簡 • 味

营业中

休息中

多年冇來，舊地重遊，滄海桑田之感，熊貓元素仍在。食物其實味道幾好，出乎意料。當晚客人卻不多。我喜靜，又細食，感覺樣樣都滿意。其中一二位女侍應非常細心主動，應對得體舒服，令人感覺佢對工作對客有heart，氛圍愉快。如果要説少少不足，就係主菜要自己分餐，分開位上成本也高唔到去邊啩……下次再試下其他。

較早前都試過佢下午茶好出色,心癮起行去問下有冇咩特別。大門轉左大量新年裝飾。一入門人口比個大推廣吸引<----價錢再問下詳細資料,原來做緊消費滿$888憑收據換1 SET OX醬加林巴醬,經過精密計算後,一行4人剛剛好夠數進入坐低後,以為跟之前一樣,雖然未加領但一睇開始有好多新年元素食品出現。聽職員講整左個撈起counter,自己整份吸下Like,都問左刑時撈起既料會再豐富D各式各樣既熟食都有好多轉變了最後都好好體驗到佢地有心預備新年Tea Buffet,加上員工都有走來問下有咩改進好期待新年有個餐

個日晏晝經過悅來酒店3樓見到有間西餐廳，心諗橫掂未食過就入去試下啦見佢3道菜式$188蚊起，用滙豐信用卡仲有85折咁抵，又有沙律又有餐湯又跟埋主菜咁…先黎沙律先，我揀左牛油果蕃茄蛋沙律味道都正常發揮，不過略嫌牛油果搞得太碎唔夠喉😂😂個日餐湯係南瓜忌廉湯好creamy幾好飲，跟埋暖笠笠餐包點湯食都唔錯嘅👍🏻咁主菜我揀左新加坡椰香海鮮喇沙，配料夠哂豐富又有青口又有蜆，個喇沙湯底好香好好飲，個油面都好彈牙餐廳環境闊落坐得舒服既，員工都幾有禮貌，一坐低會介紹下個日有咩精選沙律同甜品，佢唔算多人起碼唔會食個晏都嘈到街市咁有機會下次再嚟試下佢個散叫menu 先

前排個搞手話去悅來酒店慶祝個fd生日。悅來？咪即係熊貓酒店？以前我去過食lunch buffet喎 不過真係好耐之前，荃灣又唔熟路，搞到遲大到。我班fd就唔等我喇，因為限時得120分鐘。我黎到都唔執輸，同個fd講聲生日快樂，就衝出去望下睇下有咩食 都幾多野食下，壽司、沙律，又有西多、雲吞同埋喇沙。雖然遲到，行到出去啲熱野食都滿，應該係refill得好快。串燒好食，雞翼個味道都幾特別 出面有fruit punch任飲，又可以去drink counter拎杯港式熱奶茶飲，可惜得一杯，不過有專人沖俾你 食食下見到隔離枱食緊雪糕，原來雪糕都包，12款味可以任食。其實職員一早有講，只係我遲到唔知道。我最鐘意食黑芝麻同烏龍茶味，仲有啲味道好似係陳皮紅豆同白兔糖都好少見。行返埋位果陣，見到甜品都好吸引，我樣樣試左少少 要快食，無影到相。食物幾滿意，服務好好，收碟收得快，又好主動幫壽星女同我地影相。又唔係貴，而家逢第二位有半價，計落都係二百七蚊左右 我見到農曆新年假期幾日都做tea buffet，等我做次搞手，帶屋企人黎食。咁多野食，我要諗定拎野食條路線，仲要諗定去悅來條路線，唔可以再遲到，唔好蝕！

今日同同事行過，食個快Lunch餐廳同事好好，知我地食Lunch得1個鐘趕時間，就介紹我地食Lunch Set$188起-3三道菜，$226起-4道菜。餐廳同事幫我1個鐘內出好曬食物，埋單走人，返工唔洗遲到😎。我同我朋友今日叫左兩個Set Lunch4道菜，兩個是日餐湯，個磨菇湯好好飲好足料好香😉，而跟湯個麵包好好食，估唔到😬個包既樣子平平無奇，沙律我地簡加左錢要凱撒沙律，主菜食意粉同咖哩豬扒飯，跟餐甜品係朱古力奶凍，唔會太甜好好味、好滑。我會比80分今日既Lunch，環境舒服，員工有禮貌，價錢優惠。下次試個大餐牌，我睇到種類都好多選擇。

星期六放低個女..約埋媽咪近地黎食下午茶..開頭以為120分鐘唔夠時間食野..又唔係波..我book左14:30..接訂枱既同事好好..提我第1位正價第2位半價優惠..所以好抵我地兩個大人☺️..食左個雲吞好大粒😜..同埋個喇沙麵..湯底好正..串燒同d雞翼都唔錯👍🏼..中湯好味..食埋甜品..最最最仲意有好多雪糕🍦口味可以簡..芝麻同朱古力最好味..我媽咪好滿意+滿足😌..試左好多唔同既甜品..有即整棉花糖..大人見到都開心😂..下次帶埋阿女一齊黎食Tea😊等佢開心下先得☺️..

