篤篤船麵 (V Walk)

营业中

休息中

南昌站上蓋美食多，今日去左食泰國菜，餐廳採半開放式設計，雖然座位有限，都能保持空氣流通。餐牌選擇多，除左餐廳主打既船麵，仲有惹味咖喱、泰式小食及沙律。惠顧任何粉麵飯，可以優惠價追加小食一款，好抵食，所以堂食外賣都多。酸辣鳳爪沙律：鳳爪去晒骨，酸酸辣辣，開胃小食。粉絲春卷：炸得香口，脆卜卜。什錦船湯河：食材豐富，包括生牛肉、魚丸、豬肉丸、扎肉、豬紅、蘿蔔，湯底濃郁，粉既份量都幾多。篤篤泰式雙拼飯：泰式海南雞拼燒豬頸肉飯，海南雞肉質嫩滑，雞皮有少許啫喱膏黐住，好肥美；燒豬頸肉有很多片，燒得恰到好處，仲鎖住到肉汁。芒果糯米飯：芒果香甜，糯米飯有兩款，加左椰漿，都煙韌好食。總結，食物即叫即整，出菜快，新鮮好食，店員服務有禮貌，價錢合理，性價比高。

今次我哋嚟到深水埗VWALK商場嘅篤篤船麵，試咗佢哋嘅泰國菜，真係好正呀！餐廳嘅裝修都好有特色，以泰國街頭小食檔為藍本，座位亦都好舒適寬敞。今日我哋兩個人共點咗一個下午茶餐，同其他小食及甜品其中嘅泰式海南雞撈金邊粉，海南雞夠滑口，雞味夠香濃，配上酸酸辣辣嘅撈金邊粉，真係一齊食好開胃！ 加$12追加兩件泰式蝦餅，唔會太油太膩。再嚟一款泰式豬肉生菜包，豬肉炒得好香口，唔會太油膩，加上脆生菜，幾好食。沙嗲雞牛雙併串燒，呢款都好好味，燒得啱啱好，唔會太乾，真係好正呀！配上SingHa泰啤，啤酒嘅大麥香味同泰菜好夾，仲有一杯青檸梳打，啱啱好嘅清新口感，真係好消暑呀！最後呢，我哋仲試咗佢哋嘅班蘭千層糕，配上耶汁，唔會太甜，真係好好味呀！總括而言，篤篤船麵嘅泰國菜真係幾抵食，值得大家一試呀！

今日去咗深水埗VWALK商場嘅篤篤船麵，呢間餐廳以泰國街頭小食為主題，位處喺商場中庭，裝修同氣氛都相當好。今次同咗朋友一齊嚟食下午茶。首先，我哋點咗泰式海南雞撈金邊粉（$52），雞肉真係好滑！雞味濃郁，同撈金邊粉嘅酸辣味道相當搭。另外，我哋加咗$12追加兩件泰式蝦餅，一啖咬落去蝦味濃郁。除咗主菜，我哋仲點咗幾款小食，泰式豬肉生菜包（$86）。豬肉炒得好香，加咗九層塔同埋各種泰式香料，再包喺新鮮脆口嘅生菜裡面，真係絕配！之後，我哋又試咗沙嗲雞牛雙併串燒（$94/半打），都幾好食。至於飲品，我哋點咗一罐SingHa泰啤（$16），泰啤嘅獨特大麥香味同泰國菜真係好夾。另外，我哋仲要咗一杯青檸梳打（$16），清涼解渴。最後，我哋當然唔可以唔食甜品啦！我哋點咗班蘭千層糕（$28/4件），千層糕配上香濃嘅耶汁，甜度啱啱好，結束咗一個完美嘅下午茶。篤篤船麵喺VWALK商場絕對係一個值得一試嘅泰國菜餐廳，座位又闊落，環境舒適，食物同埋飲品都好有特色。下次仲會再嚟！

越南菜式環境裝修得好特別，色彩繽紛，令人心情更加好🥰今次叫咗⚫️豬肉丸冬陰功雞蛋麵冬陰功都算濃味，而且雞蛋麵好爽口，感覺都幾好食⚫️雜錦船河雜錦配料都算多，味道尚可⚫️單骨雞翼雞翼較為細隻，而且炸得好乾，不值得一食整體嚟講不過不失，人均消費大約$80左右篤篤船麵 (V Walk) (深水埗)深水埗深旺道28號V Walk 2樓L2-147號舖

同朋友喺Vwalk行完街，揾個好地方食飯先。篤篤船麵係一個好選擇，之前食過幾次了，真係百吃不厭。調味料亦不少👍🏻🌟我哋點了泰式香茅豬扒河粉，豬扒鬆軟入味的口感，搭配著幼滑的河粉和鮮甜的湯頭，十分滋味。🌟豬頸肉撈金邊粉。豬頸肉嫩滑，金邊粉微辣十分惹味。🌟泰式蝦餅口感爽口彈牙，外脆內軟，每一口都充滿了新鮮的海鮮味道。🌟串串沙嗲雞肉。雞肉的外皮酥脆，內部卻保持著嫩滑的口感。搭配濃郁的沙嗲醬，成為了我午餐的一大亮點。🌟甜點方面，我選擇了斑蘭千層糕。這款糕點有著濃郁的斑蘭香氣，配合幼滑的椰漿，帶來了清甜的口感。🌟飲品方面，order了青檸梳打和泰式咖啡，青檸梳打清爽解渴，而泰式咖啡則沒有苦味，甜度適中，非常美味。

