竹園小館大排檔

营业中

休息中

4/5非常香脆嘅，椒鹽鮮魷，如果椒鹽多少少就完美，或者加啲蒜粒辣椒粒。老闆每次必食嘅魚香茄子，超級高分滿意，鑊氣十足味道到位！三杯雞麻油香同酒香欠奉，似普通醬香雞，雞件亦有少許柴。最期待亦最失望嘅鵝油雜撈麵，睇相已經覺得色水唔夠，香味鑊氣欠奉，面身有點太腍，整體味道唔夠澎湃。

都唔知幾耐無嚟柴灣 (´▽｀) 真係好遠對我嚟講難得朋友生日就跟車 我都係第一次嚟 先嚟一個戰鬥碗先😂😂 街市總係充滿大排檔風味～做人貼地啲好 😛 叫左好多嘢食 重點講下印象深刻啲果啲😂*炸子雞炸得岩岩好唔會太老 都唔會太咸 -我無點過汁食 因為我怕我食唔到太重味😂*椒鹽鮑魚依個勁 炸完仲咬得開個鮑魚 😍 出面果啲係咬唔到 係牙力之爭 會咬到假牙都就嚟甩出嚟😂 但佢又唔會 同埋佢又唔會好咸❤️ 超鍾意 因為出面果啲一起鍋就會即刻落鹽 咸到盲都會開眼😂😂😂*荷葉蒸沙白？ 應該係😂 我都唔知屬於幾種我淨係知我負責要食😂 好鮮甜❤️*另外麻辣鴨血同花椒帶子炒西芹真係好辣😂連我食得中辣都覺得辣就真係好辣😂樣樣郁好有鑊氣 加上街市嚟講佢又算乾淨地上無乜積水 又唔會有陣味 啲地磚都幾新淨🫣仲舒服過廟街

豆腐火腩飯豆腐火腩飯，採用的油炸豆腐和燒腩肉，兩種食材的口味相差甚大，油炸豆腐味道淡而滑嫰，而燒腩肉則皮脆肉酥，感覺惹味，品嘗豆腐火腩飯時，能感受到兩種不同味感的食材，豆腐的平淡、燒腩肉醬咸慷慨，同時也讓男人有着感同身受的意境，能讓男人放下拘束，才是浪漫情懷所在。講返餐廳白天主打中餐，不過有提供泰菜 crossover，位於柴灣市政大廈街市樓上嘅熟食中心，獨市生意。每日精選不同套餐送新鮮骨湯餐茶，快靚正兼份量十足。

打風過後,屋企冇曬送,咁梗係出街食飯啦,忽然想食大排檔,就同一家大細去柴灣熟食街市試下呢間先。我哋叫咗六個餸,有椒鹽九肚魚、豉汁鵝腸、豬潤雞煲、啫啫通菜煲、大排檔炒麵同埋蜆蚧鯪魚球。叫啲嘢都係大排檔呢排必食之選,要有鑊氣嗰隻,睇下呢間水準o唔ok先…豉汁鵝腸啲鵝腸好爽口,不過略嫌豉汁多咗少少,顯得鹹咗小小。豬潤雞煲上菜時咋咋聲,好夠鑊氣!食落又覺得啲雞骨好大,而肉就比較少,又爭咗少少。至於椒鹽九肚魚真係大排檔嘅例牌菜,九肚魚夠大塊粉漿唔算好厚,所以合格!通菜煲上菜都係咋咋聲,夠曬鑊氣,所以合格! 至於大排檔炒麵炒得夠乾身又會太咸,所以合格!最後蜆蚧鯪魚球細細粒每人可以食兩粒,都唔錯!都合格!整體係令人滿意,係合格大排檔之選😋

