米線陣 (加拿芬廣場)

营业中

休息中

米線陣係大家樂集團既，想來一餐經濟既就算，點知都有驚喜喎。講緊既係依個$58 DIY 黑椒肥牛石鍋燒。可以要烏冬或即食麵，包飲品，記住特飲都可！一上菜係咁既，肥牛都算多架，黑椒一早係入面，加少少配菜，無湯，就係咁煲住。開始時都驚煲燶d烏冬，但原來係食撈烏冬。所以有三個配料。我哋跟咗推介食法。首先將粟米、五香肉丁撈落去食第一轉先。芝士第二轉先加落去。撈咗就係咁。撈完烏冬好入味同辣，但黑椒味仍然香口同唔會俾五香肉丁既辣蓋過。好野味。就連肥牛都辣辣地，而且無根又唔鞋十十，好好味。食到咁上下就可以撈芝士啦。咁又係另一番風味，好香芝士味，但又唔會膩，因為黑椒同五香肉丁汁中和咗。另一個就清清地既魚腐蟹棒蘿蔔米線 $38。要講既係蘿蔔好入味，而且好多汁，唔通煲得耐所以吸晒d湯汁？至於魚腐蟹棒就不過不失啦。飲品叫少冰，但冰多都嚇死人！所以依杯冬青檸薏米水其實淡如水，只有食o個d薏米先有味囉。你話清清地又得，你話俾d冰整淡咗都得。我估d薏米同塊青檸都值加你$5既。

a happy breakfast set price indeed I walk in and have a 22$fresh brewed hot coffee ☕️ Ok 👌 Every thing is fine

近日發現加拿芬道又開多左問新店舖~米線陣下午茶時間，店內非常多人，幸好去到時，剛好有對情侶離開，不用等位..在門口個AGM好有禮貌哦今次試試水煮系列套餐有水煮牛套餐及水煮自由配套餐，貪心既我當然會嘗試多款式的自由配水煮自由配套餐(二人餐)水煮配料已包鴨血，大豆芽， 芫茜再由 二十六款配料中選五款款式都幾多喎個水煮湯底非常之辣,好適合喜歡食辣既朋友仔哦推介點蘿白, 冇渣又甜面食可選米線或薯粉小食: 四選三選了脆香腐皮卷，蒜香手拍青瓜及醋香雲耳小食方面唔錯，腐皮卷炸得幾香脆，雲耳亦都好爽飲品兩杯待應推介潤燥涼粉火麻仁及健脾亞塔子普洱茶潤燥涼粉火麻仁同平時在涼茶店既味道差不多, 多左D 涼粉姐, 唔錯

上次介紹過呢一度嘅擔仔湯好都幾好食，去到寫食評嘅時候先發現原來佢開咗無幾耐。喺呢度返工嘅某位朋友向我推薦話一定要試吓佢嘅水煮系列。又抵食又好食喎。特登搵左一個傍晚等埋朋友一齊品嚐。水煮系列實在抵食價錢只係80幾蚊就可以，係任何一間川菜館帶一個水煮牛或者水煮魚相信冇＄200都應該落唔到樓。呢一度可以一人份量80蚊或者二人份量一百六十幾，酷愛辣或者唔辣嘅朋友都可以喺呢度識到適合嘅嘢食。我點左一個水煮牛肉套餐，配上炸腐皮卷，再點左個飲品唔記得咗係啲乜嘢加普洱茶，飲落又幾不錯喎。介紹話佢係清熱解毒。酸酸甜甜又有茶嘅香味。水煮系列冇得選擇辣度，我認為佢有譚仔嘅中辣級，係惹味而且值得挑戰。水煮牛分量十足，配有好好味鴨血，以及浸咗辣汁之後好辣嘅豆芽。。。份量真係好大一個人食應該係太多嘅，再配上薯粉或者米線，好彩個份嘅湯底唔係辣咋，如果唔係真係辣到嗎潤腸都出埋。至於炸腐皮卷即叫即炸外皮香脆裏面呢充滿蔬菜口感。一盒有三條10分抵食。有時約埋一班人去食川菜都有啲麻煩架，你知啦又有人話食辣有人要唔辣，既然咁麻煩又咁難約不如下次自己一兩個過嚟食返個水煮系列都好呀！唔食辣嘅朋友咪試吓個膽仔份囉！包保冇交嗌。