原來除咗九龍城之外，深水埗呢度都有一間感覺地道嘅泰式船麵。入面裝修有晒泰國嘅特色，壁畫同擺設，價錢相當經濟實惠。要咗個雜錦船麵轉金邊粉，湯底夠晒濃郁，入面有齊豬肉丸，牛丸豬紅，炸豬皮等等，配料豐富大大碗。食泰國嘢點少得要試佢啲咖喱，要咗個青咖喱雞配蒜蓉包，呢兩款簡直係完美組合，蒜蓉包充滿牛油蒜香，沾上咖喱汁惹味無窮。青咖喱唔算辣，所以食唔到辣嘅人都啱食。再加左啲泰式魚餅做小食，最後再要左芒果糯米飯，呢度糯米飯比較特別有埋青色嘅斑斕味，再加普通嘅椰汁芒果夠鮮甜。飲品要咗個青檸梳打，夠晒清新解渴，消暑一流。整體價錢唔算貴，但食到正宗泰國嘢。

多謝各位好心員工幫我keep返個袋，嘢食好味，價錢好合理🥰🥰🥰，地點好方便，嘢食都好正宗，海南雞好食，豬頸肉好香口，麵都好好吃，多料，奶茶好好好飲飲～下次會再來

篤篤船麵 深水埗深旺道28號V Walk 2樓L2-147號舖南昌站上蓋Vwalk 一間船麵專門店地點方便 款式配搭多元化泰式海南雞（半隻）$118夠滑夠大份 中 泰結合雞皮處理唔馬虎 配以香油醃製與人share既份量 淋上秘製泰式辣汁
泰式香茅豬扒全蛋麵轉秘制船湯+$10啡黑色的秘密㊙️湯頭使用豬血或牛血，混合鹽和香料調味 湯色與牛肉麵湯相似，但由於添加了豬血或牛血而變得更渾厚 濃味咸香 獨有風味 蛋麵索哂精華
椰汁西米糕（3 件）$28椰汁西米糕的口感濃郁 黃白色 黃係粟米 🌽白是椰漿 有椰漿的香甜味道，西米的Q彈口感

今日去左提早收工就食個early dinner 想食啲泰國船麵 所以去深水埗既篤篤船麵 佢係v walk所以係南昌落就近啲我哋今日就叫咗海南雞船麵同魚蛋冬陰公米粉先講吓個海南雞船麵，湯底地道濃郁，配埋金邊粉，有口感，唔會一夾就散。入邊仲有一舊豬紅，非常好食。海南雞用正宗嘅整法，有砂礓醃製，仲要去埋骨。味道好，而且啖啖肉。之後係魚蛋冬陰功米粉，冬陰功湯底足料，味道亦都非常地道正宗。魚蛋用咗泰國細細粒嗰種，整體來講夠地道好食。之後加咗一個單骨香茅雞翼做小食，炸雞翼嘅時間啱啱好，外脆內軟，而且香茅味好出。只係加十蚊就有一碟仔，CP值高。叫咗兩杯凍泰式奶茶，平時嘅泰式奶茶好甜，呢度嘅奶茶啱啱好，而且味道地道，突然想飲泰式奶茶嘅話，呢度可以一試。最後個甜品叫咗個芒果糯米飯，芒果非常好食，明顯係有挑選，有質素嘅泰國大芒果，配上兩種嘅糯米飯，兩種糯米飯都好好味。

Score 總分：75相信大家都有試過泰國菜，食後大家會點評論？我就比較實際，主要評味道+價錢，而環境衛生都不算太重要，只要唔好太過分.....除非有特定目的啦～例如，聚會呀之類今次我就介紹一間深水埗黎講超高性價比嘅泰國餐廳。講堅，味道中上，而價錢就算便宜，所以，性價比真係好高高！這間泰國餐廳不論咩時段都人流不絕，可見附近街坊都投佢性價比信心嘅一票。加上這間是在VWalk商場唯一嘅泰國餐館，所以絕對可以豪言，在商場內泰國餐廳黎講真正嘅 “無得輸”！至於食咩好？我就覺得食咩都咁好，所以冇咩特別推薦，但又推薦全部。不過，要留意返，佢有d野係少少辣，因為泰國餐呀麻（不用多謝我無敵嘅提醒，只要關注無聊的我就好了，多謝）

