粵軒

营业中

休息中

我當日想買鳳爪排骨盅頭飯，入到去cashier度問收銀嗰個阿嬸有冇呢個飯，佢就有啲唔耐煩咁講「要分開買」。我唔明佢講乜，問清楚啲，至知道原來佢地冇鳳爪排骨盅頭飯，只有排骨盅頭飯，鳳爪要另外叫。我就叫咗排骨盅頭飯、鳳爪同埋綿花雞。點知喺落咗單之後，佢先同我講要等20分鐘！買得外賣就梗係急咖啦！佢居然等我落咗單至同我講要等咁耐，真係好奸！我同佢講話我趕間，佢就叫我跟另一位同事去比較接近厨房嘅地方等，但係一樣要等好耐。佢地將啲食物分開三個飯盒、放落同一個膠袋度裝畀我，返到屋企，一打開個袋，最上便嗰個盒即刻跌咗落地——原來佢地將啲食物擺到上重下輕！態度差，做嘢又唔make sense，就算啲食物質素再好，都食到背脊骨落啦！

11月14晚是超級月亮之夜，我帶著欣喜心情出街吃晚飯兼賞月，6:00入到大圍粤軒，我們是第一枱客人入座，其他的客人也陸續跟隨來臨。男侍應很殷勤招呼，但不久，被看來似較高級的男侍應，呼叫他到另一個崗位工作，換來女侍應招待我們，女侍應和較高級的男侍應似有些磨擦，令到當時氣氛不太好，女侍應起初對我的態度也受影響，說話語氣也很硬，其實作為服務行業，不應將不愉快的情緒影響人客。講番今晚食乜嘢，芝士蝦球伊麵是家人至愛，我只吃爽口蝦球，也吃到少許芝士汁，由於芝士味道較濃郁，所以我沒有吃伊麵。我點選雞絲滑蛋煎米粉，外表像奄烈的煎米粉，包裹著雞絲、滑蛋、韭黃和獻汁，煎米粉口感又有些像兩面黃，也比較油膩少許，味道略淡，頗特別的感覺。椒鹽鮮魷球又是家人至愛，外面香酥脆，裏面鮮魷爽脆，俾滿分。最後落多個京葱爆牛肉，牛肉肉質很滑夠味道也不失肉味，但沒想到京葱勁多，吃餘一半。飽餐之後，到大圍東鐵車站外的八爪魚式天橋上觀賞超級月亮，今晚很多途人賞月呀！

來過一兩次，都覺得經營方式爛得很，由頭到尾D伙記輪流埋來暗示明示你快D食完走，唔好阻佢地做生意！例如最常出現嘅係，碟餸未食完，或者碗湯未飲完，佢就走埋嚟，先拎起個碟或者拎你個羹搞下你碗湯，然後先問你係咪唔要！又例如，上哂菜，你食到一半，佢無端端走埋嚟同你噏，「你地食唔哂D野我地俾D盒你裝番去食」又例如，成枱餸未食完辰早上碟橙....卒之食埋甜品，一家人諗住撩下牙飲啖茶，都冇話一放低個羮就起身走㗎，其中一個走埋嚟同我阿媽講「出便十幾個人等緊位」我啋佢都儍，心諗，你咁緊張要烹D客扯，你又唔講定交枱時間？其實我地係好合作嘅，最最唔阻佢地做生意嘅，就係冇下次，唔幫趁。

幾個月前到來粤軒飲午茶，有感點心精緻又美味，今次約咗兩位朋友再臨粤軒飲午茶，先來芝士脆春卷，幸好芝士味道較淡，可以入口。跟隨有叉燒包、蝦餃、豆苗餃都是一般水準，長碟盛載是滑滑腸粉包裏脆脆黃金卷，卷中有鮮蝦饀，頗不錯。小碗的南瓜排骨飯也是普普通通冇驚喜，飯底焦乾不可吃。今次點選的點心比較傳統，相對上次遜色得多了！

去睇莫內畫展，先在大圍粤軒嘆吓午茶先。蝦餃、燒賣雖然陪伴我們成長，但點心造得好，百吃不厭，第一次見鵝蛋型的蒸籠，每個蒸籠都是承載成雙成對的蝦餃、燒賣，大件、爽口、味道不錯。帶子腸粉一件件上碟，真方便，每件腸粉都有一片薄薄帶子和翠玉瓜，味道尚可。豉油太淡，是不足之處！一口芥末脆蝦漢堡包，漢堡包竟然跑上茶樓！賣相很可愛，包包夾著沙律菜脆蝦和淡淡的芥末，不吃芥末的我，也接受到，很不錯的漢堡包，味道外形大家都滿意！另一款是甜品，用炸雲吞皮炸成杯子狀，但炸杯子已變硬，吃不下，杯子盛載沙律菜和沙律，吃起來要用筷子，否則很不方便！味道比較普通，但樣子挺可愛！這款像紅蘿蔔的炸物只得四件，我們共六位，所以我冇試！陳皮牛肉球我喜歡佢腍腍滑滑，但是吃不到陳皮的香啵！小籠包的皮是薄薄的，很大顆的肉，沒有適量的湯汁，不是水準之作。整體很滿意的午餐，因為朋友的囡囡請飲茶，所以不知道今次消費多少！

呢間店食物以精緻作賣點, 環境尚算舒服, 而且茶具好有特色, 茶具外形都幾別緻, 加上有d詩句, 增添左d風味.叫左幾樣野食, 排骨飯d排骨骨少, 肉味尚算鮮甜, 而飯粒粒粒分明, 蝦餃一夾起兩粒都散開既, 而且有d怪怪薑味, 唔太喜歡, 一口漢堡就係炸魚加少少生菜, 都幾香口既, 不過我嫌佢個炸魚有d雪味.

