米走雞Live

营业中

休息中

我平時食麵食到厭，就想附近搵啲唔同嘅料理嚟食。啱啱諗起男朋友介紹就喺附近，我就打算去食個晚餐再返屋企。我特別鍾意惹味沙爹湯，喺呢度就叫咗一份試吓。呢間舖嘅湯底比較濃郁，唔似得我之前食過嘅咁清淡，我個人好推薦，暫時係我心目中嘅第一名💯而且飲落好香甜，根本停唔到口！仲有滿滿一碗嚟自美國嘅桶蠔，份量好足，味道都好新鮮，口感幼嫩有彈性，成個味道同口感真係好豐富！我最鍾意就係呢碟小食，雲吞。雲吞入面嘅餡料好足，食落好香！而且涮落沙爹湯之後，帶出咗更加香甜嘅味道，同沙爹湯簡直係絕配！呢碟牛脷有咗青花椒做配料，味道即刻有咗好獨特嘅風味，好驚喜我！牛脷片鮮嫩彈牙，吸咗湯底，牛脷嘅味道更加濃郁，係我暫時食過最開胃嘅青花椒牛脷👍呢度嘅嘢食每一樣都驚喜到我！下次仲要嚟食更多美食！

嗰日好想食好耐冇食嘅火鍋，經朋友介紹之後，就同男朋友去咗米走雞食火鍋晚餐，呢度嘅氣氛真係好好，環境又舒適，裝修又好新穎，服務又好親切，我哋食得好舒服。喺咁多款湯底入面，我哋揀咗惹味沙爹湯，湯嘅口感濃稠，味道鮮甜，帶有蝦醬、花生同香料嘅香味，香味四溢，真係好好飲嘅一款火鍋湯底。肉類我哋食咗西班牙黑豚肉，黑豚肉嘅脂肪分佈均勻，涮一涮之後成塊肉口感嫩滑好食，肉質軟腍仲帶有濃濃嘅香甜味，整體口感同味道都係一流。之後我哋食咗海河鮮嘅白鱔片，煮熟咗嘅白鱔片口感爽脆彈牙，食落仲有少少甜味，味道香醇濃郁，好啱配沙爹湯嚟食。蔬菜類令我印象最深刻嘅係娃娃菜，口感最爽脆最有嚼勁，吸咗沙爹湯嘅湯汁之後口感更加清甜，而且仲含有豐富嘅營養價值，非常抵食。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️【4】服務：⭐️⭐️⭐️⭐️【4】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

平日成日食辣嘅雞煲，今次試下朋友介紹CP值高嘅芝士雞煲+打邊爐～一打開蓋就聞到好香嘅芝士味，滿滿嘅芝士cover住雞件，一夾起啲芝士會拉絲架！好邪惡！雞肉嘅處理相當到位，骨頭較少，方便食用，肉質仲好嫩滑。用餐體驗嘅亮點喺於由雞煲到火鍋嘅轉換。店員細心咁為客人添加湯底，令用餐過程順暢自然。呢種靈活嘅用餐方式，既能享受雞煲嘅濃郁，又能品嚐火鍋嘅多樣，可謂一舉兩得。呢間店嘅火鍋配料可謂精挑細選，每樣都有其獨特之處。日本鮮帶子一咬落去，鮮甜嘅汁水喺口中環繞，口感柔嫩中帶有一絲彈牙。澳洲頂級和牛封門柳肉質入口綿軟，盡顯優質牛肉嘅醇厚風味。蟹籽鮮蝦滑則係別具一格，蝦肉鮮甜飽滿，蟹籽點綴其中，增添咗豐富層次。黃金炸饅頭外表金黃誘人，咬落去時外酥內軟，口感層次分明。沾上湯汁後，更係將火鍋嘅精華完美吸收，成為呢頓美食嘅最佳配角。