行開v walk，見呢間價錢比較平，所以入去試下好推薦船粉，個湯好香好濃，配埋粉一起食，可以飲曬碗湯。好多粉，一個女仔完全食唔曬，啲肥牛就太大塊，肥肉比較多，有啲難咬。豬皮就浸淋左麻麻哋，湯裏面仲有嚿大蘿蔔好入味，正！另外試豬排炒金邊粉，豬排幾好食，唔會乾亦都唔鹹，味道啱啱好。但係個炒金邊粉偏酸味道有啲奇怪，唔係好啱我哋口味。另外加左鳳爪同埋雞翼，鳳爪沙律，酸酸辣辣都OK。雞翼係單骨，好細隻，味道普普通通。

睇完戲喺附近搵野食,睇menu呢間泰國菜都幾平🤭叫得船麵專門店,緊係有唔同麵可以叫🙈另外仲有咖哩/飯/小食/甜品環境都幾闊落,入到黎有種喺小木屋嘅感覺🙈叫完飯麵可以用優惠價叫一款小食或者沙津👍🏻鳳爪彈牙爽口,酸辣度啱啱好😋抵食湯底好濃郁,香料味好重,食完唔會頸渴👍🏻肥牛都幾多,另外配料方面原來仲有豬紅,白蘿蔔同大豆芽等等😋麵底同湯底都可以自己揀份量都幾多,我自己一個都食唔唒😅配兩款醬汁❤️賣相幾吸引海南雞食落好滑,豬頸肉燒得好香👍🏻醬汁帶少少辣味幾開胃肉嘅份量都幾多,唔會話飯未食完就已經冇唒啲肉😂雞牛串燒各3串,醬汁似黃咖哩,甜甜地唔錯👍🏻食落亦冇筋同肥膏😂👍🏻啱我泰式奶茶唔會好甜👍🏻幾香滑

本身比較少去南昌站Vwalk呢邊，咁啱發現有間食船麵既餐廳，裝修仲好有特色，即刻要黎試一試泰式船麵！小編去到餐廳發現已經坐得好滿，好在仲有張4人枱可以舒服食個晚飯，餐廳牆身有好多裝飾同一幅巨形食物既畫作，好特別，座椅亦都好Colourful💯💯小編兩個人打開餐牌，已經好多野想食，豬手飯、撈金邊粉、泰式船麵、泰式咖哩雞等等，每樣都好吸引，最後小編點左：什錦船湯河金邊粉 $68呢個什錦船河粉黎到已經聞到好香，成碗麵鋪滿左不同既餸，包括有魚蛋、牛肉、香葉，湯底好濃，配金邊粉食一流 😍泰式豬手飯 $68 + （轉油飯） $8呢個豬手配上店鋪特製醬汁，十分之夾 🤪豬手肥瘦適中，放第一啖油飯入口簡直有種身處泰國嘅感覺！一啖豬手一啖油飯，幸福感撲面需來，十分推薦酸辣無骨鳳爪沙律 $58叫既時候以為份量唔會好多，點知上枱時份量好多，酸甜汁恰到好處，無骨鳳爪亦都煮得軟度岩岩好，建議可以點呢個做開胃前菜 👌🏼芒果糯米飯 $68如果問食泰國菜，選一個一定要食既甜品，相信大部分人都會揀係芒果糯米飯。小編都食過好多芒果糯米飯，香港、泰國都食過，呢間既芒果糯米飯絕對係高水準，非常好食😋 另外小編係點主食既時候早左

今日嚟咗南昌站呢頭附近做嘢，見時間亦都唔早，所以同同事嚟咗V·Walk嘅篤篤船麵食野。💁🏻‍♀️🍜雜錦遊船河，海南雞遊船河：兩款遊船河嘅湯底都好濃郁，香料味突出同啲河粉好夾，易入口。雜錦配料牛肉好新鮮，魚蛋、豬肉丸、脆炸豬皮卷、豬紅、蘿蔔，配料份量好多，令味蕾享受到各種不同嘅滋味！海南雞肉質滑嫩，醬汁調味配搭亦得宜。🐓泰式鳳爪沙律：醬汁又香又辣，鳳爪同埋啲醬汁嘅夾滋味好夾，令人一試難忘。🥗泰式青木瓜沙律：木瓜爽脆，醬汁酸辣，好開胃。花生香脆，令人一食難忘。🥬生菜包：生菜包住肉碎，清爽健康，醬汁夠香濃，真係一款好滋味嘅小食。🧋 泰式奶茶：味道好香濃，餐廳調配少甜口味唔會太甜，唔洗擔心用煉奶會太甜。篤篤船麵嘅菜式真係不錯，想食泰國船河既人可以一試再試，唔洗一定去九龍城食到正宗既味道。📍 篤篤船麵 (V Walk) (深水埗)📍 深水埗深旺道28號V Walk 2樓L2-147號舖

今日同frd行到V walk想食啲泰國平價粉麵，見到呢間都幾多人幾好生意，感覺應該都好好食，嗌咗個豬頸肉金邊粉幾好味，都幾熱，泰式奶茶幾夠奶味，不過要小冰先適合女仔飲