紅米 (已結業)

今日同家姐去慈雲山探嫲嫲，探完嫲嫲我哋肚餓見到有間叫Red Rice嘅餐廳就入去試吓啦。打開餐牌，我發現有好多選擇，價錢亦真心平，好多嘢都想試，最後我地點左幾樣食物，挪威煙三文魚伴蟹棒雜菜沙律、秘製特濃沙嗲金菇肥牛湯烏冬、脆香炸大雞腿、一呎避風塘炸雞排及龍鳳大檸樂，首先想講下挪威三文魚伴蟹棒雜菜沙律，挪威三文魚很新鮮，而且好大塊，蔬菜亦都好新鮮，夏天食呢個沙律真係好清涼！沙嗲肥牛湯烏冬湯底很好喝，好有沙嗲嘅味道，烏冬亦非常彈牙！炸雞腿可以選三件或者六件，我地點左六件，雞肉嫩滑，粉漿唔太厚，真係好野味！避風塘炸雞排有一尺咁長，上枱嘅時候真係覺得好誇張，雞肉同樣嫩滑，加埋避風塘嘅風味，好似去咗大排檔食咁有鑊氣！最後飲埋龍鳳大檸樂，真係好好飲，原來red rice有幾間分店，咁我下次一定會再幫襯，真心覺得平靚正又好吃！

前排撞返個舊同學，大家約埋返去慈雲山個街場打波，順便食餐飯聚下舊。當日打完波就去左呢間「紅米主題餐廳」。裝潢得好靚好新淨，成條街係呢間餐廳特別顯眼，我地七點去已經坐滿晒人。晚餐都好平，咖喱牛腩焗飯連熱飲都係四十幾。本來都想叫晚餐，但我一入去就俾呢個「富士山蛋包王」所吸引。呢個飯除左蛋包飯、兩隻吉列炸蝦，你仲可以自選兩款食物（炸魚柳、漢堡扒、煎雞扒同厚切豬扒）同兩款汁（燒汁、黑椒汁、蒜蓉汁、茄汁、咖哩汁同胡麻汁）我就要左炸魚柳同厚切豬扒，汁要左黑椒同咖哩。呢碟飯上枱份量真係驚人，唔單只蛋包飯份量多，就連塊魚柳同豬扒都超大塊。而兩款汁係會半分淋係碟邊，賣相一流。炸蝦同魚柳一樣外脆內嫩，完全唔乾身；豬扒堅厚切，脂肪唔算多，但食落好鬆軟；滑蛋唔老，入口好嫩滑，茄汁飯粒粒都挺身，撈埋汁好好食。重點係每一樣食物都係新鮮整出黎，呢個要求睇落好普通，但好多餐廳係做唔到。朋友要左美式皇牌雜扒，有齊雞扒、豬扒、司華力腸、煙肉。跟飯、意粉或薯菜。賣相依然好靚仔，全部都熱辣辣，就連跟餐個意粉都熱到識噴煙。我地都好滿意今餐飯。值得一提係餐廳侍應個個都好後生，但好好禮貌。點餐、上餐速度都好快。雖然今次聚舊就告一段

朋友推薦既紅米餐廳，我用好滿足黎形容我去到既時候係午飯時間，好多學生同OL都去食架我望左望餐牌就叫左以下既食物美國重量級特大爵士西冷配薯菜追加餐湯，迷你沙律，牛角包，火山柯華田芝士奶蓋餐湯：普通忌廉湯，唔會好稀沙律配左胡麻汁好好食牛角包：好鬆脆，唔會好油膩火山柯華田芝士奶蓋：第一次試，建議拌勻飲西冷：5成熟還有小量血水，肉質鮮嫩意式特濃芝士雙層巴士烤餅：食過一次翻尋味，本人都非常鐘意芝士，芝士真係好濃郁一呎爆芝士玉子燒：都好大份同多沙律醬芝士都好流心火山肉醬芝士鐵板薯條：薯條好多，醬汁好好夠，芝士可拉絲的

因為住係附近，經常都會去紅米食早餐或者遲起身去食個早午餐。星期六去都幾滿座，不過由於我一個人去，都唔需要等位，同人搭枱就得。太多人，侍應都幾忙下，叫極都叫唔到人。揮手揮到手軟先叫到人。最後叫咗個早餐自選套餐，套餐包括牛角包，火腿，茄汁豆加烚蛋。牛角包就唔夠酥脆，不過都幾香。我最喜歡就係將D茄汁豆放係蛋上面食，好好味。仲加咗個火腿通，不過本身已經叫咗火腿，就唔多想食……其實唔叫通粉都已經夠飽。我隱約覺得食物質素有少少下降，味道方面真係差咗少少。

