築地GINDACO (已結業)

!完全!!唔抵食40蚊一舟,佢地咁鐘意燒定d小丸子喺度食落唔熱,食得冇隱之餘仲覺得好唔抵食,小丸子一口咬落去勁粉好似唔熟咁,啲店員一有客就全店大叫＊也～沙～媽～些＊好鬼嘈，驚死啲客人唔入嚟咁,我想我以後都冇諗過再幫襯啦｛好失望｝！

食過好幾次..的確好味..雖然較隔兩條街既章魚小丸子一倍..但都係築地好味D架....每粒都係外脆內軟..大大粒墨魚..加埋D蛋黃醬超正..仲有D木魚..簡直一絕..超正!同場既抹茶先好味呀..無論係原味, 豆奶味, 銀冰樂..都一樣凍冰冰..唔太甜..又有綠茶味..超正..

繁忙的星期日, 來了這裡食個下午茶. 好一排沒來, 人龍不見了, 當然, 這是香港特色. 有那間長龍店的龍能夠保持?下雨天在街頭直立式進食.大舟套餐: 7分, 八爪魚丸仍然熱辣辣, 外面的皮脆卜卜, 但入面的八爪魚味道好像差了點, 亦有點韌. 凍綠茶冰凍的, 很解渴.服務很差. 根據它們的新做法, 沙律醬另上. 我已清楚表明要沙律醬, 但店員忘記了. 當我再回櫃面要求沙律醬, 那店員竟說已給了我, 並不聽我告訴她其實漏放了. 要再三要求才勉強給我一包沙律醬. 沒有任何歉意.一包沙律醬, 好貴嗎?

記得第一次食築地小丸子，排哂隊咁，但係有朋友介紹話咁好食，咪排下隊囉，食落真係覺得好正，夠熱、味道夠濃、醬汁夠香，果真皮脆餡靚，好味，尤其最鐘意佢地既蛋黃醬，撈埋離食勁正。但後來唔知點解，佢地咁鐘意燒定d小丸子喺度，唔係咁多人既時候都燒定一大堆，雖然話放喺爐邊啫，但食落唔熱，真係味道幾好都唔好食啦！(本人好鐘意食熱啦啦既野)所以上次我咪問佢地可唔可比d熱既我囉，但佢地話唔得，咁都冇法，後尾食落覺得完全唔熱，而且d皮唔係脆而係硬，似食樹皮，雖然味道依舊，可是食得冇隱之餘仲覺得唔抵，話哂佢地d小丸子都唔平，食著咁既質素，真係有d唔開心，所以都冇諗過再幫襯啦！

約左朋友5點出旺角買野, 點知原來大家都未食野, 諗起呢間好耐都未食過就去食, 門口都幾多人排隊, 叫左6粒裝墨魚丸, 好大粒好熱, 裡面舊墨魚又好大粒, 真係好好味

9月8日(星期五)以前係食開日之船, 但自從食左依間, 就變左心lu !D 丸子真係好足料!而且最鐘意佢外層脆卜卜.d 抹茶又好好味, + $3 就有杯, 抵!仲有,係店入面有洗手盆, 真係好方便!!

我地倒瀉左盃唔知咩野綠茶, 佢地送返盃俾我, 雖然區區幾皮, 但依然值得嘉許。

不嬲都好鍾意食呢間d墨魚丸, 因為真係好好食!但今日去左旺角呢間買, 因為買外賣,so 佢地另外俾d獨立包裝既醬汁俾我, 我話要多包蛋黃醬, 佢地話要加多2蚊......嘩,你唔好再貴d....我梗係唔要喇!之後, 我仲有杯綠茶牛奶, 佢地無俾糖漿, 我問番佢地囉, 又話一杯淨係俾一個糖漿,如果要多個又要加多1蚊.......我話係佢地無俾,佢地先肯俾番一個我咋....乜都話要加錢, 好唔低囉.....仲要d野食又唔係話平........$25 得6粒, 加d野又要錢, 都係食少d喇.........P.S. 本人曾經係causeway bay & taikoo 分店買過, 都係話要多d 蛋黃醬, 但呢2間店舖都無話要加錢, so 唔知係咪得mong kok 有呢個情況