我個姊妹最近有咗男朋友，就打算約埋佢哋一齊出嚟食飯。啱啱好我哋之前有講過呢度啲嘢食睇落唔錯，就打算今日去嗰邊打邊爐傾吓偈。呢度嘅環境好有特色，仲擺咗兩幅餐牌嘅相，好得意，我都忍唔住影咗幾張。我哋跟住侍應嘅推介叫咗幾樣餸菜。呢度嘅特別惹味，做做火鍋湯底好啱！沙爹湯本身就有特別嘅味道，令人胃口大開，加上配料帶出嘅香味，成個味道更加濃郁香甜，令人忍唔住多飲幾啖💕加埋金菇食特別好味，花枝片本身嘅肉質實淨，仲帶埋淡淡嘅海洋味，配上金菇彈牙嘅口感，簡直係完美拍檔！呢度嘅好新鮮，唔會有腥味。而且肉質滑嫩，涮落湯底之後，味道更加濃郁香甜，成個口感好豐富，令人難以忘記佢嘅味道！四粒好得意嘅，雲吞皮唔會太厚，口感好爽滑幼嫩。而且餡料特別足，每一啖都可以食到肉喺口中散開，特別香甜，食得好滿足！我哋都食得好滿足，味道方面都好滿足我哋嘅胃口，下次可以再嚟呢度聚餐。

位於觀塘嘅【米走雞】火鍋餐廳係一個適合朋友同屋企人聚會嘅地方。我哋嚟過幾次，每次都覺得呢度嘅環境幾舒服。今次嘅老同學聚會，我哋再次揀咗呢度。人數唔多，所以點嘅野都比較簡單。杞子花膠膠原鍋 🍲我哋點咗杞子花膠膠原鍋，呢個湯底主要係花膠同枸杞子熬制，湯底味道幾唔錯，膠原蛋白比較豐富，適合鍾意養生嘅人。蒙古羊肉片 🥩蒙古羊肉片切得好薄，肉質又細膩。擺喺鍋入面煮一下就熟咗，味道同口感都幾入味。脆炸哈蝦餅 🍤脆炸哈蝦餅外層炸得好酥脆，入面嘅蝦肉都算新鮮，咬落去有清脆嘅口感，係一道唔錯嘅小食。美國桶蠔 🦪我哋仲點咗一道海鮮——美國桶蠔。桶蠔嘅肉質肥美多汁，味道都幾鮮甜，配埋辣椒醬味道更好。如果你搵緊一個可以享受美食同埋同朋友或者屋企人開心聚會嘅地方，【米走雞】火鍋餐廳絕對係一個唔錯嘅選擇。呢度嘅環境好舒服，食物更加保證滿意！😋

【米走雞】係我同朋友最鍾意去嘅火鍋餐廳，位於觀塘。昨晚我哋又去食啦！呢度真係我哋聚會嘅好地方。我哋一样點咗蒜蓉トト蜆鍋，呢個鍋底係用蜆同埋蒜蓉煲成嘅。蜆肉好嫩滑，好新鮮，蒜味唔會太濃，同蜆嘅鮮味啱啱好，非常夾。仲有，霜降Prime牛板腱亦都好好，牛肉有嚼勁，味道好正。Wasabi鮮墨丸嘅口感好Q彈，加上wasabi嘅辣味，食落有種新奇嘅感覺，鍾意wasabi嘅朋友一定要試。呢度嘅雲吞都唔錯，皮薄餡靚，一咬落仲會爆汁，好滿足。我仲點咗啲虎蝦，蝦肉好新鮮，食落仲有爽脆嘅感覺。最後，我哋試咗竹笙墨魚滑，呢個組合幾特別，竹笙爽口，墨魚滑Q彈，味道鮮甜，唔錯嘅配搭。總之，【米走雞】係一個好適合同屋企人或者朋友聚會嘅地方，食物新鮮美味，大家一邊食火鍋一邊傾偈，氣氛好正！👍

