籠太子點心專門店

营业中

休息中

年三十特別想食中菜，於是就同男朋友黎到籠太子食點心！同平時嘅茶樓唔同，呢度係專食點心嘅。我地開頭都擔心餐廳可能會提早收爐，但好彩我地去到都無摸門釘～點心嘅種類好多，亦有好多呢度獨有嘅創意點心。我地兩個好肚餓，叫左8個點心！1. 鮮蝦燒賣皇燒賣嘅水準正常，但蝦肉份量少。2. 煎蝦膠釀茄子蝦餃彈牙，加埋茄子同豉椒汁好惹味。3. 海鮮蘿蔔絲煎薄撐薄撐偏厚身，有一絲絲蘿蔔，香口又飽肚。4. 原粒瑤柱子灌湯餃我個人無特別鍾意灌湯餃，但佢個size都幾大。5. 多汁小籠包小籠包一般，外皮比較厚，但餡嘅味道都OK。6. 海皇芝士千絲卷食落好脆口，裡面有蝦，食落芝士味比想像中弱。7. 籠太子蝦餃皇蝦餃皮煙un，蝦肉亦好彈牙。8. 雪山叉燒包包面好脆，裡面嘅叉燒一絲絲，好好味！呢間價錢唔貴，推薦比鍾意食點心嘅大家！

邊個話飲茶食點心一定要去酒樓？早排我發掘到一間位於太子食點心既小店，睇到網上評語都吾錯，就豪不猶豫約朋友去食。依間點心店吾算大，亦吾似一般傳統酒樓。食物方面，佢吾單止提供舊式點心，仲有好多新派點心好有創意，而且佢另一個賣點係營業到凌晨兩點，岩晒d鐘意食宵夜既朋友。因為價錢夠貼地，所以我地都叫到成枱點心。其中有幾款我幾推介：【海皇芝士千絲卷】 $21依個係必食點心之一，金黃色外層卷住鮮蝦肉，外皮酥脆之餘口感豐富。不過芝士味比較淡，如果芝士味濃d更正。【煎蝦膠釀茄子】$17茄子皮小小脆，中間既蝦膠同茄子肉加上甜甜地既茨汁幾夾，釀得好入味。【流沙奶黃包】 $21鬆軟既流心奶黃包，食落有蛋黃咸香既味道，不過流心吾多，如果吾係口感會更佳。整體黎講，籠太子點心價錢大眾化，點心款色多，新派點心亦相當吸引，一定會再黎幫襯！

香港係點心文化之都，有時想飲個茶食個包要假日中午先可以去食，但weekend 想訓晏d, 跟本冇行動力去食。所以放工後，我會黎呢度食幾寵好味點心哦～呢度地方不大，總是坐滿食客。種類有好多，竟然可以叫啤酒飲😂皮蛋牛肉腸 $22腸粉又香又滑，我每次黎都會叫一碟，但我食到芫茜既香味既🤔鮮蝦燒賣皇 $13(2粒）呢度既蝦餃和燒賣都可以叫 2粒，2個人黎食會食唔到咁多，每人食1 粒剛剛好，可以試多d 其他野食。 燒賣大大粒，鮮蝦口感爽脆。籠太子蝦餃皇 $13 (2粒）雖然裡面既蝦唔係原隻上，但都好多蝦肉，新鮮爽脆好好味。魚肚水餃 $20內有3粒大大隻水餃，個湯好有驚喜，鮮甜好味，忍唔住飲曬。仲有大大舊魚肚，好豐富。流沙奶皇包 $22有時去酒樓飲茶，流沙包入面都唔係流沙，感覺只係濕濕地既奶皇響入面。但呢個係真。流沙，仲要金黃色流出黎，食既時候小心唔好流到成手都係呀！香芒沙律盞 $20好驚喜既甜品，生果沙律配脆脆底出奇地夾，好開胃，想食多幾件。食咁多野都係每人幾十蚊， 食物又高質，正

以往食籠太子每次都非常稱心滿意，原隻鮑魚燒賣、雪山叉燒包、不是炸兩等次次必食〜勢估唔到隔左幾個月，專程帶外國朋友來試，竟然質素差左咁多點心又凍又縮水，跌哂watt，虧我同朋友講話有幾好食幾好味，真是好失望。希望之後可以上返昔日嘅水準，一定再黎支持！