一個禮拜前打咗電話黎book位，book咗八點，7.3打電話來吹，話明有10個人有小朋友，去到竟然要我坐lift口，唔會幫襯嗰間嘢，垃圾。 🤬🤬🤬🤬🤬🤬🤬🤬🤬🤬

位於柴灣市政大廈裏面嘅大排檔，裝修明亮，算乾淨企理，別具一番風味。最啱跑完步之後，同班跑友一齊麻甩麻甩share食🤪當晚仲撞到Ricky添，佢冇開機介紹，但見佢都幾推介呢間餐廳，食得津津有味～佢仲非常好人地請我哋食甜品斑斕椰汁糕，發現真係幾好食😋必點小食拼盤，好滋味嘅炸物👍🏻👍🏻蝦餅特別好食另外咕嚕肉亦都好地道，而且份量唔少，食得盡興啫啫芥蘭煲，鑊氣十足🔥椒鹽鮮魷 同埋 乾炒牛河 都係水準之上成班人經過真係可以試吓

位於柴灣的竹園大排檔，無疑是這個美食沙漠中的一股清流。每當有朋友遠道而來，我都會帶他們來品嚐這裡的美食。這次與三位朋友一起來品嚐，我們點了以下幾道菜式：招牌炸三樣（涼瓜、四季豆、茄子）這道招牌菜真的非常美味。將蔬菜包裹在鹹蛋黃中，炸得恰到好處，口感香脆可口。這道菜可以說是一個邪惡版的「健康菜式」，份量非常大份，讓人一吃就停不下來。記得跟朋友一起分享哦！枝竹黑椒牛仔骨煲這道菜一上桌，附近的幾桌都被它的香味吸引了過來。牛仔骨經過精心烹製，肉質鮮嫩多汁，黑椒味道十足，非常搭配白飯。黃金魷魚來大排檔怎能少了黃金魷魚呢？這道菜的炸皮非常薄，外酥內軟，廣受朋友們的讚譽。這道菜絕對是大排檔裡的經典之選。炸豆腐這道炸豆腐是朋友們的指定菜式。他們表示上次品嚐過後，印象非常深刻。炸豆腐的製作難度相對較高，但這裡的炸豆腐絕對值得一試。外層的炸粉包裹著細膩的豆腐，口感絕佳，千萬別錯過！溫馨提示：這家大排檔生意非常火爆，尤其在假期前後，記得提前訂位，以免落空。總之，竹園大排檔無疑是柴灣的一個寶藏。這裡的美食品質高，口味多樣，服務又好，絕對讓你回味無窮！下次有機會，一定要帶著朋友來這裡享受美食的樂趣！

📍#竹園小館大排檔#MFJ柴灣 #MFJ中菜 #MFJ泰國菜終於可以一大班屋企人去食飯慶祝下節日🤩 依度已經變咗我地飯堂咁！見今晚食咁好野所以開多個post 🤣⭐️鳳爪沙律 餐廳推介，係好味同好開胃，鳳爪唔算好多，生洋蔥好正，但真係好辣🥵⭐️冰鎮八爪魚BB 每次都會點嘅八爪魚BB，今次冇之前咁爽口，但加Wasabi同豉油已經滿足💯燒豬頸肉配椒汁 佢個燒豬頸肉真係好正！燒到個邊微燶，咬落爽口又Juicy，加埋個椒汁好正！🆗羊腩煲天氣凍要食返個羊腩煲！羊腩炆得唔夠入味，肉唔羶，肉唔算好多，好彩羊皮位爽口唔錯⭐️泰式炸皮蛋 流心炸皮蛋！外面層蝦滑炸到熱辣辣，蘸個泰式辣醬，加埋流心皮蛋個口感好正⭐️ 台南韭菜鴨血煲 事先聲明，依個煲只啱重口味人士食😂 佢個汁/湯好濃好辣，有啲似辛辣麵個湯，個鴨血同佢好夾⭐️上湯豆苗 好大碟豆苗😂 有少少似雞湯豆苗⭐️咖哩炒膏蟹留咗三隻蟹，一隻咖喱炒！蟹同咖喱啲都幾夾，蟹肥肉香！幾鍾意佢咖喱嘅味，偏甜唔會好濃，蘸薄餅一流呀！⭐️薑蔥炒蟹另外兩個就薑蔥炒！炒得好乾身亦兜得好均好靚，一路食一路啜！兩隻蟹都好多膏好香，食埋啲蔥正呀！⭐️豉椒炒蟶子都係提前留嘅蟶子，豉椒味唔錯，蟶子都

