紅米 (華都商場) (已結業)

紅米喺屯門都開咗一段日子，好多時經過，外面都係大排長龍，非常熱鬧，襯今晚老公可以早少少放工，約佢去紅米試一試🥢。老公想食辣嘢，於是叫咗韓式泡菜豚肉·豆腐粉絲湯飯$58。湯熱辣辣，飲一啖令人釋放壓力，味道不錯，醒胃惹味，辣度剛剛好。豆腐同豚肉份量合適，如果泡菜可以多少少會更正🤤。我就叫咗原條蒲燒·鰻魚蛋包鐵板飯$81（照燒汁；另加芝士碎$8同溫泉蛋$8）。一嚟到，嘩！有驚喜！色香味俱全之餘，啲汁喺鐵板上仲發出「炸炸」聲，真叫人食指大動🍽！鰻魚雖然唔係真係一整條，但起碼有大半條，份量驚人，食落啖啖肉，鰻魚汁香甜。蛋好香滑，芝士味道豐富，飯亦帶有陣陣嘅蛋香味，加埋香噴噴熱辣辣嘅照燒汁，真係好惹味。不過略嫌照燒汁有啲咸，可能鐵板令汁裡面嘅水份蒸發咗，下次汁另上可能會更好。我哋另加$16配抹茶奶蓋拿鐵同$14配虎紋黑糖珍珠奶。特別鍾意黑糖珍珠奶，黑糖香甜，鮮奶香滑，珍珠煙靭，甜度適中，正！

就係比呢個廣告牌吸引咗我入去😄見到Anson Lo， 神徒門快啲去屯門華都紅米試吓啦，仲有機械人送餐好鬼得意。見到門口餐牌仲有好多種菜式選擇，被那個大大個石板燒廣告牌吸引咗🤤，裝修簡單整潔全部卡位坐我最鍾意，紅米係一間好特別新穎茶餐廳菜式選擇多到不得了，大大話話都有四五十款任你點！美國大理石200g套餐$98 （包餐湯、沙律、溫泉蛋、白飯）唔使$100可以食到咁有質素鐵板牛，熱辣辣熱石上菜已經超級香，賣相一啲都唔求其，牛肉上面蒜香牛油係成塊肉嘅靈魂香到不得了，牛肉好滑仲有少少焦香好淋！必叫招牌王牌雜扒配薯菜＄99雜扒有香腸、煙肉、雞扒、豬扒配黑椒汁，豬扒雞扒炸過所以好香口，如果用鐵板上更加Perfect😂😂薑蔥肥牛鐵板飯＄56加咗$20油牛角包、餐湯、沙律好抵食$56可以食到鐵板牛飯，所以我加咗$20要套餐，鐵板上熱辣辣，配黑椒汁肥牛份量不少上菜後要馬上炒，我好掛住影相呀最後啲飯燶咗😮‍💨韓式香辣炸雞翼＄22驚唔夠飽再嗌多個小食，甜酸醬配炸雞翼唔錯，香香辣辣雞翼炸得夠乾身，咬入去仲有肉汁流出來～總結：地點方便·價錢實惠·坐得舒服👍🏻

抵食晚餐住得咁近屯門夜晚就梗係喺屯門食埋先返屋企啦，所以去咗新都嗰度食返個晚餐先返去沖涼。嗰度啲嘢食大件夾抵食，叫到好似放題咁買單大概$271左右，平均每個人$136左右。極上鮑魚花膠花菇滑雞湯飯$58白飯嘅份量好多，雖然已經叫咗小飯，但仲係覺得都幾多，哈哈。鮑魚花膠雞湯嘅湯底幾好飲，攞嚟做泡飯好養生。花膠都幾有彈性咬口。鮑魚真係有鮑魚，哈哈，冇花冇假。成個泡飯$58仲有嘢飲真係幾抵。邪惡燒芝士玉子燒$48燒汁同沙律醬同埋玉子燒嘅配搭味道都幾夾，仲要有紫菜同埋柴魚絲，賣相都幾靚。蜜糖柚子烤雞翼六隻$38雞翼有三隻同埋六隻可以揀，因為我哋兩個都鍾意食嘅嘢，所以直接叫咗六隻啦，哈哈。蜜糖烤雞翼唔使講都知係咩味道，要有埋柚子醬，味道都好夾嘅。招牌王牌雜扒飯$99另外加咗$20，有埋紅湯同埋牛角包同埋沙律。個蒜蓉汁都幾惹味。又有雞扒又有豬扒，仲要有埋司華力腸同埋煙肉，食完都好飽，每一啖都啖啖肉。上枱嘅時候熱辣辣，啱晒啲食肉獸，嘻。