Red rice 米飯主題餐廳 ～中西日韓，一次過滿足你多個願望。最緊要係性價比高如果你同你屋企人大家都有唔同意見想食，可以試吓呢間，因為咩都有 😂餐廳有好多卡位坐得舒服，二人世界或者一家大細都唔錯，餐廳播着柔和嘅音樂，平平哋慢慢Enjoy個 Dinner ~沙律 ～ 那威煙三文魚半蟹柳雜菜沙律，都只係$36 抵食 👍🏻 要多胡麻醬 😜小食 ～ 新推出的鐵板拉斯芝士韓式炸雞🍗 34$ 超級抵 😂 鍾意食辣嘅朋友，記得要叫佢多辣椒醬 ～ 如果唔係得小小醬了就似原味嘅炸雞，好多芝士同粟米，超滿足 ～泰式一口炸蝦餅🦐 18$ 一口系絕對食唔晒嘅 😂 好食 👍🏻👍🏻👍🏻蔬菜 ～ 白汁芝士焗西蘭花 🥦 30$ 樣樣都好平 😂 超多芝士仲有煙肉 ～ 食完前面嘅嘢已經覺得好飽 😂 但因為個鰻魚飯好吸引！所以都叫埋特級厚切🔪鰻魚蛋包鐵板飯 ～ 好驚喜 😋 鰻魚蛋包飯，配上沙律醬同燒汁柴魚片 好夾 👍🏻👍🏻👍🏻 成座山咁高 大份量嘅朋友都一定夠飽 而且呢間餐廳仲有每日嘅晚市套餐 40幾蚊 ～ 加幾蚊就可以包埋沙律或者湯同嘢飲 ～超抵 👍🏻

高質米飯專家大家好👋🏻本人出名係無飯不歡的飯桶🍚於是經朋友介紹，親自入慈雲山朝聖以平民食材「米飯」🍚而闖出名堂的特色主題餐廳🍴！餐廳門面以米飯圖案設計，有特色又新潮👍🏻，一入門口，即有侍應熱情招呼和安排座位，細心又有效率👍🏻。用餐時間正值下午茶時段，茶餐選擇多元化，由於餐廳以「米飯」做主題，當然不能錯過主角🍚，餐牌上有多款飯食選擇，經過我們千挑萬選終於選了巨人漢堡蛋包飯($41)和白汁蘑菇火腿雞皇芝士🧀焗飯($39)，價錢平民又實惠，還有餐飲附送，精明的我，當然會再升級加送小食：加$18有土匪雞翼（3隻）和加$21越式春卷（4條）！真的很抵食👍🏻👍🏻巨人漢堡蛋包飯，一上枱，嘩！份貴真多，真的不負巨人之名，而且賣相吸引！一入口，漢堡香脆多汁，米飯🍚有咬口再配上香滑蛋，真的是天作之合！另外，白汁焗飯即叫即焗，熱騰騰，份量一樣是巨量，兩人開心share也足夠！飯味香濃，芝士還有拉絲，很棒！至於小食，香脆好味，值得一試！最後，因夏日炎炎，還叫了三文魚🐟蟹柳沙津，新鮮清新，回味無窮！👍🏻這餐「米飯」🍚主題下午茶真的很岀色，喜歡🍚的朋友仔記得不要錯過呀！😊

平民價🍚米飯主題餐廳故名思義🤣🤣🤣就係咩飯都有得食午市餐單有齊蛋包飯 鐵板飯 焗飯 碟頭飯etc.巨人漢堡蛋包飯🍳$46漢堡都幾厚身juicy 但蛋包飯真係麻麻地首先個飯就甘茄汁撈 冇乜味 蛋皮偏薄成碟飯都係靠黑椒汁為主 但呢個價錢就算啦.生炸巨人雞腿葱油飯 拼煎蛋🍗$38葱油撈飯+豉油已經無敵 好好食冇諗過煎蛋係三眼仔 好滑啊煎得💛蛋汁炸雞腿就冇乜味 幾滑嘅 但size未去到巨人級別.跟餐加$6轉特飲🥥椰汁紅豆冰 紅豆份量ok 幾淋🍏青蘋果綠茶 呢個就麻麻地 色素糖份多

平價企理高級茶記這店就主把蛋包飯及鐵板餐，價錢相當相宜。我與友人點了一個小食併盤，一客口水雞飯，一客招牌香煎雞扒蛋包飯，放滿了整個桌子也不用二百大元！還有我們升級了一個套餐，包括蒜蓉包，餐湯，沙律及飲品。最有驚喜為蒜蓉包！ 大大片的方包搽滿了蒜蓉牛油，味香可口。接著上台的有 口水雞。唔知係好彩定咁啱呢，一整隻雞比上碟，幾十蚊食隻雞脾都抵啦。香煎雞扒蛋包飯不過不失，有大大片蛋包住啲飯，而且飯並不是普通白飯，而是茄汁炒飯，如果炒飯的茄汁再濃啲就好了。小食併盤我們點了一款乜都有嘅，咁就唔駛煩惱要選擇什麼，可惜我們到場的時間或者比較夜，有某款小食沒有供應，餐廳幫我會轉了另一款口味的雞翼！併盤中的紫薯可樂餅為晚餐的最後甜點！ 好味呀這天晚上變了全雞宴了。