📍#竹園小館大排檔#MFJ柴灣 #MFJ中菜 #MFJ泰國菜人均消費: HKD180柴灣市政大廈大排檔轉咗手都未去過，個個都話好食！原來依家除咗中菜，佢仲有泰國菜！餐牌勁多選擇！佢都好爆場，要食幾多訂枱！🆗泰式生蝦刺身 $106一共11隻又唔算貴！ 其實佢幾好味，但係因為未解晒凍，影響到少少，如果唔係都幾正！⭐️柴灣蝦多士 $26/件估唔到係咁大嚿，佢係一件多士，上邊有原隻蝦！咬落去好趣口，加上沙律醬分內惹味！⭐️冰鎮八瓜魚BB $83好爽口嘅八爪魚BB仔，都幾Fresh，點wasabi豉油正！⭐️蒜蓉開邊蒸蝦河粉底 $198第一次食蒜蓉開邊蒸蝦係有河粉底！$198勁大碟，蝦都幾好味，河粉底都好味，係略嫌河粉硬咗少少💯燒豬頸肉配椒汁 $82個豬頸肉份量都好多，豬頸肉燒得勁香，而且極度到爽口！加埋個辣汁，勁正！⭐️咖哩炒大蜆 $126大蜆係花甲，其實唔算好大隻！佢個咖喱都幾香，唔係好辣嗰種，點蒜蓉包都幾好味，而且啲配令到好好味！⭐️蒜蓉包 $35蒜蓉包有5大件，幾新幾好味，就咁食都OK ！當然點咖哩又係另一番風味！6個人食咗7樣嘢，加7支啤酒，埋單人均$180一個又唔貴喎！環境雖然嘈咗少少，但絕

嚟熟食市場梗係要食脆香熱炒嘅小菜啦 原來除咗小菜 佢仲提供泰式嘢 我哋人數唔多 只係嗌咗幾樣試試佢啲火喉 嗌個椒鹽鮮魷 係外脆內軟嘅 但我略嫌佢有幾多無鮮魷得個空脆外殼嘅炸物 但整體佢都係大大份嘅 再嚟個啫啫炒通菜 喱個炒得好好 菜唔會過老調味唔過䶢 粟米斑塊 又係脆口嘢佢識分汁同炸魚 好細心 唔會浸淋啲魚塊 但佢每一舊個邊邊位都好硬 好彩佢中間魚塊位置係炸得好好 最後試咗個泰式併盤 好大份 除咗春卷差啲 其餘嘅魚餅蝦餅同豬頸肉質素都高 拍得住啲泰國餐館 春卷差在個皮好厚入面啲饀亦唔好味 整體而言 佢碟碟都好大份 但同出面啲大排檔比較 質素仍然差啲啲 但喺柴灣地區無乜選擇時 想食大排檔風味都可以嚟食嘅

6月26曰。是我生日 第一次去這地方。原因是OpenRice 的食評。個個都話好 所以去試吓是否真的好吃。果然無失望也充滿歡喜。首先服務一流食物一流。還有生曰壽包配生日歌。老板超好客。送上甜品 甜品是泰式椰汁綠容羔起正。還值得一題是泰國人煮的泰國菜所以無🉐️輸。我們吃了椒鹽賴尿蝦 bb芥辣魷魚仔 泰式冬陰功 招牌咋豬大腸 馬介休炒通菜 招牌蒜蓉包 青檸蒸泰式烏頭 西柚汁沙律 遺憾地吃不了咖哩炒蟹。不過🈚️問題。因為我應定這餐廳是我們余家飯堂。

