紅米 (已結業)

翻新後第一次幫襯食晚飯7:40pm左右都要企係門外等咗差不多廿分鐘先有位,安排坐係近門口旁邊嘅四人位。最先幫小朋友order一個食開嘅蛋包飯,佢係至愛就不用多推介嘞,賣相非常討好跟住點返自己嘅心水(咖喱)。依度嘅咖喱不嬲都OK嘅佢唔係果啲只識得落薑,或者勁落椰奶。。。咖喱牛腩飯本身嘅咖喱膽係入口之後先有辛辣嘅感覺,而會係食多幾啖之後就會開始身暖。薯仔份量都有三四大舊,牛腩就筋/腩都有。滿滲咖喱香料嘅味道,放眼鄰座都見有三兩檯食咖喱。可以睇到受歡迎嘅情度用優惠券食免費蛋包飯更覺得平宜,三個人只需要$91食晚餐。相信整條食街連埋連鎖快餐店都做唔到

翻新裝修後嚟食早餐,全新間格比較先前舒服寬落好多。早餐水準仍舊keep得住賣相比較附近街坊茶餐室精緻早晨可以有沙律伴碟清吓腸胃,都算係貼心嘅服務多士做得非常香脆,有時食到其他餐廳嘅火腿會係懶到連煎都唔煎,淡而無味。依度就煎得剛好,賣相吸引道味可口最鍾意係佢嘅煎蛋,可以唸到加上少少香草碎,賣相非常(吸睛)亦可以令人聯想到廚房一絲不苟嘅工作態度,抵讚咖啡係即磨嘅,都見好多客人order。睇到餐牌都有改動,遲吓有機會會試吓啲牛

今早同bb有個開心早上好耐無去呢間食早餐～……仲係咁好味………港西式嘅早餐……係慈雲山真係小有。。咖啡嘅味道幾特別， 如果對咖啡有要求嘅咁當然比唔上。。。呀b就叫左熱飲～…佢話好味……因為好酸……佢就好鐘意啦…… #蜂蜜柚子荔枝蜜#有新出嘅牛扒早餐……叫左一份我就叫左魚扒早餐…………牛扒就好一般啦……魚扒一啲都無雪味………重點係食物嘅熱度係十分十分好..... 我鐘意到不得之了。。。。個餐嘅配菜： 雜菜芝麻醬沙律，係好好味的....菜新鮮... 芝麻醬又係我最愛。。。。公牛角包就更加唔洗講呀， 熱辣辣軟綿綿...... 我係邊個皮仲有趣嘅。。。。點樣唔叫呢........

今日做到暈,四時先有時間醫肚。結果嚟咗Redrice,坐落見到afternoon teasets都有飯食可以飽肚啲。結果叫咗咖喱牛腩飯餐賣相好得,哦飯面灑上香草碎非常特別。附近小店從未見過食落咖喱好夠味道,全無一般用椰奶討好嘅情況出現,佢嘅咖喱香,辛辣調較適中。先前感受到咖喱嘅香~滑,當食第二口時先至有辛辣味慢慢係口腔散發出嚟牛腩選料亦恰當,肥瘦合宜;唔會太瘦及過肥。容易咬開無黏牙,間中亦食到筋腩就更加OK嘞Partner order咗 hotdog 餐嘩 原來係 jumbo hotdog 🌭大大條熱狗腸配搭上辣肉醬,真係食到一啖接一啖停唔到口雖然大大個包一樣好快俾佢KO。最後我哋一齊叫嘅餐茶熱咖啡,係即磨聽講係用"捷x咖啡豆"。好啱飲價錢OK得閒都要多啲嚟

今日推介嘅紅米,唔怕申報利益係經常幫襯嘅其實有感於本人早前亦推介過另外一間非常好,好味兼抵食嘅點心專門店係八月中。本人去遊輪團前突然倒閉,最後一間分店都捱唔住。可惜可惜相信基於本人只需要憑良心推介亦唔存在"膳穚"之可能性及有關作用。講返"紅米",經營者確實花咗唔少心機係裝修及食物賣相依個自選早餐廿零蚊,選擇多多又可以自行配搭,最 最 最耍家就係大清早可以有新鮮蔬菜嘅沙律清吓腸胃。要是別的快餐店淨係齋叫沙律咁嘅收費都唔得喇況且又可以選擇多士,奶油豬仔包,牛角包,方包.....我嘅至愛就係(捷榮咖啡豆即磨咖啡)really yummy 😋最近又有新猶推出歷久常新確實當之無愧

