影片
港铁湾仔站 A1 出口, 步行约5分钟
继续阅读
电话号码
28663806
开饭介绍
供应巧手粤菜、精美点心及小食
继续阅读
奖项殊荣
美食之最大赏 (2014)
营业时间
今日营业
10:00 - 15:00
18:00 - 23:00
星期一至日
10:00 - 15:00
18:00 - 23:00
公众假期
10:00 - 15:00
18:00 - 23:00
以上资料只供参考，请与餐厅确认详情
相关文章
食记 (219)
269 浏览
六月初喺面书见到「KKday」同湾仔「六国酒店」搞咗个快闪优惠，可以半价预购中菜厅「粤轩」限量推出嘅「佛跳墙风味菜」二人套餐（原价$2,398/二人；快闪价$1,198/二人），XO仔一吹鸡即有为食猫回应，十五分钟内更成功网购兼订位。用餐当晚落著滂沱大雨，识路嘅长辈都喺酒店后门个停车场度落车，有瓦遮头唔怕揼湿。位于一楼嘅酒店餐厅楼底高高，用餐大堂阔落通爽，光线充裕，餐桌与餐桌间有足够嘅活动空间。每位席上都摆有齐备嘅自用及公用餐具。值得一提嘅系场内嘅服务生虽则年纪唔轻，但却极之落力，酒杯茶壶可保持常满状态好多餐厅都做唔到架！最令细佬感动嘅就系埋位一刻，经理哥哥话已知悉其中一人对花生敏感，同厨房夹咗晚餐不会含任何花生成份，不过为安全起见，原定嘅杏仁茶甜品就换咗做红枣雪耳炖桃胶，细心周到得很！套餐除咗已包茶芥、小食及加一服务费，另外每人仲有智利白酒一杯。青瓜小食：六人用餐共有两碟清新爽脆嘅青瓜小食。风味三宝（销魂叉烧、金钱鸡、黑醋木耳）：三式前菜卖相精巧，一人一份卫生又得体！拼盘中嘅黑醋木耳清爽醒胃；件金钱鸡就较为失色，因为旧肥猪肉唔够肥润，鸡肝偏嚡同干，直令菜式唔得爽滑。最正系镇店嘅叉烧，三片同样肥瘦均匀，肉汁丰沛，松软甜美，确真销魂！粤轩佛跳墙：佛跳墙乃福建菜，传统做法会用上鲍参翅肚、花菇、鲜鸡、云腿等高级食材炖出，酒店以六百蚊/位推出嘅套餐竟然有得食㖞，好自然地会喺用料方面作出调整，不过粤式版本每盅都含一只鲍鱼、海参、花胶、瑶柱、鸡肉等，只系明显少咗酒店业唔再供应嘅鱼翅，都好合理。平心而论，佛跳墙个汤底好清甜，原只鲜鲍够弹牙、海参好爽，啲料都唔差嘅。酿焗蟹盖：套餐以「佛跳墙」起名，但掀起高潮嘅竟然系连只碟都特别衬嘅酿焗蟹盖，啲铁脚仔先得意呀！金黄亮丽嘅蟹盖胀卜卜，绝对称得上样靓身材正！芝香尤甚嘅外皮下嘅蟹肉鲜甜幼嫩，柔滑无比，而且份量劲足，净系依味已经值回票价！纸包骨：小肥真系大乡里，第一次食纸包骨，谂住张纸系食得嘅，好在哥哥及时制止先冇出事，唔怪得知会连埋把铰剪上啦！用张纸包住黎炸嘅猪排咬落好爽身，肉汁够且惹味香口，送酒佳品也。鱼汤浸时蔬：大大条嘅菜心爽脆冇渣，个人觉得个鱼汤底比之前盅佛跳墙浓甜得多。荔蓉香酥鸭：嘻嘻，写食评先发现自己酒精影响下影𠮶幅相冇对都焦，真系唔好意思，希望读者们仲睇到个香酥鸭好够干身。