紅茶冰室

营业中

休息中

之前去食都聽住佢係咁爆粗，都知要佢哋惡。今日打電話去叫外賣，叫肉醬意粉同埋乾炒牛肉意粉。佢又話係咪咁係咪咁，問多兩句，佢叫我睇清餐牌先至叫。都已經係外賣，何來餐牌。如果可以黎睇餐牌，使唔使打電話去叫外賣？好，我就去行去睇餐牌。企響度唔夠1分鐘，佢已經話：「小姐，睇餐牌請出去睇，唔好喺度阻住。」我知多人幫襯，唔憂做，但係態度咁差，我真係第一次見。唔通佢就係老闆？跟住我掉返個餐牌俾佢，去咗2號買外賣，態度好得多。如果有零分應該比零分俾個收銀。

去睇戲前找間茶餐廳食早餐，近近地來了沙田廣場這邊，見到這家紅茶冰室內裡滿座，外邊也大排長龍！一行6人要等大枱，等了接近半小時才有位。店員都有點忙亂，溝通出錯，叫了我們可以入座，但原來未有位，幸好等了幾分數，很快就有大枱埋單離座。早餐約40多元，都是大路的茶餐廳早餐款式，特別在於有些套餐所配的餐包是丹麥酥。另外，有全日早餐可供應至6pm。我和妹妹選了全日早餐share吃，有吉利魚柳、紐倫堡腸、黑松露炒蛋、煙肉、茄汁豆及丹麥酥。食客不絕，但餐點的上桌速度快，而且食物都夠熱。吉列魚柳好大塊，炸得金黃鬆化。黑松露炒蛋算滑，不會過火，帶黑松露香。丹麥酥酥香鬆軟，充滿牛油香！凍飲叫了少甜，但還是太甜。店員有取走更換，但都是匆匆忙忙的。即使換來一杯新的，甜度也沒什麼差別。怕甜的，建議點熱飲，自行加糖好了。丹麥酥是好吃的，花半小時排隊卻又不太值。

高效午餐紅茶每次經過紅茶冰室都是滿滿排隊的人😅不可否認員工效率非常之高，但都應付不了長長的人龍！！！餐廳食物選擇過百種，本人覺得最出色之系列：咖喱🍛🤩焗芝士馬來咖喱牛肉 $68雖然是「是日午餐」（餐湯+主食+熱飲）但品質依然一流！富有奶油香氣加上薑黃粉、薯仔等配料，形成香濃咖喱，香而不辣👍🏻啖啖牛肉片配上微焦香脆芝士🧀️（有拉絲👍🏻）米飯粒粒分明，軟糯適中，一啖下去口感不要太好，開胃可口，食不停口😋強烈推薦！！！

每次打電話去叫外賣都要戰戰兢兢，因為電話中嘅呀姐會勁無禮貌，明明係佢自己背景嘈，你要不停重複講要咩，然後要打醒十二分精神聽住佢嘈到拆天嘅背景聲嘅外賣號碼，都唔緊要，去到拎外賣，更要千萬不要記錯外賣號碼，否則會比收銀鬧，排隊比錢無用架，佢鍾意收邊個先就邊個，話知你排緊隊，你出聲會鬧返你，到拎外賣時，啲外賣擺哂係枱面，試過冇人理你，然後自己過去擺低張單拎起外賣，佢會凶神惡煞問你咩號碼，又試過同啲哥哥講拎得？佢又答你，唔係要我同你拎嘛？意思叫我自己拎。。。。尼間沙田紅茶，我比左好多次機會了，就算再方便自己都唔會再去，街坊都係咁話，我唔係要咩好好服務，只係要基本對人尊重，佢尼啲影衰香港茶餐廳

上個月同呀B去完圍方食lunch然後去咗沙田新城市廣場行，行行吓去咗商場附近嘅紅茶冰室，我地叫咗個雜扒餐同常餐😋呀B叫嘅雜扒餐跟咗薯蓉，餐入面有有3-4塊細扒附送兩條煙肉，亦都跟咗餐包、湯及熱飲，雜扒易咬鬆軟多肉汁，而且價錢超值，只需80蚊，食到呀B好滿足👍🏻而我就叫咗常餐，簡咗沙嗲牛肉米粉跟方包及奄列，加兩蚊有杯熱檸茶😂牛肉鬆軟易咬配埋沙嗲汁一流，米粉爽口，將奄列滲埋入去沙嗲湯度一齊食，非常惹味😋✌🏻

電話預先落單嗌外賣，叫咗兩個炒飯，去到餐廳未有得拎，結果等咗差唔多半個鐘先拎到兩個炒飯。用餐時發現餐廳唔記得比嘢飲，甚至連炒飯都唔係本身落單時所要求嘅款式。望一望張收據，收據上嘅款式係正確，係餐廳比錯咗。打電話去餐廳查詢，竟然要求客人自行到餐廳替換，而且態度十分惡劣，以後唔會再去食。極差體驗。

見成日咁多人排 以為會好好食 試下食落係普通一間好食少少既茶記但個收銀態度真係極差 問野飲加幾錢同埋可以比咩Payment 都勁惡比左兩次機會 第一次諗住佢可能個日心情差點知第二次去買 個收銀都係惡到一個點除左極唔耐煩既樣 仲會大聲惡你野食就普通多選擇既茶記咁仲日日排哂隊 唔明點解咁多人可能沙田少選擇同一間都係紅字頭既茶記質素好似但沙田呢間紅茶多人好多每次去食都咁唔開心 收工咁攰食餐飯都要受氣..勁sad 以後唔會再幫襯