前幾日朋友話尖沙咀有間米線陣有得食水煮野，第一次聽原來係新野喎，朋友就話下星期去試下，去到坐得都幾舒服，位置又大，我地睇到個水煮川味餐牌2人份量2百都吾洗幾抵食就試下佢先。2人餐有得選擇3款小食，我地選了腐竹卷超脆又夠熱度喎，入面材料仲要吾少，啖啖肉，但如果有醋就更加好。之後黎豬頸肉睇落幾多辣椒粉喎，食落吾會得個辣字，豬肉味都保持到吾錯，青瓜 好香蒜味加上青瓜脆又清新絕對解到一陣的水。煮辣度。水煮牛魔王，牛肉，牛，牛肚，牛肚，鴨血，大豆芽……份量剛好2人份，水煮夠辣又香，朋友同我都覺意外好味，入面牛類入晒味但又保持到牛肉香同質感吾錯，最底仲有大量芽菜食添……份量吾好睇隻碗細但超多料。食落咁多都怕太飽 ，好彩我地叫的米線和薯粉，份量剛好，又吾辣，薯粉口感不錯。最後飲品都黎到，我地叫飲品： 青檸薏米水，忌簾菠蘿特飲，份量都大杯而足料，味正常吾差。

今日臨時約朋友食飯，本身想去食厚福街生牛肉河 無奈要等位同果度唔可以坐低傾計咁耐， 朋友又唔飲酒無得摸住酒杯底傾下心事。行過對面加拿芬廣場有人派緊宣傳單張， 我地就試下地庫間米線陣啦，話哂香港人都特別鍾意食米線，當然米線專門店都唔少~ 睇四周環境好新嘅裝修，仲好光猛， 全部台都喺而家少女們好鍾意嘅白雲石枱， 睇落唔似食米線wo，望一望餐牌先肯定呢度真喺食米線無入錯第間鋪頭 由於朋友想試水煮系列嘅米線，我真喺唔多食辣野。。 平時食米線都只叫清湯。。估唔到佢餸同米線喺分開上， 起碼我碗米線唔喺浸滿辣油，餸就有牛腩，鴨血，牛肚，牛，下面鋪咗好多芽菜 個人覺得味道喺幾OK, 唔會辣得好過份但又有香味， 可能剛去完韓國，覺得香港嘅辣喺有層次好多，仲帶小小麻辣。 如果唔喺幾頂到咁辣，我會建議用清湯過一過先放入口，不 減佢嘅香味但至少無咁辣。食得辣嘅朋友就唔洗咁做啦~ 食一碗麵都出哂汗，好彩中間仲有小食隔住隔住咁食，腐皮卷 豬頸肉好食! 上面嘅辣粉同熱浪薯片一樣味! 豬頸肉唔會太大舊，岩女仔一啖放落口 我比較鍾意蒜香手拍青瓜，fresh d同蒜味蓋咗青瓜陣青草味， 另外一款醋香雲耳我就

要在尖沙咀找個米線食，來來去去都是星xx，都是一式一樣的雲南風，吃到有點厭。行過加拿芬廣場，看見以前賣名牌的角落變成了米線陣，這簡直是喜訊，至少多個質素有保證的米線選擇了！(PS: 後來在官方facebook 發現中港城都開了新分店！) 米線陣跟大家樂是同一個集團，有鐵膽的招牌菜，閒時都會轉一下餐牌，未至於會吃得悶。想不到這裡的座位頗舒適的，至少明亮整潔。入來找個位坐下、著職員過來寫單便可，食物都會為你呈上，服務不錯。我在米線陣常吃的是茄湯米線，不過見到有新推出的水煮套餐；我和友人都是川辣的愛好者，決定一試：可選兩個前菜，我們選了很健康的醋拌雲耳和拍青瓜。一向在川菜館才吃到的風味，這裡的都相當貼近；是稱心的少油、清新的醒胃少吃。這個「水煮牛魔王套餐」的主角就是一鍋水煮牛，不用擔心米線沾得太多油，因為是分上的。跟川菜館的水煮牛更豐富多樣化，因為內裡有至少四個部位的牛，例如是牛肉、牛肚、牛「展」、牛舌，少不了有些鴨血塊和大量芽菜！我們點的是中辣 (跟職員說我們吃得辣的)，心目中跟實際的辣度相差不遠，超惹味、很夠麻香。特別喜歡軟滑好嚼的牛肚，以及香甜的牛「展」，比已是不俗的牛肉片較為特別和出

