竺扶大班燒味

营业中

休息中

放工6點幾買份$148燒味雙拼返屋企啦，揀左燒肉同燒鵝，一返到屋企打開哇，會吾會小得太過份？先講燒肉，好似每件形狀大小厚薄都吾一樣，仲要勁短小？咩料呀真係，去酒樓食個燒肉瀨，啲燒腩仔仲切得靚仔喎之後到燒鵝，有兩三件都係冇肉食，得骨頭，真係啖啖肉得5件到，我吾明呢個價錢$148吾係平，但點解可以咁垃圾？冇下次啦真係！不知所謂，仲衰過人地買盒燒味飯，真係令人大開眼界，連去酒樓買價錢差吾多都未至於咁不堪

Come during tea time to get the tea portion which is actually still quite large for those who don't have a huge appetite.I got the roast goose and soy chicken combo with a noodles doused heavily in goose oil. Personally it was a bit too salty for my taste so I had to water it down with the provided soup. The truth is the goose oil is super aromatic, and I know it's a huge guilty-pleasure, but I'm still just a bit health-conscious hah!The goose skin is great, not sloppy and the meat was flavourfu

去藝術中心睇舞台劇之前想醫下肚，就決定尼食燒味飯，估唔到間餐廳穿插喺街市旁，一入去見人少少即刻入去叫左個雙拼燒味飯！古法燒鵝拼叉燒飯（$68）燒鵝皮油脂好香，影完相放到埋口仲係脆，加埋酸梅醬仲正，叉燒有焦邊好惹味好冧。燒鵝加叉燒呢個組合係絕對唔會輸，啲飯淋咗燒鵝豉油啱啱好唔會太鹹！青紅蘿蔔湯（$12）自家製湯好足料，入邊有好多舊瘦肉仲有兩舊粟米，啲料仲多過啲湯，好明顯飲得出入邊冇乜味精，飲完唔口乾，好似返咗屋企食飯咁

叫左個半肥瘦叉+冰燒鳳凰雞黯然銷魂鴛鴦飯加例湯俾個分先： 6/10 (湯加分）賣得比普通燒味鋪貴double 驟眼睇靚仔但沒什麼內涵 缺點頗多 性價比低 同區有更多好選擇標榜半肥瘦叉但好瘦 好彩唔鞋口但超燶 苦過廿四味 有幾舊困哂黑邊 睇圖喺兩舊到已經刮左勁苦既燶焦 燶邊叉燒唔是咁的 差評👎🏻雞就玩啅頭 燒完再凍？ 甜甜地唔太香 雞肉好實淨但唔鞋 口感味道都似超市賣凍既即食雞胸 油雞會更好吃 可能有fans也不定蛋煎到漏哂黃 唔知係特登定失手 個人非常唔欣賞飯量唔夠 如要改善可以俾人揀多/少飯最尾讚下個湯幾出色 喺食到躁底既情況 餐加六蚊算下到火

呢幾日好想食黯然銷魂飯，搵緊除咗敏x之外，仲有邊間有賣。因為好多餐廳淨係做燒味飯但係冇煎蛋同甜豉油或者秘製豉油襯托。俾我喺灣仔搵到呢間見openrice comment都幾好，好多like。地理位置又方便今日lunch就去試吓。啲叉燒好林但有d肥，分量適當，賣相吸引。同事叫左燒肉叉燒飯。啲燒肉好靚好脆皮，下次都會加燒肉。lunch time時間好多人排隊，12點幾去到已經要等一陣位，好彩d人都快食快走。每日有唔同嘅例湯加$6。價錢差唔多唔好再加價。

一早已經聽朋友推介過呢一間餐廳嘅燒味飯，今日親自嚟灣仔上堂，落堂就即刻過嚟試吓睇吓個叉燒係咪真係咁好味。叫咗叉燒油雞飯，因為可能我嚟嘅時候比較早，仲有湯可以送。個湯係蓮藕湯嚟嘅，十分之熱，亦都十分之入味，非常好飲。叉雞飯上枱時可惜已經有啲凍唔係最熱。叉燒食頭一舊，覺得比較平凡，但再食落去嘅時候發覺叉燒非常之軟冧，亦都要陣陣嘅豬肉味，整體來講叉燒嘅頭同尾冇乜特別，但係中間就非常之好食！油雞就正常發揮。我諗對比起呢個價錢$50-$60食到一碗高質嘅叉雞飯，係非常之值得推介

