糖宮甜品專門店 (積信街)

营业中

休息中

叫左芒冰冰 - $𝟹𝟾芒果好甜 但係超大舊冰 一食落去凍到頭痛🥶建議慢慢食等佢舊冰溶溶地先食🤣仲有雜果白涼粉 - $𝟹𝟾水果同涼粉加埋好𝙵𝚛𝚎𝚜𝚑！好少地方用白涼粉 幾特別～總括黎講，門口既貓貓好受歡迎🐱～環境好舒服 我哋今次坐門口位好涼爽🍁不過甜品賣相同味道普通！不完美可接受要改善👍🏻

食完飯行下街，見到呢間甜品鋪就入左嚟，同朋友order左兩樣野1. 心太軟Overall都ok 同有兩球蛋糕，價錢同質素成正比💪🏻💪🏻2.芒果拿破侖重點就嚟啦，你以為自己食緊既係拿破侖？其實唔係，係印度薄餅加芒果😂😂，呢間甜品鋪完全顛覆左我對拿破侖既睇法。相就唔記得影，對住呢個印度薄餅(拿破侖)太過震驚。總括嚟講，服務好，環境ok，食物都ok (如果你好中意食薄餅，一定要叫個拿破侖試下)。

一日一黃店-大圍貓貓糖水店呢次第2次黎 又想黎玩下3隻貓貓上次三隻貓貓 坐咗監喺2樓今次放左出黎 但竟然瞓晒覺間中有一隻好勤力上下走巡舖呢次叫左⭐️榴酷瓏$78 （打卡平$10）姐係 糖瓏蜜瓜榴槤雪花冰👍🏻足足有半個 蜜瓜 幾香甜（算高成本）👍🏻榴槤雪花冰就係好食 夠綿 夠榴槤味😋配料都幾多 爆爆珠 三色椰果 藍莓賣相係靚靚既 食完好滿足好評 推介.第二個叫左下午茶餐呢度下午茶餐幾平喎大概$48至$68有一個甜品加一杯特飲叫咗個⭐️朱古力窩夫 配曲奇雪糕加⭐️芒果特飲都係$48😨但個朱古力窩夫 焗到燶晒 黑過舊炭 可以睇圖4🤢食落口有明顯燒焦味 同時都有小小蛋香我見到佢地ig舊post唔係咁😢😢.同店員講 店員都好有禮貌 即時勁唔好意思即刻幫我再整過 都用咗幾耐時間但睇得出店員好有誠意 話今日部機壞壞地整左2次都仲有小小黑 問我地o唔ok（可能嚇親店員 唔記咗加返糖粉同朱古力醬俾我）.最後從新出爐嘅窩夫都係唔合格 如果冇黑點 應該會好好多.#糖宮甜品專門店 (大圍) 地址：大圍積信街61號地舖.⭐️評分：味道：4.5/5 (但窩夫1分)環境：4/5 乾淨 服務：4.5/5 店員超有禮貌 好有

路過大圍想食糖水，試左呢間家人推薦既甜品店🥰呢間店養左3隻貓貓，不過今次黎只見倒一隻🤔店內有電視播片介紹下啲貓貓😺貓貓好freedom會自由進出店行出去🐈比個可愛既餐牌座吸引倒！開心地點餐🥰甜品名稱都幾有特色🤔「唔該要一個華華😳」少啲恥力差啲講唔出口🤕😂🍧華華 $40其實華華黎到既時候...覺得佢無咩特別🤔就係撈埋一齊既脆脆西米露咁，但呢個甜品比我想像中好味😳朱古力雪糕係有朱古力碎係入面😍唔係三色雪糕朱古力味😍阿華田布甸係清甜，西米露加埋其他味係幾好食！🍧抹茶紅豆涼粉 $32家人點左呢個涼粉，我麻麻地食涼粉，但我覺得呢個幾好食！至少佢夠清甜😂🍧朱古力心太軟伴兩球雪糕 $58心太軟係甜品店常見甜品之一，呢個心太軟好似外層甜度同內層甜度唔同🤔內餡係甜啲，跟住屋企人話啲內層朱古力好似另外打入去咁🤔不過因為食食下已經無深究😂唔通粒藍莓係用黎遮住個入餡洞？下次再黎再fc下😂✅有貓貓✅感覺親民✅無咩驚喜款但穩陣好味

💛相信大家都知道大圍有好多甜品店今次食呢間都開得比較耐 但到夜晚都係勁多人幫襯我地就揀咗坐喺出邊 試咗兩款比較經典嘅甜品😆-心太軟流心做得唔錯 焗嘅時間控制得啱啱好👍🏻朱古力味食落唔會太甜 仲有啲生果可以點下醬😛雪糕可以自選兩球口味 揀咗綠茶同曲奇味綠茶雪糕太甜冇乜茶味 而曲奇雪糕就正常發揮🤭-芒果小丸子西米露配北海道奶凍呢款望落去好似普普通通咁但食落幾有驚喜北海道奶凍好重奶味 配埋酸酸甜甜嘅芒果好夾如果小丸子可以再多啲會再正啲🥰芒果雪糕都係普通偏甜 但算可以接受範圍👐🏻好味評分😋：4/5🌟🌟抵食指數🤑：4 /5 🌟🌟餐廳環境 🤪：4/5🌟🌟

