竹月亭 (已結業)

午市套餐有前菜、沙律、蒸蛋、湯，和一款主菜。當初都對這間餐廳抱有期望，可惜味道一般，尤其是主菜，壽司飯比較濕，口感較差，唔好咁濕會好d。其他食物都ok，衛生環境都可以。

這家日式店裝潢精緻，但食物卻是令人失望。上菜已看到蟹籽壽司不成形也不整齊。飯像是家中煮的白米飯，黏濕而無味，口感差，只有壽司上的醬料和蟹籽有味道。這碟清酒煮蜆是友人和我在這頓飯中的主要話題，因為味道真的很怪。湯毫無鮮味和清酒味，有的是奇怪的芝士味，也枉論什麼後勁餘韻了。蜆顯然也是不新鮮，鮮味盡欠。原以為這碟海膽炒飯不會太伏，最後還是再一次令人失望。飯粒色水足夠，但竟然一點味道也沒有，有的只是油膩感。而海膽味道亦同樣清淡，令人失望。

//Know ur wondering why I been calling Like I got Ulterior motives I know we didn't end this so good But u know we had something so good So I'm wondering//I am missing you. 我同M先生雖然唔係識咗好耐，但大家都好似有一種一見如故嘅感覺。有時又會喺度諗我冇咗佢得唔得，反之亦然。一直以來我哋都會喺市區見面，因為比較方便。但今日太掛住佢啦，所以就去咗屋企附近－聯和墟。小弟真係好少會去聯和墟，通常坐東鐵都係去中國，而聯和墟更加要喺粉嶺火車站轉車所以就更加少機會接觸到呢個地方，但發現原來呢個地方因為冇地鐵，相對上比較偏遠，但就充滿着濃濃嘅人情味。呢間北區日本小店m先生都未食過，但由於午餐實在太抵食啦，而且食物質素都唔錯所以就選擇咗喺呢度試午餐。雜錦魚生定食：魚生大大塊而且厚切，當中包括三文魚三片、油甘魚一片、池魚一片、帶子同一隻極大赤蝦。睇得出誠意十足，好似赤蝦嘅size都係超級大，睇得出係落重本嘅～！指定食都會包括左沙律小食

小小店鋪 大大滿足💛CP值高既日本餐廳店內面積雖然唔大 但都仍然坐到唔少人 和風裝修及小擺設更添上日式感覺⛩蒲燒原條鰻魚丼 $88雖然係小店 但用料一啲都唔吝嗇！💛使用既鰻魚並唔細 反而又大又長 有成隻碟咁長👍魚肉肉質飽滿 淋上燒汁後風味更佳 而飯的份量亦非常足夠 一啖食晒鰻魚同飯簡單係味蕾既雙重享受🍱每客定食都配有前菜 沙律 麵豉湯 佢既沙律除此之外 呢度既魚生刺身亦好新鮮 非常鮮美 鐘意魚生既朋友唔好錯過啊💁‍♀️

疫情關係，現時我多數買外賣回家，減低風險，見到竹月亭推出全日的午餐，於是決定試一下外賣用紙袋裝好，感覺乾淨衛生每個餐附送麵豉湯和中華沙律，麵豉湯味道普通，中華沙律份量極少，不是一啖的份量，是半啖…大蝦角切魚生丼($68)大頭蝦真的非常大隻，而且新鮮，可惜有些沙粒..影響口感角切魚生飯主要是玉子、帶子和三文魚，用料全部都很新鮮，吃得出的鮮味，三文魚亦大大粒，飯的份量不少，醋味剛好，這個不錯香蔥拖羅魚蓉丼($88)拖羅魚蓉是非常非常薄的一層，份量很細有點失望，幸好吃下覺得很香魚油味，雖然不夠送飯，但味道還是不錯的，看你個人有多喜歡吃拖羅魚蓉吧總括來說，我較為喜歡粉嶺中心那間日式小店

今日難得放假，便去聯和墟尋找美食~雖然屬平日lunch時間，估唔到小店外已有數人在排隊等位。取籌後，大約等了15分鐘便可入座。甫入小店，眼前便被日本風的裝潢吸引著，但可惜環境較為擠逼。午餐點了粒粒角切魚生丼配大蝦，配有麵豉湯，前菜八爪魚，芝麻醬沙律，蒸蛋。魚生大蝦丼不過不失，不過如果有多一隻蝦會更開心。蒸蛋反而有驚喜，原來是甜的？？(一般茶碗蒸都是咸的) 不過都ok啦，當甜品食，亦幾特別...對於小店來說，整體都算OK。個set原本68蚊，加$6蚊有嘢飲，total$74。性價比嚟講都可以接受。