話說屋企附近可以話係美食沙漠，所以一向好少係附近食晚飯，多數都係靠老媽做一家之煮。偶然之下，俾我地發現左附近市政大樓熟食中心有泰菜食，重一試愛上。屋企人話好食過九龍城。街坊生意，價錢當然亦相宜過九龍城啦🤩今日又心思思想食泰國菜，就叫老媽煮少晚，一行七人叫左九大簋，飽到上心口。椰子雞湯🍽媽咪黎親都必叫，椰子味香濃，重有大量啲香茅，秀珍菇，雞肉。雞肉雖然唔係新鮮雞，但無雪味，成個湯又香又甜。大細路都啱飲。炸蝦餅🍽蝦肉爽，外皮脆，唔會成口粉，真材實料。木瓜沙律🍽今次諗唔到食咩菜，就試吓叫個木瓜沙律。一上枱，俾個份量嘩左一聲😮重有啲生菜伴碟俾你包住黎食。個汁好醒胃，不過老人家覺得辣左少少。蠔餅🍽個蠔餅用鐵板上，熱辣辣好吸引。不過賣相就似炒蛋多啲😅一定要趁熱食，凍左點都有少少腥，呢個下次未必再叫。咖喱炒青口🍽因為姪女鍾意，我哋黎親通常都係叫咖喱炒大蜆，不過今日伙記話啲蜆唔係咁肥，就轉左叫青口。 呢度個咖喱汁完全係我屋企人鍾意嘅口味。香，滑，甜/辣度適中，又唔會成口油。撈飯或者沾包一流，回味無窮。我個人就覺得都係炒返蜆好味啲🤣蒜蓉包🍽烘得好香脆，就咁食又得，沾咖喱汁又得，得左。明爐烏頭🍽第一次係度

柴灣市政街市內的小菜館，和家人間中都會來食飯，貪佢夠就腳。戰鬥碗飲啤酒係美味過用玻璃杯飲，呢個係事實。豬頸肉炒椰菜：椰菜較硬身，好有咬口，豬頸肉爽口。沙拉骨：好大碟，肉仍保留肉汁，不會太乾身。椒鹽鮮魷：不合格，粉漿太厚，魷魚亦不夠新鮮彈牙。肉片炒雜菜：普通餸菜一個，冇特別。剁椒魚雲：麻麻地，魚雲不夠新鮮，雖然有剁椒，但仍然食到有少許腥味。黑醋骨：全晚最美味的一個餸菜，醋汁剛剛包住啲豬肉，外脆內軟，份量好足。

印象中第一次係柴灣食野，睇完戲之後就上左黎熟食中心二樓食野。本身都幾中意食大排檔，中意大排檔d野食夠鑊氣，而且多款式簡。坐低落單後，有個唔知係老闆定職員都非常nice，見到同d客都有傾有講，都係做街坊生意。檔口見到養左兩隻貓，見到d職員都好愛錫佢地，貓貓都肥肥地，睇黎生活得都唔錯。💟冰鎮八爪魚BB($83)配埋豉油同芥辣，見到d八爪魚都幾靚，全部都係完整一隻，無甩頭甩骨，食落有口感。而且食落口真係凍既，試過出面食d個名叫冰鎮，但又唔凍。💟柴灣荷葉飯($108)份量都多，入面有冬菇等，其他唔係好食得出係咩黎。但爭咁d荷葉飯既香味，覺得如果加返d蝦米同多d肉會香口吸引d，多返d口感。💟大澳蝦醬雞煲($92)有d失望，岩岩上枱都聞到少少蝦醬味，但食落就食唔到有蝦醬味。入面有少少火腩、冬菇同腐竹，食落無咁齋。到走既時候，d職員都好nice同我地講拜拜。感覺都唔錯，如果食物再出色d就更加好啦。

柴灣都有不錯的大排檔選擇，已經去完再去，食過好幾次了，今次拍下照片同大家分享。今次我哋叫了好幾個菜式，有些都忘記拍照，其他可看以下照片，豬頸肉、梅菜蒸菜心豆腐底丶泰式鳯爪丶椒鹽豆腐和蒜蓉包等，樣樣都不錯。這間除了有中菜，也有泰菜，都幾多選擇，大家可參考以下菜牌。至於大排檔地方，不要太高要求，也是可以的，價錢方面就非常合理，所以值得介紹給大家。