築地‧山貴水產市場 (已結業)

同男友去過日本後就愛上左，成日都好想再去，男友尊程帶我嚟呢度止下引先。灣仔碼頭二樓嘅呢間高質素日本餐廳，風景同環境服務都一流。價錢中價，食物質素高，點了兩個飯。呢個鰻魚丼都吾貴，$108，鰻魚份量都好多，鰻魚入口好肥美，而且甜度適中，醬汁都足夠，飯好軟綿，一口熱熱嘅飯再一口鰻魚，好正，啖啖肉鰻魚最正。再嚟呢個仲平，先$68就有龍蝦海鮮泡飯，呢個我覺得最近天氣涼涼地食好岩，原本呢個價諗住只係龍蝦湯底，點知上碟真係有龍蝦，超值，好味道，龍蝦肉質新鮮結實彈牙，而且湯底清甜，食落好舒暖粒粒，佢地服務仲好好，一定再嚟，情侶拍拖嚟最岩。

數個月前帶兩老去東京旅行，其中一個景點當然少不了遊築地，仲邊逛邊食，站站立食竟然對兩老無難度，厲害！只安排了一個早上的時間，真的不足夠，本應想再加插多半天，但行程緊密，最終告吹⋯⋯回港後，老爸常常提起築地，看來他很....當然既無時間又無錢再飛轉日本，咁不如帶他去香港築地，看看他又會否樂而忘返，哈！單單門面的設計已經很有feel, 一大幅日式布簾高高掛, 垂掛着幾個閃亮亮的大燈泡, 在寧靜昏暗的碼頭中特別耀眼。走進內裏, 先看看牆上的版圖, 清楚畫出整個場地各個位置。除了有主力三大食肆外, 還有零售部、外賣食物部、龍蝦食品部、梅酒區、冰鎮海鮮區等等, 選擇都不少。講返主力三大食肆, 分別有海鮮丼、浜燒和立食刺身壽司, 而今晚就揀了立食刺身壽司。雖說時立食, 其實都有得坐, 只是全部高枱高櫈, 設有壽司吧枱、多張四至八人枱, 還有一排對着碼頭美景的單人枱。能對着美景吃美食, 當然是最佳位置, 就坐這裏吧!枱上已放有木筷、紙巾、牙韱、醬汁、餐簿和點餐紙, 都算齊備。翻開餐簿, 每版都附有相片, 還有鮪魚的解體圖, 設計精美。主打食品是刺身和壽司, 還有凍海鮮、生蠔、小菜, 另外還可走到大水

結婚周年，我地去食好野，吾係西餐係食日本野，去左開業咁耐都一直想去嘅灣仔碼頭，築地山貴水產市場。去到真係地方又大又靚，直落玻璃望住個海，浪漫丫。先嚟點了刺身，築地時日精選刺身盛，海鮮好新鮮，有係日本食魚生嘅感覺，好正，個刺身盛有海膽大蝦拖羅等等五款咁多，拖羅最正，入口即溶，諗起都回味。仲點了壽司盛set a，入面有大吞拿魚腩，中吞拿魚腩，赤身，炙燒吞拿魚腩，香䓤吞拿魚腩蓉軍艦，全部都好正丫，新鮮甜美，非常滋味。最後想食下燒和，點了燒秋刀魚，佢都燒得好好，上面仲熱，皮燒得脆嘅，香口，同埋都好大隻，飲住野，望住靚景，食住條魚一流享受。

自從香港開了築地市場，一直很想試卻沒機會，今天工作不算忙，可以提早收工，便與他去吃晚飯~我們乘地鐵到灣仔站走路到來，途中才想起為什麼不到尖沙咀乘小輪呢，築地市場正正就位於灣仔渡海小輪碼頭，一下船就是，極方便~所以我們決定吃飽後乘小輪到尖沙咀再轉車回家~雖然人在香港，但有點感覺在外地，又令人想起台灣的上引水產~就即管幻想起下當自己在旅行吧~經過零售區，是數間開放式餐廳，一家是浜燒，一家是吃丼的，最盡頭一間是吃刺身壽司的~最後這間環境最好，三面環海的景觀，邊品嚐海產邊欣賞維港景色，我們選了這一間~看看餐牌，價錢竟然不貴，這樣的景觀配這價錢，性價比相當高~山貴刺身盛 $238大吞拿魚腩 $148深海池魚 $88大拖羅三片厚切也只是$148，完全是心動價吧~油脂豐富魚味亦濃，算是很ok~帶子，size大，肉身肥厚，味道鮮甜~海膽，入口甘甜不鯹~深海池魚，肉與爽口，鮮美~吞拿魚盛 $148大拖羅，中拖羅，赤身，火炙赤身，魚蓉軍艦，5款各一件~是不是好便宜！！圖後兩款是$88的壽司set，也是一客5件，相當抵食~超肥美的大吞拿魚腩，呈嫩粉紅色，佈滿美麗的雪花紋路~少女色系，入口即溶，女生抗拒不了~