因為太想念築地八爪魚丸子的關係,,,所以趁著星期天跟ks一起去ymt買東西的時候就去吃嚕~呵呵呵呵呵=v=order了一個大舟跟ks share~~~~丸子比在cwb築地的焦一點>>>賣相沒那麼attractive =3=而且外皮不是脆的,,,難道真的要去cwb才能吃到外皮脆的丸子嗎? (TOT)不過丸子裡面是liquid來的,,比起上次在日之船吃到的好得多其實如果不是吃過cwb的丸子,,單看這次吃到的丸子..味道也是ok的~不過因為我獨愛cwb築地丸子的關係...下次我不會來mk這家分店的啦======不過平心而論..環境的確比cwb好~因為cwb那家分店的確沒有什麼地方讓人進食一一"btw,, 現在正值抹茶祭..好像凡光顧的人都可以獲得一張抹茶飲品換領券~不過這個抹茶祭好像只去到7月31日=p

7月頭有1日,同老公行開呢頭,佢問我食過未,我話未,佢話好好食,要試下,咁就入左去lu叫左10粒,照燒既嘩,好多料,好大粒,d章魚真係好大粒添囉,雖然真係貴左少少,不過真係一分錢一分貨,粒粒都夠晒料,又好味食左4粒,不過食左3粒已經超飽

唔知點解，由細到大對垃圾食物嘅愛好一般，唔似得阿K咁有研究。是日因為要去土瓜灣開會，又冇乜胃口食晚飯(可能係太早緣故)，所以就去咗築地食墨魚波。唔知點解D人咁鍾意食呢度D墨魚波，排長龍都要等。我一路排隊，一路睇墨魚波嘅簡介。原來佢D用料基本上同京都嘅一種食品(好似煎餅咁)好類似，只不過加多咗一大粒墨魚，再加上照燒醬、沙津醬同埋木魚片而已。食落口嘅口感同京都那款燒餅有異曲同工之妙。外表脆脆地又香口，入面暖笠笠。墨魚冇墨魚係預咗，反正食呢D垃圾食物唔係講食物嘅新鮮，但求香口。一盒六粒配埋一杯綠茶豆漿，大約三十蚊，唔講得上十分平。順帶一提，綠茶豆漿唔討好，怪怪地，都係叫番D大路嘢比較穩健。

經過聞到陣香味，心郁郁想食…覺得佢最吸引我的就係層外皮，脆扑扑架！不過，到咬咗落去，裡面又軟淋淋架喎！加上有咬口的墨魚粒，在香濃的醬汁下，啅吓啅吓 ~ 嗯，好味道！( 禮成)熱辣辣，小心辣親變孖潤咀！店員態度好。不過，廿幾蚊盒。( 好啦！食三次小丸子，先一次築地啦！^^ )

2005年10月31日開了好一陣子八爪魚丸店,一直也很想試,但半打對於我來說是多了點,今天有三個人,每人兩粒,太好了.來到時已有人在排隊,不過人不算多,等了數分鐘終於有吃的,很大粒很圓,顏色也較為深,和坊間的賣相比較,這個已經結的好感了,急不及待咬一口,嘩!熱氣即時四散,差點給燙熟了嘴巴,但我沒有咒罵,因為比起那些溫度曖昧的丸子好吃得多,椰菜多得很,八爪魚很大粒,粉漿並不糊口,而是外脆內較,配合木魚汁和紫菜是美味之作,唯一要怨的是自己貪心,加了沙拉醬,加添了這丸子的油膩感,下次若再吃,千萬不要加上沙拉醬啊!

某日專程去食過~一口咬下去外脆內軟, 整個口充滿著章魚丸, 又熱又美味. 中間的章魚很大粒, 很足料, 不像那些便宜的又腍又多皮. 三粒已經很飽了.^___^ !相片和詳細: http://food.crossfacer.com/cgi-bin/weblog.pl?reply=2

今日又同男朋友出動~~去旺角食八爪魚丸..試左照燒汁..個人覺得原味好吃一點~八爪魚丸沒上次在cwb吃的那麼好吃喔..就如其他食友所言..擺左一邊放涼真的是會令水準下降呢..今次吃的時候雖然丸子還是暖暖的..不過外層就沒有了脆口的感覺=(但是又不好意思叫服務員哥哥給我們一客剛烤好的..唉~