紅米 (華都商場) (已結業)

喺屯門市中心行街，發現華都花園個商場，新開咗間餐廳叫做紅米，餐廳入面有好多款式食物可以選擇，有雞煲，有火鍋，有蛋包飯，有意粉等等。仲要有機械人送餐，好先進。因為天氣凍，我地就叫咗個台式特盛臭臭鍋，臭臭鍋個湯底好香，好多料，有豆腐，粟米，豬腸，菜等等，好豐富。我地另外再加咗特級美國肥牛（4安士），味道唔錯。無激素農場滑雞件（6安士），好大份同嫩滑唐蒿（1份），好新鮮讚岐手打烏冬 ，夠哂彈牙開胃大檸七當然唔少得甜品，金磚西多-伴紅豆雪糕

作為屯門友好開心之前間堅韓燒執左（因為LUNCH真心難食）終於開左間新店 — 紅米餐廳其實都試左幾次食早餐真係一流好食 大件夾抵食！有次去試午餐叫左個雞扒蛋包飯（？）個雞扒既汁係酸既..同日式蛋包飯&雞扒吾夾蛋包飯亦都吾係日式戈種而係茶記式（鋪隻蛋係飯上面就算如果5X既價錢真係吾抵食去到等收錢有3個人（2個見習生）同一位女服務員我問D外賣係邊到2個見習生你眼望我眼完全吾應機 個女服務員就十分勤力又抹枱又收錢最後我地自己去搵外賣話說早餐除左好食最吸引當然係有外賣自取優惠！但食多兩次之後有日星期六叫早餐佢同我講星期六冇外賣自取優惠平日星期一至五先咁算喇 人地星期六日冇優惠都合理既~到星期一去食竟然同我講早餐冇外賣自取優惠如果係會員想減5蚊 早餐都係不適用最後想講佢外賣個電話同以前堅韓燒個電話係一樣而LUNCH食既內容都一樣..😐🤫相信以後吾幫襯

見都好多人食，諗住試下呢間新嘢，決定買個外賣返屋企食，都等左半個鐘咁啦。翻到屋企打開見到一條炸左嘅頭髮，仲要鬼死咁長，長過份炸魚柳核突到呀！CLS！ 點食呀！！！？？？

當日星期六晚7:30鐘左右去到舖頭人流唔多 唔需要等位就入到去本來想揀pizza點知冇得叫亦都聽到隔離枱想叫雞煲亦都冇得叫所以如果想食pizza同雞煲嘅朋友可能要早啲去食先有啦1️⃣韓式泡菜豆腐豚肉鍋配烏冬豚肉鍋可以揀配飯或者烏冬 我就揀咗烏冬烏冬質地有咬口 唔怕會浸腍晒嗰種泡菜鍋有泡菜 粉絲 白蘿蔔 兩舊豆腐 同四片五花肉唔食得辣嘅朋友 可能會覺得佢幾辣成個鍋都係正常發揮 以呢個價錢來講都唔錯2️⃣焗豬扒飯焗飯賣相睇落唔錯 食落覺得快餐店好食啲飯底撈埋茄膏略嫌味道清淡咗少少豬扒用咗好多鬆肉粉 用叉輕輕拮開已經可以切開細細舊不過佢芝士落得足夠 可以做到拉絲效果

Happy Friday 懶得煮飯, 同屋企人嚟呢間新開餐廳食埋晚飯先返屋企。餐牌選擇多元化, 有蛋包飯、鐵板飯、扒類、西式、中式都有最盞鬼係呢度有機械人送餐服務, 都幾特別,呢個賣點真係幾吸引富士山蛋包飯(2人份量)餐牌上No.1 最受歡迎的蛋包飯當然要試下, 飯內有煎雞扒、炸魚柳和吉列炸蝦,配上咖哩汁和茄汁滑蛋好嫩滑,仲有蛋汁流出,撈飯食一流蛋包飯用上炒飯底, 味道唔錯, 魚柳和炸蝦炸得香脆,雞扒肉嫩惹味另加$20升級套餐,包餐湯、沙律、牛角包和餐飲餐飲我哋叫咗一杯珍珠奶茶,甜度適中,珍珠彈牙有咬口, 另一杯綜合水果, 生果新鮮, 飲落清新High Tea 層層叠呢個High Tea 好豐富, 底層有半熟滑蛋、薯餅、沙律; 中層有台灣腸、雞翼; 頂層有方型西多士, 全部都新鮮炸起, 熱辣辣好脆口, 啱晒啲大胃王金磚西多、伴紅豆雪糕西多士炸得金黃, 外脆內軟配埋雪糕和紅豆一齊食有冰火相融嘅感覺,夠刺激

