竺扶大班燒味

营业中

休息中

餐廳：竺扶大班燒味地點：灣仔三角街菜式：港式燒味餐牌：大班燒味飯、燒味雙拼飯、斬料翻屋企、飲品上枱一次過，餸放係大大碗粉麵上面。至尊古井燒鵝+銷魂叉燒皇 $62銷魂叉燒皇大概有7件，唔會太肥或者瘦，都好淋。至尊古井燒鵝係燒鵝胸，平時要加錢，食落多汁。伴有菜心一開二。至尊古井燒鵝 $55至尊古井燒鵝有好大隻脾肉，皮脆肉多汁，非常唔錯。伴有菜心一開二。原隻玫瑰豉油雞脾 $63原隻玫瑰豉油雞脾一客七件切好，皮滑肉嫩好入味。伴有菜心一條。飯可轉上湯粗麵/瀨粉/米粉，唔洗加錢。瀨粉滑不留手，粗麵好似雲吞麵店既出品，好正！加有蔥花。晚飯時間前有好多人斬料或者外賣。餐廳裝修光猛乾淨衛生，枱面上面有紙巾。

这是本次香港之行的最后一晚，怎么能不吃一顿叉烧饭呀！这也是我的第一篇openrice评价。来香港之前，我心里还多多少少有点忐忑的。可是来了之后我发现，香港的朋友是很友善可爱的，我在旅途中遇到的每一位朋友都很nice，对待自己的工作很认真很专业。香港的食物也是有温度的，食材一看就是精心挑选过的，烹饪过程一定也非常用心（这在吃惯了预制菜的我来说真的是太难得啦），服务贴心有爱，总之这是我吃过的最好吃最满意的叉烧饭啦！另外还有一段小插曲，临走的时候不小心把手机落在了座位上，好几位服务员冲出来叫住我，好感动哇！老板可爱又温暖，还打趣我是不是爱上了她哈哈哈。超级满意的一次就餐体验，我爱这家叉烧饭，我爱香港，有机会还来！祝生意兴隆哦

竺扶大班燒味灣仔三角街2-3號華欣閣地下3號舖經開灣仔，老友推介地道燒味，食材新鮮高質，果然冇介紹錯。😽木瓜雪耳豬腱湯足料老火湯鮮甜滋潤，鹹度適中，配料豐富，星期一至星期七都唔同款式，好有heart。💖原隻至尊古井燒鵝脾古井燒鵝脾鵝油豐富，皮香肉滑，爽口彈牙，自家秘製陳皮醬醃製得恰到好處，香氣四溢，吃到中段，加酸梅醬提升層次，回味無窮，推薦！🤤黯然銷魂鴛鴦飯大廚嚴選半肥瘦叉燒，口感鬆軟，肉汁豐富，大醬燒肉汁甜度適中，開胃惹味。冰燒鳳凰雞口感煙韌，加鳳凰酸辣汁，效果更佳。油菜新鮮爽口，煎雙蛋即叫即製，蛋味濃郁，加適量醬油餸飯一流，必食！😍 竺扶大班燒味 環境舒適，食材新鮮夠地道，侍應服務態度好，還會再來！😎🤘🏻

之前睇米紙見過，今日行行吓街見到排晒長龍，唔執輸試吓。待應風格懷舊，友善唔造作。餐廳乾淨，唔係油立立。 ✦ 至尊古井燒鵝 + 銷魂叉燒王 HKD62 ✦燒鵝同叉燒嘅火喉控制好好。燒鵝皮脆肉滑，一啲都唔柴，亦唔會太肥，陳皮醬醃製復刻出古早味。叉燒望落雖然薄，食落有驚喜，有入口即溶嘅軟熟感。✦ 冰燒鳳凰雞飯 (無骨) HKD52 ✦ 個人比較喜歡呢味菜，起晒骨啖啖肉，唔肥、滑溜溜。味道香香甜甜，似嫩滑版蜜糖燒雞，加埋個秘製鳳凰辣汁又變成海南雞。 值得一題，個湯好有住家味，濃郁得嚟冇乜味精，湯料豐富。喺港島區食5、60蚊個燒味飯(下午茶仲要4、50 蚊搞得掂), 仲要有咁嘅質素，夫復何求 (*‘ v`*)

每次經過灣仔一燒味店都看到長長人龍，趁着週未前往一試至尊古井燒鵝用自家秘製陳皮醬醃製五斤半比雌鵝冰燒鳳凰雞配上菠蘿、紅黃椒、青檸及蒜蓉等獨特醬汁燒味餐廳主理人曾獲頒法國藍帶美食會會員勳章燒味雙拼搭配的主食有飯、粗麵、瀨粉、米粉、撈麵等，顧客可根據喜好選擇組合店內自設太空爐，每日新鮮出爐各款燒味，霹靂燒腩仔、金牌銷魂叉燒皇應有盡有大班玫瑰豉油雞按古法製作，味道甜身，做法講究老火靚湯味道清甜，真材實料，完全無加味精