今日遲咗放工但又好肚餓,決定食埋飯先返屋企。同友人叫咗幾款share ,食得開心又滿足1️⃣雜扒餐配薯菜(黑椒汁)$99雜扒包括有豬扒、雞扒、腸仔和煙肉配薯條,厚切豬扒和雞扒肉質鬆軟,口感完全唔韌,啖啖肉,啱哂食肉獸嘅我薯條亦炸得爽脆香口,淋上黑椒汁,美味可口我哋仲加咗$20轉套餐,包括有牛角包、迷你胡麻沙律、湯和飲品2️⃣老壇酸菜魚.芫茜泡椒鳥冬$58魚肉肉質結實,唔會一夾就散,加上嫩滑無骨,啖啖肉。值得一讚係湯底酸辣得嚟好清好好飲,配上烏冬味道好夾3️⃣超級至尊薄餅$76作為至尊材料好豐富,有肉醬、腸、雞肉、磨菇、洋蔥等,批底唔油,食多啲都唔會腻跟餐仲可加多$6升級轉特飲,呢杯青蘋果綠茶伴愛玉,飲落清甜而且愛玉清涼滑溜,喜歡這配搭

下班約了朋友到這間餐廳吃飯，門口有一個機械人迎賓，機械人螢幕上有部分餐單選項。門面的紅色在商場中特別顯眼。進到店內，看到另一個機械人快速送餐中，感覺有趣又有效率。店內有很多卡位，選了一個卡位角落坐下，用手機掃桌上的QR Code下單，很方便。先點一個小食拼盤($58)，三款小食配甜酸醬。最喜歡的是蜜糖雞翼，香熱微甜，外脆內軟和多汁。其次是春卷，香脆可口，內裏有蔬菜粒，不會覺得太油膩。最後是炸雞肉，同樣炸得香脆，配甜酸醬味道更鮮。無糖教主冰(+$13)是新推出的飲品，這罐飲品由教主代言，所以才有這個名字，實為青檸海鹽柚子冰。在夏天喝特別清新，配上汽水配上柚子，清新中帶點微甜。芝士奶蓋綠茶(+$16)，綠茶味比較清淡，能嚐到淡淡的芝士味，整體感覺清淡。原條蒲燒鰻魚蛋包鐵板飯($81)，在四款汁中選了照燒汁，不會蓋過鰻魚的味道。鐵板炙燒，以紙邊圍着防止油彈出，拿開紙邊才吃會更方便。上桌後要立即攪拌，否則蛋流到鐵板的底部，與底部的飯混和，然後被鐵板的熱度燙熟了，令底部的飯好像吃煎蛋飯般。鰻魚非常大份，入口軟滑無滑無腥味。鐵板飯加了一隻温泉蛋(+$8)，令本身比較少汁的鐵板飯加入滑溜感。看到餐廳

有日經過屯門紅米餐廳，見到 Anson Lo 盧瀚霆人型紙牌，餐廳飲品仲用上OOHA 製作特飲。天氣咁熱，都想飲下0糖0脂飲品消暑，仲叫咗茶餐醫肚。邪惡爆芝士玉子燒 HKD 48玉子燒幾大份，表面仲有醬汁同木魚，感覺幾日式；
內裡有芝士，半溶狀態配合嫩滑玉子，仲有少少拉絲效果。

薑桃冰（凍）HKD 26夠凍夠消暑，同時薑味十足，裡面都有幾多桃！無爆教主冰（凍）HKD 26夠凍夠消暑，仲有少少青檸，好開胃又解渴。
美式炸魚配和風海苔薯條 HKD 39炸魚大份夠鬆軟，魚肉夠嫩滑，海苔自己控制份量啦，薯條海苔幾夾！
蜜糖柚子烤雞翼 HKD 22一碟有3隻雞翼，蜜糖配柚子開胃，又幾雞翼幾夾，而且蜜糖味夠香！
香濃芝士白汁煙肉焗西蘭花 HKD 28芝士再配烤焗已經吸引，再配埋煙肉、白汁，感覺更加香；
而且西蘭花無焗到黃，配埋芝士一齊食，都唔錯。

