米走雞Live

营业中

休息中

今日因為收工執手尾搞到好夜，想食的餐廳已經截單，唯有選過第二間，朋友就推薦去佢食過的米走雞，好多唔同的湯底可以揀！一看餐牌樣樣湯底都好想食！好彩朋友突破盲腸，建議已經咁夜不如唔食好辣！選滋潤的暖一暖胃，補一補身子。那就杞子花膠雞煲啦！一來到見到煲湯底 就已經知道冇選錯。等待湯底滾起的當兒，我就已經飲住兩碗湯。花膠給的份量仲要唔少，而且都幾厚身冇腥味。雞肉好大好多好好味，非常之鮮。湯底也濃厚，沒有味精湯般的感覺，放進火鍋配料和蔬菜後湯底更顯清甜。翠綠爽脆嘅唐生菜，菜葉薄而嫩，清甜多汁。無論係生食定熟食，都可以感受到佢獨特嘅鮮甜滋味。油脂豐富、肉質細嫩嘅西班牙黑豚肉，入口即化，油脂喺口中爆發出濃郁嘅香氣。外皮金黃酥脆、內餡鬆軟香甜嘅黃金炸饅頭，係經典小食，一啖咬落去，酥脆嘅外皮喺口中發出喀滋喀滋嘅聲響，而內餡嘅香甜則喺口中慢慢化開，令人回味無窮。

前排我嘅中學舊同學約咗我哋班出嚟打邊爐，大家都喺度討論要約去邊度食晚餐，其中一個已經結婚嘅人妻女同學就提議去呢間【米走雞Live】，我哋睇個名幾得意，就訂咗位周末大家去嗰度聚會敘敘舊，吹吓水。 去到嗰度發現佢哋出名食雞煲，然後火鍋都唔差，最後大家都叫咗自己鍾意食嘅嘢。 我今次點咗佢哋嘅沙嗲湯，一上嚟就聞到沙嗲嘅飄香，然後濃濃嘅東南亞風味，非常有特色，可以話拿個襪煮都好食。 M5和牛餃係我其中一個食咗仲一直食，根本停唔落嚟嘅一道菜，和牛餡非常飽滿，然後和牛獨有嘅油脂香味喺咬開餃子嘅時候涌咗出嚟，非常好食。 仲有白鱔片，配住沙嗲湯煮非常入味，口感綿密細膩，一啲都唔會腥，鮮香無比。 冇諗到萵筍配沙嗲湯嘅味道都可以咁好食，萵筍有住沙嗲嘅蔬菜清爽口味，然後沙嗲湯再嚟提吓味，簡直絕配！ 我哋班老同學食得真係爽，以後一定仲會約嚟呢度，吹水食晚餐！

同老婆一齊去觀塘撐枱腳，無意中發現到呢間寶藏火鍋店，環境唔錯，座位闊落，好多款湯底同食材畀我哋揀。我同老婆都決定今日食清淡啲，就叫咗杞子花膠膠原鍋湯底。花膠膠原湯入口好滑，味道特別鮮，有淡淡嘅海水味，味道甜而不膩，滋陰養顏。我哋叫咗幾款海鮮嚟食，特別鍾意食佢哋嘅美國桶蠔，成碗都係好大隻嘅桶蠔，每一隻都好新鮮，洗得好乾淨，冇多餘嘅腥味，肉質肥美鮮味十足，值得一試。仲有花枝片，每片肉都好厚實，口感一流，柔軟Q彈，食落好滋味，味道豐富，有好好香嘅甜味，鹹香味十足，總之就係好食。唔可以錯過嘅仲有佢哋自家手打鮮製嘅Wasabi鮮墨丸，用新鮮嘅墨魚整成墨丸，口感Q彈有咬口，墨丸入面仲放咗wasabi，成粒墨魚丸食落有好濃烈嘅香辣味，令人一啖接一啖，停唔到口。高質素嘅食物水準，親切嘅服務，係一間值得回訪嘅餐廳。