今日放假早餐唔食茶記，去食點心兼慢慢嘆茶，見呢間龍太子點心好評都幾多，咁就去try try啦。雪山叉燒包估唔到最快來的竟然會係雪山叉燒包，一睇個樣就知係伏，食一啖已經放棄，個皮係淋架！好似唔知雪左幾耐，再拎出泥蒸返熱去咁，真係一粒星都唔想俾，男朋友將佢俾返侍應投訴太難食。皮蛋牛肉腸腸粉皮偏厚，完全食唔出皮蛋味，和普通牛肉腸差不多。流沙奶黃包咁多點心之中，流沙奶黃包係最好味嘅！熱辣辣的包，咬開d奶黃真係流沙嘅!薑蔥牛柏葉份量都算多，薑蔥味剛好，爽口唔會韌。原粒瑤柱湯餃呢個係我食過最難食嘅灌湯餃，個湯好淡，隻餃嘅餡包得好結實，但又係食唔出乜味，餃皮又厚，非常失望！蝦餃皇蝦餃皮煙韌，每粒都包住大蝦！原隻鮑魚燒賣Gimmick位係隻鮑魚，味道同平時係茶樓食嘅燒賣差唔多，不過不失。煎蝦膠釀茄子蝦膠入口爽彈，加上厚切的茄子，啖啖肉咁，不過略嫌有點油膩，食完要飲多幾杯茶。講開茶，順帶一提，這裡只有桌上保溫壺的茶提供，沒有任何選擇。店員聽到我們投訴，所以主動替我們更改刪減了雪山叉燒包，服務態度方面加返些分。

呢間點心間唔中都會黎食下，比其他人氣點心黎講，我會揀呢間，起碼唔太迫同唔會趕人走，如果你有食開點心又未識過既，可以試下呀燒賣我覺得幾好味， 蛋都還可以，出面唔係間間有既點心。金錢肚，金錢肚底係烏冬而不是蘿蔔不過對於我是可以，份量還可以吧。不是炸兩口感還可以，有點似腸粉又有點似炸兩，又係出面少有既點心。不過唔知係咪同之前比就口感好像差一點點，不過都ok既。再熱點還好。山竹牛肉口感唔錯，唔粉既所以幾好味，又幾大粒又有山竹。呢度最鍾意叫既一定係流沙奶皇包，因為佢真係會流架 唔係流料，所以可以試下啊價錢都算抵既，大多點心都係十幾至廿幾蚊。總結係九龍食點心，揀呢間試下吧。

同太太兩個人黎，好多人等位，等左半個鐘左右。點左棉花雞，皮蛋牛肉腸，鮮蝦葉苗餃，不是炸兩，煎蝦膠釀茄子，鳳爪排骨飯。皮蛋牛肉腸係招牌菜但質素一般，皮好厚，得好少餡。不是炸兩比較有特式，但無乜味。煎蝦釀茄子不錯。其他點心都一般。最值得一讚既係鳳爪排骨飯，好夠味。最後就係店員服務態度非常好 👍

每次路過，都有一大堆人在等位，湊熱鬧也來試一下。大約三點多到店到店，等了一下就有位，點了腸粉、排骨飯、燒賣、蝦餃、百頁和一碗熱騰騰的湯。味道產品整體味道不錯，是港式標準味道，湯是最好的，沒下味精，且能喝到湯料的味度；腸粉也很好，特別個腸粉皮很有口感，但又不會太厚；蝦餃則不合格、皮太差，易穿，而且個「咸」沒味之餘蝦不夠「爽」口；其他的是標準港式水平。其他服務基本上是港式標準，環境則以「籠」為主題，也是有點香港特式的。

呢間餐廳地方算係坐得舒服, 地方大, 桌位大,一黎我就試左最中意食既金錢肚先!醬汁好濃味, 味道算係唔錯, 比較突出既係加左d烏冬係到,可以更易飽肚, 烏冬本身撈醬都係十分好食, 所以配搭得好好!小籠包又係考功力既時候, 小籠包多湯水既, 同一般酒樓個d比 係佢地之上,但係對比正宗小籠包都差緊小小, 主要d肉味調得同湯有小小不夾, 但係整體都係比酒樓高.腸粉即叫即整, 腸粉滑, 醬油都係有煮過比較好味.份量多, 算係唔錯~ 正常點心會叫到既野, 基本上煎得唔錯嫁啦, 脆得黎唔會太過燶.3件為正常份量.呢到係cwb黎講價錢算係平, 平得黎質素相當不錯, 部分味道又有別於酒樓比較有新意~ 會再黎.

今日離開呢邊，突然想食點心，就嚟到呢間餐廳，呢度有個好處就係門口可以停車，雖然都要事事赫赫踏實，但係都好方便。之前都食過一次，係朋友帶我嚟嘅，今次我又大個朋友嚟食，呢度嘅點心好新鮮，應該都算做即叫即正個種，價錢唔太貴，而質素好好，又有我鍾意食嘅煎蘿蔔糕，炸雞，而且店員嘅服務都好好，我哋今日係大約12點嚟食，餐廳唔算多人，咁就正好可以坐得舒舒服服咁食啦