收工約朋友食晚飯，係屯門想搵間唔太貴而有特色既，搵到呢間紅米餐廳，睇過餐牌款式都幾多，價錢唔算貴，又未試過，今次就黎試下啦，餐牌好多野唔影咁多，就咁影左今日叫果2款野果頁。先講講主菜加20蚊有湯，沙律，牛角包同飲品，但上到黎係半份厚多士，可能牛角包賣晒啦，但又唔同我地講聲，呢方面做得唔多好，我地都唔介意食多士既，但交帶聲會好d。羅宋湯好酸，我就幾鍾意既，好過飲d溝水溝到淡晒既湯，沙律加左胡麻醬，多士烘得唔夠香脆，似食麵包。原條蒲燒鰻魚蛋包鐵板飯，賣相麻麻，同睇其他人post上黎d相差好遠，鰻魚唔算大條，同埋好韌，好似食膠咁口感，蛋包飯還好，飯用珍珠米略濕左dd。和風照燒鐵板炒烏冬，兩位朋友都揀左同1款，佢地就話唔難食囉，但都唔叫好食，烏冬偏淋身。整體上都好有進步空間，都仲可以俾多次機會佢下次黎試下其他野既。

呢間紅米餐廳位於屯門華都商場，人來人往，呢日黎到入面都好熱鬧，滿晒座而且最特別既係會有機械人幫手拎餐，非常得意又新奇！同埋呢到既食物款式都好多，中西式既餐都應有盡有，有小菜類、韓式石鍋、扒餐、烤魚雞煲、甚至連pizza都有！總有一款適合你！呢日我地叫左一個招牌王牌雜扒餐，仲有沙津、例湯同埋牛角包雞扒同豬扒都大大塊，加上燒汁好好味煙肉亦唔會太油膩，好豐富！然後叫左一個酸菜烤魚，以及額外叫左一份炸餐肉同辛辣麵烤魚大大條，好入味，魚肉彈牙，而且配料都好多！藍碟花雪梨蜜伴愛玉，紫藍色好靚唔會太甜，味道岩岩好火山柯華田芝士奶蓋，一睇就知好邪惡芝士味香濃，加上柯華田味道好夾

今天路經屯門，在華都花園一樓商場見一個機械人在餐廳門口宣傳，於是便內進晚膳。餐廳的裝修也很富特色。卡位間隔有如小廂房，防疫意識高。餐廳用QR CODE 點菜，效率非常高。我就點了門口機械人宣傳的蛋包飯嚐嚐，再加上一個招牌雜扒。“富士山蛋包王”（特盛2人份量）配吉列炸蝦2隻，可自選兩款扒。果然是Double Size，一座富士山的模樣，雞扒和豬扒都很巨型。味道方面，飯是茄汁珍珠米，酸酸甜甜，非常可口。包住飯的滑蛋也特別滑，炸蝦甘香酥脆，豬扒和雞扒肉質也不錯，點上醬汁，十分惹味。+$20有冷熱飲品、暖心湯、牛角包和胡麻沙律，同樣是雙份，認真超值。足料羅宋湯，非常濃稠。沙律是新鮮蔬菜加麻醬，是開胃的前菜，口感清爽。牛角包鬆軟有牛油味，送湯一流。人氣No.1的“招牌王牌雜扒”，有雞扒、豬扒、司華力腸和煙肉。既然是招牌菜，就一定要嚐嚐啦！大大件的豬扒和雞扒，還加上煙肉和香腸，就像座「肉山」。司華力腸特別美味可口。一頓豐富又美味的晚餐，就在撐著大肚子下結束，而且還經濟實惠呢！

happy Friday唔想煮飯，同老公屋企喺附近撐枱腳🫢🫢見到蕭生間餐廳食物種類好多元化，可謂包羅萬有！原來地方很大，座位都夠闊，食物種類多到呢有啲眼花撩亂🤣🤣最尾揀咗麻辣雞煲，好香🤤🤤紫洋蔥🧅芹菜，小辣已經夠辣啦，雞肉好嫩，用上雞髀肉，食到差唔多加湯打邊爐🍲唔小心撳咗兩個辛辣麵🤣🤣加埋午餐肉變咗一個部隊鍋🥳🥳飲品方面種類亦都非常多，台式茶飲珍珠黑糖奶茶🧋水果茶、特飲芝士奶蓋，乜都齊晒水果茶超大杯茶味夠濃水果新鮮唔會太甜👍仲有西冷牛扒、鐵板餐、最尾比呢個酸菜魚吸引咗😌😌烏冬底，魚肉非常嫩滑，酸菜酸爽，魚肉份量亦都很多，有10左右大大塊，有一定厚度湯底都好好飲，少少辣好開胃 埋單每人百鬆啲好抵食😝😝下次過嚟試吓西式pizza西冷牛扒先😎😎