「馬鞍」來得快走得快，竟然連半日風假都放不成，決定要找點好吃的平衡一下心理。小小的三角街，在一堆乾濕貨攤中，有家小小燒味店總是被人團團圍住，等待品嘗其出色至極的燒味飯。簡單的東西往往最難做得好，竺扶大班的黯然銷魂飯(叉燒煎蛋飯)是當中得俵俵者。黑毛豬製的半肥瘦叉，鮮紅色的外層充滿光澤。除了有最愛的燶邊外，肉質肥瘦均勻，甚至覺得有一點脆口的感覺，可口而不油膩👍將煎蛋的蛋黃、大將燒肉汁和白飯搞拌在一起，每顆飯粒都披上一層咸咸甜甜的金黃外衣。因為選用的米比較大粒粗身，咀嚼起上來更加有口感😋一口接一口，本來鬱結的心情慢慢得到舒緩，就像下午出了太陽一樣☀️後記：為什麼叉燒煎蛋飯會得名「黯然銷魂飯」呢？答案在電影《食神》。主角史堤芬周在食神大賽的最後兩分鐘，以內力製作出落難時候吃過的叉燒飯，並將其命名為「黯然銷魂飯」❗️

以前久唔久都有食覺得唔錯，但今次真係好失準叫斤半肥瘦燶邊叉燒，返到屋企一打開係全燶嘅。一直我喺其他地方食燶邊嘅理解都係表皮略帶脆口嘅微燶，但仲睇到紅色嘅外皮。但今日買呢盒係有一半以上叉燒外皮都全黑咁濟，黑到望唔到紅色，咬落口係苦嘅，完全唔係食燶邊嘅樂趣。唔明點解咁都可以賣俾客人，仲要收成$150斤，衰啲講去超市買都好過佢。仲枉我專登喺灣仔買返去西貢請屋企食，真係嘥錢又嘥心機，以後唔會再幫襯呢間野。

✨好食 但不可抱太大期望✨.平日晚上7點左右去到位於灣仔街市嘅竺扶食燒味飯，之前聽朋友高度推薦及睇網上食評都好多人讚好，所以決定一試( •̀֊•́ )以普通叉燒店來講呢間都好食！性價比亦都幾高，好啱附近返工嘅人去食😋只係個人對叉燒有些少失望，因為我哋係衝住叉燒去食，但同我平時食開另一間差唔多價嘅燒味店有一大段距離🤣.▫️黯然銷魂飯 $58（7.5/10）［半肥瘦叉燒＋煎雙蛋+大將燒肉汁］雙蛋煎到有脆邊及流心黃好正😻仲有個大將燒肉汁撈飯都一流！至於叉燒對比唔少地方好食，但可能我期望太大，覺得未如傳聞中出色，覺得唔夠香同燶邊🙈唔需要特登去食.▫️古井燒鵝＋叉燒 $58（7/10）估唔到燒鵝有啲驚喜，肉汁多而不帶酥味，層皮勁香不過如果脆啲就完美；而呢碗嘅叉燒瘦咗啲，同黯然銷魂飯嘅叉燒對比下更失色🫣.▫️凍奶茶 餐加$8唔錯幾好飲.

本身在附近返工，近來天氣太熱，想買啲飯後生果，於是提早少少出門去買生果再買LUNCH返公司，買完生果後見到有間舖名好特別既燒味餐廳，貪就腳就買個LUNCH返去食吧，見到佢招版既黯然消魂飯就叫左份，$58蚊價錢好合理，收銀阿姐笑容滿面，服務態度好好，返到公司打開後好驚喜，叉燒擺放整齊，雙蛋有燶邊兼流心，睇得出廚房好用心，咬落去叉燒好TENDER，味道剛好，肥瘦適中，米飯唔會太硬太軟，剛好，估唔到一盒叉蛋飯咁有驚喜。搞到我要上嚟寫食評

行到灣仔搵飯食，事先上openrice睇過附近有咩好食，見到呢間燒味舖幾多好評，就決定試吓，行去街市個邊就見到間舖。叉雞飯 4/5燒味飯黎講，半肥瘦叉燒好重要，今次我整翻個叉燒切雞飯，肉質幾好夠諗，同豉油汁既配合更好送飯。切雞要左雞胸，唔會太硬又唔會太老，入口仲有肉汁，幾好。地理:灣仔站行到既位置，唔算太遠，但近街市條路會污糟啲，行入舖頭都乾淨。環境:乾淨整潔，卡位闊落，坐得舒服。價錢:50蚊喺灣仔食飯算平，加上隔離呀樂呀活食燒味飯都已經要45蚊既時候，加多少少錢食好少少都完全接受到。服務:伙記做野爽手，友善對待。