功夫菜炸得够酥化轻盈，个荔蓉松软且唔溜，美中不足系啲鸭肉偏咗少少实同硬。迷你桶仔饭：桶仔饭清香不油腻，只系即使系迷你，单尾每人一桶真系未必人人食得到，好在食唔哂可以打包，建议环保人士自备定饭盒。红枣雪耳炖桃胶：红枣雪耳糖水滋润甜美，桃胶Q弹软糯，简单可口。杞子桂花糕：透出杞子同桂花嘅糕点清甜冰凉，芳香淡雅，轻巧不腻口。六国酒店中餐厅「粤轩」环境高雅大方，服务生专业好客，快闪半价优惠之「佛跳墙风味菜」二人套餐用材优质，丰富抵食，绝对值得一试。
继续阅读
很喜欢食六国酒店「粤轩」的粤菜，食材高质之余更保留传统风味，原来六国酒店由1933年开业已经92年，近期更推出《一九三三味道寻根》 昔日六国饭店的菜谱如今重现，让大家再次品味到那独特的六国滋味，仿佛回到了昔日的老香江。《1933･旧影时光珍味套餐》 每位 $888完全怀旧风味嘅套餐，而且大部份系手工菜，坊间粤菜厅少有，特别系柚皮制作繁复，经典怀旧粤菜「合浦环珠」更是从未听过的菜式😋▪️鸿运乳猪件乳猪件猪皮超脆，而且肉质是肥瘦相间，配上热辣辣的又软熟的刈包，沾上乳猪酱非常滋味，加上爽口弹牙的海蜇，配搭得非常之好▪️蟹黄燕窝呢个简直系回本之作，浓郁的蟹黄羹配上非常丰盛嘅燕窝，入口甘香之余每一啖都系燕窝，养颜好味▪️合浦环珠原来系用猪油网包裹住咸蛋黄、合桃、虾及鸡肉，内层口感丰富，外层金黄酥脆，馅料Juicy又弹牙，而且完全唔觉油腻，就咁食或者淋上喼汁一样咁正▪️柚皮金山鲍制作繁复要经过多重工序才会令柚皮入味好食，「粤轩」师傅当然掌握得好好，鲍鱼软腍入味带点溏心，柚皮炆得软腍，吸收酱汁后非常滋味▪️鸡茸露笋露笋鲜嫩爽口，鸡茸芡汁充满鲜香，和芦笋非常搭配▪️汀州伊面中式酒楼传统的美味，伊面口感嫩滑爽口、面质弹牙香滑，配合韭黄、草菇，充满蚝油的香气味道刚好▪️红枣桂圆糖水｜杞子桂花糕清润滋阴糖水和糕点，非常足料而且做得唔太甜，热爱中式甜点的我表示非常喜欢
继续阅读
听朋友说「六国酒店・粤轩」推出了怀旧粤菜的的套餐，一于带妈咪来品尝一下，寻回当年的味道。入座后，服务员细心介绍餐牌，服务贴心周到，食物水准也很高❣️《一九三三旧影时光珍味套餐》$888/位鸿运乳猪件外皮烧得酥脆的乳猪🐷，肉质嫩滑，油润而不腻，肉汁四溢，夹著松软及微甜的刈包一起吃，口感及味道都丰富。蟹黄燕窝蟹黄、蟹肉🦀和燕窝的份量很多🤩蟹黄味道浓郁，配搭清淡的燕窝，再加上蟹肉的鲜味和实肉的质感，诚意十足‼️合浦环珠用上猪网油包裹著鲜虾、咸蛋黄、蚝干和合桃仁下锅油炸，吃起来层次分明。柚皮金山鲍制作柚皮的工序繁复，要重复浸泡和榨压去除涩味，再把它油炸至松化，再将柚皮以鲮鱼、火腿及老鸡的上汤炖煮入味，柚皮吸尽汤汁精华，吃下去柚皮🍊软绵无渣，入口即融，吃得出厨师功架👍🏻鲍鱼肉质腍滑🦪，咀嚼口感充实，鲍鱼鲜味浓厚🤩鸡茸露笋鸡茸以鸡肉造成的肉泥，加入鸡汤拌匀，配搭露笋一起食，露笋鲜嫩清甜。汀州伊面将面浸软后，用鸡汤煨炆煮成，好美味🥰红枣茶仲送了糖水红枣茶，滋润一下😋
