影片
以上资料只供参考，请与餐厅确认详情
竹家庄 @ 佐敦不约而同…两个朋同事强列推介话呢度既辣蟹好好味…仲叮嘱我记得试埋个烧鸭河咁话。 咁大推无奶油唔试下今日入门时留意到门口有韩文…应该都几多韩国人帮衬咁。 入到餐厅…店员热情招待安排座位。 餐厅地方唔太大…不过坐卡位是ok的望下餐牌都唔算太多选择…辣蟹…海鲜…白灼野…无小炒。就点朋友推介既辣蟹(中辣)…烧鸭河…白灼水鱿…蒜蓉炒韭菜花蟹肉时间掌握唔错…肉质都保持到嫩口。 料头真系灵魂…惹味干身…不过略嫌中辣唔够辣…未够惹味。 剩余料头打包返屋企渌米粉用烧鸭河…烧鸭俾胸位多肉…唔会鞋柴…汤底应该有加烧鸭壳煲…都几甘香。 河粉都几香滑。 不过再黎都唔会点🤣🤣🤣。 因为几贵白灼水鱿…正常啦…跟左个辣椒豉油点下唔错蒜蓉炒韭菜花…韭菜花拣手…嫩口一d渣都无整体食物唔错…不过食辣蟹…身价高…就预左贵dd。 #相机先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去处 #竹家庄 #辣蟹 #烧鸭河 #白灼水鱿 #蒜蓉炒韭菜花 #佐敦
继续阅读
以前住佐敦，耐唔耐都会去「竹家庄」食海鲜奖励吓自己🤭呢度主打避风塘海鲜，海鲜新鲜不在话下，而且我敢讲味道系第二度食唔到😋祝家庄仲要开到凌晨3点，试过有次夜麻麻落机到香港，返屋企前都走嚟呢度食埋个宵夜～蒜蓉粉丝蒸蛏子皇 ⭐️⭐️⭐️⭐️⭐️size惊人嘅蛏子皇😍入口一股清甜嘅鲜味爆发出嚟，口感爽身弹牙易咬，蒜蓉调味同份量啱啱好，唔会有过于咸辣嘅情况，所有嘢都恰到好处，当然唔少得嘅就系吸收晒精华嘅粉丝，推荐大家必点🔥油盐水大蚬 ⭐️⭐️⭐️⭐️⭐️估唔到份量咁大，食蚬我钟意油盐水，其次就系豉椒，今次嘅大蚬肉厚鲜甜，而且清洗干净一啲沙都冇，入面加咗啲粉丝又滑又好食👍🏻豉油王海虾 ⭐️⭐️⭐️⭐️⭐️上枱时已经闻到劲香食指大动，海虾新鲜肉质爽，虾壳咬落会有脆卜卜嘅口感，豉油王酱汁挂满晒喺海虾嘅身上，食起嚟真系好滋味❤️椒盐泥鯭 ⭐️⭐️⭐️⭐️⭐️朋友话平时食开陈皮蒸泥鯭，所以今次想试吓呢味椒盐泥鯭，泥鯭炸到好松脆，连鱼骨都可以食，钟意食泥鯭就系食呢一种特别嘅味道😋白灼大鱿鱼、海蜇、韭菜花 ⭐️⭐️⭐️⭐️⭐️叫咗三样白灼都系咁出色，平时我都钟意买韭菜花返屋企煮，但我食过呢度嘅韭菜花之后，先知原来韭菜花系可以咁好食❤️另外鱿鱼咬落去真系超级腍，点少少辣椒豉油已经好正，仲有不得不赞海蜇头，大大旧海蜇口感劲爽脆，原来白灼都可以咁好食😋烧鸭河粉 ⭐️⭐️⭐️⭐️⭐️听老板讲呢个烧鸭河粉系必点嘅‼️烧鸭肉厚皮脆，竟然比出面好多烧味舖都出色！河粉偏幼质地嫩滑，成件事充满避风塘口味，下次要试埋佢个艇仔粥🤭
继续阅读
