紅茶冰室

营业中

休息中

通常星期六都懶到唔想落街 但今日要去銀行一轉就同媽咪落去食紅茶既早餐 岩岩有一枱食完 唔洗等位 媽咪叫左火腿通粉配麵包雙蛋 熱奶茶 我叫左英式早餐 有丹麥多士 炸魚柳 兩條白色既腸仔 黑松露炒蛋 茄汁豆 跟熱朱古力 初頭以為會唔夠飽 原來食落都幾飽下 魚柳新鮮炸 唔會太油 入面既魚仲好moist 腸仔白雪雪咁 但竟然好夠味 有驚喜 炒蛋份糧好夠 黑松露好香 丹麥多士姐係搽左好多牛油既多士半塊 對比起去文青cafe食個all day breakfast平好多 只係$58 當然要影相打卡就另計啦 但醫肚黎講無得彈啦

探朋友後去朋友家附近食飯，佢介紹去茶餐廳。有點驚喜係地方清潔明亮，果晚見好多街訪都幫襯。三人叫左三個餸，店只推薦湯煮菜煲，有菜有湯飲味道幾好，當然出街食飯味會偏濃。。但可接受。又有湯飲，抵食，好推介。仲有個啫啫雞煲，味濃油較多，但都好食。其實真係有啲偏喊，但餸飯就ok嘅。不過減肥嘅我就食左少少only, 好多油呀。。。。所以我用水沖完先食。最鍾意個班柳西芹，魚好野味，西芹爽我最鐘意食西芹吹吹水，食下傾下，又一晚

中午去買兩個餐，去到好聲好氣問個收銀意粉餐個炒蛋可唔可以轉火腿奄列同埋撈公仔麵可唔可以轉湯公仔麵，個收銀表示唔得，唔緊要，咁我就Order'唔該，我要兩份常餐沙嗲牛肉公仔麵餐，一杯熱奶茶一杯凍奶茶，伶走'。返到屋企，發現兩個餐係叉燒意粉餐，之後打去餐廳問是否俾錯餐我，我落黎換，個收銀好型地話'唔係喎，你叫常餐嘛，常餐係叉燒意粉餐，冇錯喎，沙嗲牛肉公仔麵係特餐！，無得換！'阿姐，你當我係你度返工家？知道咩係常餐同咩係特餐，我order時如果冇講沙嗲牛肉麵，我錯！但我order時講明常餐沙嗲牛肉麵，你唔即時同個客講？ 個人覺得生意好唔代表態度可以差!

晚餐在附近沒什麼選擇，找了間就是但一餐啦點了個豬扒帶子扒餐$85，豬扒兩片比較薄身，但有鐵板淋上汁，渣渣鄉先最令人開心，但豬扒醃得有點鹹同埋餐包了羅宋湯，帶點微辣幾好仲有牛油甜餐包跟薯菜個薯仔係水煮，擠上沙律醬，味道一般又淡，我叫食了半個算個咖哩雞飯先勁，好鹹，食完會生腎者之石，好明顯個雞扒都唔新鮮，用好多鹹去蓋過，敗筆是也其實佢以茶記來說是貴，又沒什麼服務可話，落單律曬手大聲叫了4，5次先有人確你。

響荃灣嗰頭返工，有日食飯時間盲中中咁嚟左呢間紅茶，叫左碟干炒牛河，一試驚喜，佢唔單止係一碟干炒牛河，而係一碟有靈魂嘅干炒牛河，肉汁被鎖住牛肉內，唔肥，河粉炒完都仲可以一條條，夾起亦有彈性，河粉表面亦有光澤，夠獲氣，我已經好耐冇食過咁好味嘅牛河喇，我記得以前尖沙咀地庫有一間師傅有咁嘅功力，但間餐廳已經執左，依家竟然可以響荃灣食得返^.<

餐牌寫午餐包括例湯,到拎外賣發現冇左,但完全冇人知會我, 要自己去問侍應,然後佢話“賣曬喎!我都係岩岩先知!”一副事不關已的態度。下次係咪人地叫雞扒飯然後雞扒賣矖, 你地就賣個白飯比人 ?

