紅茶冰室

营业中

休息中

自從幾個月前轉到荃灣返工，必定食飽早餐先返工嘅我一定要有靚奶茶陪伴。試勻附近早餐，最好食都係呢度嘅丹麥多士奶茶！之前$34都算係正常價，仲好多人幫襯8點通常等位添，不過上兩個月可能成本問題丹多變返厚多士。今日一坐低就叫返呢個例牌，張單一嚟見到37蚊即刻醒曬眼都凸埋！再睇返餐牌，另一個直頭由$26加到$30，頓時領悟到物價飛升嘅感覺有幾可怕。消費券出爐，捱咗未死得嘅餐飲業一定會急起加價，務求賺返夠本！

荃灣餐廳林立，但講到有質素嘅茶餐廳，非紅茶莫屬。午市成日都要等位，趁今日唔係好多人等就即刻去食。叫咗個酸辣肥牛湯米線餐同一個午餐。先講吓酸辣肥牛米線餐，碗米線唔係好辣，肥牛好多，配埋塊包同炒蛋，都好夠飽。特別要講下塊包其實好好食，鬆軟得來包邊又夠脆👍🏻午餐係葡國汁雞扒飯，個汁有啲似燒汁，「雞扒超大塊，一個人食唔晒。」啲飯又多，加埋杯凍飲，又有羅宋湯，價錢中價，質素中上💥 P.S. 其實羅宋湯好好飲，有多雜菜，足料，真係想叫侍應比多碗黎飲☺️

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗係... 我係知呢間係藍店，不過係同事揀嘅😔呢間店平時lunch time 成日都好長人龍嘅～ 今次嚟試晚餐，如果不分黃藍呢，呢間店係好食嘅，小菜夠鑊氣，嚟唔嚟食就自己決定啦～小菜+$12有湯+飯+飲品🍴麻辣土豆雞煲（$78）嚟到大大煲熱辣辣，試下個汁嘅味先，好濃好香，其實唔太食到麻辣味，會有少少香辣，冇麻嘅感覺，鍾意食麻辣嘅會覺得唔夠喉，不過對於食得一般辣度嘅人就會食到，個汁送飯唔錯！成煲都夠鑊氣，見到舊雞有少少燶，應該係先炒咗D雞同薯仔再煮，雞都幾滑夠入味，都有6-7舊大大舊嘅雞，薯仔呢我就覺得切得太大舊，表面有味入面唔太夠味，整體上唔錯！🍴椒鹽豬扒（$70）都係大大碟，煎得好香口，豬扒入味夠淋，應該用咗幾重手嘅美極去調味！🍴鮮魚湯野菌浸什菜（$68）成個大湯碗上，魚湯都幾濃郁，可能都有少少味精㗎啦，魚味唔算重，但入口順喉，鹹度剛剛好，我都飲咗兩碗，什菜同菇都幾多款式，唔會煮到黃晒，唔錯！🍴中式餐湯 + 凍檸茶冇影相，因為唔靚，應該係佛手瓜紅蘿蔔湯，好味精水，我就冇咩興趣，飲咗兩啖放棄咗；呢度凍飲唔使加錢，茶底唔嚡，唔錯！

哈哈漏咗杯咖啡冇影😂😂不過真心嘅！紅茶嘅炒多真係世界級🥰⚡️沙嗲牛肉麵早餐 hkd 33💫佢啲沙嗲牛肉多到好似唔使錢咁😂食晒啲麵仲有牛肉剩😆湯底係勁濃郁！啲麵軟硬適中！多士烘到岩岩好， 好重牛油香～再加埋佢嘅神級炒蛋😍真係癲！即刻有返個good morning ~同埋好飽～望見佢哋嘅菠蘿包剛剛出爐，減緊肥都忍唔住衝咗入去食，新鮮出爐就係最好食😋，配埋杯紅豆冰，就係完美！