同朋友聚會梗係要去食火鍋🍲啦今日我哋嚟到觀塘嘅米走雞火鍋店食完之後對佢嘅火鍋念念不忘🥰就同朋友約下次聚會再嚟呢度食🤩餐牌上面有好多選擇 海鮮🐟蔬菜🥬肉類🥩都係食火鍋必食嘅食材湯底都好多選擇最後我哋都係揀咗滋補養顏嘅杞子花膠膠原鍋🍲湯底飲落好滑 味道好鮮香 杞子提升咗湯嘅甘甜味 好飲󰗧我哋叫咗佢哋嘅牛柏葉🥓將牛柏葉涮到收縮之後就可以食牛柏葉吸收咗杞子花膠膠嘅湯汁之後口感好爽脆 完美融合咗湯汁嘅精華 十分入味🔟之後整番碟娃娃菜🥬解膩娃娃菜口感幼嫩潤滑食落感覺好新鮮 仲增添咗成個湯底嘅味道蔬菜系列合格💯我哋仲試咗佢哋嘅雲吞🥟雲吞皮薄肉厚 啲餡新鮮紮實煮熟之後唔單止肉質鮮甜雲吞皮都好嫩滑 非常回味😋仲有叫其他嘢食 但掛住傾計都無影到 😆😆😆

因為大肚，最近我好想食麻辣雞煲，我個老公就帶我嚟呢間觀塘嘅米走雞，為咗滿足我同BB嘅胃口，我老公梗係叫佢哋嘅火焰麻辣雞煲，佢哋嘅招牌菜。上菜個陣，店員會加少少酒點火，正如其名「火焰麻辣雞煲」😆 雞肉經過醃製後，變得鮮嫩多汁，配上佢地特製嘅麻辣調料，食咗每一口都好爽辣，但唔會辣到好辛苦個種，食到我真係好滿足，肚裡邊個BB都感覺都係裏邊跳舞😂 鍾意食麻辣嘅你，一定要試試！我哋仲叫咗「西班牙黑豚肉」同埋「沙白蜆」。佢哋卑嘅西班牙黑豚肉嘅份量好有誠意，肉質紅潤，肥瘦適中，雪花狀紋理，食落去口感肉嫩但唔難咬，好食！沙白蜆份量也很多，我大肚唔想食，所以我老公自己一個人食曬😂 我老公話個個蜆嘅肉都好大下，好新鮮好鮮甜，而且處理到好乾淨，唔會食到沙。仲有那個【蒜拍青瓜】，我自己一個人食曬😆因為真係會食唔停嘅，一口接住一口食。個青瓜醃咗食到好爽口，酸酸辣辣咁，仲帶D蒜味，但係要小心，唔好食到辣椒籽，好辣😂我就係唔小心食到。今次真係食到我同我老公都好滿足，食到好飽。

上個星期，忽然嘴饞想食麻辣雞煲，然後又諗返起米走雞！好彩佢有分店，唔洗特登去港島食，九龍都有得食！呢間店有好多卡位坐，都一樣坐得幾舒服，燈光同佈置都幾型格，呢度食晚餐都會感覺非常享受。麻辣雞煲一上枱時，會先加啲酒再點火，幾有睇頭！個陣濃郁嘅香味直接撲鼻而來，令人流哂口水。佢哋嘅麻辣程度啱啱好，啱我哋嘅口味。又麻又辣嘅雞煲雞肉肉質夠嫩，雞肉幾入味，帶啲麻麻辣辣嘅感覺，幾正。食完雞肉之後，店員會幫忙喺鍋上面加入湯繼續煮，變左麻辣火鍋，可以換第二個食法，打邊爐！今次我哋點咗雲吞，佢哋嘅雲吞包得幾靚，雲吞皮夠薄，放入火鍋煮咗之後，吸收咗麻辣湯底既味道，啲蝦都幾爽口，唔錯。再嚟就係花枝片，擺盤都放得幾靚，望落新鮮，煮熟咗食都幾有咬口。最後我哋仲點咗娃娃菜，食返啲菜平均下。菜放入火鍋度煮一陣就食得，食落都新鮮，無爛菜，仲食到好飽好滿足！