慈雲山早餐都幾多選擇，今日返工之前就黎到呢度食返個靚早餐。不過呢度既衛生情況真係相當一般，枱面污糟無人清理，正當我打開櫃筒想拎餐具，竟然成手都係類似奶茶既物體😑講返食物，我嗌左個餐，蜜糖雞扒係ok既，蛋都夠滑，個包就扁曬似係擺放左一段長時間咁，而條腸同沙津就冇乜特別。呢個價錢真係唔會要求太多，如果對味道冇乜要求，呢到既價錢都的確幾抵既。如果追求味道，我會覺得大快活早餐好食得多，真係未必會再黎🤦🏻‍♀😂

約咗人係附近傾野，早上做完野就搭車趕過黎係附近搵野食，咁啱行到呢度，餐廳裝修colourful,家庭餐廳感覺，見到門口價錢牌都唔太貴，就入去試下，1點幾餐廳近乎爆滿，得bar枱位坐，我諗真係太忙，想拎個餐牌睇下都等咗幾分鐘先有人睬我😶，唔明點解唔印多d放係每個位。本身見唔到有lunch set,好彩侍應提一提，差d叫貴咗lunch set包熱飲，有少少沙律，味道正常，蛋包飯有得㨂加咩汁，我後悔望咗隔離個人揀錯汁，黑椒汁較重口味，蓋過咗蛋包飯未身既味道，應該㨂茄汁好d,抄蛋整得實，唔會水，但係飯有d淋，有部分變咗漿狀，硬身d會好食d，炸蝦較多粉，龍利柳好少少。成個飯長形碟望落好似好多，不過食份量唔係想像既咁多，但仍然係正常份量，食得幾飽，整體黎計味道份量價錢都合理，食得過。餐廳位排得好密，張枱放得好近收銀枱添，路較窄，行出行入要小心，客人流量多，不過都唔會話趕你走，幾個朋友坐卡位食個飯傾下計既好選擇

慈雲山呢個地方對我來說真的非常陌生, 真的很少會到, 今日朋友帶我到呢個感覺比較老化的地區食早餐, 選擇了一間門面同我心目心的慈雲山完全格格不入的餐廳, 見到餐牌, 真係唔知食乜好, 很多唔到款式及配搭, 部份餐可以隨意自選, 價錢又唔貴, 我選擇了一個吉列豬扒全日早餐, 包括有吉列豬扒, 大大件, 兩片火腿, 炒蛋, 沙律菜, 茄汁豆, 再加多士連餐飲都係$38, 凍飲加$3, 真係食到你飽, 仲有幾部大電視睇, 服務員亦有笑容, 有機會再到慈雲山, 必定再去.

父親節嗰時帶爸爸去食，真係好抵，叫咗兩個鐵板燒飯，都只係120蚊😍 無論係飯定係配菜嘅份量都好足好多， 我叫嘅係雞軟骨，爸爸嗰份就唔記得咗叫咩名，但 兩份都同樣咁好味， 而且份量多到食唔曬，只好要外賣盒拎走，好抵食

偶然到慈雲山做事，順便午餐，發現呢間餐廳，見門口餐牌都幾多野食，好多不同套餐，價錢也合理，有要試一試 。餐廳環境都係一般普通餐廳格局，叫了個套餐，豬扒蛋包飯加熱檸水 ， 蛋包飯是炒飯底，份量都好足夠，豬扒都有 3 件，伴有蕃茄汁，還有些沙律配菜，都幾豐富，交足功課，味道也是合格 。講真，我都食唔晒 …… ，以埋單價錢 $42 ，不需加一。現在應該好難找到 ，就算去快餐連鎖店，這價錢都只能叫個普通碟頭飯 ，未包飲品 ，還有就是沒有服務提供 。

