糖佰府 (已結業)

今天和太太同大仔，過黎九龍城探一下朋友。經過這家糖水店的時候，仔仔突然很想吃糖水，就進去了這家店。可能因為是剛剛開店，裡面還沒有客人，我們不用排隊便能進去。我們一路走進去，我就發現其中一邊牆，貼滿了不同的相片，另一邊牆就貼滿不同食物的相片。太太和仔仔進去座下和在看Menu時，我就慢慢在看有誰的相片，發現有好多明星也來吃過。在看著店裡環境的時候，我就看到有些推介，就是 "雙丸椰皇紫米" 和 "雙丸椰皇西米"。和太太商量過後，我們決定點這2個推介，另外再點 "法式玉桂蘋果批" 和 "椰林飄香"。等了一會，2個主打推介便送上，打開椰蓋，好香的椰皇汁的味道便湧出來，試了幾口，好重的椰皇汁，好多芋圓和湯圓，証明用料充足，不像平常其他糖水店只有糖水的甜。再過不久，椰林飄香也上來，試了幾口，發現每口冰也是椰皇汁的冰，值得一試。而 "法式玉桂蘋果批" 由於是即點即焗，所以要等15分鐘才出爐。很有趣的一道甜點，熱熱的蘋果批，一塊塊蘋果在中心，上面放著一個雪糕球，是一個很特別又好味道的配搭。在我們還在享受時，才發現店內已經座滿客人了，外面還要排隊，所以我們也在吃完蘋果批後便埋單。

飯後肚子仍好像有點囉囉攣，係時候啟動另一個胃啦！行過糖佰府，店內貼滿不同明星幫襯時影的照片及不同甜品的照片，非常吸睛，一於入去試試。糖佰府的甜品選擇非常多，有凍食的，有熱食的，有傳統的紅豆沙芝麻糊等，亦有新派的雪花冰，雪糕窩夫，心太軟等，啱晒不同人的口味。由於我們剛打完邊爐，最啱食就係清潤的甜品。我們選了椰林飄香，原個的椰皇配上新鮮的水果及以椰皇水打成的椰皇冰，令人賞心悅目，清潤得來又美味。另外，點了一個同樣清潤的熱雙丸椰皇西米，原個的椰皇上枱時仍然是熱辣辣的，椰皇水調製成奶白的椰汁，配上又煙韌又充滿番薯味的芋圓及芝麻湯圓，非常可口美味。最後，點了一個抹茶雪花冰，抹茶雪花冰有濃郁的抹茶味並且不太甜，味道清新，十分啱我。

記得以前中學嘅年代大部份嘅糖水舖都收得夜，最中意就係去糖水舖同朋友傾計講心事依家可以好好地傾計嘅糖水舖已經買少見少啦。岩先同50胃食完爐端燒，轉個街口見到以前成日去嘅糖佰府，就忍唔住入去重温下昔日嘅回憶講到糖水舖做得好唔好，我諗心太軟就係一個標準，雖然簡單，但就唔係間間都做得好。我自己都中過唔少伏我同朋友點咗份朱古力心太軟同雙丸椰王西米。（後面有隻QQ嘅鬆弛熊XD）個心太軟焗得恰到好處，外面脆，一切就流出朱古力漿而且糖佰府係配2球雪糕的，口味選擇都算多。個人就中意心太軟配雲尼拿，揀咗雲尼拿同曲奇淨係講雪糕都好重奶味，甜度都適中，又唔會雪到好硬好實。成日去糖水舖最怕食到夾住冰又冇味嘅雪糕，糖佰府冇令我失望呢個係我朋友點嘅雙丸椰王西米，試咗幾啖都唔差

當同朋友食飯傾得興高采烈，之後既指定動作就係食糖水。行左一個街口就見到間糖佰府，朋友話呢間係出名嗰間，門口寫住since 2005 年，都做左好耐下。其實未入去已經有target想食榴蓮同椰皇甜品，可惜呢期榴蓮唔當造，所以冇賣。最後我地叫左雙丸椰皇西米同心太軟。雙丸即係芋圓同黑芝麻湯圓，湯圓皮薄足料，芝麻味香濃。芋圓煙煙Unun，甜度適中。重點係個西米露有好重既椰子水味，特別清香，而且西米煮得剛剛好，口感好好。好耐冇食心太軟，次次用叉拮開見到有朱古力醬湧出黎都會有種開心感覺。呢個心太軟好好食，朱古力香濃，而且蛋糕外脆內軟。佢仲用朱古力粉畫左隻熊仔 鋪頭坐得舒服，枱之間距離遠，唔會迫，好適合我同友人繼續雞啄唔斷，最後真係吹左成粒半鐘先走😼