老實說 我一直以來都唔會寫食評。本人一直都係紅茶冰室的忠粉，每一兩餐就一定有一餐係紅茶。但一直以來都係堂食為主。今日因疫情及時間關係，但又想食紅茶，所以選擇係大窩口購買紅茶外賣。Order咗兩個King 餐，兩杯凍奶茶走甜，一打開香氣撲鼻，諗住兩口子係忙碌之下享受紅茶。點知一飲杯凍奶茶，甜到飲緊糖水咁，因為我地兩個個人健康關係暫時都唔飲甜野。我地兩杯凍奶茶就咁放咗係到。我嘅失望唔係係食物上，食物一向都維持一貫水準。失望係俾錯野俾我，因為我認為咁低層次嘅錯誤係唔會發生係紅茶。我唔知員工係咪因今日係賽馬日而分心。

店員好有禮貌，非常抵讚👍🏻👍🏻，又唔會催人點餐，唔似其他茶餐廳咁，而且佢哋服務好有效率，要求想俾多份餐具時，店員都好快就俾到，而且好有禮貌，另外上菜好快，唔洗5分鐘啲嘢食已經黎到!會再黎食

早上去咗標榜食熱辣辣招牌菠蘿油的紅茶冰室, 送到嚟菠蘿包是凍的牛油當然是冰的, 要求整熱個包竟然被拒絕並說冇此服務！破壞咗香港人對菠蘿油呢個品牌嘅感覺！一般早a餐煎雙蛋, 竟然全熟！應該都唔會再幫襯！

我食過旺角紅茶，今日行開荃灣見到有紅茶，同老公係荃灣紅茶食午飯，就算排隊都帶佢試下。我平時最鐘意食佢既茶餐沙嗲牛肉麵，今日再加試是日午餐焗咖哩雞飯，估唔到佢既焗飯都好出色，又熱又夠juicy, 下次會再試下其他飯類。

星期日早餐去紅茶食，真係多人到爆炸🤯，個日我地八點半左右去食，去到一坐低已經full house😅! 到我地走個陣，大概九點令鐘，出面已經排哂長龍！所以。。。都係早起的鳥兒🐥有早餐吃🤭 餐廳光線充足，坐位雖然比較逼，但食物質素撘夠😌😏.📌秘製榨菜肉絲米粉 $34配嫩滑炒蛋🍳+香酥丹麥多士🍞米粉似係超力銀絲米粉，偏幼身！榨菜帶有微微既辣味👍🏾炒蛋真係好夠嫩滑又有蛋香! 香酥丹麥多士🍞香脆，入口似牛角酥🥐，本身麵包已經好香牛油味🧈，再係麵包上面加牛油🤤 好邪惡😈 但真係好好食！.📌招牌沙嘜牛肉麵 $34配嫩滑炒蛋🍳+香酥丹麥多士🍞沙嗲味偏甜，醬汁偏多，令成個湯太咸，而且牛肉俾梳打粉拿到死淋，無咩咬口！所以唔係我杯茶🤫.📌脆皮菠蘿包 $7麵包不斷新鮮出爐，而且比想像中大個！好食，又夠熱🔥，包面既超脆皮食落唔會碎到成枱都係，無可挑剔👍🏾.整體而言，食過幾次，食物質素穩定！

芝士炒蛋炸魚柳包配薯王或者沙律因為份量太大啦所以我揀咗沙律怕自己食唔晒其實茶餐廳來講佢哋啲員工算係好有禮貌食物都上得好快好 講一講個味道先 個炸魚柳一啲都唔乾我覺得仲有啲Juicy添 裏面有芝士有生菜有蕃茄重點係有一個好滑嘅炒蛋個包有少少嘅甜味 係我鍾意嘅味道 份量來講係大嘅就算你撳扁左個包一個女仔嘅嘴係冇可能咬到一啖整體來講唔超過$40.一個咁樣份量嘅下午茶 味道又唔錯我覺得都好抵食大家有興趣可以去試吓