疫情前的 Simplicity，食物品質驚艷， 媲美米芝蓮餐廳，食物的選材，廚師的技術和心思，令食客念念不忘，最近重開再次到訪，滿懷希望～～～誰知…………生蠔 - 70分🔸️正常，爽，不咸，味道可以。（每人一隻）海鮮湯 - 30分🔸️原來是海鮮清湯，沒有海鮮味，只有咸味精味，而且只有微溫，沖涼水也比它熱，一小撮蝦和魚碎碎的在碗底，不單倒胃，味道也不好。磨菇湯 - 80分🔸️是全晚最正常，也是最好味的，但其實上枱時同是微溫，不能忍受，向經理反映，他很有禮地給我們換上熱的。麵包 - 50分🔸️包很硬，味道還可以，但牛油更加硬，應該剛從雪櫃取出，只能一整舊放在麵包上。小點拼盤 - 60分🔸️是營造款式多的效果，薯仔加沙律醬，一些唔記得是什麼東西放在乾硬的白方包上，小學生才會做的點心……，真的無語。厚切豬扒 - 40分🔸️豬扒又乾又硬，完全沒有肉汁也沒有豬扒味，回家想了很久，估計是先把豬肉用滾水煑熟透，再煎一煎表面；配菜的薯仔乾硬且凍；個汁很杰很糊口，我覺得似罐頭忌廉湯。西班牙海鮮意大利飯 - 40分🔸️ 同個名其實冇乜關係，不單只不是西班牙的做法，意大利飯亦不是意大利飯，是煮得非常爛的飯，BB 也可食，汁

📍#荃灣 簡味@悅來酒店#羊羊在荃灣#羊羊在新界如果想搵人少打卡又好味嘅餐廳，呢到幫到你🤣位置上都唔算偏僻，係荃灣熊貓酒店，但可能就係唔太出名🥲其實個到翻新咗，裝修係幾靚同埋都多打卡位，所以都推薦俾大家😄而且book個陣留言話慶祝生日，就會有蛋糕送，個生日牌寫得幾靚，職員仲主動幫手影相😚同埋最近有世界盃個到有直播🤫不過，提返大家木屋真係只係啱打卡，坐得耐腳會痺，都係訂其他位啦😜同埋上菜真係好慢，成2點幾鐘有成半時間係等😕👨‍👩‍👧‍👦四人套餐💁🏻‍♀️前菜✨酥皮田螺焗薯茸仲以為係一盤個啲焗薯茸，點知係好似撻仔咁，但都好味，螺肉都大同薯茸幾creamy😋💁🏻‍♀️頭盤✨鵝肝慕斯醬及意式香草茄醬意式多士呢個有好多醬係多士上面，但係唔講都唔知係鵝肝😂✨法式焗帶子菠菜落咗好多芝士同菠菜蓋住粒帶子，所以帶子都唔會話好乾，食落仲有汁👍🏻✨牛油果蕃茄芝士沙律普通，略過😆✨避風塘水牛城雞翼整到好似drumstick咁，食落方便好多🍗水牛城style食得出，避風塘食唔出😃💁🏻‍♀️餐湯✨黑松露菌湯好香黑松露味，仲見到好多菇菌碎，真係好足料，飲完少少飽🫃✨酥皮龍蝦湯 +$30酥皮好上色，龍蝦湯幾濃味，仲有啲龍蝦

位置荃灣新推出Tea Buffet ,座位好寬闊唔會好逼,食物以Tea Buffet 來講以經好豐富*食得出真係手包雲吞值得推介係佢多士系列:港式西多士,即燒班蘭咖央多士甜品佢自成一各,脈見重類好多,雪糕口味特別。有廚師即整的可麗餅最特別之處甜品位置有下午茶的架,砌左個比自己娛一路都有佢陪我地食個下午茶以價錢來講性價比好高,2:30pm開始到7:00pm雖然食2小時,如夾到時間可充當early dinner 都唔錯。

我喺荃灣返工成日都經過悅來酒店，間唔中都有上去佢哋嘅30樓殷悅度飲茶。見到佢哋重開之後有個下午茶自助餐，今個禮拜就去試吓啦!今次佢哋做緊第二位半價promotion啊!我就約咗個朋友去試吓。非常之有驚喜!佢哋由2:30到7:00， 120分鐘下午茶。咁我哋大約就4:30到。都好多人一家大細三五知己。點解我哋咁晏去，因為我哋可以當埋晚飯，咁食食飽個肚慳返餐!都有好多唔同嘅特別嘢食啦!喇沙麵，雲吞麵，西多士，德國豬手，啤酒雞，家鄉雞絲銀針粉，特色沙律。甜品方面都有好多款Mango Panna Cotta，蘋果烏龍茶海綿蛋糕，法式Crepes，抹茶紅豆麻糬慕斯蛋糕，Tiramisu佢個afternoon Tea仲會俾個Tea Stand自己揀自己執跟住自己打卡。最特別嘅係佢哋個雪糕檔10幾款唔同味嘅雪糕，有啲好特別嘅味道不妨一試有陳皮紅豆，益力多，芋頭，南瓜，芝麻等等!好多味道出邊都未必有。嘢飲方面就每人一杯，我就飲咗杯港式奶茶，拍得住出面茶記嘅奶茶，好滑好濃!好得意，佢哋會隔個鐘就會有人出嚟派啲特別嘅嘢食俾我哋。我食咗個熊貓蓮蓉包，棉花糖同埋食咗個Creme Brulee!Service唔