我最喜歡吃的米線是金西，我認為是全香港最好吃的，可惜我不在銅鑼灣上班，不是常常可以去吃。市面上還有一兩間很好吃的連鎖米線店，最受歡迎當然就是麥演少辣的那家，蠻不錯的還有這一間米線陣。米線陣的湯底款式很多，這次我選了擔仔湯底，配魚腐和肥牛。上菜速度很快大概5分鐘就到啦。分量十足，魚腐足足有六舊，仲有勁大量肥牛，抵吃，至於湯底呢果然冇令我失望，又濃又香嘅花生湯味道。絕對唔係水稀稀，每一啖米線都食到湯底嘅美味。呢個湯底令我印象深刻。除此之外叫咗一個小食，呢個小食三拼好抵，可以一次過食晒餐牌裏邊幾個想食嘅小食，選擇好多，我點左蒜泥白肉，醉雞同埋夫妻肺片。呢度嘅醉雞之前有食過，到到今日佢開分店都依然水準。下午茶餐都幾抵食呀，坐落去都幾舒服，座位好足夠容易攞位。速食之選。

中午經過見新開有coupon派就諗住試下首先落到去無人響門口,我地就自己禁飛3個人拎住張飛企響門口3~5分鐘左右覺得唔對路,裡面好幾張吉枱既?就行入多一步"唔該~~~"唔該左3次左右,終於有人走黎問"咩事?"我地就比張飛佢"其實駛唔駛禁飛架?"佢左望望右望望,"入面呀"呢個moment就覺得原來唔係無位係唔夠人但之後就知點解啦坐到入去,就睇menu諗下食咩一直都有個黑衫ABM拎住筆望住我地可能當下無其他新枱如是3分鐘左右諗好食咩"唔該~~~"佢就黑面錦望住我地"要咩"我地就講要咩,但佢地menu係複雜(有兩三個唔同set)同張coupon無寫但規定每張單計50蚊可用5蚊佢超無耐性重複三次"我係唔會幫你地計架!"唔止我地枱,其他枱唔同職員落單一樣有既情況(而負責我地枱個ABM"T'特別差)解釋menu用左好多時間,我明你每日要不停講同一堆說話係煩躁既,但我是第一次黎食,唔明好出奇咩?另外公司規定用coupon需要每張單計你就預左客分單架啦點解面口同態度可以差成錦呢單以食物質素就一般啦蕃茄湯底就假甜味手打豬肉丸就似有芫茜馬蹄既燒賣不過個醉雞翼就真的幾好,裡面都夠入味同有個自助檸檬水吧如果侍

香港人平時都會鍾意食米線，但講到食邊間米線，我想十句其九只會講得出果幾間，但有時候想試一試其他的米線店不可以嗎？而今次我就去咗呢個米線店，真係除咗抵食亦相當之有驚喜。餐牌內有多款不同米線選擇，而且比平時食開嘅米線店選擇更多。店內裝潢簡約，坐嘅位置都好舒適。而且更有自助斟水處，啲水仲有檸檬片飲落相當清新。水煮牛魔王套餐今次就叫咗佢個水煮牛魔王，上枱時已經見到佢個份量真係十足，包括有嫩滑美國牛肉丶牛𦟌丶牛肚及牛舌、鴨血丶大豆芽等等，加埋佢個水煮醬汁一齊食，麻辣香口，相當惹味，而且性價比真係好高。香菜濃湯米線套餐更包咗可以揀香菜濃湯米線 / 薯粉，而今次我就揀咗米線啦，湯底清甜，米線就煮得剛剛好，唔會好淋。份量方面，其實兩個女仔食可能都夠食。香酥豬頸肉套餐更包咗款特色小食(４選１)，包括：脆香腐皮卷、香酥豬頸肉、蒜香手拍青瓜、醋香雲耳，今次就試佢個香酥豬頸肉，豬頸肉肉質唔好太乾，表面就有香辣粉調味，下次有機會再試埋其他款先。潤燥涼粉火麻仁食完咁多辣嘢當然要下下火，就叫咗個潤燥涼粉火麻仁，火麻仁通常只會係涼茶鋪先有，而呢到就用佢嚟整咗個特飲，味道方面唔會過甜，再加埋涼粉增加其層次，每一啖都相當