籃子咖啡店

营业中

休息中

難得係舊區同住家附近開了間cafe，其實是滿心歡喜的。不過無諗過藍地這地方既一杯咖啡，同我係出面市區cafe飲既咖啡價錢都差不多。間cafe主要食物只有兩款，烘三文治同意粉，冇set,價錢略貴。意粉同三文治都食過幾次，質素就…愈來愈差，意粉價格有望下調，因份量少，質素亦似即食意粉。至於三文治，頭兩次試過都可以的，但最近食過三文治有點求其，又冇乜料，寧願過隔離茶餐廳食件腿蛋治好過，價錢平一半有多 !由初開鋪到宜家，久不久貪方便仍會幫襯，因係藍地(或富泰)想坐低慢慢嘆杯咖啡既地方係完全冇，呢到咖啡質素唔錯，希望老闆keep番開鋪時既熱誠，係食物上能加以改善同多少少選擇，比如整埋 all day breakfast 同賣埋scone就好了。

行開入屯門探朋友, 咁岩朋友未返到屋企, 諗住係附近茶記hea下, 點知見到呢間價錢幾平民化既Cafe, 只有一個後生哥哥仔看舖。簡單叫左個Egg Salad Sandwich + Latte Set, 三文治賣相幾好, 烘底後入口香脆, 配合蛋沙律, 口感非常特別及討好, 而Latte 就有幾特別既拉花, 奶啡比例適中, 奶泡打得幾細, 無粗粒, 入口香滑。轉頭朋友就到, 原來佢係呢到常客, 重同老闆幾熟落, 果個後生哥哥咖啡師傅就係老闆, 真係人不可以貌相; 跟住老闆哥哥上左壺新紅茶, 比我地試下, 話未諗到名, 暫時叫住蘋果蜜糖紅茶; 個外表幾優雅, 用tea light暖住, 睇得出老闆哥哥係幾重視食物品質, 同埋顧客味覺的人, 紅茶飲落甜中帶有蘋果味, 幾清新。跟住重同老闆哥哥吹左陣水, Cesto 原來係解籃子, 隨手一指, 門口天花就有一個竹籃, 感覺幾特別, 老闆幾nice幾好人, 下次入開黎一定要再試。

行過入來坐低休息下，叫左杯mocha,喜出望外超好飲。。好飲過星星克，超香朱古力味又有香濃咖啡味不過餐廳只有甜品小食供應，下次來要食定飯打過底先得！！！！！！！！

假日例牌做什麼? 我指定節目當然是山長水遠走入屯門一轉扮下乖乖女, 陪下老爸老媽, 除了下煮外, 亦會帶老爸去歎下咖啡, 雖他愛喝咖啡, 但不懂四處找咖啡室試試, 故只會飲一些質素一般的即溶咖啡, 所以就由我負責帶他坐坐咖啡室品嚐人手沖調咖啡的美味。但其實路痴的我, 對屯門一點都不熟識, 怎會有心水的咖啡室, 只好靠「開飯啦」幫幫手, 今次在《最新餐廳》欄中找到這間小店。走進屯門藍地, 它給我的感覺是…..一條較舊式的平民村落, 有懷舊的雜貨舖、街巿、水果攤、舊式理髮店、不同的懷舊茶室和食肆。而開設在這裏的Cesto Cafe新咖啡室則別具一格。小店門外有一片木地板的空地, 這竟不是開設座位, 而是給食客泊下他們的單車。門口放有一塊木黑板, 上面畫了所供應的套餐, 而空地旁則放了翠綠的竹樹, 擺設簡約平實。闊落的落地玻璃門雖是關上, 但途經的人也可清楚看到小店的內裏環境。只站在門口, 已有一位親切的服務員替我們開門, 服務挺不錯! 踏進店內, 右邊是設有一張放了沖調咖啡工具的吧枱、四人的高木枱配木椅及二人的普通座位; 左邊則設置三張大型的黑色沙發配圓形小茶几。再走進一點便是開放式的製作