到食lunch 時間，今日決定去遠啲，行到灣仔碼頭試下築地市場嘅水產除左餐廳之外，外面嘅水產市場都幾好行，地方好闊落。我地大約12:20到，場內唔算好多人，如果唔係怕曬都可以坐到海景枱我地坐低之後就叫咗特上壽司（$138)，大約要等10分鐘（上壽司就快啲，價錢係$88）壽司雖然得10件，但算大件，而且全部都好鮮味加配嘅烏冬好軟滑彈牙，配料好多，正！野飲可以揀培茶或者綠茶，但只係得一杯，冇得refill (refill要加8蚊）同事叫咗沙律加味增湯，如果想飽啲就叫烏冬比較好。

已經有一段時間無黎過灣仔築地, 今次再黎發現已經唔使「立食」, 因為餐廳已經安排左櫈, 等食客可以舒舒服服坐底食, 讚!難得再黎, 我地忍唔住點左好多野食!首先叫左個海鮮併盤。併盤有生蠔, 海膽, 鮑魚, 帶子, 蝦, 赤貝等等, 有個大碟冰陣上場, 好有氣勢! 帶子並唔係刺身, 有少少煮過, 帶出佢既鮮甜味。生蠔海水味濃, 蠔肉creamy。最好味係赤貝同鮑魚, 非常鮮甜爽口, 一d都唔腥。之後點左一個吞拿魚壽司併盤同Set D既雜錦壽司併盤。其實我麻麻地吞拿魚, 因為唔夠油香的話, 吞拿魚肉好容易落入梅爛既質感。但依個吞拿魚壽司真係好高質, 有入口即溶既感覺! 對上一次食到依種感覺既吞拿魚腩, 已經係過千元既師傅發板。今日竟然係依個$2xx既壽司併盤搵返依個享受, 抵!另外一個壽司併盤, $88黎講質素唔錯, 海膽尚算新鮮, 三文魚子粒粒飽滿。另外再點左兩款熱食, 燒茄子同串燒併盤。茄子夠油夠調味, 好惹味。串燒就淡味左少少。差d唔記得仲點左份三文魚腩刺身, 係全晚最高cp值! $56有五片超肥美!其實灣仔築地除左野食新鮮, 其實食個維港景都抵返晒

出去香港島行開書展早排睇開雜誌介紹話香港灣仔碼頭轉行唔賣水餃，話賣刺身啊！命名為香港築地市場，難得經過就緊係去試下啦一入到去都係超級市場的感覺，入面有幾間餐廳，我就選左間立食 （即係企係到食）的餐廳專賣 龍蝦包有分原隻的龍蝦包（$168) 同半隻龍蝦包（$118)賣我都係試下味的姐，抵食就講唔算，但啖啖肉的都要試下的食落口感彈牙，尚算新鮮，但以$118的價錢再加埋環境，呢個價錢就真係風劍由人難得黎到，就試多個包 墨汁海膽包 海膽$68的價錢 沒腥味，但講唔算話好味囉，抵唔抵食呢，說真係麻麻，我都唔算係個海膽愛好者，不過如果大家中意食的，就可能會有少少失望的，可能我對海膽的期待太高。總結以言，如果大家係中意體驗下香港築地市場的氣氛，係可以一試的，但好好食呢就講唔上啦。暫時未去到日本的您，都可以叫做解思鄉之情的。

呢間築地山貴水產開業既時間勁多人勁排隊，一直都無機會試，熱潮減退之後已經唔洗等位，今晚就同左一樣中意食日本野既朋友黎試下！原來而家已經唔洗立食，有bar枱位坐，望住個維港景幾唔錯。我地揀左壽司枱區，點左一個吞拿魚盛同$88壽司set, 價錢都唔算貴。另外點左seafood platter，呢個platter好吸引！生蠔同海膽都好鮮甜，仲有燒帶子，鮑魚，青口同大蝦，整體海鮮都新鮮爽口。之後呢份三文魚腩刺身好肥美，$56都幾抵食。最期待既壽司set黎喇，吞拿魚腩真係入口即溶，赤身都軟熟好味，不過Vi最中意都係海膽軍艦，好甜好正，呢度最有趣係用豉油掃而無豉油碟，感覺有d唔方便xd 最後點左2款熟食，芝士燒茄子比想像中好食，而串燒拼盤就不過不失。整體呢度個view同環境都唔錯，仲有海鮮丼區今次無食到，另外出面仲有得買新鮮海產同日本水果、外賣壽司咁，價錢就一分錢 一分貨，食材就真係新鮮既xdxd

