第五街冰室 (京瑞廣場) (已結業)

位於沙田區石門京瑞一，二期好多餐廳，中，日，西餐都有，今日去左第五街冰室，個名夠哂懷舊，入到去都幾大，岩岩趕到lunch hour前，所以大把位，未到12點就去到，早餐7:00-11:30，下午茶14:30-18:00。我呢個雞脾餐，雞脾大少適中，味道普通，牛油蒜香厚多士，公仔麵湯底好清，好像啖啖的雞湯味！到12點左右開始人多，好快就坐滿，不過出餐快，趕時間的就岩曬啦

垃圾服務！絕對係貼錢買難受！明明係下午茶時間都已經冇乜客人，唔緊要我哋都入去試吓！點知真係瀨咗嘢！落單嘅時候，男侍應已經非常之唔耐煩，好似想開拖咁。唔緊要，到谷住成肚氣食嘢。食完野想坐低同朋友傾一陣計，男侍應對住我哋勁黑面！唔明點解明明冇客喺度，我哋都好唔受歡迎咁！本身無需要時應服侍我哋，都要睇佢哋面頭食嘢！老闆點解要請呢啲咁嘅員工， 幫自己倒米！呢啲員工請一個都嫌多！分分鐘教壞埋其他同事！總括嚟講，想嘗試地獄般的服務，可以試試呢一間！

我最喜歡周圍搵早餐食，之前在石門都試過兩三間，輪到今次去試第五街冰室，裝橫坐得舒服，枱與枱之間都不會感到壓逼感。懷舊早餐，怎樣懷舊？找不到早餐款式的懷舊點。我點了經典金牌早餐：素鮑片火腿絲米粉， 腸仔太陽蛋+牛油餐包，齋啡 = $32素鮑片火腿絲米粉: 有三片足味的素鮑片，有少許火腿絲，米粉煮得剛剛好，不會因為煮不夠時間而硬，整體上，材料是合格，可惜的是湯底 ~ 無味！有如清水一樣。腸仔太陽蛋+牛油餐包： 腸仔不用多說，普通煎腸仔，正常太陽蛋，如果放好些，賣相會好看點！可以讚的是牛油餐包，很軟棉和新鮮，不似隔夜麵包，還附有大大舊牛油夾在餐包中。 齋啡：普通過不普通，入口有輕微咖啡味，沒有苦澀味，很純的普通咖啡，除了從入口中知道它是咖啡外，聞不到咖啡香喔！！食後感：如果有得揀，不會再考慮這間的早餐！

晚餐時間....不是很多人.......................位置也不算開揚...............有這款朱古力奶.......不錯.........另一番味道..................點了海南雞飯...............跟餐有菜........但.......菜價很貴嗎..........？只有數條.....................點了晚餐.....前菜有煙三文魚沙律.........肉眼扒.........................普通

今日同朋友吹開水，講開係邊翻工，發現原來朋友住得好近我依頭。 當然立即約左佢係附近食個Lunch中午十二點，個太陽勁曬，我地求其簡左間茶餐廳食飯。 依間餐廳叫第五街，唔知個名既由來啦，但入面都幾full下。 餐牌上有午餐lunch set ，但就得A,B餐。 咁我就同朋友一人一款啦，叫左個白汁焗牛莉意粉 。個餐55蚊，有湯同野飲。個味道就淡左d適合唔中意太重味既我。可惜，汁就少左d,食到最後有d乾。 個牛莉都幾大塊同夠琳。 整體黎講都不錯 不過服務有代改善。

夜收工，9點入座，成間餐廳嘈過酒樓點左個晚餐，有煙三文魚沙律+餐湯，白汁煙肉蜆肉意粉，餐茶沙律上到嚟，半隻碟都係水 沙律涼菜未乾水就上碟餐湯得返中湯/紅湯，要紅湯，比個中式飯碗我裝 西湯嚟㗎，比個西餐碗我唔好咁hea啦意粉上場，唯一可取係幾香忌廉味，意粉炒到斷晒，又淋，最離譜係成碟野冇落鹽 唯有一路食一路落幾粒餐桌鹽，原本以為係咪因為煙肉好咸，所以佢唔落鹽，第二啖試下煙肉，好似煲過湯冇晒味咁囉成餐咁既劣食仲要$80收銀大媽仲好笑，找錢唔係放櫃臺，係好似隻手伸唔直咁要你自己伸手去佢面前攞返找錢

呢邊新起左商場，多左好多餐廳，決意唔食連鎖店，就黎到呢間第五街冰室。餐廳外表唔係咁突出，但入到裏邊覺得都舒服闊落，野食都唔少選擇。第一次試手勢我揀左茶記冰室最興既快餐焗飯。快餐(午市套餐)跟湯跟茶，伊家黎講反而少見，伊家多數係是但一樣。要紅湯(有紅、白、同明火例湯)湯係小碗既湯，紅湯有適當辣度，不錯！焗飯有驚喜！用料有誠意，牛脷大塊仲要四塊，好多呢，飯係炒飯底，原本炒得乾身算粒粒分明，(佢有得揀意粉)，滿意揀左跟飯！芝士白菌個汁因為配左乾身既飯，唔會覺得過多汁膩身。檸茶茶味夠，唔苦，檸檬都唔苦，畀足四片，滿意！以48蚊黎講係很不錯的選擇。推介焗類。另外見炒類都好似幾夠鑊氣。