是日5點收工! 同事約埋窮煮婦去食個Early Dinner聽講公司附近有間隱世燒味，難得灣仔區有人均雙位數字晚餐麻甩佬飯又岩晒窮煮婦，一於去試下先...竺扶大班燒味 灣仔區隱世燒味高手 價錢貼地用料上乘之所以話係隱世 係因為店鋪位置處於灣仔街市小巷內同事預先出發，但窮煮婦都迷失左一陣兜兜轉轉先搵到店鋪門面有幾盞大光燈打光，係街市中就顯得高貴樓面設計以米金色調為主，乾淨Sharp醒企理值得一讚係侍應哥哥們絕對不馬虎待客，極之有禮黯然銷魂鴛鴦飯 $58 店家招牌首創 叉燒入口即化初次光臨就一定係食店家最有自信既招牌啦由於窮煮婦係好怕食豬，怕豬騷味，所以一食就知質量!叉燒肥瘦均勻入口即化，肉質優良不帶騷味冰燒鳳凰雞肉質嫩滑，配埋特製辣汁，酸甜出色聽同事講叉燒係波蘭黑毛豬脢頭肉製成，窮煮婦絕對相信！鵝油撈粗 $10 跟餐加十蚊轉底 激推必轉鵝油既價值就人人都知，鵝油撈粗講就容易做就難出面其他店舖會做得乾柴打結，原因就係姑寒比得少鵝油竺扶既鵝油撈粗唔止超大份兼且係爽口彈牙食到落底依然係每條都沾滿油香超滑嫩!! 激推必試!!古井燒鵝+燒腩仔雙拼飯 $58燒鵝皮脆香甜，食得出係上過幾次糖絕不馬夫而

絕對係近期食過最好食嘅燒味舖！叉燒甘香肉汁滿滿燒鵝有果皮味味十分驚喜每一次食感覺都係即日出爐唔似其他好多都隔幾日夜經過附近第一時間選擇就係佢一條街有四間燒味舖質素相差咁遠其他都唔知點樣做得住

👦🏻好鐘意食燒味，尤其係叉燒、乳豬、燒腩仔、豉油雞，所以成日都想搵啲唔同嘅餐廳尋找最平靚正嘅燒味，👦🏻覺得搵到啦，搵到一間值得推薦俾大家嘅燒味店🤤間餐廳係灣仔，一入到去就見到同一般舊式燒味餐廳唔同，而係一間經過用心裝修既燒味店。用左金黃色做主調，感覺好舒服，咁就叫左黯然銷魂鴛鴦飯、燒鵝+乳豬+燒腩仔再加配鵝油撈粗全港首創嘅黯然銷魂鴛鴦飯就係用左波蘭黑豚肉嘅叉燒+冰燒鳳凰雞+煎雙蛋，入口軟淋嘅半肥瘦叉燒加煎蛋嘅蛋汁已經夠剎食，再加埋冰燒鳳凰雞就好似更上一層樓咁，點左秘制鳳凰辣汁嘅雞肉就更加帶出佢嘅美味😋燒鵝+乳豬+燒腩仔再加配鵝油撈粗係一個估佢唔到嘅配搭，可以追加做三拼嘅燒味本身可以配飯/粉麵，但係👦🏻經過店員嘅推薦試下鵝油撈粗之後就真係番唔到轉頭，鵝油嘅香氣配合甜味嘅醬油，粗麵嘅麵條吸曬每一滴嘅醬汁，再加埋皮脆肉嫩嘅燒鵝、乳豬同燒腩仔，真係可以下次再encore🤤仲有佢嘅中湯都好足料，飲完粉葛赤小豆湯之後好舒服😍評分：8.5 / 10

有時候好鍾意食茶餐廳食物，感覺好有香港嘅地道風味，有啲風味只有茶餐廳先食到，之前都食過灣仔呢間茶餐廳——🌟竺扶大班燒味🌟 @chukfotaipanrestaurant ，今次再去食😋點左佢哋招牌嘅燒味飯試吓💕仲想試埋佢哋嘅燒味😋茶餐廳環境都算寬敞，燈光光猛，店員都好nice👍🏻._.🐖｜黯然銷魂飯｜🐖之前就係食過佢哋呢度傳說中嘅黯然銷魂飯😆今次要再食多次😋佢呢度嘅黯然銷魂飯，裏面嘅叉燒的確好好食👍🏻肉質腍身夠入味，佢哋嘅叉燒係用咗波蘭黑豚肉，怪唔之得咁好食👍🏻·🐥｜豉油雞+燒腩仔瀨粉｜🔥豉油雞好入味，唔會太鹹，而且雞肉肉質好滑身，而燒腩仔就燒得皮脆肉嫩，配埋瀨粉食中和返燒腩仔嘅鹹味，味道好夾👍🏻·套餐+$6 仲有是日老火靚湯，一個星期七日唔同湯款式，今次我哋呢個係——蓮藕淡菜綠豆煲豬腱湯🐖老火湯夠味，而且碗湯都好足料㗎🤩._.@chukfotaipanrestaurant📍竺扶大班燒味 📍灣仔三角街2-3號華欣閣地下3號舖