Red Rice 米飯主題餐廳之前食過好好食，今次再去試下其他嘢，叫咗個玉子燒配沙律，勁好食，啲芝士可以拉絲架😍 呢個大推之後叫左個吉列豬扒蛋包飯，個蛋好滑😋個豬排又好香脆喎，佢有好多個汁你可以揀，我就揀左番茄汁，因為蛋包飯配茄汁，絕配丫☺之後仲叫左鰻魚飯，個鰻魚配左木魚紫菜同蔥花，將鰻魚本身既美味升華左，好好味呀，個飯係鐵板燒餐，比起日式個種香d,熱d最後仲叫左個芝士雞腿，又係有拉絲芝士，可以點雞腿食，呢個都係鐵板上，所以唔驚d芝士會放一陣就硬左，拉唔到絲，好細心☺呢度叫左咁多野食都係二百蚊唔洗，真心超高性價比，下次會再去同朋友試埋佢其他野🥰

今日叫了這間餐廳的外賣， 第一次食，有驚喜😆😆😆板煎雞扒蛋包飯，🐔雞扒煎得岩岩好，唔會熟到un, 岩岩好仲係滑的👍🏻👍🏻👍🏻另外d 蛋，雖然佢唔係真包住d 飯， 但係蛋做得好好，外賣黎到其實都預左有機會會老架啦， 但係竟然無呀！仲係滑的！ 好正！👏🏻 另外蕃茄汁用鮮蕃茄做架唔係普通我茄膏味☺️厚切焗豬扒飯， 味道都好👍🏻 豬扒唔un 做得幾好😁 價錢就一般啦，60 幾蚊一個飯，但係飯的份量都好多架，好飽哦！ 😋

慈雲山一向都係最多平民飯堂既地方。今次就同肥豬去呢間度試下，因為經過親都好多人食，要等位。呢日我地收晏，冇乜地方有野食，又見佢有位，就入去了。野食價錢超級平民，所以我地叫左好多野食啊。我就叫左肥牛芝士玉子鐵板，+多$6就有多條勁大司華力腸，好豐富啊。肥豬就食雞扒芝士焗飯，扒都係好大份，一定夠餸晒成個飯。小食方面呢，唔洗問吖，我又係叫雞翼。雞～全部都係雞。有幾種口味，包保有款會岩食。不過主食都已經食到我地好飽了，食雞翼都對我呢個雞翼狂有難度了。珍珠奶茶跟餐叫都好平，大家都可以一試啊！另外餐廳有提供唔同既優惠，例如套餐同追加，要細心d睇下主餐牌同埋座枱小餐牌，咁就可以慳上加慳！另外仲有得儲分，響黃大仙/慈雲山活躍既朋友仔一定要去食下！

今天在慈雲山坐車往新蒲崗見客，剛好到巴士站的時候車走了，所以就過了對面毓華里先食個早餐，經過了《REDRICE》就入去試一下，這裏的早餐選擇很多，我選了B1 的沙嗲牛肉麵，加$4 要了一條香腸，再追加$7 加多一份火腿奄列加多士，五分鐘左右，除了熱咖啡什麼也到齊了，先試一下火腿奄列，不知為何奄列總是帶着一點酸酸的味道，然後我就試沙嗲牛肉麵，麵還可以但一試牛肉，牛肉也是帶了一點酸味，差不多十分鐘熱咖啡才來，這一杯咖啡算是今餐最好的了......

其實番工好忙 好難得先有機會食個下午茶所以要對自己好一點 邪悪多一點😂😂下午茶離不開炸雞脾薯條 西多紅豆冰 吉列豬扒配沙律 呢啲都係我至愛今次嗌左個豬扒包配薯條見到個包嚇左一跳好大個呀 個包皮哄過 脆脆地呢隻麵包皮係最襯豬扒包豬扒好厚身 少少燶燶地 加埋沙律醬 好香口最緊要係塊豬扒好juicy 一定都唔會乾爭爭搭埋塊菜同蕃茄 冇甘漏一啖咬落去係好滿足好幸福仲有岩岩炸起嘅粗薯條 加埋茄汁呢個下午茶邪悪指數爆晒燈希望我下一次黎都可以繼續有甘嘅水準

今天晚上打算到店內進餐，一開始未落單已經擺錯單，接著點了餐半小時沒有食物到，原來沒有下單入電腦，落單的員工毫無悔意，不肯承認錯誤，令人失望，亦極度質疑貴店員工培訓的水準

其實我係由佢開業食到而家佢開業果時炸豬排炸魚柳都係好大塊有D厚度炸魚柳有超過一隻手嘅長度炸豬排都有一隻手而家變成炸魚柳薄身咗短咗D炸豬排淨番一隻手掌心我覺得red rice 製作食物嘅誠意係少咗