剛去粵軒飲茶，野食算ok, 牛仔骨飯有d 酸酸哋。佢哋分兩間鋪，中間隔咗大廈嘅樓梯。想埋單但全間鋪都無waiter/waitress, 跟住行過隔離鋪收銀櫃面埋單，都係無人。後來一個waitress收錢，我簽好咭後，正常會在幾張單中，比返客人底單同張咭，但果個waitress(小肥的四十幾歲女子), 只把咭同紙放在枱面，跟住仲用手指督幾下枱面示意我拿。大姐，多謝都無聲，同埋我點知你搞惦未，費事拿埋你個copy你無錢收。而家我係黎幫襯，唔係問你借錢阿。有關酒家的東主應訓示該員工，使其改善對客人的態度，並宜妥善安排人手在兩間店。

連月來手傷未癒，本來已經放棄治療，近日友人介紹另一位跌打師傅給四月，所以連日來往返大圍，希望今次可以遇上有醫緣的人吧。前往醫館途中，總會經過一間叫粵軒的餐廳，午市的時候因為有蒸籠點心供應，所以例必人頭湧湧，職員送點心甚至端至店外，有夠誇張。基本上，客人都不用取票，只需站在門外等，老闆會記得人數和入座的先後次序，然後再親自安排。由於實在人太多，忙碌令店員顯得比較煩燥，我們也不敢幫襯。晚市的粵軒跟白天似乎是兩個世界，看完跌打，七時許來到只有幾檯客人。店內不時傳來廚房煮食的聲響，令人可以想像待會的菜式一定很夠鑊氣。晚市的店員顯得充滿笑容，來這兒的都以熟客為主，羊腩煲似乎很受客人歡迎，果然是不時不食，而我們只簡單點了幾個菜醫肚。先來的是滑蛋雞絲煎米粉，原以為是普通的輕輕煎炒，殊不知原來像雙面黃一樣變成硬硬的完整一片米餅。令人驚奇的，是米餅並非分開的兩片，而是像夾餅一樣裡面盛滿滑蛋、香蔥、雞絲和韮黃。雖然賣相有驚喜，但夾起來卻容易把餡料瀉下來，有點狼狽，味道亦不如賣相吸引，無論是米餅皮還是餡料都太淡，如果略加鹹味會更好。古法蒜香骨是大堆頭製作，$88一碟已經有十來件，份量很夠，而且師傅以炸過的紫

難得放假、今日專程到沙田大圍的粵軒嘆下一盅兩件點心。今日都幾多人等位、餐廳其實唔大間、可以搭枱、所以一兩位好快有位。茶客大部份都應該係街坊客、睇見大家都有傾有講！點心都有幾多選擇、帶子餃、蝦餃、燒賣、叉燒包、馬拉糕、香芒沙律角、迷你咸魚肉餅蒸飯、各式蒸腸粉、迷你漢堡包等。今日食左一盅兩件推介、蝦餃、黑魚子燒賣及咸魚肉餅飯。蝦餃大大隻、蝦餃摺痕都幾平均、包得幾好，湯汁比較小。燒賣大大粒賣相都唔錯、餡料有冬菇、豬肉，口味濃郁。叉燒包熱騰騰、包皮發得好鬆軟又唔太厚、叉子燒餡料足、汁醬唔太稠。迷你咸魚肉餅蒸飯有點驚喜、雖然份量細但好味道。豬肉餅啄得好鬆、咸魚好香口。服務其實都可以、唔好有要求。離開時還有很多街坊鄰居等位、相信都是為了食物品質及一份人情味！

同老公、老媽子去完寶福大酒店，出返大圍食晚餐，因唔熟架步就求其去一間中菜，諗住拿拿淋食完返屋企。環境：普通中菜館，啲餐具幾精緻，但地方唔算十分乾淨，座位都唔算太迫，但檯與檯之間就唔太多位行，如果推BB車應該有難度。服務：我哋响門口等咗6-7分鐘，見到入面明明有張4人檯，個樓面都唔畀我哋入去，話要等另一張啲客走咗先，我哋見嗰檯好似都未想走，咁就話不如索性過隔離食日本菜，佢一聽到就即刻叫返我哋話有位啦，另一張唔畀我哋坐因為大風喎……食物：每人叫一款，我當然要叫素啦，蕃茄煎豆腐，兩款非常普通的食材，加埋又幾好味喎，老媽子話甜咗啲，估計落多咗糖，我就比較鍾意甜，所以覺得剛剛好。老公叫咗菜圃肉碎煎蛋，個樣睇落好油；老媽子叫魚雲，賣相OK。不過，啲食物都出得幾慢，等咗超過20分鐘先出第一道菜。三道小菜，埋單齊頭$300，都幾貴，我畀張$500佢，另外拎咗幾蚊散銀諗住當小費，不過我有心想睇吓佢會點找錢，所以先唔畀散銀，淨係畀咗張$500。我心諗，服務有質素嘅地方，應該找兩張$100，如果客人有心畀小費自然會另外畀散銀。結果，佢哋將其中1張$100打散咗，變成$50+$20+$20+$5+$2+$2+

