，只是雞皮未夠脆。最後一道菜式是「飄香荷葉飯」，也是我最欣賞的菜式。荷葉的香氣滲入飯粒中，吃來格外清香、美味。個餐欠缺了我只

今日同太太約咗兩個朋友食晚飯,開頭都諗唔到食咩,朋友話想打邊爐,我太太就提議去稻香,當然我冇得反對,而兩個朋友又沒有意見情況下,就駕車直奔大角咀稻香,因為一來喺附近,二來呢度食滿$200有免費泊車兩小時,非常方便,尤於到大角咀時已經八點半了,所以我哋行咗陣食九點後,因為抵好多.湯鮮甜,雖然唔覺有魚,但九點後$1,勁抵.不是太肥,肉質亦唔算韌,可以接受.炸魚皮夠脆,蝦丸同墨魚丸都好爽口彈牙.菜鮮甜,夠嫩.啲蝦又大隻又新鮮,好爽口,正!膳片都爽口,但魚皮餃就不是太新鮮.桂花蚌都尚算爽,但珊瑚蚌就不是太新鮮而且又細隻.滑嘟嘟,又夠味,唔錯.呢餐都真係抵食,湯底$1,而且紅黃綠火鍋紙仲有8拆,好滿足好抵食.

踏入失業第三天，依然是先喝茶。心想搭大檯好穩陣，還可以霸多一張櫈放袋。點知點心未到就已經發覺坐錯檯。搭檯來了一個宿醉未醒的，亂剔點心紙(我是A檯，佢是B檯，還有另一對夫婦是正檯)，他竟然剔哂做正檯。結果當然是點心大混亂！而且這位醉客自言自語，閒來無事又來拍檯。這餐茶，我只飲了30分鐘左右，走都走唔切了。三式餃都屬於$12孖寶之一，最抵食！最愛炸茄子額外叫的灌湯餃埋單$29.5。

"失業"第一天，去健身室前先到茶樓飲啖茶先。孖寶之外額外還有一張$5.8起的點心紙。柚皮鴨掌，鴨掌足足有三隻，但最好吃的柚皮只有兩件仔......不過就幾入味。炸鮮蝦韮菜角，只有韮菜，鮮蝦幾乎找不到。不過$8.8有四件就算抵食。經過上星期的炸菜肉餅飯的怪味後，今次幾大都叫銀魚雞粒，費事又換。薑絲奇多。一張八人大檯搭得兩個人，坐得幾舒服。終於模清楚呢間酒樓的搵位模式：想搭檯的人多搭訕要在大廳，想清靜的自顧自的吃點心、飲啖茶兼睇下報紙，要入房仔搵位。

晨早早茶，不用等位，但要搭檯。孖寶由以前的$11加至現在的$12。但除開每籠點心才加$0.5，算係咁。在十來廿款點心中選了以下兩款：炸菜肉餅飯炸釀茄子沒看錯，第三幅同第四幅是兩個不同的飯。事緣炸菜肉餅飯來了後，我吃了一口發覺味道怪怪，有點像生米，又有點似膠味。便拿拿聲叫阿姐來退貨。後來部長二話不說，出了另一款飯給我。沒有解釋炸菜肉餅的問題，也就算了。銀魚雞粒飯不錯。味道也香，而且有足夠薑絲辟腥味。埋單一位$19.5。服務、衛生都在水準之上。

雖然住咗大角咀咁多年，第一次去呢間稻香食晚飯，怎料水準令人失望。海味什菜煲 - 稱得上「海味」當然有蝦米、冬菇和魷魚。味道過得去，清淡得來有鮮味。柚子蜜骨 - 生炒骨就食得多，呢個骨幾有創意。可惜真係好多骨，我覺得食汁多個食肉。個汁酸酸甜甜幾開胃。海皇豆腐羹 - 幾多料，好喝。炒帶子 - 幾有趣的一味菜。那些飯是炸過的，多吃覺得好肥膩。加上茄子粒和菇菌，口感特別。帶子幾大粒。每人加$8有任飲飲料和糖水。抵唔抵就視乎啱唔啱你胃口。蕃薯糖水幾好味！其他糖水的質素不要期望太高，好稀吓...環境尚算坐得舒服，不過全晚沒有令人很滿意的菜式，加上價錢唔算抵食，應該沒有下次。