日本嘅築地傳統上係批發活海鮮嘅市場， 今時今日， 除咗有得買生猛嘅海鮮之外， 裏面仲開咗形形式式嘅日本食店。呢個位於灣仔碼頭嘅《 築地。山貴水產市場》， 開業冇幾耐， 座擁維多利亞港嘅美景， 裏面除咗有各款新鮮嘅水產賣之外， 亦開設咗唔同嘅餐飲區域，有立食壽司， 海鮮吧， 即埔浜燒， 龍蝦包， 品味梅酒， 同海鮮丼飯區域， 令人有如置身於微型日本築地嘅感覺。逢星期二、五、六嘅六點半至七點，仲會有鮪魚解體表演， 可以近距離欣賞到師傅精湛嘅刀功， 亦可以聽到師傅細緻解釋吞拿魚嘅部位， 可謂一舉兩得。今次好好彩， 可以撞到呢個鮪魚解體表演，鮪魚即係我哋熟悉嘅吞拿魚， 平時最出名嘅就係肥美嘅拖羅。 日藉師傅刀法如神， 三兩下功夫， 就能夠將體積有半個人咁大嘅吞拿魚解體， 當表演完畢後， 觀眾仲可以即場買最新鮮嘅吞拿魚刺身添。今晚同朋友就選擇咗海鮮bar嘅區域， 一來可以品嚐一下汽酒同生蠔，二來响海鮮bar區域可以將維多利亞港嘅夜色一覽無遺。 一坐低， 就梗係先叫番個生蠔汽酒套餐啦， 由於我哋已經過咗七點鐘， 無法享用free flow生蠔， 不過都可以享用$160， 6隻生蠔加一杯汽酒嘅set

記得上次去東京，築地市場係其中之一嘅行程，但就係因為我倆係遲起族，所以没有完成到呢個行程，短期內唯有喺香港灣仔碼頭完成呢個心願。餐廳就位於碼頭二樓，門外裝潢都幾有風味。築地內分成四個部份嘅餐廳天婦羅，浜燒，丼同壽司，刺身同一段展示購物區購物區有日式零食，酒，刺身，壽司外賣，限量紀念版飲品同擺設山貴，我們就選擇左壽司，刺身餐廳，原來價錢都純普通，原本唸住好貴，5件壽司餐有$88-$148，$148係5件都係高質呑拿，包括有大拖羅赤貝，帆立貝金線鯛，金目鯛近距離對住維港夜境，如果加埋煙花匯演，氣氛一定更浪漫(但有煙花都唔到我book)壽司來了金目鯛，係其中一次食浜燒個師傅教我食，味甜，有咬口，一層紅皮，飯團口感微乾呑拿魚壽司拼，最值得欣賞就當然係大拖羅，油脂滿滿，入口即溶，魚香爆燈，但真係一件起倆件止，因為油份真係太豐富刺身，當中有深海池魚都係女皇其中愛好嘅魚最後搭天星小輪去尖沙咀，欣賞埋真空嘅海境，讓今晚嘅晚飯有個完美結束

喺門口見到餐廳洞住個牌寫住七點鐘有劏吞拿魚睇，對一對錶時為七點零二分，真係約定都無咁啱啊，咁就相請不如偶遇，即刻九衝入去開吓眼界先。一入到去已經有為數二三十人圍住個日本師傅，師傅用日文解說劏魚嘅步驟同埋重點，旁邊有一個啲動靜有少少似55555家謙嘅香港師傅作出簡單同埋部分嘅翻譯，佢哋兩個一個用日文一個用廣東話一唱一和，彷彿沒有語言疆界以及障礙；三扒兩撥條魚就俾佢解咗體，日本師傅即席切開十份八份魚生刺生，俾食客即席購買，剩低嘅就抬俾後面三幾個同事繼續作出肉類分割，欣賞完劏魚之後仲會有鮮活龍蝦即席拍賣，由十蚊開始起跳，目測一隻喺街市大約賣百六蚊嘅龍蝦最終成交價都只不過係八十蚊，雖然只限堂食，不過都已經認真超值。睇完劏魚行入餐廳，餐廳樓底極高，目測都有十零二十米，一共分開幾個區域，有專食燒物嘅區域，有專食丼飯嘅區域，有專食生蠔海鮮刺身等等嘅區域，亦都有專飲梅酒嘅區域，我哋今日係衝住新鮮嘅海鮮而嚟嘅，所以我哋揀咗專食海鮮刺身嘅區域坐低。我哋被安排咗坐喺對住海景嘅一列吧檯，雖則唔係話居高臨下，但係對住我哋香港嘅無敵夜景嚟食飯都經已爽歪歪。生蠔依家做緊 promotion，舊零水就有半打法國嘅時令

