籠太子點心專門店

营业中

休息中

這家點心舖的裝飾年輕，像西式咖啡室，但食物就主打點心，除了一些傳統的點心款，也有一些創意點心～這裡的價格是點心舖之中較便宜的，亦吸引了上班一族於午飯時段來嘆嘆茶，所以亦避不過要等位了。燒賣不錯，實肉又挺大粒。菜苗餃的菜和蝦肉較散，令菜只是偏於餃子的一邊，餃子皮有點厚。鮮竹卷比預期中縮水了，一大口就吃完一個了。蝦膠多而彈牙，幸好有豉汁搭救，否則味道會有點寡。腸粉的份量比較上多，但內裡不覺有皮蛋，腸粉皮倒是挺滑的，但功夫上可以再搓薄多點。這個的感覺挺得意的，有創意。雖然芝士味就吃不到了，但勝在脆卜卜的層次感豐富～整體也算是吃的飽，以價錢和食物款式計，算是抵食的～

兩年前是經同事介紹來吃，同事是因為需要到附近寵物店購買用品，路經此處才發現該㸃心店的價錢不太貴，出品又不差，便推薦我來吃過。今天我也是到附近取東西，想起籠太子的㸃心，好想再次回味。由於當時我又不太肚餓，又是一人行，可以㸃選我想吃的㸃心。虾餃皇兩粒，原隻鮑魚燒賣兩粒和香滑反斗糕，我有問店員，反斗糕是什麼，店員解釋說即是馬拉糕。即叫即蒸的食品，茶芥都是$3.0，茶味是玄米。虾餃的皮雖然厚了些，也容易入口。鮑魚亦有鮑魚味配上豬肉燒賣。反斗糕的甜度適中，夠鬆軟。該店附近都是以住宅和地下商店為主，所以收費不是太貴。相信食客為是來吃㸃心的味道為首要。

晚上 8 點幾到，入面都幾多客人不過啱啱好有幾張枱無客所以好快可以有位好快咁劃左 8 款點心香芒沙律盞 ($19) 其實都係雜果沙律，蘋果居多個撻皮係 un 到唔會食嘅應該無下次流沙奶黃包 ($21) 個包大約等左 10 分鐘左右先食入面啲奶黃仲係又多又流沙！好好味籠太子蝦餃皇 ($25)不過不失，皮唔算好薄，但蝦算係新鮮魚肚水餃 ($19)估唔到都幾大件魚肚，有 2 塊魚肚，3粒水餃水餃餡有好多木耳，好爽口黑椒金錢肚 ($23)好多黑椒好香口，有啲類似烏冬嘅粉麵條墊底不是炸兩 ($23)入面唔係油炸鬼，係啲脆皮，都唔錯鮮竹牛肉球 ($18)牛肉球唔係好粉嗰啲，好味但可以俾多少少鮮竹😅原隻鮑魚燒賣 ($27) 以為啲鮑魚仔會無味，都有啲鮑魚味喎！燒賣都好新鮮

今天試食過這些點心，很差，很差。環境：非常窄小，動作大都會碰到鄰枱，成間餐廳密碼碼滿是枱，又大噪音。員工：一個帶眼鏡女員工，不停在偷食店內點心蝦餃皇 :  只得一隻中蝦，外皮又厚，跟本不能稱得上蝦餃皇，外間的酒樓，點心店一般都有2-3隻蝦，而且皮很簿。咸水角 ： 裡面的餡料接近零，同無餡料無分別。腸粉 ：比起酒樓三條腸粉還要少，皮很厚，掣作差。蘿白糕 ：太少粉，唔得结實，好散。牛肉球 ： 一食就知同酒樓差很遠，唔得結實，鬆散，牛肉少。雞扎 ： 味道差，味精重，雞肉唔新鮮。奶黄包 ： 細得可鄰，同雞包仔無分別。反斗糕 ：不知所謂，不鬆軟。

有朋自遠方來，日本朋友想試食點心，又不想到傳統酒樓，所以在網上找到這間精緻點心店。點心選擇也算多，特別款也不少。因為六點多到，所以人也不算多，坐得也很鬆動。糯米雞份量很大，尚算多汁，味道香濃，冬天最適合吃糯米雞，吃完全身都暖呼呼的。呢個叫反斗糕，即係馬拉糕，黎到熱辣辣，好正，又不會太甜，不過兩個人食，一人兩個就有點太多的感覺。蝦腸反而沒甚麼特別。海皇芝士千絲卷，很香脆，裏面的蝦也很大很彈牙，非常推介。

過時過節，去飲茶要等位是正常的吧！ 今天同老婆去深水埗、太子、旺角一天遊， 行到有點攰。見到有間小店排曬隊 ！原來係食點心的，於是我哋一於坐低下醫下肚先……裡面裝修簡潔，全塲滿坐， 點心全部即叫即蒸， 正合我意！黃沙潤腸腸粉夠滑，潤腸火候剛好！蝦餃皮真的很薄，面有兩至三隻小蝦！原隻鮑魚燒賣大大隻鮑魚，兩隻都係收$27蚊 好抵食!藥膳雞腳起碼有五至六隻雞腳，湯底好香當歸藥味！特色點心:海皇芝士千絲卷外層係細少的麵絲，很鬆脆，裏面有大蝦 冬菇肉碎……香滑反斗高 四件小型馬拉糕， 好精緻！