今日打8號風球，終於到差唔多夜晚先落波，所以懶得煮飯，男人就話不如去大窩口買個飯返嚟再煮其他嘢食。佢經過一間茶餐廳，之後見到有印尼炒飯，再叫左一盒外賣試一試，拿了就回家大約十分鐘之後返到嚟屋企，一開分量都幾多，入面雞肉串有一串，有三塊蝦片，一咬蝦片好淋生，完全諗唔到有啲失望，雞肉串味道只屬一般而且仲係凍， 炒飯炒得唔錯夠乾身，但係味道偏淡，而且材料偏少，整體有點失望。如果係下次買外賣可能會對嗌返其他嘢食應該會比較保險啲。

咁今日經過紅茶冰室，見難得有位唔洗等位就入左去試下。咁而家夏天，出汗量大，就諗住叫個泡飯食下啦，一睇餐牌見到有個泡飯個名好吸引，翡翠龍躉泡飯，就叫黎食下。咁個飯黎到啦，個湯程奶白色，嗅到一陣香味，而白湯中又有啲脆肉瓜做襯托，淨係外貌黎講，我都覺得呢碗湯飯係好好味。咁佢既湯就好有魚味，鮮鮮甜甜，入面既菇又吸收晒湯汁，好鮮味，最緊要係個龍躉，佢保持到魚本既魚咪仲要唔老，加上脆肉瓜既爽口，下次黎都要叫返呢個飯。

母親節當晚， 本想早少少一家人落去紅茶食飯，慶祝母親節，點知五點幾落去，門口已經有十幾20人排緊隊，幾經辛苦終於到我地入去，當晚真係人山人海，但食物水準依然可以保持到，真心比個Like距

一行十幾人經過，見到紅茶品牌，絕對系信心保證，入去試下，地方環境非常優美，菜色都系水凖之上，服務都系好有禮貌，近年都好少有d甘有誠意既品牌公司，值得一贊，一定會再經常幫襯

我成日都覺得，午餐同晚餐中間嘅「下午茶時間」其實係多餘嘅，因為個肚根本唔餓，想食嘢都只係口痕，又或者係「為食」。無錯，我為食，我認。 下午茶時間，最邪惡莫過於食西多！不過，有一日經過荃灣，我唔覺得試咗一件由出生到宜家，食完之後感覺最內疚嘅西多——流心芝士西多！ 西多已經夠曬肥，真係無諗過會有「流心芝士西多」咁絕，香港地，真係想唔肥都好難！ 你睇下，西多炸到金黃，上面仲放咗一塊牛油同埋煉奶……一邊等我切，牛油就一邊溶，件西多真係夠新鮮，堅邪惡！一切開，冇咩嘢流出，估計係我呢件做得唔夠流心，不過，聞到芝士味真係幾香！ 金黃嘅西多，外脆內軟，食落有蛋香，甜甜哋；中間嘅芝士入口軟濃，有些少鹹味，不過其實芝士味唔多濃，但係少少流心，同埋啲牛油混合一齊食，切開細細嚿，慢慢食，其實幾滋味。感覺反而無就咁食西多士咁膩呢！

平時試開舊店，今次過嚟新店試下d燒味，一食奶嘢。。。叫咗燒內雞飯同叉油雞飯，燒肉無肉得d肥豬肉，d雞又係無肉，個飯已經唔平，47蚊雙併，點知差到痹。。。下次都唔會叫佢d燒味飯。。。

Since I am back to town, I have been tasting lots of the authentic HK food. Red Tea provides the far best. The lamb hot pot with good, soft meat and delicious soup basis. The salty prawns with garlic are absolute highlight. The traditional grilled pork, chicken and duck are excellently done. We are very friendly served. Very highly recommended for all looking for true HK food, besides tourist location!

貴，量少，燒味差過你街市買,冰室個邊好味好多....茶餐豬潤麵，一啲豬潤味都無，正常豬潤湯麵應有 薑絲成碗麵一條薑絲都冇???只可講句難食唔低買差，差，差，差，差

紅茶冰室一直是大窩口的人氣店，每到午市必大排長龍。近日在其後面街開了分店，但今次不是冰室，而是茶餐廳，幸好不用排隊，即同一班同事入去開飯啦～新店比冰室光猛，寬敞舒適，餐單則以蒸炒海鮮／飯類為主，而缺少了冰室的特色菠蘿油及流心撻等等。雙拼飯（叉燒＋貴妃雞），厚切叉燒肥美，肉汁豐富，加上惹味燒汁，嚐到鹹香及鮮甜味～ 貴妃雞肉質嫩滑爽腍，再沾上葱油吃，回味無窮～雙拼飯（燒肉＋貴妃雞），同事也讚貴妃雞肉質滑溜；燒肉皮脆肉厚，但皮略硬；白飯軟硬適中 。常餐（招牌蜜汁叉燒湯意粉/公仔麵配炒蛋丹麥多士），兩位同事也讚蛋同冰室味道—様嫩滑富蛋香，多士香脆，麵質彈牙，湯底有濃厚叉燒味～整體質優味美，而且不用加一，大家的午餐都$50有找，抵食！