我老豆最近升職加薪，話要請我哋食餐好嘅，慶祝吓！佢好開心咁同我哋講，之前嘅客介紹佢位於觀塘嘅有好幾款雞煲，仲有火鍋，啲嘢食都好新鮮好食，推介老豆去試吓。老豆就決定帶我哋去食晚餐慶祝。我哋點嘅火焰麻辣雞煲嘅麻辣味好濃郁，特別刺激味蕾，令我哋胃口大開。加上其他配料嘅搭配，更加香濃，好正！仲有食之前，侍應會加酒然後點火，成個畫面好靚啊，簡直係視覺嘅享受！老豆仲話呢間舖嘅雞肉特別軟，仲好新鮮，係佢暫時食過最好食嘅雞煲！仲有萵筍涮麻辣火鍋後嘅口感特別清爽，味道仲甜甜辣辣，成個味道同口感都特別好！霜降Prime牛板腱嘅牛肉唔會太韌或太腍，有油花，涮落湯底，肉質更加軟嫩，味道簡直係完美！黃金炸饅頭真係炸出咗金黃色，外皮香脆，入面香軟，係一道好正嘅小食。我哋仲諗住加多一次，因為口感太豐富啦！我哋都食得好開心啊，嘢食整體都好唔錯，下次仲會再嚟！

話說回來本身同朋友打算去隔離食西餐，點知人哋last order 無辦法唯有去隔離食雞煲。我倆本身就唔係為食而去，咩原因都好無辦法唯有食啦。我哋叫咗一杯檸檬茶味又好重酒味嘅Long lsand 同一杯檸檬汁嘅薄荷特飲（有酒精）當然我哋係完美地中伏，雞煲有雞味但難食，成晚最正常係Asahi 🤣🤣🤣，如果想中伏可以試吓。成晚無冷氣，啲野係勁難食。但服務真係唔話得，無論態度又或者佢哋嘅服務質素，真係好好但可惜啲野食真係好難食。絕無下次！！！

邪惡既根源來自惡魔既誘惑❤️最愛芝士雞煲❤️超級濃既芝士加埋啖啖肉既雞脾肉洋蔥既甜味配埋芝士係一流既味道食完雞煲再加湯打邊爐兩個人係食唔到咁多野，但樣樣都想食脆鯇腩都好鮮味炸饅頭係純粹口痕想食本來擔心芝士湯烚油麥菜會唔夾經過我既勇於嘗試原來油麥菜既味道太強大啦係會完美掩蓋所有既芝士味😂熱愛芝士既我跌入左呢個變豬陷阱既深淵#belle推介餐廳#米走雞 #芝士控 #芝士雞煲 #foodie #hkfoodie #food #我愛芝士 #下餐先減 #辛苦搵黎志在食 #官塘美食 #官塘 #ktfood #雞煲 #火鍋 #火鍋控 #吃貨人生 #吃貨日常 #吃貨 #食就係人生意義

又到食飯時間，依家咪走雞已經食咗好多次，因為都幾抵食，所以一諗到食咩就會食呢間。今日我叫胡椒湯雞米粉，佢個湯有少少辣，不過叫胡椒就係想要呢種辣。佢有米粉，麵，或者米線間。我就最鍾意呢度嘅米粉，掛湯同埋爽口。佢呢度份量都好足，食完下午唔會周圍摷嘢食。雞肉份量好多，如果係女仔未必食得晒，我係男仔食都勉勉強強。佢個湯好濃，加上啦，暖肚又好食。其實佢呢度我最喜愛嘅就係佢嘅雲吞，好大粒，好足料，冇記錯入邊係有兩隻蝦添呢間舖頭一到中午時間就要排隊，建議大家早少少嚟，咁就唔使排隊啦。

做完一份大project，終於可以放假和幾位姊妹行街shopping，玩到傍晚決定系附近既餐廳食野。☀金湯桃膠花膠雞湯☀湯底濃鬱鮮美，充滿雞肉的香味。桃膠和花膠則是兩種珍貴食材，富含膠原蛋白和營養物質。☀青花椒牛舌青花椒的香味和辣味為牛舌增添了濃鬱的風味，給人一種麻辣鮮香的享受。牛舌的肉質豐富多汁！☀茼蒿☀煮熟後保持了一定的脆度，口感清爽。☀腸仔☀，搭配特製的調味料，味道鮮美香甜。☀手切霜降牛頸脊☀手工切割的方式保證了牛肉的紋理和口感完整，每一塊牛肉都帶有嫩滑多汁的特點。搭配適量的調味料，讓這道牛肉更加美味可口。總括而言，CP值幾高，歡迎姐妹們來打卡。☀