熊貓酒店聽得多，但從來未去過食嘢，今次第一次去食，食完非常有驚喜！餐廳食星馬菜，環境別緻，每張臺都放有一隻熊貓，好cute，俾人好開心嘅感覺，小朋友一定鐘意。午餐套餐有7款，都算多選擇，我揀咗三道菜嘅$188套餐，主菜係新加坡椰香雞肉喇沙，另有餐湯和甜品。黑松露菌湯餐湯香滑濃郁， 有粒粒蘑菇肉， 加上勁多黑松露，味道有層次，正！新加坡椰香雞肉喇沙入口先係濃濃嘅咖喱味和椰汁味，慢慢飲到辣味，，雞肉鮮嫩多汁，食完念念不忘！甜品甜品睇落一般，但食落好好味，濃郁strawberry味！

因為酒店package 包左早餐，所有嚟食😻本身以為會有buffet 結果係一個set breakfast 不過唔緊要😂歐陸早餐 $58All day breakfast could never go wrong~ 茄汁豆仲係暖嘅😍baked tomato 都好juicy 不得不提佢嘅麵包籃係出色嘅～pain au chocolat 真係好好食，焗到熱熱地好脆口，會食到好香嘅朱古力同牛油味，好邪惡🤪個toast 都係好脆，加埋jam 食好jeng, 食到停唔到口😍呢個set 都會包一杯yoghurt,一杯橙汁同一杯coffee/tea☕️🍵~60 pp (dessert)味道：3/5環境：4/5性價比：3/5回頭：⭕️

27.12.2021 星期一 簡·味自從疫情後，都有一段日子沒去食自助餐，偶而在Open Rice見介紹簡 • 味，在荃灣悅來酒店，從前對這間酒店印象不大良好，大多不是招待本地客人，又擠擁又殘舊。可是見最近的評語及相片又不同，24-26, 31/12 Festival lunch buffet 價錢$468，但27/12 Semi-lunch Buffet只需要$288，Open Rice訂枱還有八五折，於是訂枱試試。去到酒店三樓，看見餐廳很寛闊，每枱坐位之間距離很遠，加上這一天不滿座，大家都坐得特別舒適。正如介紹餐廳最近佈置成露營一般，有幾個大型、非常搶眼漂亮的營幕屋，每間屋內有一張枱加四張小矮凳，旁邊還放了不同顏色咕𠱸凳、便利拖鞋讓大家除鞋。我們原來是訂了營幕屋，但天氣冷穿了長/短靴子，因要經常外出取食物，又除又穿實在不方便，所以我們選擇了近營幕座位，隨時也可以在旁拍照。除了營幕，餐廳還加了一個個餐具籃、一盞漂亮夜燈、聖誕樹和聖誕裝飾，這種種也足以讓我們不停影相留念。因為是半自助午餐，所以每人可以選擇一份主菜，肉眼牛扒（另加$80）、鴨脾、火雞件、野菌意大利飯、豬扒滑蛋包飯、牛肉

如果咁嘅食物質素，都可以當自助餐 🤦🏼‍♂️🤦🏼‍♂️，得三四款肉類，啲肉老過啲老藕，成塊豬肉乾咁，好Q鞋，啲海鮮呢得一轉，龍蝦都冇舊啊頂！都敢死收呢個價錢，冇可能再有下次，聖誕前夕全場全晚得四張枱！我認真便輸了 ……

真係好少見會咁用心佈置環境嘅酒店餐廳，冇諗到呢度竟然仲有熊仔可以合影，發現新大陸室內燈光超靚，點影都唔厭，樹屋真係超靚，如果係拍拖嗰時黎食嘅話肯定超浪漫就連張枱都佈置得好少女心，月球燈世一！啲服務都好好，清盤嘅速度都好快同埋啲嘢食都好可愛同好味，呢度嘅布甸就真係好好味，甜度啱啱好，下次再嚟食過！沙律嗰邊有個沙律醬蝦真係超級超級超級超級超級超級超級超級超級超級美味！對我呢種鍾意食蝦嘅人黎講，爭啲就掃晒，牛肉整得啱啱好，好好食，芝士火鍋都超正！影咗好多相，夠post IG啦🥳🥳🥳總而言之，開心嘅一日！！！