自從京瑞一二期落成，近一年食市相繼開幕。中、西、日、韓菜應有盡有。跟從前只有工廠大廈內的茶記，相錯很遠。雖然價錢貴少少但食物質數，環境及衛生都有改善。當中第五街茶餐廳是最常光顧的！午餐時間－般要等位，就知受歡迎程度。午餐$48, 以區內茶記比，價錢中上但午餐連例湯（中丶 羅宋或忌廉湯) 加熱飲。午餐通常選擇有西式，焗飯，中式及炒飯／麵。今天點了紅酒牛尾繪飯加羅宋湯和熱飲羅宋湯是必點，真材實料，絕對不是例水貨色。冬天先來碗熱湯才食飯，暖胃又開胃主菜牛尾炆得入味，肉質軟滑不硬紅酒汁能多點送飯就更好

係沙田開餐，見呢間餐廳正正常常，應該不會出事。中午好多學生食，應該是價錢正常。午餐有5個餐，送湯送熱飲。點解叫「懷舊午餐」？個名改得有d奇怪，明明裝修都新式，食物又是正路野，係要叫「冰室」、「懷舊午餐」，令人摸不著頭腦。我點E泰式扎肉炒飯。送熱檸檬茶同中湯。大大碟，一定食得飽，有蛋碎、扎肉同菜絲，料就唔多，飯多過料。味道不會太鹹太甜，午餐通常我都不會期望餐廳有什麼驚喜表現，最精彩的通常係晚餐。食得飽就算既啦，價錢又不算貴，ok。

石門呢頭不嬲都係美食荒漠，最近都要去到第一城先有野食。但呢頭工廈林立，屋苑又多，又有酒店，仲有幾個水上活動中心同足球中心。咁多客冇理由唔做生意。終於美食廣場開幕，勁多餐廳開檔。但多數大集團貴味野，所以今日就揀左呢間「午餐48蚊有湯有茶」既店子。唔講咁多，去相！塊雞扒成隻碟咁大，足料，汁有磨菇洋蔥，絕對有心，唔係果d煮一大鍋稀都似水果種。意粉就差少少淋左d，都算正常茶記出品。另一味！呢個勁，$48蚊咁大塊牛扒？仲唔抵食？可惜好硬身同有根，如果唔講口感純吸收蛋白質既話，不二之選。整體來說，$48蚊咁大碟好抵食，但心中要有預算一分錢 一分貨！

石門原來開了很多餐廳，是日到第五街冰室吃午餐，餐廳裝潢特別而且乾淨，看似是開了不久的樣子！點了午餐「馬拉盞海鮮炒飯」，飯很多，料很少，只有少許配料，而且味道是淡淡的，基本上只吃到飯的味道，沒什麼馬拉盞的味道但羅宋湯味道可以，有濃濃的番茄味。奶茶也是一般，只有茶味，沒有奶味。實在有點兒失望！

今次試了另一間茶餐廳。舊時冰室賣凍飲、雪糕為主，現在的冰室等同於茶餐廳。午市時段，人滿為患。餐廳走懷舊風，但裝修上又不甘落後，加些舊美國街頭風。餐廳設5個常餐，菜式無驚喜，但價錢也合理，48元包湯和熱飲，凍飲加3元。不喜歡吃飯，也有公仔麵選擇。客家炆腩仔我點了一客客家炆腩仔，配羅宋湯。羅宋湯一般，不見突出。份量很多，五花腩肥的部分很軟，瘦肉可以煮得再軟些，火候仍未夠。酸菜是我最愛，酸酸的，很開胃。但整體來說，味道只是一般。黑椒牛扒飯同事說不錯。干炒黑椒意粉賣相一般。由於附近同價位的餐廳選擇很多，所以相對之下，這家餐廳在味道上比較失色。

石門京瑞廣場二期開左間冰室，又可以試新野lunch行過去， 遠處已經見到門口幾多人等位，點知埋到去拎飛，又唔係要等好多張台等左唔駛10 min 就有位，都ok la! 餐廳環境乾淨，位與位之間就迫左啲，如果多人既話有卡位，會坐得舒服啲！ 今次試左個「馬來咖哩雞飯」，有濃濃既椰汁味，好甜， 但咖哩汁一啲都唔辣，同我想像中既咖哩有出入！ 雞件好大舊，但肉唔多，同埋啲肉好實午餐有湯有野飲，個羅宋湯幾好飲，唔會好水！

石門食肆如雨後春筍, 今次去比較遠的角落, 第二期路邊位, 在無宣傳無廣告牌下都幾難搵...同溫文儒雅的靚家姐Shopping完共晉晚餐, 順便hea下傾下計, 店員窩心地offer卡位, 仲推介食物, SET DINNER有湯/前菜/主菜/飲品, 70-80, 好抵!

早幾日呀媽話佢啲炒野幾好食，話說今日休息，咁就去試下呢間新開既餐廳啦😊 入到去好有附近其中一間餐廳既感覺，舊式工廠feel🤔 坐位都幾舒服👍🏽 睇完餐牌叫左個涼瓜班腩炒河，真係幾好食😃 涼瓜唔苦，又夠熱，係班腩有啲雪味姐☹️ 友人叫左咖哩牛腩飯，牛腩好硬，唔夠腍😟 不過都冇咩緊要，可能因為早得濟去食，未煮得好姐。 咁我地食完野，杯野又未飲完，緊係想坐多陣吹水同涼冷氣😆 見到出面等位既都係6位，而我地坐緊4人位，咁坐多陣唔過份呀🤔 而且有位，好多人食完都走。店員見我地食完都好合理咁收走我地枱面既野🙂 但過多兩分鐘到，另一店員又黎收枱面啲野，勁快收曬我地啲水，但其實我地杯野飲都未飲完而且想飲水😞 之後，佢地每一分鐘輪流都走過黎停係到望，擺明趕人走想翻多轉枱。我明白既，但我想講既係我地杯野都係未飲完，而且出面冇人等位囉🙄 洗咩咁心急呀😤 本身其實想讚下間餐廳既，但最後真係唔係好愉快😡