星期日晚上來到沙田預咗晚餐間間餐廳都會排晒長龍🫣所以！今晚早少少5:30就來到紅茶冰室😬雖然都係要排隊但只係排咗10幾分鐘就入得啦🥳.其實佢嘅下午茶去到晚上六點但因為我哋係食晚餐所以就冇叫下午茶啦😛三個人叫咗三個餐.1️⃣全日早餐大大塊炸魚柳真係食到好滿足2️⃣焗鮮茄豬扒飯豬扒唔會乾爭爭 仲有一厚厚嘅一層芝士喺面度3️⃣咖喱吉列豬扒飯個個都話好食 果然冇令我哋失望沙田呢間紅茶冰室食物質素真係唔錯✨.唔知係唔係我哋坐得比較入 空氣就唔係好流通落完單冇耐已經坐到成個人好熱流晒汗😂

有間茶記新開張，又成日排長龍🦖好鬼誇張👅，上網話系🔥店，於是幫襯下先😎。入面全部卡位，枱中間有格板👍🏻，人來人往好熱鬧 ，無乜空調有D焗！我叫左個榨菜肉絲湯米+丹麥酥+滑抄🥚併奶茶。🍜榨菜肉絲湯米個湯好油，系罐頭榨菜，肉絲細條，無乜肉味，似用梳打粉製過🥲。🥚抄滑蛋+丹麥酥抄滑蛋又系好油，亦鹹咗啲，只敢食一半，個丹麥酥系香脆嘅，有特色👍🏻。☕️熱奶茶賣相一般5吸引，好似多左D奶，飲落無乜茶香味，無飲晒🙃。整體質數普通，個餐超高卡路里！只宜偶然食一次🥲😎。

平日都係入去食，今日去買外賣，張外賣紙啲字細到一個點，走到埋去同個收銀姐講，諗住嗌沙爹牛肉麵餐但係叫錯咗D餐，個收銀阿姐夠膽死一句話埋嚟 "你睇清楚先再嗌" ，然後問多佢兩句十問九唔應，叫完都唔知佢落咗單未，問佢寫咗未佢就話" 落咗喇"， 如果我係老細我會即時炒咗佢！又想出糧又唔想對住客人就應徵入去洗碗，冇人迫你喺度做。下面評分，服務評分只係可以最低畀到一粒星。我想畀負星！

裝修：靚、整潔、座位舒適員工服務態度：友善、年輕有活力，但係落錯單食物質素：一般茶餐廳水準，餐湯唔熱，薯條多油又唔熱，焗牛扒飯，牛扒又薄又難咬價錢：ok等候時間：食晏要等半個鐘頭，人齊先俾入位，值唔值得? 見仁見智付款：唔收八達通

來香港第第四天吃過的最好吃的茶餐廳了，距離沙田地鐵不遠，剛好辦事情來排隊非常討厭排隊等的我覺得物超所值，效率高，換桌率高。排隊都挺快。值得等我們叫了下午茶餐+常餐。芝士波蘿油招牌閉眼點就可以啦，擔心吃不完不然可以多點煉奶花生醬西多士個人不喜歡吃太甜的，但是這個甜度都剛剛好啦金寶豬扒湯同通粉這麼大一塊的豬扒還要什麼味道，食多啲人均50-80都可以食得飽食的好，強力推薦，下次來建議多帶點人多選幾種試試

叫左個King餐外賣入面係有個麻辣肥牛米線返到屋企竟然發現個米線冇肥牛。。。真係無言。。。。希望廚房可以睇緊d。。。。食過其他紅茶分店，都冇乜野，但我唔會再幫襯沙田呢間。。。。。

今日去買左$124撻同麵包，俾完錢問個員工攞返張收據，佢就用啲好差嘅語氣同我講:下次要單早啲講呀！我：咁我哋照買麵包要單都要早講，你有冇寫出嚟要單要早講，邊個知啊？2個員工：我哋啲客通常買麵包都唔要單㗎，如果要單我哋又要再取消晒之前啲單再出張單俾你嗰2個員工再話我要單要早講，咁其實你要人早講你咪寫出嚟囉，人哋第一次點知呀，你就喺度不停咁樣話人！買麵包都要受氣！打電話去翻舖頭搵個經理講返，佢話唔好意思跟住佢都係吩咐我下次要單要早講啦，我同佢講呢個唔係解決方法，你唔俾單你就白紙黑字講，如果下一個客人問你攞單你又叫佢早講你又喺度話佢，咁人哋邊個知啊！佢都係冇正視到個問！

呢間分店啲食物水準係唔差，入面嘅侍應都好好，忙到踢晒腳都會好好招呼，唯獨就係個收銀好乞人憎。我通常係假日lunch time去，收銀通常係一個戴頭箍紮馬尾瘦嘅亞姐 + 另一個攣短頭髮肥嘅亞姐兩個做收銀。肥嗰個係冷淡啲，不過都係比完錢快快就走，冷淡啲都冇乜嘢。唯獨係另外瘦嗰個，佢啲態度好似全世界欠佢咁！明明成個lunch都好滿意，就係臨俾錢嗰吓佢啲說話態度好串，真係好掃興！有次我去俾錢，佢不停整其他單，我就諗住佢好忙，要處理咗其他嘅單先，咁我就喺度等佢，點知佢一句得埋唻話：「小姐！你唔講你俾咩，我係唔會知你俾乜㗎！」嘩，係你不停搞其他嘢要個客企喺度等你你仲好意思咁講嘢？！都幾十歲人啦，唔識咩叫好唻好去？如果佢係老闆娘嘅話我冇嘢好講，但係睇佢個款唔似囉。就算你想意見反映都冇用，因為係冇一個email / 電話俾你打去！