踏入秋冬原來是秋刀魚最肥美的時節，由於需在秋天捕捉，其閃閃發亮加上修長如刀型態而得名。不用飛去日本就可參予這場【秋刀魚祭典】，Let's Go !!餐廳內展示了不同秋刀魚祭的宣傳品，看見都已經食指大動了!說好的「五重滋味享受」是指有5 種不同食法 : 刺身、天扶良、鹽燒、一夜干及刺身丼。可以一次過由外到內、由肉到骨、由生到熟，完完全全嗜盡秋刀魚的魚香滋味!  秋刀魚刺身 ($108)初次品嚐秋刀魚刺身，十分期待呀! 肥滋滋的秋刀魚閃著油光，讓人不禁口水直流!師傅更以巧手將所有細骨拆走，可以放心大啖大啖地吃吖!  刺身入口油脂豐富，肉質嫩滑鮮美!  配上薑茸、蔥花醬油及山葵末，更能突出其甘甜。必試! 秋刀魚天扶良 ($108) 這秋刀魚天扶良，亦是驚喜滿分之作!由原條秋刀魚製作天扶良驟眼看是普通炸物，但已包含 3 層滋味食法，殊不簡單!包括 : 酥炸原條秋刀魚魚骨、金黃秋刀魚塊天扶良及加入紫蘇葉和梅子醬魚肉天扶良，真是絕對不會浪費!平日吃秋刀魚十分怕那些幼細魚骨，而酥炸原條秋刀魚魚骨絕對可以消除這憂慮!炸成色澤金黃魚骨十分鬆脆可口，用以佐酒是十分匹配!另外，用紫蘇葉和梅子醬包著魚肉炸成的

環境唔錯，景觀也是賣點，原本第一印像都好好。好可惜，一切從落order 後發生了變化。我點了份午餐set：有十件壽司、一碗烏冬、一杯綠茶。Order後見有迎新優惠，就追加了份三文魚刺身（免費），5分鐘後送來了烏冬同三文魚刺身，這刻一切都正正常常。30分鐘過了，我見壽司仲未嚟，我追職員，他說幫我睇睇（之後冇翻過嚟），再追另一職員（回復說整緊），又5分鐘過了，我問職員我份壽司得未，連我杯綠茶都仲未上。好喇，今次好快送來了綠茶，但壽司仍未到。本來都唔係太嬲，但我見隔離有個女仔坐低冇耐，職員好快送嚟了烏冬同綠茶。再唔夠5分鐘送嚟了同樣十件壽司。個刻我又揾職員追我份壽司究竟可以上未，他先答我之前落order 部機出了問題。我話我都追咗你好幾次，等成40幾分鐘，遲過我嚟嘅都吃緊啦。職員雖有同我講對唔住，但我餐飯等得太耐，好印象變成零。味道再好也吃不出滋味⋯⋯

今次是第二次到呢間日本餐廳食飯，上次是中午時段黎食見到個海景 view 幾靚，所以今日晚餐就決定黎嘗試下同欣賞下香港的夜景😎。今次黎到唔算多人，之後有位侍應就告訴我，今日係秋刀魚節，仲好新鮮，好適合食魚生。。我諗平時食秋都刀魚都是煮熟的，今次係食魚生，感覺幾特別又未試過，所以就決定點這個。新鮮秋刀魚湯當然係第一道菜，一黎到個湯是熱騰騰，有小小香味，再慢慢飲落去，有魚的鮮味，也有小小青菜，不像平時飲的魚湯，有魚腥味。之後就上主菜 - 生秋刀魚丼， 天婦羅魚骨還會一齊放入碗內，感覺幾特別，平時魚生係不會連骨上的🤣🤣🤣。因為今次第一次食秋刀魚生，而每件都是細細件，好精緻，平時不喜歡食魚生飯的我，試食第一啖，感覺不像平時食三文魚或吞拿魚咁流，口感是滑滑，冇咩油脂，還有連魚皮一齊食，味道不錯，好好食的。。可以推介朋友去試食的。😎

There's nothing more chilling than having a nice dinner in a restaurant that's situated right next to the harbour! We took a ferry from Tsim Sha Tsui to Wan Chai and found this really nice Japanese restaurant right above the pier.Walking into the restaurant, we found that it was actually divided into different zones, each with their own specialty of food and overall there are a very wide variety of options!We went inside zone A, which looked like an area mainly with sashimi and sushi. There were