紅磡冰室 (已結業)

第一次到來,食物質素都可以,但服務態度太差.叫左:午餐蒸排骨飯,特餐义燒通粉,煎蛋,蒜茸包,涷奶茶,熱檸茶蒸排骨飯:好有家庭Feel,排骨好多,肉質夠淋又夠入味,個汁好正餸飯一流.义燒通粉:义燒味都幾香唔嚡,通粉幾淋幾好味,湯底好味,唔錯.煎蛋+蒜茸包:煎蛋太過火乾左D,蒜茸包比較硬味道普通.涷奶茶:茶味香滑幾好飲.熱檸茶:冇咩特別.可能太好生意,所以服務態度太差,價錢都唔平囉!

每晚放工都會想下去邊間食，突然覺得想試下呢間茶餐廳，咁就入去試一試剌1)咖哩雜菜蛋飯+蒜蓉多士+涷奶茶$55咖哩味道適中，不會太咸，而且份量充足，菜有蕃茄，西芹，白菜仔，菜心，西蘭花，洋蔥，煎荷包蛋等配料蒜蓉多士香脆，配合牛油更美味涷奶茶走甜少冰，味道好適中，冰好快剛剛溶晒，所以唔會整走d茶味，又保持到涷既感覺2)滑蛋蝦仁飯$46其實一見到碟飯有2個反應，第1個反應係d蝦好大隻，數咗有9隻，第2個反應係我成日都自己誤會咗滑蛋係炒蛋，其實我係喜歡食蝦仁炒蛋，滑蛋係配少少蔥同碎蛋汁，由於佢用料充足，d蝦仁又爽口，所以都覺得好味

晚上10點，經過紅磡冰室，見裝修不俗，便入內試試。沙爹肥牛公仔麵 $36 : 湯底同麵都冇乜味，只有肥牛有淡淡的沙爹味。乾炒牛河 $36 : 一上碟已經覺得吾夠色水，食落果然係好淡味，直頭可以話係冇鹹味，而且冇鑊氣。雪糕紅豆冰 : 尚算正常可能啱一D鍾意淡味或食物原味嘅朋友，但我應該下次會去其他餐廳啦。

紅磡開工again,冇時間坐底食，叫左個外賣蕃茄肉碎通--茄味濃，肉碎夠，通粉煮到剛好，份量都足夠，湯味算濃味，不俗芝士酥--俾錯牛油酥，外少脆，內軟，口感不錯熱咖啡夠香濃亦夠滑，不過已洛糖，已經好甜，但另有兩包糖跟外賣一齊一個早餐等左15分鐘先到手，早知坐底嘆仲快

星期日要開工，嘆番個西早，車泊戴亞街錶位，行到德民街，見呢間舖内坐满人，即入。沙嗲牛麵--牛肉三大片，都幾入味及吾靭，麵份量多，但少少硬未夠淋，湯底咸左D。多士两大件，牛油不多，蛋量算多亦算滑，不錯

今天是第二次到這冰室，食物質素都okay,但服務態度要檢討，叫了午餐和凍檸茶少甜，但格尼枱叫凍檸茶少冰，但來到我已急急飲了2啖，應該是調轉了，我杯少冰，佢杯正常半杯冰，但格尼枱要求少冰，侍應阿姐拿回杯半冰檸茶唔換，說這杯已是少冰，格尼枱阿姐無奈， 今時今日咁既服務態度？？？我今日食的午餐是欖菜豆角肉碎炒飯，完全食唔倒有肉碎，朋友食蒸排骨飯，都ok!可能太好生意，所以咁既服務態度，其實只要倒走少少冰加返少少茶埋得啦！格尼枱啊姐話下次唔來！

呢篇食評遲遲都未得閒整理 (半個月前食,HAAAA)紅磡冰室終於開新分店喇:-)「冰室」是代表香港其中的一部分文化。見到加價都唔會太過份~ 有D冰室收成$42一個常餐合情理,所以都要一試今天與友人二人行到冰室一試大部分人都會叫常餐~特餐同常餐我就叫左B餐香煎豬扒通粉,朋友就叫左雞翼B)叫左杯朱古力特飲^_^唔駛5分鐘我個滑蛋多士已經到左(心心眼)呢D真係真正既滑蛋~ (讚)配上多士> 灑d鹽 一流!!!!!!!!!!!!!!*v*豬扒通粉都到埋~味道還可以, 豬扒帶有鮮肉味, 口感唔錯冇咩特別朱古力特飲~其實加左個cream 係頂~ 另到成杯朱古力奶味更重同埋creamy dd....--飲完覺得好肥=v=朋友既雞翼撈麵( 賣相挺吸引)味道: 朋友說一般,冇咩特別~ 個麵煮得岩岩好, 唔會太淋 (OK!)整體上都ok!比起舊店服務更好~ Keep going on~