今日同朋友五點左右去食下午茶，附近紅茶比較好坐啲，本身有兩間紅茶不過疫情之下拆咗一間，淨係得返中式紅茶呢邊。一入到去個侍應幫我哋探熱，指示在我哋去卡位，張枱都未清潔，我以為佢會返嚟抹下枱，但係佢一走開左就無左件事，叫咗另一個姐姐抹枱，佢就好求其咁抺兩下，仲有上一手剩返嘅牙籤，見到已經覺得一般般衞生，之前另一間西式紅茶嗰邊態度同埋衛生都幾好，但係呢一邊就一般般。諗左叫魚柳漢堡配薯皇，加凍檸茶（$40+$3）個魚柳包都幾大個，同埋幾好食，中間有蛋、有芝士、有生菜，感覺好豐富。薯皇都幾多肉，只係凍左少少，如果整返熱，新鮮炸好，應該會幾好食。朋友叫左個西多士，都幾大份，味道唔錯。希望下次去，衞生同員工態度都有進步啦。

落去食個下午茶，紅茶都係一個唔錯嘅好好選擇，食物質素有保證，每次都可以保持到水準！炒蛋夠晒滑吐司又香脆豬扒通粉都好正，個湯熱辣辣！最憎食到嗰啲唔熱嘅湯粉！佢都係我近排茶餐廳首選啦

炎炎夏日，要陪伴朋友東奔西跑，因為朋友剛剛失業，要替他到處找找工作，最後回到了荃灣區。隨便進了一家店吃一個下午茶，本來是想輕輕的吃一個下午茶，但卻發現這裏的質素比想像中好！我們兩個都點了相同的餐，都是有一隻炸雞皮和一份薯角，先說賣相真的很吸引，奪目的醬汁碟，金黃外表的主角， 10分香的炸雞皮，光看文字已經垂涎三尺吧！咬下去，肉汁已經號出來，證明這裏的廚房把炸雞皮處理得很好，鎖住肉汁，薯角略嫌偏咸，但有亨氏番茄醬把鹹味中和，成為一穎惹味香口的下午茶！唯一要說的是這裏的員工和員工之間的對話很不友善，髒話大聲亂噴，對於我這些麻甩仔來說當然冇問題，但是對於一些想清靜一下的客人，卻是很大的煩擾，值得注意下！

位於大窩口邨附近嘅紅茶冰室自從開業後都一直受附近居民喜愛。最近紅茶冰室結業，合併咗去隔幾間舖嘅紅茶，味道同餐牌都無太大嘅轉變，只不過係更加中西合壁，同時提供港式小菜同埋冰室常餐等。原本今晚打算同屋企人去鋸扒，咁啱見到精選晚餐都有板燒黑椒牛柳，當然要一試！華路夫忌廉湯先係介紹前菜華路夫忌廉湯，看似無咩特別，其實亦比一般白湯多少少花式，加入咗火腿絲同椰菜，令成個白湯更加有層次同口感。可惜整體忌廉味都唔係太濃，只屬於中等水平。板燒黑椒牛柳 配鹽燒蘆筍嚟到主菜板燒黑椒牛柳，絕對係令人眼前一亮嘅精選晚餐。雖然牛柳唔算話好大舊，但對於$70一餐嘅價錢嚟講實在係極高CP值，足夠一人食到飽。黑椒汁非常惹味之餘，牛柳亦都煎到5－7成熟，肉質稔得嚟亦有足夠牛味，其實比起好多一兩百蚊嘅西餐廳還要好。至於鹽燒蘆筍，雖然無太驚艷，亦算不過不失，尚算爽口同無渣。餐跟嘅薯菜都大大舊，想唔食飽都難！順帶一提，呢度嘅凍奶茶都唔錯，茶底唔算濃，但整體都叫做好滑同夠奶香，作為新式冰室嚟講亦十分唔錯。味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️⭐️

自問經常食好多唔同既茶記，呢間係經常會再去既一間。附近有2間紅茶，內街呢間近排重新裝修過， 餐牌2間一樣左。今次去食左個全日早餐，意想不到個魚柳咁大塊，仲要炸到外脆內軟，魚柳仲有好多汁。多士係用丹麥包，更香牛油味。腸仔一樣好juicy。食一份真係可以頂2餐。之前食過佢既常餐，沙嗲牛麵同酸辣肥牛都好好味。麵包同蛋撻都不斷新鮮出爐，堂食外賣都好正。佢地既炒粉麵都好有鑊氣，中午食過咸魚雞粒炒飯都好好味，d雞粒有另外炒過，推介。