諗住去食tea 行行吓路過見到呢間糖宮 少少印象記得係手足就入咗去懲罰💛嗌咗兩個tea set一個係朱古力心太軟配兩球雪糕 雪糕食得出係自家製 真係唔似街邊買?感覺上係啦 心太軟好澎湃🤤唔會太甜食完都唔膩 同埋用兩個兜裝幾貼心 啲融咗啲雪糕同啲朱古力醬都唔會瀉哂跟住另一個就芒果窩夫配雪糕 啲芒果好鬼死甜🥴芒果雪糕同樣似係自家製😗窩夫真心好脆 加埋糖霜同朱古力醬就正🤤Set有配嘢飲 一個菠椰菠蘿汁同一個芒果汁 前者唔記得映☹️但幾好飲 可惜有啲啲菠蘿榨 芒果汁好正 有好多果肉 一飲都覺得係自家製😌見住佢自稱用心製作真係冇講錯 好多食得出係自家製所以幾驚喜 忍唔住千年一次寫吓食評 樓面唔係好多人 但幾個人都勁nice笑笑口咁 好識同客傾計仲好貼心 任我哋加朱古力醬呀 又俾個全新特登買嘅口罩套我哋 間舖嘅樓上仲好似養咗貓貓😂不過好可惜佢哋以前嘅招牌香蕉心太軟已經冇再做🥺可能星期一至五所以比較少人啲 要大大力懲罰😚

香港嘅天氣越嚟越熱，偶然經過大圍糖宮甜品專門店，佢哋下午3:00-8:00 嘅 tea menu 由$48-$58，免費加配一杯特飲。天氣熱到我忍唔住入去食個雪糕降下溫。我楝咗菠蘿酥皮卷伴雪糕$58，配新鮮椰皇水。 外層酥皮係新鮮整，所以好脆。內層係蛋糕再加菠蘿，菠蘿唔似罐頭菠蘿，幾甜，整體就一般喇，無咩特別。我係鋪內見到有一個推介叫 “榴酷瓏”，原價$78，社交平台check-in 價$68。我見個名咁特別而且$68就可以食到蜜瓜同榴槤雪花，所以我就叫咗一個試吓。估唔到這個榴酷龍咁大個，由原個蜜瓜盛起榴槤雪花，雖然個蜜瓜唔係貴價日本蜜瓜，但係都幾甜，榴槤雪花好重榴槤味，加上佢仲有其他生果配襯，我覺得這個甜品好特別亦都幾好食，我誠意推介。

3餐食黃店大圍美食 大圍黃店🍽芒果拿破崙💰54⭐️糖宮甜品專門店📍大圍積信街61號地舖==============================🎗社交平台表態📝西式甜品，通常第一樣會諗到心太軟，但另一樣拿破崙甜品係更加考功夫。要做到鬆皮係超鬆軟咁至成功。今次再配上當做芒果，好夾。吉士醬都好滑，唔會過甜。依到一份有2件，share食就唔怕肥啦。💫⭐️⭐️⭐️⭐️值得一試

洛重西～一出場！非常吸晴！半個西瓜啊！配上西瓜綿花冰、西瓜球、士多啤梨及椰果，整體不太甜，非常清爽消暑！最驚喜是中間仲有涼粉粒，推介榴蓮椰椰，一份甜品，兩種感受！左邊榴蓮雪糕夠濃味，還可以！右邊的白色糯米丸子、配上榴蓮肉及白色類似椰汁布甸的東西，成件事溝埋唔太夾，就是一堆糊狀的口感，汁底的味道及甜度不突出，試一次就夠

I ordered one egg white stew in young coconut and one creamy durian with crispy wrapping cinnamon powder on top. I can taste the freshness of the young coconut and the smoothness of the egg white. The hot creamy durian was melting in mouth and the ice-cream served with the hot creamy durian which created a good contrast. I am pleased to have such great dessert selection in Tai Wai.

