篤篤船麵 (V Walk)

营业中

休息中

呢間經濟實惠嘅小店真係可以食得好飽又抵食！我叫咗佢哋嘅什錦船湯河金邊粉，只要$68就有魚蛋、豬肉丸、豬肉、扎肉豬同紅等等，好多料呀！湯底好鮮甜，金邊粉又彈牙，真係啱晒我嘅口味。我仲叫咗泰式蝦餅，加+$24就有一份。蝦餅一小件好易食，炸得香脆，好好味，再叫埋一杯熱柚子蜜，解膩又開胃。另外，我仲揀咗肥牛船湯全蛋麵，$70食到好飽。湯底好濃郁，肥牛好嫩滑，全蛋麵唔錯。我仲另外加咗泰式魚餅，只係$22，炸煎得香。再散叫一份油菜$28。

今天下班去了找舊同事吃飯，為了方便就選了在他公司附近吃，不過想不到這間的性價比比想像中的要高呢！泰式海南雞拼豬頸肉飯（８１元）份量比想像中的要大，而且全是肉，食肉獸表示很滿足！豬頸肉燒得表面焦香，裡裡爽滑多汁，配上辣辣甜甜的醬汁很解膩！海南雞肉質非常滑嫩，雞皮彈牙！泰式黃咖哩牛肉飯（６８元）牛肉的量也很多，沒有太多的薯仔佔位置！牛肉有醃過的，所以吃起來口感挺滑嫩的。黃咖哩味道帶濃濃的椰汁香，味道帶點甜，微微辣左右。正宗泰式豬手（例牌）（８８元）豬手煮得剛剛好，吃起來豬皮還帶點軟糯彈牙的口感，但吃起來完全不會覺得油膩，肉質也比較嫩。整體味道甜味會比較突出，亦可以配上蒜香醬來吃！酸辣鳳爪沙津（套餐＋２４元）２４元但鳳爪的份量挺多，吃起來酸辣爽脆！泰式蝦餅（套餐＋２４元）蝦的比重挺高，吃起來爽滑彈牙，外層香脆！汽水（５元）

吃了很多人推薦的泰式豬頸肉撈金邊粉，豬頸肉偏硬，配的醬汁吃起來有一點臭臭的味道，金邊粉則是奇酸無比，很難下咽。中午吃完一直到晚上肚子都不舒服。唯一值得稱讚的是店員態度非常好。

又想食海南雞，又想食炭燒豬頸肉，呢度有個海南雞拼豬頸肉飯，一次過可以滿足兩個願望。海南雞非常出色，雞肉去咗骨，方便食用。浸雞嘅時間亦都啱啱好，所以雞肉嫩滑無比。選用嘅雞隻唔會太肥，所以冇乜皮下脂肪，唔可以太油膩。咁啱廚師俾咗雞上髀嘅位置，真係好彩。炭燒豬頸肉亦都唔錯，外層燒到好香，咬落去油香充滿口腔。另外仲叫咗一個肥牛船河，船河湯底味道濃郁，牛肉嘅份量都幾多。然後跟餐加埋小食，炸蝦餅同埋炸魚餅，兩款都真材實料，食得出滿滿嘅蝦肉同埋魚肉，唔會好多粉，口感彈牙。

下雨天唯有在地鐵沿線商場搵食VWALK係一個我好耐無接觸既地方今晚黎到去左呢間篤篤船麵食泰式小店最出名係船麵，海南雞同咖哩而且在大商場入面價錢認真平民餐廳在晚飯時段幾乎坐無虛席亦都吸引好多附近居民買外賣 //什錦船湯河 $68//勁大碗份量十足湯底香料味好重入口好濃郁好正宗 配料超多有豬紅、魚蛋、豬肉丸、扎肉、牛肉、蘿蔔魚蛋同豬肉丸彈牙 蘿蔔超淋 //香茅雞翼 $22//單骨雞翼香茅味好出好香雞翼燒到表面焦香入面肉嫩多汁再點埋泰式甜辣醬惹味又開胃 最適合夏天食 //泰式奶茶 +$8//泰式奶茶正宗口感茶夠香奶夠滑唔會好甜 不錯 //泰式黃咖哩雞跟飯 $68//份量剛剛好 咖哩入口不會太辣而且用多種配料香料烹調而成咖哩夠晒香而且入口甜甜的雞肉嫩滑吸收晒咖哩汁送飯絕對係一流 //泰式蝦餅 $24//炸粉夠薄唔會好油口感彈牙蝦味夠濃配上泰式辣醬 好香口 //熱柚子蜜 +$8//甜度剛好 也配搭濃味的咖哩可以清涼滋味一番