星期六的晚上，食完晚飯要食番個糖水先完滿！呢碗百寶芋圓材料相當多，有椰汁、豆腐花、芋圓、西米、涼粉、黑丸子，煙韌芋圓、滑滑豆腐花，配上香甜椰汁底，甜度適中，味道唔錯，若是再凍d會更好！

九龍城出名多美食！好多人都會揸車過泥覓食。朋友成日都過泥食野，今日就跟佢地過泥一去到門口見到有人等位，甘我地都要等一陣啦。入到去坐見到店面有2個員工？老闆？我都吾知，見佢地好忙，但都有禮貌既！香蕉船🍌：雖然好普通，但好有懷舊feel!!細細個都好中意食，呢度係香蕉加3球雪糕。上面加棉花糖，藍梅。普通既食材吾會吾好食啦。焗蘋果酥:呢個賣相靚，焗得酥脆。上面鋪左一片片蘋果，加左朱古力醬。配搭好味！熱辣辣！多芒小丸子配脆脆：芒果好甜，小丸子煙勒，配脆脆玉米片好食。特別！下次可以再試下其他

九龍城區除了泰菜是必食之,當然仲有我最愛的甜品啦本來想去嚐糖,但由於當日是年初四的關係冇開門,於是去了鄰近的糖佰府~環境寧靜舒服,加上泛黃嘅燈光好適合三五知己傾計談心雪糕窩夫-下午茶抵食推介,兩球雪糕都係$30 (非下午茶時段$40), 好好食,上到枱仲係微暖!!仲有牛牛蜜糖陪你食,心情靚哂~不過不知道窩夫邊是失手了還是故意的,邊邊的形狀有點奇怪..但其中一塊有眼晴和咀印了上去,cute~窩夫餐加$4有杯凍/熱朱古力,不過吃完窩夫再喝它味道就顯得偏淡番石榴雪花冰($40)是餐牌上算比较特別的一款雪花冰味,結果也沒有失望,雪花冰有它應有的質感,吃著也有淡淡的石榴香,default的配料有紅豆,彩針,椰果等等,口感丰富.咖喱魚蛋($10/8粒)唔入味,唔彈牙,大家不用試下次有機會再試他們在坑口村的分店

今晚悶悶地，又無電梯好睇，所以同老公落去樓下食糖水我叫左個無花果雪梨燉海底椰滋潤一下喉嚨，不過飲落去有d失望，因為好甜，我覺得落得太多糖，而且只係微暖，唔夠熱呢個西米雪糕不得不讚，好好食！西米有好多，雪糕好大舊，而且曲奇雪糕入面有好多朱古力粒！

糖佰府相對比其他的糖水店較小，坐的位置未必咁舒服，但小店也有小店的好！食物質素好好，好快就有得食，店員非常有友，服務態度一流。我同兩位朋友分別叫咗雙丸椰皇西米， 無花果雪梨燉海底椰 ，法式玉桂蘋果批。雙丸椰皇西米 好好食！！必食！

將近農曆新年，九龍城人頭湧湧。我和Honey吃過午飯，想找甜的吃；看到了｢糖佰府｣，這小店剛開門，還未有顧客。地方很小，但是地方很乾淨。我們點了雪糕蘋果酥和雪糕窩夫。我明明是單點45元的窩夫，但是店員竟然提我，有下午茶，雪糕窩夫30元，就可以了！再加4元，還可以配熱朱古力……真是童叟無欺！！窩夫和蘋果酥的糕餅，都是剛剛焗起的。配雪糕吃，一熱一凍，相映成趣。九龍城還有不少小店，豐富的人情味！