昨晚同honey放工一齊去左呢度打邊爐。9點後有特價, 咁是但la~ 因為之前食過正價係勁貴,所以諗住都唔會平得去邊。我地叫左7碟野,包埋帶子、雪花邦, 跟住叫埋支裝汽水(10蚊有3支)我地叫左1支。仲叫埋醉雞煱。所有食物都好新鮮, 同埋份量剛剛好呀, 唔多唔少。尤其個醉雞,勁正, 冇乜酒味, 但好香, 一直滾到尾都係好清, 因為出邊食個d食一陣就濁晒lu, d湯好清好甜呀。跟住d海鮮好新鮮, 係食到鮮甜, 不過冇叫蝦, 因為見到個個食都唔太新鮮。炸魚皮- 呢個good呀, 出面個d係炸到黑色, 呢個係剛剛黃色, 滾完之後個湯唔會濁ga。其余個d ok la~不過諗都諗唔到個價錢, 兩條友$118!!!!!!!!!!!!!!!勁抵呀~>.< 唔得, 下次再食過~

叫左個6個人套餐,D食物份量少, 又唔係太好味, 都算,最慘係個福建炒飯, 大家睇下,叫左個經理過來問, 佢話係乾炒福建炒飯,問你死味, 第一次食乾既福建炒飯

是晚有特別「喜事」，大家為求方便，索性在這簡單的慶祝。枱上只有一、張簡單的餐牌，其中有三款特別推介的「孖寶」，每款有二個餸，看似十分優惠，再要其他兩、三款小菜。龍蝦孖寶有：上湯龍蝦伊麵-似是左溝右搭的 件龍蝦，最精彩還是吸收上湯及蝦汁精華的伊麵。菠蘿咕嚕肉-枱上時已傳來今唾涎的甜酸醒胃香氣，咕嚕肉入口脆薄而啖啖肉，而且甜酸適中，在座的人也讚不絕口。元貝孖寶有：蒜茸蒸元貝-每隻元貝很有份量，舖滿蒜茸及粉絲，十分惹味。海味雜菜煲-不見有什麼海味蹤影，嫩綠的蔬菜比例所佔不少，吃了這麼多肉食，來這煲雜菜，算是健康的一味。珍鮮味孖寶有：白灼蝦-每隻也是橙白相間，爽口彈牙，不用點醬油也有鮮味。花膠鮑螺煲-這個是全晚唯有失準之作，花膠很硬，要費點牙力，而且芡汁呈糊狀，已令我卻步，用了黃牙白墊底有點格格不入。惠顧晚飯可免費每人有半隻燒乳鴿，我們一行8人即有4隻。皮脆肉嫩，有齊肉質、味道及口感，由於免費也做到有這水準，所以大家也喜出望外。冬瓜盅-不是原大冬瓜上枱的，只是一個燉盅盛載，在賣相上已打了折扣，入口似節瓜多一點，而湯味較為清一點，不夠濃稠。東星班-枱上時有點嚇一跳，$398有這麼大條，應該有兩

尋晚5個大人+1個細,叫左一個咩野掌煲(我冇食),咕嚕肉(好細碟,暖暖地),白桌蝦(暖暖地),抄馲鳥肉(好細碟,暖暖地),帶子豆腐(切到好溥,暖暖地),1碟一蚊雞,小菜既味道ok,無乜味精,but D小菜應該係整定左既,所以暖暖地,最熱係白粥(似潮洲粥),埋單$380