放工去咗深水圳探班等埋同事一齊收工，諗住近近地食啲野，同事提議去V Walk大把野食，行咗陣見到有間食泰國船河嘅「篤篤船麵」問我一定係揀呢間架，因為我真係好鍾意食泰國野😆雜錦船河材料勁豐富，有炸豬皮、魚蛋、豬肉丸、牛肉、扎肉、豬紅、蘿蔔、芽菜，河粉細滑，牛肉鮮嫩，湯底味道濃郁，加入雨露同辣椒粉正宗泰式味道👍🏻香茅豬扒金邊粉豬扒煎得金黃香口，色香味俱全，肉質鬆軟唔嚡口，揀咗清湯底，湯底清甜，飲晒啲湯都唔會覺得口渴泰式豬手飯豬手啖啖肉，豬皮煙靭Q彈有咬口，一啲都唔會覺得肥膩，食落滿滿嘅骨膠原添，點上酸辣汁更加惹味香茅雞翼單骨雞翼一啖一隻，香茅味香濃，皮脆肉嫩非常食👍🏻泰式蝦餅啱啱炸起熱辣辣脆卜卜，蝦肉彈牙，真材實料泰式奶茶茶味香濃奶味重，夠晒正宗青檸梳打酸酸地唔會太甜，清爽✌🏻📍篤篤船麵 (V Walk) (深水埗)深水埗深旺道28號V Walk 2樓L2-147號舖人均消費：$100-150食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

今日黎v walk打算食個快飯，見到都幾多人就入黎食泰國野。餐廳款式都幾多，不過好似主打船面。我同朋友各自叫左一碗麵加小食，再share個甜品都係200幾蚊好抵食。冬陰功魚蛋金邊粉。好大碗，而且味道香濃，金邊粉煮得剛剛好，有咬口。雜錦船面有魚蛋，豬肉丸，牛肉，豬紅，好足料。湯底味道濃郁，甜甜地又香，都幾正宗。小食方面叫左青木瓜沙律同魚餅。魚餅炸得好香，咬落彈牙有魚味。青木瓜沙律份量多，味道就同平時食開嘅差唔多，都幾唔錯不過可以辣d。甜品最有驚喜，係斑斕千層糕。熱辣辣軟淋淋，點埋d帶有鹹味嘅椰汁都幾好食。整體餐廳上菜速度好快，裝修係街頭風都有心思，呢個價錢難得唔洗搭台，或者台同台之間好迫，都真係好唔錯。

今日同朋友嚟咗南昌呢一邊探朋友，他們朋友之後就去咗呢一間喺商場嘅餐廳食飯，我同朋友都諗住食少少做下午茶就算數，所以就揀咗呢一間泰菜，我哋打算叫幾個唔同嘅菜式share! 價錢嚟講呢一間餐廳都唔算太貴，而且服務態度都唔錯我哋叫咗個泰式豬手，豬手炆得非常林，就係正宗嘅泰國口味，而且味道亦都唔會太鹹，啱晒我同朋友嘅口味，啖啖肉非常好食！另外我哋叫咗一個雜錦湯河，咩都有啲，同泰國嘅味道其實都好差唔多，特別鍾意食佢嘅扎肉，黑椒味非常突出，湯河亦都有好多唔同嘅配料，包括有魚蛋，豬肉丸，牛丸，豬皮豬紅仲有肥牛，真係有好多唔同嘅嘢食，啱晒我哋呢啲每樣都鍾意食少少嘅人！我同朋友都非常鍾意！最後叫咗個西米糕，亦都味道非常傳統，價錢嚟講亦都非常對得住呢一個價錢，我哋都形容CP值非常高，用嚟做甜品作結！下午茶嚟講我哋食咗四樣嘢都係大概每人$100，喺商場食嚟講呢一個價錢都係差唔多，再加埋其實店員嘅態度都非常友善，有機會過嚟呢邊會再幫襯呢一間泰式嘅餐廳，good!!

泰.滋味分享套餐選擇困難症既岩曬簡呢一個set，唔洗自己簡，但又小食、主菜同甜品都有齊曬，價錢仲要好抵酸辣鳳爪沙律係無骨鳳爪，鳳爪爽脆有彈性，醬汁酸辣入味泰式炸魚餅魚餅炸到金黃酥脆，魚肉鮮嫩多汁，配上泰式醬汁，酸甜微辣，口感豐富泰式豬頸肉飯豬頸肉燒到得外脆內嫩，肉質鮮美多汁，而且份量好多，夠曬飽海南雞船湯河有濃郁嘅雞湯味道，雞肉滑嫩，配上滑溜溜嘅河粉，口感豐富，清爽又暖胃中意魚露既可以加少少自家制魚露提鮮，但加左辣椒，少少就好夠，唔係就會蓋過左本身湯底既味芒果糯米飯糯米飯軟糯香甜，配上新鮮芒果肉，酸甜口感完美結合，個人中意斑斕味多D，再香甜D 泰式奶茶口感醇厚，茶香同奶香既結合，令到飲品苦中帶甜