自從疫症之後，個個人都小左出街同怕食生冷野，但辛苦左咁耐，好想食好啲去獎勵下自己，所以約埋朋友去試食哩間餐廳。 未入去餐廳個陣，就已經覺得啲裝潢好有日本風格，好有feel。而且最重要嘅係啲野食性價好高，由其最鍾意佢三文魚壽司，厚切之餘好肥美。而我朋友都點左個牡丹蝦黎試一試，佢都話啲蝦好鮮甜，壽司飯都適中唔太酸。今次點左唔係好多野食，主要都係壽司為多，我朋友仲話下次食日本野一定會再黎食其他野。絕對好值得大家一試。

本來都唔係好想寫，但係唔想其他人中伏，我唔知係咪佢夜晚好食100倍以上，但係講真，下晝都難食到咁，夜晚我真係唔想試，好耐之前已經試過呢間野一次，以為自己唔好彩，見到啲食評好似彷彿進步左好多，諗住俾多次機會佢，點知又中伏尋日食咗個咖喱炸豬扒飯，真心真係唔知佢點整出嚟，炸豬扒個皮好似茶餐廳炸雞翼咁，啲豬扒夾埋都唔係一件出嘅，入邊幾塊肉幾塊肉咁黐埋，個咖喱仲過分，其實都係咖喱磚開水啫，點解要連咖喱磚都咁慳？落唔夠咖喱磚你溝水就算啦，仲要加粉，搞到杰撻撻，我都未試過食日本咖喱係唔夠咖喱味，個蒸蛋竟然係甜嘅呢個真係奇聞囉，一係你同我講呢個係甜品custard 蛋，但真係唔好同我講呢個係蒸蛋囉，如果你話佢夜晚好食一百倍咁我冇嘢好講不過我真係唔會再試

北區來說，聯和墟的黃店數目算數一數二。社交平台見到有外送服務，立即試試。下午經WhatsApp落單，晚市時間就有專車送餐到屋企樓下。 赤身壽司 $88/2件 牡丹蝦壽司 $48/件魚生夠新鮮，牡丹蝦蠻鮮甜。壽司飯也夠軟綿，醋量適中。 大蔥拖羅蓉手卷 $48 軟殼蟹手卷 $38手卷因為外賣關係吧？紫菜變淋了，但軟殼蟹仍舊酥脆。 金龍蝦卷 $48 芝士黃金玉子燒 $38芝士玉子燒也值得一吃。蛋夠嫩滑，加上芝士，甜中更惹味，即使外賣也不失其美味。 明太子雞翼 $28/2隻明太子雞翼保持到熱度，看似燒焦但正合我口味 焦香外皮配明太子餡，是我的最愛。 和牛炒飯 $98惟和牛炒飯有待改善，飯粒太淋身。還有點苦，應該炒過龍了吧⋯⋯外賣感覺不錯，下次試埋堂食再跟大家分享吧

#抗疫日常 🤚🏻☝🏻五 一 黃金週#支持黃店 係五一黃金周入邊排左隊食咗日本野位於粉嶺嘅竹月亭門口仲有貼紙可以俾大家拎誰敢遺忘呢 相信大家經過呢大半年都會識得將自己嘅錢洗係有啲應該洗嘅地方唔可以比大財團壟斷晒成個市場相信大家經過呢大半年都會識得將自己嘅錢洗係一啲應該洗嘅地方唔可以比大財團壟斷晒成個市場其實小店真係比其他連鎖店出色好多-三文魚海膽炒飯真係非常之香而且份量仲可以有成四碗咁多最貼心嘅位係佢唔會將個海膽撈埋落去整熱個海膽可以嚟到嘅時候慢慢分少少個飯入邊呢就已經有熟嘅三文魚非常之香佢係咪喺特色嘅醬汁不得了一定要試-鵝肝帶子卷物超級好食鵝肝仲要係香脆㗎配合帶子真係食完一舊仲想食多舊-加拿大海膽新鮮嘅加拿大海膽點樣樣配搭都係冇得輸㗎啦今次仲加埋紫菜如果佢有埋青瓜會更加開心可惜冇大家記得去試吓如果經過粉嶺嘅話可以去竹月亭#黃色經濟圈 #homemade #homemadedinner #stayhomeandcook #stayhealthy #eathealthy #vegan #foodstagram #hkig #hkfood #instagood @foodiecouple