呢排成日要OT, 所以好多時都系外賣，食到厭曬。今日唔洗開會，所以收工決定同同事來吃好D！我地首選米走雞。🧣🧢我同事話呢間餐廳其實開業沒多久已經排曬長龍，證明品質有保證。/////👛👜特級雪花肥牛/////油花分佈細密均勻，口感軟嫩柔滑、肉汁豐富！/////蒙古羊肉片//////////熱辣辣嘅羊肉片，口感軟綿綿。霜降Prime牛板腱///// 🤣肉質勁彈牙，古五到可以做到甘惹味，第一次試已經愛上。/////海膽丸/////好容易熟，D汁系口度爆汁。/////茼蒿/////可以中和反肉質既油膩感。/////杞子花膠膠原鍋/////花膠好creamy好滋補。呢間鋪真系沒令人失望，唔怪得成日甘多人排隊都要食。

天氣寒冷，最好就係食火鍋，阿女同我都好鍾意去米走雞，佢哋真材實料，百食不厭惹味沙爹湯👈🏽我食過幾次，次次都keep到水準👍🏽每一次都係咁濃👍🏽用嚟打邊爐真係啱晒😁澳洲頂級和牛封門柳👈🏽好軟稳，肉質柔嫩，肉質比較彈牙，有牛味易咬，油花較少，味道極濃唔錯😍手打墨魚丸👈🏽每粒都雪白飽滿，淥完食落好彈牙，仲食到墨魚碎，保證真材實料，打邊爐一定要食手打係無錯既👈🏽韭菜餃👈🏽皮都算薄身之餘，質感亦微微煙韌彈牙，韭菜香濃惹味，色香味濃，淡淡既韭菜氣息迴旋在口中，讓人回味無窮🥰生菜🥬👈🏽大大碟，都洗得乾淨，生菜索埋啲湯好好味😋

平時我都系睇人地既食評多，自己很少真系寫出來，呢個蒜蓉トト蜆鍋同埋食物真系好抵食！要重點介紹呢個【手打五寶拼盤】組合，入面有豬肉丸，牛肉丸，蝦丸，墨魚丸，鯪魚丸。牛肉同埋豬肉補氣、補腎、墨魚丸同埋蝦丸滋補、養顏。【蒜蓉トト蜆鍋】蜆肉非常creamy,而且好乾淨，完全沒有沙。【鳳城水餃】水餃，水餃皮薄而滑嫩，內部餡料鮮美多汁，一嚐難忘。另外仲有菠菜餃，韭菜餃，雲吞，同埋M5和牛餃🍱 。【鵝腸】咬落去爽爽脆脆，浸落湯入面滋滋味味。【皇帝菜】色澤鮮豔，清爽解膩。我地都食得好飽，一致覺得呢間野可以再來食！

一家大細嚟到觀塘嘅米走雞食飯，呢間餐廳專食火鍋，有好多唔同湯底選擇，食物材料亦非常多，除咗食物之外仲有各種飲品，保證好味道。響鈴脆卜卜吸水力十足，放落去火鍋淥一陣，吸咗湯汁有好香嘅湯汁味，又食到響鈴脆卜卜嘅滋味，絕對係打邊爐一流嘅配搭！紫菜紫菜味道非常香，口感亦好豐富用嚟打邊爐真係第一次食，但係意外地非常特別又好好味下次如果有又要再咁樣食！手切霜降牛頸脊打邊爐點可以冇牛肉啊？呢一個手切嘅霜降牛頸脊，充滿脂肪又有肉，油脂香味十足，食落去肉甘香鬆化，切得薄薄哋放落去火鍋淥幾秒夾上嚟食滋味，完全鎖晒喺肉纖維入邊！惹味沙嗲湯沙嗲湯真心零舍惹味，有少少辣辣地又有極香嘅沙嗲味，配任何材料都非常搭，甜甜辣辣大人細路都食得。