打電話叫外賣漏單冇左個熱華田，唔緊要未等，估唔到一杯普通熱飲要等15分鐘，叫佢地催一催冇人理，同出一個餐一樣，咁我洗鬼打電話叫，最緊要係啲人態度差態度咁都唔洗再有下次幫襯

今日同老公去屯門市中心買聖誕佈置，行到華都商場，見到有間餐廳叫紅米，搞試業，去試下先。環境方面：新裝修，幾簡潔，乾淨👍服務方面：職員都有禮貌，其中見到個姐姐，一見到地污糟，就即刻拖地。最特別係，有傳菜機械人㗎😍😍😍估唔到呢啲小餐廳都有傳菜機械人。食物方面：我哋兩個人分別點咗：一個小食拼盤一個雜扒＋20蚊變套餐。一個鹹豬手＋20蚊變套餐。小食拼盤有春卷－夠脆，ok2款雞翼和雞搥－似M記，ok蝦餅－好食喎雜扒當中有：一塊豬扒、一塊雞扒、一條司華力腸、一塊煙肉，另配薯菜豬扒大塊厚切，夠軟熟，好食，其他正常。鹹豬手配薯菜，雖然唔係好大隻，但勝在皮夠脆，唔會太多脂肪，又夠入味，好好食。😋20蚊套餐有牛角包－無特別白湯－好多餡料，正熱飲－即磨咖啡，正常總結：埋單283，平價西餐，想剧下扒，不妨一試。

入咗嚟食個下午茶，叫咗碟蔥油雞扒飯+煎蛋，一嚟到碟野正常下午茶既份量，但雞扒好細，豉油勁多有啲漏，但成碟野都係唔熱，係凍冰冰㗎……同埋雞扒同煎蛋都唔香，得豉油味，好難食真係！餐具仲要有印，睇落唔太乾淨。仲要頭上盞燈壞咗係咗閃閃吓，好影響到成個食野環境。

又一個不想煮的晚上，當然是和囡囡試新餐廳的好時間。今晚被這間仍在試業的紅米吸引，決定一試。餐牌上有很多都想試，但給一個期間限定吸引，叫了一個台式臭臭鍋。台式臭臭鍋鍋料豐富，鴨血滑溜，沒有腥味，大腸洗得乾淨，沒有太多的脂肪，一整隻鴨腿，切了一件件，令到更吸湯汁。蜂巢豆腐是這個鍋的重點，豆腐吸收了湯汁，一入口，湯汁在口中四溢，加上炸枝竹。除了鍋本身的材料外，還有可以額外加配料，配料選擇眾多，我們加了蟹棒、花枝丸、響鈴。食臭臭鍋怎可少得它的好朋友—可樂，這裏可以半價加龍鳳大檸樂，有鹹檸和普通檸檬，足足有兩罐可樂，正。因為試業的關係，仍未有披薩，所以留待下次再食。

早上經過好肚餓,見新開就入嚟幫襯,望住餐牌應該估計係同之前嘅堅石燒同一集團,即管試下啦鬼叫肚餓！凍咖啡少甜：一啲都唔少甜,仲要號苦,高難度,冲到咁甜中帶苦嘅咖啡！火腿奄列：正常嘢,塊多士就比正常嘅仲要少,唔知點解得一半,仲要係細碼嗰隻,但係牛油就畀一粒,牛油怪將粒牛油搽曬喺塊多士底面兩面,都仲有淨,心理的好唔平衡！沙爹牛肉通粉：冇沙嗲味,啲牛肉又嚡又酸酸地,唔知係落多咗喼汁,還是真係酸,我唔識欣賞!冇食曬啲牛肉!總括嚟講38蚊個早餐唔平,以後都唔會幫襯,所以嚟坐好啦,就係咁我就坐咗喺度打呢篇食評！

新裝修新開小妹又嚟試吓先，呢間餐廳同上一首堅韓燒一樣都係同一個老細，由於之前已經做到好差所以都冇抱住啲乜嘢期望嚟試吓呢度餐牌比較新穎，同一般傳統茶餐廳嘅食物同種類有啲新驚喜火山肉醬配司華力腸煎蛋鐵板飯鍾意食肉醬嘅我對呢個肉醬嘅味道十分之滿意，同埋一般茶餐廳係冇呢一類型嘅食物，有下次呀茄湯蛋花芫荽滑牛石鍋泡飯好長嘅名茄湯同埋滑牛係完美嘅配搭，茄湯可以再濃啲同埋芫荽可以再多啲，因為叫得個名係有芫荽冇可能得個少少咁小家㗎