我大家姐平時好忙，難得最近工作少，約我一齊食飯。我就去Open Rice睇最近嘅搵啱食嘅餐廳，啱啱好俾我睇到呢間除咗港式雞煲，仲有火鍋嘅，就打算一齊去試吓。.呢間餐廳嘅風格比較西式，睇落好寫意，座位闊落，好舒服！.沙白蜆嘅蜆肉好厚實，味道鮮甜，仲帶少少海洋味，每一啖都係頂級嘅味覺享受！而且仲俾咗我哋好大一碟，好抵食！打邊爐一定唔可以錯過嘅和牛封門柳嘅紅色色澤睇落就好新鮮，肉質都肥瘦適中，放入湯底後，味道好鮮甜。而且肉都好大碟，我同大家姐都食得好爽！竹笙墨魚滑係我食過味道最好嘅墨魚滑。呢度嘅墨魚滑特別新鮮，份量都好足，每一啖都可以食到滿滿嘅墨魚，好鮮嫩，涮咗湯底後，更加濃郁香甜，好入味！蒜蓉トト蜆鍋有住濃郁嘅蒜蓉味，加上蜆肉本身嘅甜味，令湯底更加清甜，好暖胃好飲。蜆肉都特別新鮮，特別乾淨，完全冇沙👍仲有其他配料嘅搭配，味道令人好難忘。蟹籽鮮蝦滑好大一粒，滿滿嘅蝦滑一啖咬落去，特別滑嫩香甜，加上蟹籽獨特嘅口感，成個味道同口感都好正！黒松露蟹籽魚麵嘅黒松露味道好出眾，加上魚麵本身有住爽彈嘅口感，仲有Q彈嘅蟹籽做搭配，口感好豐富！呢個都係我第一次試魚麵嘅味道，真係好驚艷我！我同大家姐都食得好開

無論天氣點樣，都無法阻止香港人對打邊爐嘅熱愛，今日就去咗觀塘食米走雞。重頭戲就叫咗金湯桃膠花膠雞湯，一上嚟，就見到滿滿嘅雞件、桃膠同花膠。我急不及待要試吓個湯先，飲得出質感好濃好厚，湯頭特別滑，花膠桃膠煮得好冧，個人十分推薦！即使加咗兩次湯底，個湯都唔會太走味。西班牙黑豚肉就係油花分佈均勻，入口即融。其肉質同豐富嘅油脂令每一片豬肉都散發出獨特嘅香氣。當黑豚肉喺口中融化嗰陣，嗰種細膩而濃郁嘅口感令人不禁閉上眼睛細細品味。M5和牛餃咬落去嗰陣，外皮爽脆，內餡多汁，牛肉嘅香氣撲鼻而來。虎蝦新鮮飽滿，肉質緊實有彈性，蝦膏更加濃郁，帶嚟無盡嘅鮮美享受。這餐火鍋俾人一種精緻嘅用餐體驗。優質嘅食材、細緻嘅烹調，以及溫馨嘅氛圍，從湯底到配料，每一樣都經過精心挑選，即使喺炎熱嘅天氣裡，咁樣一餐熱辣辣嘅火鍋都能夠令人心滿意足。

前陣子好似好興食雞煲，搞到我一直都想試吓，不過一直都搵唔到合適嘅時間同地點。後來聽女同事講公司單位附近有一間賣雞煲同火鍋嘅店非常唔錯，話得閒可以帶我去試吓，我就直接叫但安排訂位。訂咗喺星期五放工後晚餐，有啲期待。上嚟女同事就叫咗佢哋店比較出名嘅【火焰麻辣雞煲】，麻辣味十足，擺上枱就有非常濃烈嘅辣椒香味，嗰個味道鍾意食麻辣嘅朋友一定會超級鍾意。佢哋仲會喺上枱嘅時候點火，好有睇頭。雞肉切塊好適中，唔會太大塊亦唔會太細塊，然後麻辣味燒得好入味，食完雞肉，就係加湯食火鍋。點咗幾樣配菜嚟煮火鍋都係非常好食嘅。花枝片非常新鮮，煮入鍋底花枝片就非常入味，嚼勁亦都好足，越咬越香，仲有一啲海鮮味提鮮，配埋附帶嘅金針菇，味道更加美味。然後仲有啲唐生菜嚟中和吓口味，麻辣味嘅鍋底煮咗唐生菜仲會帶一啲蔬菜嘅香氣同甜味。最好食嘅仲莫過於霜降Prime牛板腱，色澤好惹味，口感唔老唔軟，啱啱好，女同事最鍾意嘅就係呢味！！我哋嗰晚食得好開心，之後再約咗佢一齊放工再去食，真係好正！！！