今晚係九龍城食飯，因為唔想咁快散BAND，所以直落食糖水～鋪頭唔算好大，但坐位舒適。牆上見到勁多明星來食糖水的相，睇來口碑唔錯，未食已經滿心期待中式、西式的糖水都有。見到雪花冰、綿花冰都覺得好吸引，但今日實在太凍，唯有下次先試......今日試左三款暖的糖水先。雙丸椰皇西米　$43細細個去酒樓已經好鍾意揀用椰殼做碗的甜品～因為食完糖水仲有以刮埋Ｄ椰肉來食，超香架暖暖的椰汁湯圓，真係冬日的佳品！玉桂蘋果批　$35 呢款蘋果批係熱門推介，點可以唔試呢？玉桂味很濃，個批熱辣辣，雪糕揀左店主推薦的綠茶味，果然好夾。推薦大家試下！無花果雪梨燉海底椰　$32呢碗係我今日最鍾意的糖水首先因為呢個組合好健康，食到好味的甜品，仲可以滋陰養顏，一舉兩得！甜度適中，唔會好淡咁，重點係個雪梨！！！燉到好甜又好軟，口感非常好，差Ｄ想飲多碗！整體來說，試左幾款甜品都係水準以上（特別係無花果雪梨燉海底椰，大推薦！），最緊要係價錢都好平易近人，絕對會再來的！

甜品店內環境乾淨利落，燈光充足。店內提供中西式、冷熱甜品，選擇種類繁多。心太軟hkd42配雙球雪糕蛋糕整件軟熟，外皮薄軟，流心份量很足。70%巧克力做的心太軟，味道甜帶甘，朱古力漿融化在嘴內。雪糕香滑冰凍，朱古力味香濃。雙丸椰皇西米hkd43椰汁香甜，芝麻餡湯圓皮滑餡多，帶濃濃芝麻香。芋圓南瓜圓芋頭南瓜味濃，煙韌彈牙。西米晶瑩剔透量多。雙丸椰皇紫米hkd43紫米椰皇底比西米多了紫米香，味道更多層次感，紫米軟熟。店家整體用料充足，價錢實惠，聚會甜品之選。

好耐冇係晏晝食甜品！今次食飽飯之後就揀咗附近嘅甜品店試一下，尤其是呢排凍冰冰最啱食甜野暖下胃。芒果拿破崙揀拿破崙嘅原因係因為非常之鍾意食佢脆扑扑嘅餅，再配上適當嘅糖漿同埋水果，凸顯出餅同埋水果嘅配合。法式肉桂蘋果批之後就係法式嘅蘋果酥，講真出邊食正式嘅蘋果酥真係好貴，同埋手勢都未必會好正宗。但係呢一間甜品舖就新鮮焗左大約20分鐘出爐嘅，蘋果酥外脆內軟，仲食到一片片的蘋果，配上雲呢拿雪糕真係一大享受！無花果雪梨燉海底椰最尾就要食返個中式糖水，由其是呢排冬天最啱食海底椰燉一潤喉，呢一個係新鮮煮出嚟嘅海底椰，唔會太甜但係唔會太淡，啱晒冬天潤喉暖胃之用。

食完夜晚飯，梗係要食埋甜品先夠圓滿啦！糖佰府位於九龍城龍崗道，地點易搵，由於時間尚早，客人唔算多。白雪世界（芒果）$34以西米為主，其他配料有雪糕、小丸子、爆珠及椰冰，用料豐富，口感層次多，冰涼冰涼的，係一款清新可喜嘅甜品☺️心太軟（自選兩球雪球）$42我選了曲奇味 + 香芋味雪糕，頗大球的，配溫熱流心的心太軟，實在是冰火交融的滋味！碟子上仲弄了一個鬆弛熊圖案，很有心思！芒果拿破崙 $34拿破崙冇令人失望，酥皮香酥鬆脆，配以吉士醬係完美嘅配搭，芒果果肉香甜，整體非常不錯，感覺抵食！甜品店其實唔易做，但糖佰府守住咁多年，質素依然佳，值得支持！

今晚經過糖佰府,見唔洗排隊就入去試食一下..因為平時成日聽人講話呢間好食....佢個餐牌都算多野食, 我叫左呢個白雪世界入面有勁多西米, 芒果都多, 有2舊椰汁冰, 好香,溶左之後成個甜品都好好食呢個朱古力窩夫賣相好靚, 但味道我就覺得一般, 單食窩夫感覺有D淡, 要加咪雪糕一齊食先好食