竹月亭 (已結業)

來到粉嶺，晚上九時半，要找東西吃並不容易，經過見到這間日本店，外面看很日本，被吸引了進入店舖。裏面面積雖小五臟俱全，大概有十張枱。見到廚師推介有泡菜三文魚炒飯，覺得很特別放手一試。 泡菜不太辣，炒飯份量很充足，這個韓式和日式的交叉配搭，可以推介。$108，加一後$118。

「支持小店 」是Honey 的宗旨，所以這晚來到這間開業不久的竹月亭支持一下。餐廳在聯昌街與和泰街街口，位置尚算方便。內裡裝修以木材為主，座位不多，簡潔整齊。我們2人坐在窗口卡位，可外望馬路景，沒有壓迫感，舒適又寬敞。初次光顧，隨便點了幾款菜色來嚐嚐，三文魚腩刺身[$58客]，魚不夠肥美，但尚算新鮮，個人覺得芥辣不夠辣味較淡，$58一客價格合理。魚生沙律[$58客]份量大，賣相吸引，顏色鮮艷，十分適合炎夏，開開胃口。咬下去沙律菜、車厘茄都新鮮，配搭上三文魚、魷魚和吞粒，非常豐富。野菜天婦羅[$68客]，一客有六片，蕃薯味道香甜，秋葵口感清爽，而南瓜和菇則沒有味道，需要改善，但天婦羅整體不油不膩，算是合格之作。燒物，只叫了一串秋葵[$18串]，有少許焦，配上木魚和芥辣，簡直是完美搭配，健康美味，是我的最愛!!像飯桶的我們，是日飽肚之選是和牛炒飯[$98]，碟頭大 ，和牛粒多，吃完冷盤，來一客飯暖暖胃。今次我們要了6款菜色，連加一合共三百多元，價格屬中等。整體食品份量適中，食材算新鮮，服務亦合格，可以一試

真係好難食！！！！午餐壽司 set... 唔講刺身仲薄過同細過爭先果D先。個烏冬湯底咸到差D腎病！個湯底溝出黎都咁。失敗！烏冬相信係入貨，所以冇得評分。。吞拿魚溶飯... 唔新鮮有陣味。食咗兩吓頂唔順要倒咗落廁所！小食價錢偏貴。。。自己感覺三文魚刺身三件索價 $38！超伏。午餐食咗 $268。覺得「超中伏」呢餐只值 $68。用曬D錢去外賣筷子同外賣袋度，不如直接用番去D食物質素度啦！請為環保出一分力！減少垃圾及廚餘啦！簡直中伏之作。

經過見到間新餐廳 .諗住入去試吓啦嗌咗個刺身定食，得幾塊魚生 （蝦，油甘魚，三文魚），但係成大碗白飯，唔知點食好，啲飯又硬凍檸茶又唔係滿嘅，好似畀人飲咗啖咁蒸蛋又係凍冰冰嗰幾個廚房佬喺入面又講粗口又食煙

新開左2個月一直未有機會去試。今門放假可以和女朋友去試一試女友鐘意食刺身。叫左池魚刺身。開頭覺得咁平會唔會有伏。到左又真係新鮮wo。依個價錢食到。超值我自己就鐘意叫左煙燻豬手。依個仲抵。。。100數唔駛大大碟豬手。味道濃郁。仲要去埋骨。啖啖都係肉我超鐘意由於我地兩人食多唔到太多野既關係。所以飽曬。冇叫其他野食了。有d可惜。所以下次一要叫埋肥仔聰。有佢係到我可以食到多幾款野。(姐係我老友)我同女友的心聲真心可以繼續支持。

最近見到聯和墟新開一間日本餐就諗住試一試價錢同正常日本餐差唔多食物質素都唔錯 食咗條池魚刺身同埋一個原條鰻魚飯 兩個人食岩岩好值得一試支持下小店 好過開藥房既😂😂😂

見到聯和墟開新日本餐廳好興奮，裝飾仲幾日式，平日行過見都多人排隊。Weekend 同屋企人試下新餐廳。點知換黎極度失望。首先座位非常迫好唔舒服。海景餐廳既價錢，垃圾餐廳既質素。魚生飯係海景餐廳既價錢，但d 飯唔知係咩米，可以係一pat pat 既，魚生唔駛講完全唔新鮮無鮮味。天婦羅係食粉同油。又貴又唔好食。仲有叫左串燒，連串燒都可以無味，好似無燒過咁既。老實講間餐廳價錢一d 都唔平，但質素一d 都交代唔到。請都唔會再黎。

同事話附近新開左間日本餐廳，提議外出一齊用膳，我地一行三人大約13:00到達，係門口等左約10分鐘先可入座！舖頭都有裝修，但座位有啲迫！同事見到Menu有原板海膽定食只係$98，佢本身對海膽都有要求，就問店員海膽係嚟自邊度，店員就亂答話嚟自日本，但就講唔出日本邊度，最終店員問過廚房同事後，先確實海膽是來自韓國🤷🏻‍♀️店員既行為令同事對餐廳既印象分下降！我們分別點了2份原板海膽定食及1份蒲燒原條鰻魚丼定食，每份都係$98，定食包含蒸蛋、小食、沙律及麵豉湯！大家share過食物後，都覺得所有熱食都唔夠熱，蒸蛋太硬及過老🤷🏻‍♀️完全係港式蒸水蛋，而海膽以呢個價錢來講都無期望有好高質素，算係不過不失，但食到後半板海膽就覺得有怪味相對海膽，鰻魚味道比較正常，都算ok！以呢個價錢及份量來講都算抵食，味道一般，成份定食都充滿港式風味，可以一試！

前日我同朋友在粉嶺果間竹月亭叫了個$86的忌廉蝦烏冬得一隻蝦，蟹子由得DD,烏冬得少少三口已食曬，又唔送野飲， 另外叫野飲例如可樂，七起都要$18，真係又貴又唔底食，