继续阅读
呢间格调满分嘅中菜馆，一入门就被温暖嘅灯光同埋高雅嘅装潢深深吸引住！餐厅设计充满美感，营造出温馨嘅用餐氛围，每张白色餐桌都整齐有序地排列，俾人一种舒适优雅嘅感觉。今次试咗佢哋嘅「一九三三岁月情怀套餐」，每位$428（两位起）蜜汁叉烧 皇牌蜜汁叉烧以柔嫩的肉质与轻微焦香的外层著称，甜而不腻的蜜汁调味与肥瘦均衡的切配相辅相成，展现经典风味令人回味。煎大虾碌煎大虾搭配酸甜的茄汁酱汁提味，酱汁与虾肉的完美交融带来丰富口感。上汤鱼肚 鱼肚以软滑入味的质感呈现，上汤以高汤为基，加入猪肉的浓郁滋味与冬菇的鲜香提味，温暖滋润并带有天然咸香，饮用时更显滋补养生之效双凤朝阳巧妙融合鸡肉与鸽肉，鲜嫩入味的肉质展现精心炖煮的工艺，健康养生的特色令人耳目一新。蟹扒菜苗 鲜甜蟹肉份量非常充足， 与菠菜形成绝妙搭配，简约烹调手法保留食材原味，口感与风味相得益彰。罗汉斋面 罗汉斋面以爽脆面条为基，佐以浓郁芡汁及多样新鲜蔬菜与菇类，健康与美味兼备。每道菜都系用心制作，食材新鲜，摆盘精美餐厅服务员都专业有礼，为整个用餐体验加分不少。
继续阅读
六国酒店自1933年屹立香江，承载咗无数回忆💫 今次粤轩推出怀旧主题套餐，重现昔日六国饭店嘅经典菜谱，带你一秒穿越回老香江嘅味道！小编试咗一餐，味道同情怀兼备，真心推介畀钟意粤菜嘅你🥢粤轩位于六国酒店一楼，环境典雅舒适，带点复古情调💽，无论系同家人聚会定朋友饭局👫都好适合！服务员态度亲切，细心周到，令人感觉宾至如归👍🏻𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ❁ 蜜汁叉烧 🍖叉烧入口好软腍，好钟意边位微微焦香😌，而且甜而不腻，肥瘦适中！每一口都充满🍯蜜汁嘅浓郁香气，经典得来令人回味无穷😋❁ 煎大虾碌🍤大虾碌煎得外脆内嫩，🍅茄汁酸甜开胃，酱汁裹住虾肉，味道层次丰富，食完真心满足🦐❁ 上汤鱼肚 🐟鱼肚软滑入味，上汤清甜鲜味，汤底充满海鲜嘅精华，饮完一碗暖胃又滋补，超推🪄❁ 双凤朝阳 🐔🕊️鸡肉同鸽肉嘅完美组合，肉质鲜嫩，炖得入味，食落健康又养生，系一道好有心思嘅菜式✨❁ 蟹扒菜苗 🦀蟹扒鲜甜，菜苗爽脆，两者搭配得天衣无缝，简单嘅烹调方式将食材嘅原味完全带出，赞👍🏻❁ 罗汉斋面 🍜素食嘅经典之选，脆卜卜面条加上芡汁，再配上多款新鲜蔬菜同菇类🍄🟫，健康又美味，食到好饱啊😍❁ 紫米露 💜甜品紫米露香滑浓郁，紫米粒粒分明，甜度刚好，作为饭后甜品真是一个完美嘅句号❣️粤轩嘅怀旧粤菜真是一个时光隧道🌈，将老香港嘅味道同回忆带到你面前。无论系想回味传统粤菜，定系揾个地方同朋友聚餐，呢度都系一个好选择❣️
继续阅读
您可能会有兴趣的...