本身我今日心情好差又肚餓是但搵間野想涼冷氣食個下午茶抖下。點知搵到間好野，痴線架，我真心覺得呢一餐令到我心情好返晒。食物服務真係好到你吾信，我望住d人排隊都快快食之後讓俾人地。係華都搵到寶，係我今日意想吾到架😂😂😂🙋🏻‍♀️

紅米呢間餐廳用左好多好鮮豔既顏色裝修，類近韓風為主，入到去燈光明亮，清潔乾淨，全部卡位有隔板，十分衛生。餐牌有圖有照片，色彩繽紛好吸睛，仲係自己用QR code落單好方便。隨此之外我仲見到餐廳入面有機械人送餐，喺香港真係好少見到架。我叫左凱撒沙律，韓式香辣雞翼，招牌王牌雜扒同重量級西冷。先上左沙律同雞翼，賣相都好吸引，沙律份量唔少，兩個人食都夠晒，三文魚同蟹柳一D都冇俾少架。而雞翼就好有韓國炸雞既感覺，辣得黎又有甜甜地既感覺，係好食既。前菜之後就當然去到期待已久既据扒環節，王牌雜扒份量十足，條腸都係用斯華力腸，仲有雞扒同牛扒，個雞扒煎脆左個皮，但入面個肉仲好軟好多汁，十分推介。而牛扒亦冇令我失望，牛扒有牛肉既香味，肉質係淋身，非常好味。另外，要講埋呢個重量級既西冷，真係有重量既，真係爭D裝唔晒灑出黎咁大塊，牛扒又厚身，但你又估唔到佢又咁淋，又咁香，感覺好似就喺老牌扒房金鳳果種味道，絕對有驚喜。整體而言，價錢唔貴，坐得舒服，乾淨企理，值得推薦。

6點幾同女朋友去食晚餐點知…..好少野揀大多數都無，只好叫芝士焗豬飯，酸菜魚泡飯同雞翼…………………芝士焗豬飯：豬扒食落去有陣酸味….D飯比較硬，食咗1/4就無再食…………………雞翼：凍+硬，勉強可以放落口……………酸菜魚泡飯：要睇運氣..之前食過一次唔錯，今次太酸明明叫咗走芫荽，結果都係有芫荽……………熱朱古力：淡都無味，同飲水無分別！！環境一般，地下癡粒粒，餐具有污跡！！！！！！！！！！！！！

行完屯門彩虹欄杆，行去華都商埸搵野食，餐牌好多款食物都有，有西式嗰啲鐵板燒，蛋包飯，韓式泡飯，下午茶炸雞髀薯條，西多士，中式烤魚等等。就知入到去一定有款岩我。坐隔離個兩個學生妹叫左二份下午茶，係炸雞髀配薯條仲有啲紫菜粉。聞到炸野當然我都叫左一份，即叫即炸，雞皮好脆，因為午飯時間特別多人，餐廳裏面會有機械人走來走去負責送餐，送到枱面前。佢一至日都有唔同lunch set ,外賣自取仲有88折。我就無叫lunch set ,叫咗個蒲燒鰻魚野菜炒烏冬($72)+$20變套餐包含牛角包，餐湯，嘢飲同埋沙律，烏冬好冧同入味，鰻魚份量都正常。仲叫咗個蕃茄滑蛋芫荽滑牛湯飯，白飯係分開上，個蕃茄湯好濃味，友人連個湯都飲晒。

之前成日上YouTube見到介紹紅米餐廳，今日黎開屯門就過嚟試吓， 喺屯門市中心行條天橋就到好方便睇餐牌食物都好多選擇，小食，鐵板，鋸扒，石鍋飯，薄餅海南雞乜都有今次溢咗養生湯飯泡菜豚肉豆腐粉絲～可以有益長度增加免疫力，嚟到超大碗，配埋烏冬，好豐富，夠晒飽肚酸菜魚芫荽泡椒～開胃清火去膩除燥，魚嘅數量真係好足，食極都仲有，同埋我鍾意佢個湯夠晒酸好惹味，配埋個湯飯，正！仲有個兒童餐真係要讚下你睇吓兒童餐個蛋包飯都咁靚，完全冇揸流攤，雞翼小朋友勁鍾意食嚟到呢度一應俱全，一次過滿足晒唔同嘅願望