本來約咗幾個舊同事到大圍嘅楓林小館食晚飯，去到至知停電，唔知搞幾時先有番電，通知都無一聲，掃興之餘，搞到大家一齊摸門釘。匆匆轉場，好彩其中一個朋友都熟大圍，即時改去後街嘅「粵軒」，幸而時間尚早，唔使等位。粵軒賣嘅屬於傳統粵菜，但裝修格局較摩登，卻又無話喺咩豪裝，算喺平實嘅中菜小館。不過，較特別喺套餐具，無論杯、碗、碟都印上一啲唐詩，就好似碟上嘅幾句，取自詩仙李白嘅「將進酒」內幾句：人生得意須盡歡、莫使金樽空對月、烹羊宰牛且為樂，但感覺喺抽得隨意，亦唔連貫，至少，都加埋「天生我材必有用，千金散盡還復來。」啦！鹹脆腰果 $10餐前小食，鹹香脆口，總好過一啲青豆花生。而茶芥收$12位，另收加一就喺指定動作。正餐牌以外，有一個「廚師推介」，我們點咗豉椒炒蟶子皇及胡椒豬肚雞，以及是日燉湯西洋菜燉豬肺。另外，從正餐牌揀嚟陳皮煎藕餅及蠔皇鮑魚菇扒時蔬，我哋1男3女，非大食之人，所以，都夠食咯。西洋菜燉豬肺 $118是日燉湯，每晚限量發售，賣完就無。睇見湯渣就知幾真材實料，一大盅可以分到7碗，入口清潤，無豬臊味，怪不得都見幾多人叫。豉椒炒蟶子皇 $48 / 隻雖然我哋叫咗4隻，一人一隻，不過每隻炒完得

星期天，想找個地方飲茶，就試試大圍的粵軒。老闆話會安排入坐唔洗用飛，以為自己記性好，點知比其他人入晒都未到我，仲話自己記得記得！熟客一黎到就入，街客等成個鐘都無得入，服務員成日俾人睇白眼，不過呢間野D食品的確有幾特別嘅：靑芥燒蝦漢堡仔首先講下佢地個一口漢堡，望落去好似一個迷你嘅漢堡包，裏面有雞肉芥辣同埋菜成個配搭相當之好味！牛肉腸粉魚頭湯魚湯鮮甜美味，重有魚頭食，正！炸腐皮卷炸腐皮卷裏有鮮蝦,用紫菜紮口,像一條條鮮魚。入口比威化更鬆化，再加上蝦的鮮味，一流！蒜蓉排骨陳村粉玫瑰豆沙角粵軒 Yuet Hin星期一至日: 07:00-00:00TEL：2692 0308

食物質素一般，服務態度完全不能接受。難怪隔離新斗記永遠有一班等位的食客，而粵軒則不用等位。點了芝士蝦球伊麵，吃不到芝士濃香，感到是一圑麵粉開的茨汁伴蝦球伊趣。牛肉球不過不失，棉花雞實際是棉花雞粒，部份雞粉更落在蒸籠上。因衛生問題，我們只敢吃碟上的。當我們還在喝茶聊天，突然燈光變暗，冷氣大得像雪房。趕客

同朋友一行四人共進晚餐, 侍應竟然對餐牌內的食物全無認識, 要客人左等右等才得到答案! 食到半路中途, 碟內食物仍未食完, 便伸手去收碟, 當然喝停啦! 無幾耐又來收過, 問佢做乜要把我枱上所有東西逐一收走, 佢答我外面有客排隊, 咪收好枱準備下一枱客, 我地都未食完就想趕客走, 服務非常之差!

食品質素滿意，但份量偏細份A) 1 鍋白菜豬肺湯-清甜，但6人小碗份量B) 客家釀豆腐煲-味道很好，但份量偏少C)煎蓮藕餅-香口D)蠔煲-份量偏少，味道一般E)咕嚕骨-等待製作時間45-50分鐘，最後take awayF)白飯數碗-等左15分鐘（店員稱，飯未煲好）服務水平極差 （1）不會提供冷藏蛋糕服務給生客！（2）店員及老闆娘會不時在店內講粗囗！（3）等待食物上枱時間長 （曾有一道菜等了50分鐘）（4）整店由老闆至店員對生客既服務態度是一致差到不會令生客再次光臨！（5）食物價錢偏貴。店旁新斗記反而便宜一點！