常餐, 生滾牛肉蕃茄通心粉, 嫩滑炒蛋, 牛油多士, $34,生炒或生炸都易明白, 但唔知點樣生滾法? 即係用生牛肉煮?? 話明係湯粉, 牛肉就梗係用水淥啦?? 咁…唔係咁煮? 重可以有咩嘢方法煮?? 係呵刻左些少, 唔好意思, 但真係消費得唔太舒服. 侍應男男女女都全程黑面, 客人問多句都唔願意答, 以為茶/快/常/午餐這些例牌貨, 會好快有得食, 卒之因為其他客人轉檯的關係, 累到上檯時的食物大錯亂, 等成廿分鐘先嚟齊.牛肉蕃茄通粉, 份量比澳洲的還少, 但蕃茄湯味道不差, 偏酸, 少甜, 還有幾件薯仔, 而且夠淋, 通粉未算十分彈口, 牛肉三件, 醃得太過, 軟棉棉, 唔太合胃口.炒蛋多士, 的確是炒滑蛋, 半濕狀態, 味道和口感都十分滿意, 但份量更少, 估計只有一隻蛋多些少, 多士烘得只中間微燶, 近麵包皮附近仍白白色, 而且偏硬.侍應同客人有仇, 可能只係個別繁忙時間, 比多次機會, 下次非繁忙時間再嚟多次才作準.

紅磡多野食就系人都知啦！但除左個幾間歷史悠久又街知巷聞既餐廳之外，仲有好多好有特色既新晉餐廳，今次就來到位於紅磡大街，望落好新淨既hongkong style 冰室。因為要上堂，我們都系求其食完就算，所以就選擇食茶餐廳（速食文化）。抱著味道應該中規中矩，唔會難食得去邊啦既心態進入呢間餐廳。‘哇！幾多人wo！’ 我一進去心想。‘幾位啊？ 兩位要同人搭台wo。’ 侍應姐姐話。‘冇計。趕時間快的食完走人啦！’ 友人話。咁就坐低左了。侍應姐姐好有技巧咁令成間鋪頭都坐滿人因為之前未來過，就鬼鬼祟祟咁望下其他人食咩啦。 突然被飛快地送菜既侍應姐姐手上既撈面吸引左我和友人對望一下，二話不說就 ‘靚女，要雞翼撈面’ ，哈哈哈！其實呢個系一個茶餐來既，同澳牛，華星差唔多， 炒蛋，多士，面，野飲。你可以選擇蒜蓉多（一片麵包）或 牛油多（兩片麵包），但我勸各位要牛油多好啦，一來有兩片，二來蒜蓉多真心唔好吃，佢地只系搽港式蒜蓉醬哄就算架啦，見到都唔開胃，因為你食到既系酸酸地，表面黑黑地既麵包。牛油多就一定好食架啦 麵包好厚，同搽滿牛油比你，加埋炒蛋一起吃，一流啊！炒蛋雖然唔系最好食，但都唔差架，個人認為比華X

晚上同陳生到黃埔睇張家輝「激戲」，入場前HI個靚TEA，紅磡區太多美食，心大心細之時經過新開嘅「紅磡冰室」，見到價錢合理，一於入去試吓。 ******************************我叫咗常餐B($34+2)，瑞士雞翼撈公仔麵，配炒蛋﹠烤蒜蓉包，加$2轉紅豆冰。陳生就叫咗冰室西多士，加$2轉紅豆冰(＄23+2)炒蛋炒得好嫩滑，充滿蛋汁，超正！烤蒜蓉包熱辣辣出爐！襯熱食一流！而且未放落口已經聞到好重蒜蓉香味，入口香脆，好感動啊！     瑞士雞翼撈公仔麵唔錯，瑞士汁偏甜味，而且均衡滲入雞翅，好入味！有翠華水準但價錢平咗十蚊有多。招牌紅豆冰，紅豆足料大粒，可惜唔夠奶香味，佢用淡奶沖，如果用椰汁會香好多。西多士充滿蛋香，麵包油炸至鬆軟唔會硬柴柴，牛油略嫌細塊，配上甜甜嘅糖漿，呢餐下午茶真係好滿足！