呢間燒味餐廳的外賣價格比附近一般嘅燒味舖貴出一大截，但其食物質素與其高昂的價錢絕對唔成正比。買過幾款唔同的外賣，包括义燒，燒鴨及燒肉，只屬中規中矩。义燒的味道比較單調，只留在外層，且不夠入味；燒肉味道則偏鹹，燒鵝比較其他燒味做得出色，應該算係呢間餐廳嘅招牌菜。其實附近有好多更好的外賣燒咪檔選擇，例如灣仔道的老舖環球燒味，價格實惠之外，每樣食品的味道都做到恰到好處，燒肉更是一絕。而且又好禮貌，實屬外賣首選！

想再補充，呢間嘢嘅師傅真係刀工一流斬出嚟啲燒味已經細分㗎啦，仲要件件細細件雞同叉燒都薄嗰張紙，一係斬嗰啲剩係得舊骨連皮嘅位。已經唔係第一次中伏，真心唔明點解你哋貪方便要縱容呢間舖頭繼續可以喺呢個逆市環境底下生存。再喺唔喺度消費你哋自己決定。莫非師傅就係老細？你有佣分？斬多件叉燒要入你數？呢間嘢嘅做法，我會一直宣揚開去，比廣大市民睇到你哋營商手法係。希望你哋都可以公道收到呢個價錢俾返有質素嘅食物你嘅客人。

話說早半年已經寫過呢間嘅食評講佢嘅雙拼飯份量少貨不對辦。今次諗住俾多個機會佢，但係都係令我失望。價錢已經收得貴過人但係食物嘅份量真係出奇地少。雙拼嗌雞每次都係跟雞翼，將隻雞翼切到六七件咁樣，啲叉燒又係切到薄一搏一件分七件。令到你睇落好似好多件但係其實就係一世舊切好多件。真心希望呢間舖頭可以改善一下佢哋呢個份量唔老實嘅一面，一係就價錢調低啲。真心唔明點解仲有咁多人幫襯呢間咁嘅燒味舖。順便喺度為大家推薦一下過兩條街有一間叫楊明燒味，燒味雙拼都係$35味道其實都幾好份量由足仲要送可樂或者例湯。希望大家快啲醒覺唔好再支持呢啲無良商家。

因為係隔離做野所以冇得揀都會食下，我都知飲食業辛苦，都費事嘈，但今日個體驗真係好差。首先係外賣，門口好多蚊，旁邊就係公園咁冇辦法我就算，但等個外賣比蚊咬到腳都爛真係唔係咁好。咁你都可以講話做咩唔電話落單再去拎咁咪唔使等咁耐，但呢間嘢真係要當面講清楚佢張單先會啱，試過幾次拎到返去張單係啱，但係個盒係錯，又要好似食M記咁當場對吓啲嘢，中過幾次服就明。其次個外賣盒真係好細個，壓到飯同餸癡埋一舊，因為個外賣會有倒汗水，啲薑蓉同啲汁再同舊飯融為一體，好難食。食得外賣真係唔可以期望咁多。到堂食，聽嘢聽到一嚿嚿，就算落單嗰個冇錯斬料果個又斬錯，有時心情好就費事轉食咗佢算，其實可唔可以有一個統一嘅落單方式，你再唔係俾個客自己落，成日都聽到隔籬枱喺度嘈落錯單。今次我躁底嘅位就係，嗌咗個正價餐，你哋比少咗飯，將小汁當咗係小飯，然後我問有冇得比少少飯，你要收我12蚊，咁樣做會唔會太肉酸？

昨天晚上堂食佢個黯然銷魂飯，一上枱啲叉燒又薄又多肥膏（記唔睇圖片），之前食佢啲叉燒係又厚又淋（我懷疑同之前食嘅叉燒質量係完全唔同級數），我睇到立即叫服務員講返太多肥膏，個服務員仲同我講話我叫咗肥叉（肥係正常嘅類似呢啲說話），我心諗我咩都冇講過，嚟到新一碟嚟到雖然好過之前，但係都係太薄，好似食肉片，依家嘢越嚟越差，真心幫襯唔落，好似換過一批新嘅差嘅叉燒返嚟，平時環境差，逼你搭枱，趕你走都算，一開始食啲叉燒好食到唔停到口，不停推薦畀人，而家連啲叉燒都差過大家樂，忍無可忍先上嚟俾個負評你呢間餐廳