今日跟朋友去咗呢间港式地道海鲜酒家食饭，试咗几款招牌菜，真系好正！店内除咗本地人之外，仲有唔少韩国食客。原来呢间饭店向韩国已经好有名气。果然系hidden 💎 gem前菜：白灼大鱿鱼+靓海蜇-灼得啱啱好，爽脆美味配埋啲麻油，好开胃，食完仲想再encore！👍🏻白灼韭菜花-推介。韭菜花翠绿鲜嫩，灼得刚刚好，唔会过老，食落去有啲清甜，配埋啲海鲜一齐食，可以中和返啲油腻感，好夹！主菜：椒盐海中虾 - 真系必试！虾肉鲜甜，外皮炸得香脆，椒盐味道够晒惹味，食落去咸香得嚟又唔会太咸，虾肉依然保持到鲜嫩，食到停唔到口果种👍🏻👍🏻👍🏻白灼花螺 - 都好出色，螺肉鲜甜，灼得啱啱好，咬落去有啲弹性，蘸啲海鲜酱，鲜味更加突出。而且好干净冇乜沙。清蒸鲜鲍鱼 - 大大只真系无得输。鲍鱼肉质鲜嫩，蒸得刚刚好，唔会过火，配埋啲果皮同葱花，味道更加丰富，食完仲想再叫多份！蒜蓉粉丝蒸扇贝- 一绝👍🏻扇贝大只又鲜甜，蒜蓉香味扑鼻，粉丝吸晒啲扇贝嘅精华，食落去好入味，真系好满足！最后个烧鸭汤河粉，烧鸭皮脆肉嫩，汤底清甜，河粉滑溜，超级有惊喜👍🏻👍🏻👍🏻 另外，食店系采用传统玻璃樽汽水。香港情怀。识货。完美👍🏻餐厅仲有提供不加味精嘅老火汤。食材高质。餐厅的环境宽敞舒适。38年历史嘅装修，好有特色。而且上菜速度理想。每碟𩠌都好有水准可以热辣辣一齐食。❤️厨师厨艺超级有水准。绝对睇得出用心制作。真系好值得推介❤️👍🏻绝对值得再嚟！
继续阅读
今时今日香港餐厅的成败不要全怪港人北上消费，餐厅负责人会否自我检讨？这竹家庄能做到今时今日真替他们庆幸，以此餐厅之出品，香港人有几个真的满意？可能对一般游客来说还可以，因他们不知道原有避风塘之味道，我们四大一小，七点进店十分钟后点菜，一只避风塘炒蟹、豉椒炒大蚬、4只蒜蓉粉丝蒸蛏子，白灼韮菜花、白灼鱿鱼，3碗烧鸭河，1碗艇仔粥，不到五分钟第一碟豉椒炒大蚬到，但一粒豆豉也没有，只是辣椒酱炒，之后鱿鱼、韮菜花就是比酱油碟大小小的份量，韮菜花没挑选的，咬落全有渣，真的很过份，完全没拣过就给客人吃？$60比豉油碟大小小的份量？蒜蓉蛏子$98一只四只$392味道没惊喜!避风塘炒蟹$1050，不是以前的避风塘味道，烧鸭河$68一碗，水一般的艇仔粥，全部菜上齐，没一样是热的，全部也只是暖，相信全部菜色是预先灼定或走油，客人一叫便即轻轻一煮就上菜，所以这么快及不热，全无镬气，但收费就比得上五星酒楼，茶位$18，但是大排档茶壸斟茶，还要加一服务费，相信以上收费和食物质素一般香港人是不收货，但估计他们做游客的话，客人不会有下次也是正常!所以他们屹立至今也真是万幸!也赞赏他们敢于收费!
继续阅读
朋友带我嚟呢间餐厅食宵夜，到嘅时候大概11点，啱啱俾我哋攞咗最后张枱，之后已经见到门口有人排队餐厅座位与座位之间比较狭窄，地方亦都比较细，不过气氛好好，好有怀旧香港嘅感觉！我哋叫咗两只避风塘濑尿虾，虾味重，避风塘惹味兼香口，够镬气！再叫咗碟蒜蓉蒸海虾，虾好新鲜！煮到刚刚熟非常好味！但系最好味嘅系四碟小菜：韭菜，粉肠，海蜇同埋鱿鱼！鱿鱼爽口，兼鲜味！呢几样真系食唔停口！之后争俾钱买单，所以唔知俾咗几多钱😌
继续阅读