上個星期四同好朋友們團年，由於卜唔到利寶閣，就卜咗哩間稻香，稻香都算係名牌酒樓，從來都冇諗過會咁垃圾。十個大人一個細路，未齊人，叫住炸饅頭&幾個餸先，好少待應，次次都要叫好耐先有人理，炸饅頭吹咗幾次先上到枱，點知除咗個面係金黃色之外，基本上係蒸饅頭，差，之後諗住炸同蒸都冇分別，叫多碟蒸饅頭，又係吹咗幾次先上到，點知上咗碟炸饅頭，同個侍應講，佢話︰「整錯咗，唔緊要啦，俾個面我要咗佢啦...」，之後放低就走咗，吓，咁0既服務態度都得？另外叫咗個龍蝦伊麵+吊燒雞、咕嚕肉、什菜煲、燒鵝、海皇麻婆豆腐、四季豆炒珊瑚蚌...d餸勁細份量，賣相又肉酸，求其炒完pat上碟咁，而且冇樣好味，係個什菜煲好d，叫咗好耐唔見隻鵝，吹佢，佢先話燒鵝賣晒，果時已經食到成肚氣喇，惟有轉咗黄金蝦，六大隻蝦，賣相嚇人，面頭果層炸漿，灰灰黃黃，見到都唔開胃...個個都諗住快d食完去第二度再食過，差唔多食晒時，發覺爭半隻吊燒雞，又吹佢，佢先話燒雞賣晒，叫我食油雞，我嬲到即刻鬧人，叫咗成個鐘先話冇，叫佢叫經理嚟，過咗一輪佢過嚟話入面房果隻燒雞唔知乜嘢，可以俾半隻我地，咁都得？等咗一陣半隻雞上枱，隻碟好大囉，隻雞，我諗得四分一

星期日去飲下午茶,好多人,要排隊輪位,不過都幾快有位,等大一幾個字啫...原來星期日下午茶比起星期一至五下午茶貴少少,不過都可以啦!三個人叫左七樣野,都係一日蚊多少少,其中四樣係係"點心孖寶"度揀(即係$18.80有兩個點心),我諗會實惠些卦!奶皇馬拉卷:一籠四件,幾稥軟,奶皇唔係太香,但可以,不過一定要熱食;春卷拼雲吞:兩條小春卷切開四份,都算新鮮同脆口,炸雲吞又係兩個,好脆,但蝦好細粒;高纖娃娃菜:勁多豉油,油淋淋,得好少菜咋;粉果:一籠三件,比一般潮州粉果細好多,皮稍厚,只屬一般;綿花雞:感覺係好油膩,豬皮全部索晒油,好在唔會好咸,面頭舊冬菇都好油;香煎蘿蔔糕:一碟四件,呢味唔錯,煎得唔太油,但係又唔夠番喎,不過份量ok,可以接受。仲點左另一味點心,但係唔記得左係咩添,哈哈!

行吓行吓行到呢間飲茶,時間大約十點半左右,可能係中秋節關係,竟然無人等位.叫咗個咸魚雞粒飯,這個是小點,十分扺食,味道亦不錯.魚肚雞扎,特點,不知是否因為有魚肚,所以變為特點,但只是一般水準.螺片滑雞粥,大點,雞也有不少,螺片雖然假,但都有好幾塊,不過粥就無味.鳳爪排骨,中點,鳳爪很入味,排骨就中規中舉.

雖然已經一早預訂酒席,但係上菜仍然好慢,話左可以起菜之後,竟然等左半個鐘都未有野黎,仲要三催四請,一黎又黎兩道菜,跟住又停,好多次都要等好耐至到下一道菜,唔係幾好…雖然個小姐既服務態度其實係好好既…食物方面,大部分都係普通兼大路,不過有幾項值得提一提。第一係芝士焗龍蝦,雖然味道唔錯,碟底既伊麵又好味,但係芝士味太輕,可以話唔係好食得出,如果多番d會好一點;其次係蒸魚.整得唔算好,食到有腥味;比較求其而差既係個什麼海龍卷,話就話個餡係海鮮,但係都食唔出有咩海鮮,魚肉都唔多件咁,個炸皮仲衰,又唔係春卷皮又唔係米紙卷,而係介乎兩者之間,口感好怪!好既都有,就係最後既傳統飯麵,改左係炒飯同水餃,個水餃幾好味,有豬肉又有蝦肉,唔算好大隻,一人可分得兩隻,岩岩好,仲每碗有一條小棠菜加半個蕃茄仔,賣相都幾靚架!另外,壽包都唔錯,大大隻,蓮蓉餡夠滑,我喜歡佢無蛋黃,唔會太油又唔會太唔健康,即整即食,又熱又好味!拉勻黎計,叫做OK!