💕個人分享😋🍫朱古力窩夫伴抹茶雪糕 $49抹茶雪糕是平常喝綠茶的味道🍵個人偏喜歡這種帶點苦的味道😋因為有些甜品店會使用抹茶大福味的雪糕，味道偏甜；🧇窩夫會即叫即做，因此是熱而且脆的，配抹茶雪糕吃味道不錯🥰===========================🍧楊枝甘露雪花冰🌿 $48雪花冰的味道像天然芒果味，並不會覺得是假甜，配料有芒果粒、柚子肉、楊枝甘露汁，配搭很清新，值得一試🌱===========================🍫朱古力心太軟伴兩球雪糕🍨 $52心太軟即叫即做，切開就有朱古力流出來😍雪糕點了曲奇、朱古力味，整體味道不錯～🍪===========================🥭即製芒果拿破崙 $52芒果的甜味天然好吃👍🏼但是拿破崙不太鬆脆，有點軟軟的感覺，整體較一般。===========================店主很平易近人，會主動跟你聊天🤓而且店主有養幾隻貓🐱好可愛，不會傷人，有緣的話它會出現在店裡～(我較常10pm後去吃，甜品店營業至凌晨，飯後甜品的好選擇~)

呢個肉桂香蕉窩夫配雪糕我覺得性價比最高，只係43蚊，唯一覺得可以改善嘅就係香蕉可以俾多啲，雪糕有其他味揀，朱古力綠茶曲奇雲呢拿等等，窩夫食落去好香好脆，就算食飽飯都可以食多兩舊。芒果綿綿冰，雖然佢冇成座山咁高，但係佢每層冰都好軟，入口即溶，份量都係適中。呢兩款就啱晒啲芒果愛好者。呢個芝麻糊就差少少，如果想食綠豆沙芝麻糊番薯糖水呢啲我就覺得去返傳統中式糖水舖會好啲。大致上都唔錯，大圍都有唔少糖水舖，呢間算係比較出色，都屹立咗幾耐，加上佢閣樓位置都幾多，老闆都幾好人，下次有機會會再幫襯！

衛生措施唔錯，一入去嘅時候店員已經會叫我哋先量體溫同埋睇吓有冇手帶先會比入！入面舖頭呢亦都算大嘅有兩層樓，第二層樓呢仲養咗貓咪添！甜品方面呢味道算唔錯，我哋分別叫咗個楊枝甘露綿綿冰同埋芒茲茲！ 個芒茲茲雖然睇落唔係好大個，但係食落呢都好飽，佢中間呢有個好大個嘅芒果布甸，連埋啲芒果西米露食味道真係唔錯，再配埋啲煙煙銀銀嘅小丸子🍡最重要呢佢嘅味道唔會太甜，食落去呢唔會有”流”嘅感覺! 價錢來講$46都算合理！臨走嘅時候唔知係咪撞到佢哋嘅店長好熱情仲一齊傾左陣計添👍🏻

上星期食完晚飯諗住去食個甜品，點知都仲有下午茶食，仲包飲品🤤抵！ 叫左玉桂香蕉酥皮卷伴雪糕🍦再加菠椰菠蘿汁，都只係$58！ 酥皮卷仲要係即叫即整，食既時候熱辣辣，又香脆，入面包住香蕉同蛋糕，玉桂味調得岩岩好唔會太過濃😋份量都唔細，有3大卷再加一球雪糕(仲可以揀口味) 至於菠蘿🍍汁，因為掛住食而唔記得影相😅但係好好飲，好鮮甜，絕冇加水！ 睇得出佢好有誠意，所有甜品同飲品都好用心機好做又抵食😍我fd就話好耐冇食過芋圓，所以佢叫左芋圓楊枝甘露😻我都食左幾啖，好驚喜！ 雖然呢個唔係下午茶，但係我覺得物超所值！好大碗又足料！(心諗其實佢有冇得賺架) 芒果🥭，西米，西柚，芋圓...每一啖都食到有料！我fd話食到好飽🤣 老闆娘仲同我地講楊枝甘露個底係每日新鮮芒果打汁，唔怪得咁香咁好飲🤤🤤 芋圓都好高質，軟硬岩岩好，夠煙韌彈牙！食落係真係有芋頭同蕃薯味🍠！埋單先知如果like埋佢FB or IG仲可以減2蚊！梗係照做啦！

已經兩年無返黎大圍啦今日返到黎，食完個晚飯馬上去食個甜品因為以前向度住既時候已經知道大圍多糖水鋪不過，比較令我有回憶既我唸都算係糖宮了今次黎到糖宮，發現環境乾淨左而且多左幾隻可愛既貓咪仔佢地作為店長非常熱情而今次我點左佢地既招牌菜【椰皇燉蛋白】同埋【朱古力心太軟】椰皇燉蛋白好滑，熱辣辣咁上椰味好出，奶味又唔蘇，的確唔錯至於朱古力心太軟因為我比較鍾意朱古力味重啲唔太鐘意太甜。呢間店就岩灑我啦而且重要跟兩球雪糕！正！最重要最重要一點係佢地既presentation靚左好多放左好多心機而服務方面，都係多靚仔靚女為主都好後生，令到增加左不少分數服務都不錯！一定會再黎！加油！本地小店！