$125 雙拼 得咁少，目測夾埋都無半斤 😅... 一打開外賣盒，見到份量少到咁，即走番店舖問老闆點解得咁少。老闆話“雙拼係例牌嘅份量”。又話 “如果想足砰，我地通常建議客人買單拼半斤。” 咁講即係買雙拼係唔足砰啦！ 😡真係勁嬲，無試過唔足份量，仲大條道理話自己無問題。Blacklisted永不幫襯！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

之前幫襯過好多次都覺得叉燒好好食，今晚要OT到11點好夜 ，諗住食個好食嘅叉燒飯，於是大概七點嗌咗兩個外賣黯然銷魂飯，叫咗半肥瘦，一打開個盒嚇一跳！出到嚟兩盒飯嘅叉燒全部都勁乾勁嚡 ，同煲湯瘦肉完全冇分別！其實冇肥位唔緊要，本身肉質係深色爽口嗰啲位都冇問題，但係就係唔係，又硬又乾。極度失望！唔通外賣客就唔重要？定係夜晚賣剩啲唔靚嘅位？如果係的話就唔好打開門做生意！希望可以改善一下！否則真係以後都唔洗幫襯！

乳豬燒鵝飯 $88 （+8 轉胸）燒肉飯 $54 （+$5 凍檸茶）- - - - -燒鵝色澤比較黑，咬落肉嫩多汁，皮脆香而不膩，皮下亦唔見有太多脂肪! 比起好多附近一帶出名嘅燒鵝專門店更加出色👍- - - - -乳豬幾好，皮非常脆口，肥瘦比例適中，點甜醬一流。燒味汁唔硬，亦唔太咸。我朋友就叫左份燒肉飯，佢話非常正喎！凍檸茶就… 叫左少冰但仍然好多冰🙈 - - - - -地方雖然細，閒日生意非常好，姐姐們仍然保持友善，入坐亦放低杯熱水俾我地洗餐具，幾體貼。一定再來！

灣仔區有好多出名食燒鵝嘅食店，對我嚟講論品質，價錢，呢間店嘅燒鵝都算食得過。之前買過外買返屋企食， 隔咗一段時間， 鵝皮都keep 到脆， 鵝肉香，嫰， 皮下脂肪唔會太多，調味相當入味。當然堂食味道會更好。某天下午茶時段經過， 見唔太多人排隊，叫咗碗燒鵝乳豬飯堂食。 上到枱時見到係鵝脾位相當開心， 鵝還是暖，皮脆，肉相當嫩, 鵝汁充滿口內, 美味。 至於乳豬， 皮是鬆化，但可能放耐咗關係， 帶點淋唔太脆卜卜。相比起燒鵝有點失色。離開前更買了半隻切雞外賣回家加餸。雞肉非常嫩滑， 但雞肉欠彈性。 味道一般。

呢間其實多人幫襯都有原因嘅，食左灣仔咁多間燒味店，呢間嘅味道又真係幾好，食物係OK！可惜最大問題係佢食物嘅份量好似好貨不對辦。嗌個燒味雙拼飯，雞拼燒鵝，幫襯佢10次有九次雞係會比雞翼（純粹個人體驗，但冇理由咁q嫁麻係咪？），仲唔係雞全翼，份量少得出奇之餘，唔知係咪想掩人耳目好似做到俾足份量你咁，會將一隻細細嘅雞翼切開6-7件拼埋去，睇落似有好多肉咁，覺得有啲搵笨。轉雞髀加錢我就明啫，一個好啲嘅部位，價錢先食到都應該，但唔代表唔加錢我冇機會抽到雞髀㗎嘛。唔講雞髀，咁雞翼呢？如果次次雙拼都係拼雞翼，咁不如你叫單拼雞翼飯，默認配雞翼，咁就合理啲，價錢又可以平番啲。六十零蚊一個中午飯，俾隻雞翼你嚟唔嚟譜。至於燒鵝，又係俾啲奇怪位，永遠都係會切到啲得浸皮黐住個殼嘅部位，真係想搵多舊肉都難。食完非常之唔飽，感覺只係食咗陣燒鵝皮同埋一隻雞翼嘅燒味雙拼飯。接住落嚟當然就係要講吓服務態度啦，一如既往多人幫襯嘅舖頭永遠都係好似唔休做咁，啲夥計係唔會理你，亦都唔需要態度好。（純粹個人感受）十問九唔應，感覺非常之冇禮貌。今時今日咁嘅服務態度係唔得㗎。不過冇計，可能知道多人幫襯，都唔使點理你。但你唔好忘記，疫情