篤篤船麵裝修色彩繽紛，環境地方不數好大，晚飯時間都多人，好好彩等咗十分鐘有位了。海南雞船湯河海南雞雞皮金黃色非常吸引，雞肉嫩滑又無骨，點上惹味酸辣汁好好味，船麵湯底濃郁，湯裏面有一嚿豬紅同蘿蔔，金邊粉被湯汁吸收，但唔會太鹹。豬扒泰式青咖哩配蒜蓉包茄子同青咖哩，加上豬扒鬆軟入味，香脆蒜蓉包，淋上青咖喱好好味。芒果糯米飯糯米飯有兩款，原味同班蘭味道，糯米飯軟硬適中，配上芒果香甜，淋上椰奶一齊食啱啱好。

接近糧尾，就會不期然地慳住慳住💵，第1次嚟呢個商場唔識路，就跟住個水牌搵食，當中見到呢間泰式餐館，一來唔貴，二來泰國菜竟然都有撈麵食，好似幾特別咁。🇹🇭泰式撈金邊粉配🐔海南雞呢碟嘢一嚟個金邊粉勁橙，嗰下心諗瀨嘢啦好似好辣咁🌶 (話說Yummy食開小辣）。第一啖食係覺得好似有D辣，不過食食下又唔會話越食越辣，味道都幾OK！！ 而海南雞🐔份量又比想像中多，食哂成碟都幾飽下。🛶肥牛船湯河船湯底味道幾夠濃幾唔錯，不過覺得油咗少少。配料除咗有肥牛，仲有豬紅同炸豬皮。🐮肥牛嘅牛味都重，幾十蚊貨仔嚟講質素算幾好。

本身喺app落咗單要豬頸肉撈金邊粉點知收到電話打嚟話冇豬頸肉要轉海南雞或者豬手因為平台畀錢難退差價嘅關係被逼無奈只好2揀1夾硬轉海南雞海南雞肉質又乾又鞋又冇味泰雞醬又畀得勁少啲雞仲有好多未食晒啲泰雞醬就已經冇晒搞到啲雞食落口冇味好難食最後冇食晒就掉咗第一次食又貴又難食冇下次👎🏻👎🏻👎🏻👎🏻🫠👎🏻👎🏻👎🏻👎🏻😮‍💨👎🏻👎🏻👎🏻👎🏻😤

Tuk Tuk 船麵🛺🛺啱啱喺泰國返嚟，發現到原來船麵係咁好食😂返到嚟香港都搵咗間船麵食🥳除咗餐牌上嘅船麵之外其他粉面都可以加錢轉船湯我想食魚蛋，所以就叫咗泰式魚蛋河粉轉船湯湯底好濃郁，但唔會太鹹另外自己加埋辣椒粉，好味！唔知點解喺泰國好少見到餐廳有椰汁西米糕反而香港嘅泰國餐廳就必有，係我最鍾意食嘅甜品🤤🤤Yummy yummy～朋友叫咗嘅肥牛船湯河都唔錯肥牛份量唔少，大食人士都食得飽🤣🤣

南昌站俾人嘅感覺似係美食沙漠，但係今日喺VWalk City行街，原來呢個商場都有好多美食，經過呢間泰式美食，俾佢嘅Menu吸引咗，就一於入去試吓餐廳菜式選擇好多，而且價錢都好親民，主打食泰國嘅船麵，同海南雞飯✨泰式小食拼盤$98分別有春卷，魚餅，蝦餅，雞棗兩件，小食拼盤，最啱有選擇困難症嘅人，春卷皮炸到熱辣辣，一咬入口索索聲，蝦餅外面包上一層麵包糠，炸到非常香脆，蝦肉非常爽口彈牙，魚餅真材實料，仲有淡淡冬陰功嘅味道✨酸辣無骨鳳爪沙律$58個鳳爪吸收晒泰式醬料嘅香味，有淡淡的香茅味，鳳爪好爽口，配上羅馬生菜🥬口感好清新✨青檸梳打$16喺咁熱嘅天氣一定要飲梳打水解暑，青檸味好夠但唔會太甜，解渴一流

做完gym後超肚餓，呢間野食大份又好味泰式海南雞拼豬頸肉飯雞肉皮薄肉滑嫩，豬頸肉外皮烤得香脆而口感爽脆，兩款餸都好惹味！飯既份量都好夠凍泰式奶茶用泰國特有的紅茶和椰漿混合而成，再加上冰塊和牛奶，口感清爽，唔會太甜什錦船金邊粉包含了魚蛋、牛丸、牛肉片、扎肉、豬紅等多種配料，每一種配料都有著獨特的口感和滋味，吃起來非常豐富多樣，很讓人滿足😋金邊粉索晒個湯汁，好入味🤩泰式蝦餅用新鮮的蝦肉和香料製成，炸得外皮酥脆，裡面嫩滑，感受到鮮美的蝦味