食咗感覺真係好唔錯，有機會嘅話想帶家人嚟呢度食火鍋。前幾日同同學嘅聚會，我跟住大隊嚟到呢度食火鍋。其中一位同學之前食過呢間嘅火鍋，評價好唔錯，於是就拉咗我哋呢班一齊嚟食一入店就畀人一種好nice嘅vibe。我哋叫咗蒜蓉トト蜆鍋，湯底非常可口，好鮮甜，入面仲有好多蜆，真係好好食。呢個一上桌，鍋入面嘅料就畀我哋食清光，之後我哋就再點咗幾樣料難得嘅聚會，我哋就點咗和牛。佢哋擺得好精美，一圈又一圈，有幾層。睇落去一大盤，仲未開始食就流口水。食起嚟軟嫩又多汁，有咬勁，非常唔錯佢哋嘅美國桶蠔都好肥美多汁，食起嚟非常嫩滑。當時大部分人都鍾意呢道，一下就食清光接住嚟就係竹笙墨魚滑，我本身未食過，感覺味道好獨特，味道鮮美，仲有啲彈牙。個人覺得幾唔錯除此之外，我哋最後仲點咗涼拌海蜇木耳絲同蒜拍青瓜。都好唔錯，好食！清脆又口感豐富。大家聚會都玩得好開心，呢度嘅食物真係好唔錯。之後有機會仲會再嚟光顧

今日係公司同我好friend既同事要離職🥺Last day相約埋另一個比較熟同事一齊食個散水飯😬平時我哋都會成日出嚟一齊打邊爐🍲所以黎左呢間呢間未食過嘅米走雞🥳 餐廳微暗加埋幾盞燈🤩坐位之間寬闊感覺都幾舒服！我哋就點咗惹味沙爹湯底🤤濃郁嘅湯香味撲鼻😬胃口大開呀😍 配料方面有西班牙黑豚肉薄薄一片一片放入湯度煮😊薄薄地沾上呢個沙爹湯食落軟嫩又多汁簡直超正👍！ 蘑菇拼盤直接畀我哋幾種菇類🍄🍄‍🟫好新鮮又處理得好乾淨👍煮過之後嘅蘑菇更加美味而且滋味豐富！ 小食叫左佢哋嘅蒜拍青瓜🥒咬落去就令人感覺口感清新，脆嫩，好食😋

我平時食麵食到厭，就想附近搵啲唔同嘅料理嚟食。啱啱諗起男朋友介紹就喺附近，我就打算去食個晚餐再返屋企。我特別鍾意惹味沙爹湯，喺呢度就叫咗一份試吓。呢間舖嘅湯底比較濃郁，唔似得我之前食過嘅咁清淡，我個人好推薦，暫時係我心目中嘅第一名💯而且飲落好香甜，根本停唔到口！仲有滿滿一碗嚟自美國嘅桶蠔，份量好足，味道都好新鮮，口感幼嫩有彈性，成個味道同口感真係好豐富！我最鍾意就係呢碟小食，雲吞。雲吞入面嘅餡料好足，食落好香！而且涮落沙爹湯之後，帶出咗更加香甜嘅味道，同沙爹湯簡直係絕配！呢碟牛脷有咗青花椒做配料，味道即刻有咗好獨特嘅風味，好驚喜我！牛脷片鮮嫩彈牙，吸咗湯底，牛脷嘅味道更加濃郁，係我暫時食過最開胃嘅青花椒牛脷👍呢度嘅嘢食每一樣都驚喜到我！下次仲要嚟食更多美食！