入座後，坐左勁耐都無人黎執台不特止，唯有叫個店員（女仔）執台啦。同我講等一等，點知等左佢成5分鐘都無黎執到。個人開始著著地於是大聲再叫多佢次執台，之後先過黎執（餐牌又系要叫先肯拎黎）。本身個人都餓餓地，點左個蛋包飯，等左15分鐘都未黎，撻著晒，叫左另一位男店員幫我跟下個飯，過左一陣幫我執台落單個位女店員行埋黎問我點左乜（頂 點左乜！ 著Q晒囉），我同佢重申；雞排蛋包飯呀！！！！之後佢先行左去再落單（好明顯先前無幫我落單囉）。頂 今時今日甘既服務態度，小喇吧。 即時反應—講吾洗再落啦，即閃。真系谷鬼氣....

叫左個卡邦尼炸雞意粉，我三個fd叫嘅野食都食哂，個卡邦尼炸雞意粉都未到，吹左幾次單都話整緊。加上，個味道其實一般，如果想食卡邦尼意粉，建議去薩利亞食仲好，上菜速度真係慢得離譜。

之前同一大班朋友去完受難節崇拜之後，一齊夜晚去食飯。嗰陣9點左右，我地差不多成10個人，但都唔洗等位，即刻有得入。呢度d野全部都大大碟，份量十足，款式都好多，任君選擇。有好多朋友都叫左蛋包飯，睇落好好食，個蛋炒得好滑又夠香，值得試。麵類嘅賣相睇落就冇咁吸引，但食落係ok嘅，而且都係份量超大。因為我唔太餓啦，於是就叫左兒童餐，超抵食，有蛋包飯、炸餃子、薯條、腸仔菠蘿串、沙律，成set都係$36，而且好好食，極推介!!!

其實係經常幫襯嘅街坊食肆,亦寫過食評。今次特登再寫就係舒發一吓(***個人意見)OK。緣起昨日剛剛幫過油麻地果間享付盛名嘅"XX牛奶司公"嘅茶餐,發覺依間又算唔錯喎首先個場已經贏晒喇,無佢咁裝修單調又迫夾。至於食物方面,多士水準絕對相近。而且有一般茶餐廳少有提供嘅沙律菜,炒滑蛋睇相都見到份量唔少野。加上(即磨咖啡)係必選問過係選用新蒲崗捷榮嘅咖啡豆,所以咖啡可以做到香滑而又保留到陣陣咖啡味。入口更可以感受到奶同咖啡混和之後嘅獨特,真係整條街嘅食肆都搵唔返。另一份清湯漢堡米,米粉唔會浸得太耐發大。軟硬度剛好,而且有兩塊漢堡扒做依個價算抵食

天氣咁凍,自然想食返D熱既野~行過呢間野,見佢出左新menu,好似幾新穎,一於再黎食下啦~佢連臘味飯都有.....不過今次無試因為我地想食烏冬, 佢D烏冬好似好有創意.....佢環境方面都算舒服, 有幾張卡位~播緊D香港本地歌手既歌,好有本地情懷~呢個係咖啡芝士濃湯手打烏冬配厚切豬排溫泉玉子....見到個名咁長咁特別.....都估到多數一係好正一係好伏!首先塊豬排真係好厚,但個味道一般。佢本身無煎過佢, 似只係煮熟左之後放係面, 無左豬排既香嫩感覺。其實佢應該煎煎佢,再用個碟另外上,咁先好味!而個咖哩係港式既味道, 比較易入口~ 不過佢加個小小芝士,好似唔係好match ,發揮唔到個功效, 個溫泉玉子就更加奇怪, 到底個黃應唔應該dok爆佢呢?? overall黎講係一個港式咖哩湯不過個烏冬真係幾煙韌彈牙, 又索到湯,唔錯!呢個係意式手拉芝士薄餅! 佢外面好香脆、入面全面都係芝士, 食落去外脆內軟, 好香芝士味, 正阿!呢個真係值得推介沙律醬炸雞~ 佢都炸得唔錯, D雞唔會太油,都干身, 食落都係脆卜卜溫泉玉子芝士大傘菇配香草薯條~我發覺呢間野幾鍾意加溫泉玉子....好似懶fusion