🤎為左Yell Card而到訪 去到門口見到冇得扭 有d唔開心不過咁遠水路黎到 當然要試下佢地既食物啦一入到去唔算好大 但d位都擺得幾好 唔會太迫野食既款式都算多 由於食完要同豬皇上去打羽毛球🏸所以都唔敢叫太多食 廢事一陣太飽我地叫左⬇️⬇️⬇️三文魚腩刺身 (1份)勁厚身 食落去好淋好好味🤤甜蝦刺身 (1份)豬皇上至愛 但由於我唔食 所以不能評論一口芝士 (1份)外面脆卜卜 一咬落去 勁有芝士味!😍芝士控既Favourite!!!!!!好想encore叫多份 但好似太over haha軟殼蟹天婦羅 (1份)依個普普通通 同平時食開既差不多~胡麻煎牛舌 (1份)因為好少見到有煎牛舌 所以叫黎試下一食落口 即刻溶化咁濟! 完全一D都唔un配埋個汁 簡直一流呀! 我一個人食晒5舊!!!!!!!味淋雞泡魚乾 (1份)唔會整到好乾 又係好淋 但係太細碟 好快食晒食飽之後發現原來卡機壞左但都可以抽卡店員比左堆卡我地自己抽 D卡真係好靚如果想食日本野又想抽卡 可以黎依度試下店員態度仲好好添!下次我一定留個肚黎食餐勁既👍🏼

日日係聯和墟食晏 有時真你會諗唔到食咩😂禁岩有次揸車經過 啲同事話想試呢間日本野因為每次經過都要排隊 難得有位就衝入去試試佢啦 睇返佢價錢又唔算話貴喎 平均定食都係4x-6x..唯一原條鰻魚飯係$88我叫左個烏冬定食餐 餐包括一個前菜沙律同小食.湯...六件壽司同一個烏冬加蒸蛋烏冬又可以揀牛肉或者叉燒 所以就算吾食牛都有第二個選擇。。烏冬湯個味都算吾錯 係牛肉就...差啲 好（韌）...而壽司都正常 唔算難食 禁既價錢我已經覺得好唔錯...絕對可以成為午餐飯堂😂😂

聖誕節正日唔想去咁遠食飯，都係去番北區搵食，行行下見到一間裝修好靚嘅日式餐廳，俾出面嘅全條鰻魚飯優惠吸引左，就決定係到食我地嘅聖誕大餐！雖然都係得兩個人，不過我地都係好豪咁叫左個$500幾蚊嘅魚生拼盤，一個鰻魚飯，燒牛粒同一小瓶清酒。首先個鰻魚飯黎到已經嚇親，比想像中大碟，鰻魚燒食到陣碳味，真係燒出嚟，好香！清酒到左，仲送左一碟送酒的小魚干，非常岩送酒。最後個魚生拼盤，真係超大盤，每一舊魚都好新鮮同好味，最後的地食完魚生，仲幫我地拎埋個蝦頭去炸，第一次咁食，送酒一流！個刺身係好值依個價！！！已經決定左下次有咩慶祝都要黎多一次！最最後，仲有聖誕禮物送好滿意嘅一餐

這間店的裝潢雅緻有日本風味，進去見到有一張沒有人的四人桌，我們二人入去坐下， 也明白之後可能會有人搭枱，我們靠近牆邊坐下，估計即使有人搭枱也不致於擠迫，可是我們坐下還沒有兩分鐘，就有四人同行要來坐我們的桌子，我們被移到店中央六人桌搭枱，那個位置真的十分擠迫，每逢有服務員行過，我都要閃身讓他經過。只係覺得好黑仔，因為之後兩枱卡位都埋單走了，然後分別有兩批各自二人的，都可以舒舒服服地坐卡位，如果我們遲一點進入，就不用逼足全餐飯了。講返食物，我們點了兩個定食：和風牛肉丼配溫泉蛋、燒汁牛柳粒定食，定食包括蒸蛋前菜和沙律，飲品需要另外加錢。和風牛肉丼味道不錯，牛肉的量也足夠，燒汁牛柳粒也量多好味。前菜是小小一撮中華沙律，蒸蛋是櫻花蝦茶碗蒸，不過大大個茶碗，蒸蛋只有不足一吋深，蔬菜沙律也只是兩口就可以吃完，定食附加的蒸蛋前菜沙律有點失色。

上次同中學朋友在這裏聚會，食物質素確是OK，雞軟骨很好吃，而且叫了一些壽司質素非常新鮮，還有一個海膽飯和冷麵，海膽飯真材實料，於普遍的不同真的吃到海膽味，冷麵麵條也是選用高級的。