連續吃了兩個多月A餐, 今日轉轉口味, 試埋個D餐: 南冰魚柳拼雙蛋餐先說等候時間, 相比起A餐, 這次我等了約5分鐘, 起初我覺得太耐了, 但吃完後知道這5分鐘是大有原因的, 容後再表當靚女服務員把這份南冰魚柳拼雙蛋餐送到我面前時, 我第一個感覺是份量十足 (請看相片), 我之前在大X樂吃過同樣的餐, 但這裡的那塊魚柳足足比大X樂的大一倍咁滯我馬上切一小塊吃, 一擺入口, 嘩! 熱到吖! 應該是即叫即炸的, 比起一般連鎖式快餐店那些一早炸定, 然後放在個暖櫃裡保暖的出品完全是兩回事.那些快餐店出品由於已炸了很久, 所以放在暖櫃只可保存其熱度, 但成舊魚就軟哂. 相對而言, 這裡的炸魚真的外脆內軟, 拼炒蛋吃, 一流, 而且熱到飛起, 冇可能一放入口即刻可吞下, 所以奉勸趕時間或泊咗架車喺出面的人士就不要吃了我估計大家貨源應該差不多, 但烹調和處理手法, 就高下立見了. 因此, 要等成五分幾鐘至收到貨, 實在是有原因的繼上次A餐點數嬴翠X後, 這份定價為HK$27之D餐, 計埋味道, 價錢, 直接K.O 大X樂啦!

兩個月前偶然經過街口, 看見一間新開的茶餐廳, 名叫 紅磡冰室, 個名就夠剎食嘞, 夠膽用成個區來改名, 咁大口氣吓話! 好! 我就姑且入去試一試. 誰知不試尤自可, 一試竟上了癮這店地方不大, 五十個座位左右啦, 我是早上時段光顧的, 大約9時, 但門口已有幾個人在等位了. 我等了五分鐘就有位了看看Menu, 典型茶仔款式: A-F餐, 我點了A餐: 鮑魚絲火腿通粉, 煎雙蛋, 牛油方包, 熱飲出貨速度都算快, 只兩分鐘就把一碟鮑魚絲火腿通粉送到我面前, 先呷一口湯, 熱度適中, 味道很好, 而且似曾相識…… 對! 很像翠X 的味道, 好味!未吃完通粉, 煎雙蛋已經送到桌面, 這份煎雙蛋的水準超高, 蛋黃水旺旺, 蛋邊完全唔燶, 當下已搶先把它吃掉, 一流!那杯凍奶茶又是水準之上, 茶奶比例適中, 但由於我不嗜甜, 感覺甜了些, 所以之後我都order 少甜, 下次試埋佢地個咖啡先由於她們的蛋實在太出色了, 所以我再叫多份蛋牛治吃, 這份蛋牛治夠哂份量, 足有寸半厚, 雞蛋份量充足, 我估足有兩隻蛋份量, 跟咸牛肉混和一起, 又一水準之作, 我個人覺得好食過 澳X牛奶呢, 價錢亦不貴

親友介紹,即往一試.果然名不虛傳.食客雖多.但製作不馬虎. 食材品質佳食物量足夠.飯.餸及湯均夠熱.炒貴勺.有東南亞炒貴刁之真存口味炒蛋,炒得熱及滑嫩.沒有鑊漬.食得安心厚多士,烘底好椒鹽肉排.好味生炒排骨.夠脆蕃茄薯仔湯.不肥膩.有西餐口味紅豆冰.豆多及淋各位紅磡街坊.不妨一試罷

見到紅磡開左間新的冰室，見裝修幾靚，又幾多客人，一向鐘意試新野的我當然亦都要嚐下鮮。叫左個招牌沙嗲牛肉面+ 炒蛋+ 多士+ 熱華田 ( $25) ，等左5分鐘到就有。沙嗲牛肉面正常。啲牛肉幾諗，預左係冇牛肉味。啲湯底都係正常茶記湯底，有落味精。不過略嫌唔係幾夠沙嗲味。同埋唔應該叫招牌... 因為根本太普通。至於啲面都係正常茶記面，唔係出前一丁。不過我唔身係唔鐘恴食面GE... 唔記得左轉通粉= =炒蛋有驚喜。好有蛋味，而且有小小蛋汁，亦都幾滑。值4粒半星星。( 5粒星星最高)至於多士都係白面包+ 牛奶。正常。熱華田唔錯，華田粉落得夠多。如果落多啲奶會更加滑同好味，不過呢啲純粹個人喜好。最後，如果份量多番小小就好啦。食完唔係幾飽:| 服務正常，如果多啲笑容就好啦;)