係深水埗想飲茶食點心，我估好多人只會諗到極具人氣既添好運，但又唔想排隊等餐死？（我好怕食野要排隊等好耐）其實行遠少少去到太子都有一間唔錯既點心專門店《籠太子》選擇。呢間店鋪裝修格局唔同傳統一般既中式點心店或者茶樓，佢裝修設計都好西式cafe感覺。天花頂掛放滿鳥籠，牆身用上田園綠，而且都算坐得舒服闊落。煎茶🍵 點心專門店唔同傳統茶樓，最主要係食佢既精緻點心，反而飲茶既茶葉都唔係重點。 所以好多時都預咗佢會比一大壺淡而無味既熱普洱比你就算，包括好多人去既添好運。反而呢間好特別咁比左煎茶，而且飲落仲有好香烘培過既茶葉味。奶黃流心奶皇包🥢佢嘅奶皇包入面流心效果做得幾好，鹹蛋黃味較濃，奶味都夠，而且有鹹蛋黃沙質感，可惜美中不足既係包皮未造得好軟熟。但都覺得係呢間既必點點心。😋😋煎蝦膠釀茄子🥢另一個推介俾大家既係呢款點心。佢既茄子煎得外脆內軟，上面釀有薄薄嘅蝦膠非常之彈牙，加上配搭偏濃味既豉椒汁都好夾🤤🤤海皇芝士千絲卷🥢 呢個賣相都唔錯，放棄用雲吞皮而改用麵條包住炸到好脆既雲吞，口感變得特別，入面有隻好爽口既蝦但略嫌偏細隻同埋芝士味唔太突出黑椒金錢肚🥢金錢肚都夠爽口易咬，而且都夠入味。但個黑椒汁過

十一放假第二日諗住睇夜場電影之前係屋企附近醫醫肚，行行下就到左呢間籠太子。原本就係俾佢門口果塊無味精湯品吸引既，是日係"蓮藕豬骨湯"。餐廳門面都ok，入面格局都唔算太逼，我地兩個被安排左坐係6人檯既邊邊。點心選擇都幾多，價錢唔貴，仲有得揀2粒咁上燒賣同蝦餃，都幾體貼兩人細食。我地兩個人叫左6餸一湯。首先黎左個湯，好大一碗，可以飲成4-5小碗，湯入面有蓮藕同豬骨，味道較淡，可能因為無味精。雪山叉燒包: 唔好食，皮唔脆，餡又少，我咬左兩啖先食到一舊叉燒，仲要顏色唔係一般叉燒咁既色，唔建議食。翡翠帶子腸: 幾好味，帶子份量多，每舊都有2粒小帶子，仲要彈牙。腸粉皮較厚但勝在夠滑，可以一。黑椒金錢肚: 黑椒味濃同少辣，味道惹味，金錢肚彈牙。灌湯餃: 好一般，皮好淋。鵪鶉蛋燒賣: 不過不失。最後埋單兩個人食左$153都幾平，不過總體黎講野食質素一般，樓面伙記好似唔太夠使，得2,3個人。不過都算中規中矩，附近既街坊可以一試。

Every time when we feel like having Dim Sum we come here. They have a big variety of Dim Sum, the portions are a little small but that just makes you try more of everything. My favourite are the Pork Buns and Rice Rolls. The staff seems very nice and attentive even when it's full house.

今日係太子放工後，同男朋友黎到籠太子。由於係12點半，正值午餐繁忙時段，門口都有好多人排隊，男朋友睇過餐牌覺得岩食，就決定試下，整餐飯好有驚喜，比我地想像中好食好多😋😋😋佢地提供既茶係玄米綠茶🍵，甘甘甜甜，非常消脂解膩，我同男朋友都好中意😍蜜味叉燒腸 $21粉皮唔會太厚，剛剛好，叉燒份量好多，配上甜豉油，就更入味😽黑椒牛錢肚 $24金錢肚爽身，易咬，下低有少少烏冬，吸收曬金錢肚既味😗潮州蒸粉果 $16粉果我無食到～籠太子蝦餃皇 $13（2隻）原隻鮑魚燒賣 $28兩者都係平時飲茶必叫，兩樣都係裡面有著原隻鮮蝦，非常爽口彈牙。不同之處係燒賣上面加左鮑魚，更顯高貴。流沙奶皇包 $21呢度既奶皇包真係必叫😍，一咬裡面既奶皇餡即係流出黎，即使個包放耐左，依然唔會凝固，都係會即刻流出奶皇，甜度亦剛好。多汁小籠包 $20以$20有4件小籠包，價錢上非常抵，但質素方面就較遜色。小籠包size mini，餡皮太厚，咬落去只食到餡皮，豬肉好少，會留汁，但係唔多，小籠包既汁偏咸，不算鮮甜。總結黎講，食物大致上都好高質，價錢非常親民，$10-$20就有一樣點心，食物同價錢比起一般酒樓都要優勝，如果係想飲茶既朋

本人是名點心痴，每星期總有一兩天半夜去買點心，呢間籠太子，想試好耐，今日終於一試，昵間點心完全唔難食，但我肯定唔會再去，九龍我試過幾間相比之下，佢係最差，如果宵夜想食下點心，慶發，永豐也可以