想食點心但又唔想去茶樓，於是就同朋友去咗呢間點心專門店試吓間野都唔算難搵，出咗太子地鐵站行一行好快就會見到。都幾多點心嘅款式可以揀一坐低好肚餓所以即刻叫咗個糯米雞糯米飯煙煙銀銀好好味，餡料都好多好足，有雞肉、冬菇、火腿等等跟住就係流沙奶皇包個包好鬆軟，一咬落口d奶黃就流出嚟，味道都啱啱好之後叫咗一碟蘿蔔糕，個人應為賣相就一般般，但食落都好重香肉味，而且都剪得幾香脆雪山叉燒包，出面個皮真係好脆，但叉燒餡料嘅份量就可以多番少少，但總括而言一啖咬落去都好好味最後係鹹水角，煙煙銀銀，入面嘅餡料好香口，而且唔會太油膩，值得推介

呢個食評係追番上個禮拜五嘅，我可能好耐冇飲過茶，見間龍太子點心專門店啲評分唔錯，所以好期待。可能就係呢信期待囉有少少失望，其他一般正常嘢唔講，所有野都普通咗啲，唔覺有啲咩特別出色。係只糯米雞幾綿。最失望嘅就係，餐牌上寫着嘅多汁小籠包，竟然乾過我個銀包。一滴汁都冇，個皮仲要硬度9H。我哋都算係知慳識儉之人，唔會浪費食物，但係今次我哋真係食唔落。最恐怖嘅就係喺去過臘味糯米飯裏面, 竟然有隻蝦蚶仔係啲飯裏面，好彩冇食到。我估佢係唔小心嘅啫不過下次要煮嘢嘅時候睇清楚啲。其他食物賣相一般所以冇乜點影相

話說星期日陪完媽咪辦年貨，肚餓乏力！行左去籠太子食點心醫肚。因為都成9點幾，所以唔需要等位，直接入座。拎張點心紙係咁剔自己鍾意食既！大約15分鐘後，d點心陸續黎曬。今次既幫襯其實係有小小失望。因為之前都食過幾次，每次都好好味！但係今次呢，個環境唔係好掂，我座個位附近有陣壓味，都幾嘔心，仲有張枱都有污漬，真係扣曬分！味道大不如前！失望呢

得閒飲茶！唔知係唔係好耐無食點心喇所以特別好食😄最中意呢度既蝦餃！皮薄餡靚，兩粒無記錯只係13蚊，好過去茶樓嗌個頂點啦🤣其他點心質素都好唔錯架燒賣都可以嗌一籠細既有2粒👍🏻呢度上菜時間適中，環境衛生，坐位有少少迫而且都幾多客，但無所謂啦d野好食又唔貴

好耐冇飲茶食點心啦😆每次食飯都會做下功課，睇定有咩必叫既食物鮑魚燒賣: 係一粒普通既燒賣上面放左爽口彈牙既鮑魚😂(爽口彈牙好似係用黎形容魚蛋🙈)流心奶黃包: 冇第一時間食，雖然都有流心既效果，但係熱食會好食d鮮竹卷: 麻麻，同記憶中酒樓食既比較冇咁好味芝士咩咩咩🤔🤣: 個名真係有芝士架 但係一d芝士味都食唔出🧀總結不過不失啦😄唔會專登去食第二次咁

食物都算ok，但蒸既食物實在等太耐才上枱，叫左兩籠蒸既食物，金錢肚同牛柏葉，足足等左45分鐘先到，眼見隔離幾枱都取消離開，如可改善提供食物速度就好了，眼見有客人等外賣，也等了一段長時間，未試過一間點心需要等甘耐，又不是高朋滿座，希望能改善一下

放工同老婆去了太子的點心店食晚餐，位於柏樹街的籠太子，主要是賣點心為主，款式甚多，全部都是即叫即蒸，新鮮熱辣。我們兩人茶錢$3/位。蝦餃:不算大隻，但皮薄通透，蝦肉爽彈。燒賣:裏面包著大大粒的蝦肉，豬肉不會太肥膩。鮮蝦腐皮卷:外層煎得香脆，不會油淋淋，裏面包著鮮蝦。雪山叉燒包:表面鬆脆，麵包帶有甜味，就餡料比較少，但味道不錯。不是炸兩:腸粉包著類似春卷，裏面用米網紙包著蝦肉，外面腸粉滑，裏面就脆。皮蛋瘦肉粥:粥多餸少，只有很少瘦肉，而皮蛋煲到溶左，粥煲得很綿。海皇芝士千絲卷:外面是用炸脆的米粉包著，裏面是蝦仁及冬菇，芝士就唔多覺。總結：味道不錯，價錢合理，食物款式比一般點心店多，尤其是炸物。

鮑魚燒麥27HKD兩只一籠兩只燒麥，非常有誠意的一只燒麥配一整只素鮑魚本人，擺拍起來超霸氣！如果只放照片不說地點，絕對沒人想到這是出自一家太子普普通通的點心店～再說口味，燒麥很紮實，油脂也不多，鮑魚很彈牙，超大只，整只吞下滿足感max！

一起身已經係中午時份~飲個早茶先~好多款~多過添好運試下d食物先~蝦餃王@@勁多蝦~皮夠薄夠軟~皮蛋牛肉腸@@唔覺有皮蛋既?今日既老火湯係西洋菜~岩晒我可以下火~@@煎蝦膠釀茄子@@呢味就差d~d蝦膠似原條蝦多d~無咩膠質咁~同埋似炸蝦-_- 唔係煎咁... 好熱氣-_-靠個汁黎調味~海皇芝士千絲卷~賣相一流~但食唔到任何芝士味...又係有蝦係入面~仲有冬菇~流沙奶皇包@@超熱超漏奶~一咬落去wow~~咸蛋黃既香味~正仲有原隻鮑魚燒賣~1籠2隻好方便>v<正總結:食野質素好高~又多款~好食過添好運~價錢又唔算貴~唔錯唔錯!!