嗰日好想食好耐冇食嘅火鍋，經朋友介紹之後，就同男朋友去咗米走雞食火鍋晚餐，呢度嘅氣氛真係好好，環境又舒適，裝修又好新穎，服務又好親切，我哋食得好舒服。喺咁多款湯底入面，我哋揀咗惹味沙爹湯，湯嘅口感濃稠，味道鮮甜，帶有蝦醬、花生同香料嘅香味，香味四溢，真係好好飲嘅一款火鍋湯底。肉類我哋食咗西班牙黑豚肉，黑豚肉嘅脂肪分佈均勻，涮一涮之後成塊肉口感嫩滑好食，肉質軟腍仲帶有濃濃嘅香甜味，整體口感同味道都係一流。之後我哋食咗海河鮮嘅白鱔片，煮熟咗嘅白鱔片口感爽脆彈牙，食落仲有少少甜味，味道香醇濃郁，好啱配沙爹湯嚟食。蔬菜類令我印象最深刻嘅係娃娃菜，口感最爽脆最有嚼勁，吸咗沙爹湯嘅湯汁之後口感更加清甜，而且仲含有豐富嘅營養價值，非常抵食。✅評分：味道 ： ⭐️⭐️⭐️⭐️⭐️【5】環境：⭐️⭐️⭐️⭐️【4】服務：⭐️⭐️⭐️⭐️【4】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

平日成日食辣嘅雞煲，今次試下朋友介紹CP值高嘅芝士雞煲+打邊爐～一打開蓋就聞到好香嘅芝士味，滿滿嘅芝士cover住雞件，一夾起啲芝士會拉絲架！好邪惡！雞肉嘅處理相當到位，骨頭較少，方便食用，肉質仲好嫩滑。用餐體驗嘅亮點喺於由雞煲到火鍋嘅轉換。店員細心咁為客人添加湯底，令用餐過程順暢自然。呢種靈活嘅用餐方式，既能享受雞煲嘅濃郁，又能品嚐火鍋嘅多樣，可謂一舉兩得。呢間店嘅火鍋配料可謂精挑細選，每樣都有其獨特之處。日本鮮帶子一咬落去，鮮甜嘅汁水喺口中環繞，口感柔嫩中帶有一絲彈牙。澳洲頂級和牛封門柳肉質入口綿軟，盡顯優質牛肉嘅醇厚風味。蟹籽鮮蝦滑則係別具一格，蝦肉鮮甜飽滿，蟹籽點綴其中，增添咗豐富層次。黃金炸饅頭外表金黃誘人，咬落去時外酥內軟，口感層次分明。沾上湯汁後，更係將火鍋嘅精華完美吸收，成為呢頓美食嘅最佳配角。

我個姊妹最近有咗男朋友，就打算約埋佢哋一齊出嚟食飯。啱啱好我哋之前有講過呢度啲嘢食睇落唔錯，就打算今日去嗰邊打邊爐傾吓偈。呢度嘅環境好有特色，仲擺咗兩幅餐牌嘅相，好得意，我都忍唔住影咗幾張。我哋跟住侍應嘅推介叫咗幾樣餸菜。呢度嘅特別惹味，做做火鍋湯底好啱！沙爹湯本身就有特別嘅味道，令人胃口大開，加上配料帶出嘅香味，成個味道更加濃郁香甜，令人忍唔住多飲幾啖💕加埋金菇食特別好味，花枝片本身嘅肉質實淨，仲帶埋淡淡嘅海洋味，配上金菇彈牙嘅口感，簡直係完美拍檔！呢度嘅好新鮮，唔會有腥味。而且肉質滑嫩，涮落湯底之後，味道更加濃郁香甜，成個口感好豐富，令人難以忘記佢嘅味道！四粒好得意嘅，雲吞皮唔會太厚，口感好爽滑幼嫩。而且餡料特別足，每一啖都可以食到肉喺口中散開，特別香甜，食得好滿足！我哋都食得好滿足，味道方面都好滿足我哋嘅胃口，下次可以再嚟呢度聚餐。