紅蔥頭 (已結業)

天氣炎熱最好當然是行商場啦，因為有冷氣嘛！旺角地標之一朗豪坊商場吸引少男少女拍拖好去處。星期六就相約好友到朗豪坊睇戲兼食飯，未到睇戲時間我們先去食飯去了！到11樓看見有間紅蔥頭，先前在西九龍中心食過的，食物味道唔錯已經有印象。當時都幾多人等位，等了10分鐘就安排我們進坐。餐廳環境幾特別啊！有幾分情調添！話不多說分享下食物先！巴馬火腿野菌日式芥末忌廉闊麵＄68忌廉汁裡混入日式芥末味道非常特別哦，巴馬火腿是炸脆，食一口有點咸香味道，闊麵口感一流不硬不軟，最欣賞是D汁的份量啱啱好！牛油檸檬焗帶子拼醬燒牛柳＄94首先講下牛柳先，牛肉味都幾重，食唔到有食粉味，加上日本照燒汁就更加好味。帶子其實是凡立貝，大大粒煎香再用芝士牛油焗，味道鮮甜不俗哦！今餐之后我對紅蔥頭餐廳增加了好感，無論買相及味道都令我滿意！

同老婆想搵間經濟D既餐廳食野，見哩間個價錢OK同唔收加一，就揀左哩間。我地坐近一幅通窿既牆，個位好暗，但一望出去又好光，情調?通窿既牆身滿佈灰塵... 抹下好嗎...餐廳既待應好Hea下= =我地叫左個芝士焗西蘭花意粉同菠蘿羅勒炒飯，兩杯COT。炒飯唔熱既，味道普通。個意粉... 焗既都可以唔熱既，又無味...個西蘭花究竟想點，廚房其實係咪無刀切細佢?基本上就係將芝士，意粉，少許磨菇同西蘭花拼埋一齊再加熱，唔係咁求其呀，唉...食食吓有個待應埋黎放低個蠟燭杯。好老實講，我未試過去一間餐廳個蠟燭杯係咁dirty... 唔好玩我啦，唉...改善下好麻= =

起朗豪坊11樓, 紅蔥頭第一次試, 整體不錯~ 食完唔會口喝, 味精應該較少~未去過既朋友, 睇下D MENU, 岩食可以去食個午餐 (午餐&下午茶唔收加一)"芝士焗蜜桃去骨雞腿配蛋炒飯" ($44- 送湯或茶)****P.S. 加$6- 有法包同湯一客****- 份量夠, 食完飽~- 汁不會太咸, 汁方面可以再少D- 配的是蛋炒飯~ 不是普通白飯, 所以好食好多呀~ (宜家出面既焗飯都係跟普通白飯= =)- 去骨雞腿, 都係雞扒, 雞扒有醃過, 食起黎香D男友叫左, "沙津牛粒配紅飯" ($52- 送湯或茶)- 男仔食, 份量少左D, 唔夠飽- 紅飯味道OK- 主角"牛肉粒", 麻麻呀, 沒有牛肉味~  呢個飯不推介呀~~ !!!飲左個"羅宋湯" (下次再食, 會選飲品, 不選湯)- 應該無味精, 偏淡- 只有菜, 沒有一點點肉小總結:::星期六, 繁忙時間, 服務不錯, 上菜下單有效率~請留意, 拎左位, 齊人先可以入去~

每次經過如果係下午茶時間都會入去食個飯 連飲品 $四十幾 係幾抵食嘅不過味道一般 而且食咁多次 啲質素越來越差上次去食 啲飯好軟 個香草龍脷柳飯舊龍脷柳愈來愈細😓有改善嘅空間

又是某星期六下午來到朗豪坊, 但行咗一轉樓上同中間, 唔係太貴就係無興趣的食物, 唔通旺角真的那麼貧瘠? 非也, 只是新商場內的食肆群只有85%都是連鎖食肆, 其實連鎖食肆沒有什麼唔妥, 只係個人認為在這種連鎖食肆做的大廚, 如果出去做街頭小店的話十居其九唔會成功, 因為公司大做事方便, 人手亦相對充裕, 個人獨資街頭小店要求靈活性高, 個人橫向思想要闊, 當然亦有例外的,自己個人向外發展比在集團時做得更有聲有色的, 拖得太遠了,當日行至中層見呢間紅蔥頭價位屬中間路線, 我們叫了兩個午餐:十分之大路的豬扒 & 牛扒,兩個湯無須太多筆墨形容, 雜菜的那個是菜水, 而忌廉湯則是獻汁藝術品, 可幸跟湯的飽反而因為整片搽兩個扒都只是普通沒怎樣調過味而肉當然亦沒什麼味, 個汁有色但淡出個了來, 被迫要自行調味(Pepper & Salt)才能吃, 意粉亦是預先製作的淋身貨色,咖啡就普普通通啦

平時食開下午時間覺得都幾平，所以晚上黎試!點知一見到餐牌，樣樣野起碼貴成30蚊另計加一，食物質素唔見有好大分別。朋友叫左個白汁海鮮天使面，面質和食材都普普通通，但收成一舊水......SXXX我叫左個卡邦尼意粉，味道OK，可惜個汁水左少少店內環境都幾舒適，位與位之間有適當距離，亦唔難安排到卡位，感覺唔錯。

紅蔥頭-我其中一個午餐飯堂，原因有3個：1、下雨天不想出外，因此下雨天這裡特別多人，要提早搵位，否則有排等。2、枱與枱之間距離足夠，坐得舒適，而且侍應絶對唔會好似茶餐廳咁趕客。3、有langham place card 有discount（85折），大概$40就有一午餐（有餐湯、蒜蓉包、餐飲），比起food court仲要平！冇加一！今天天氣好，所以不用等位，客人只坐滿一半。Menu有2種：daily lunch menu-每日不同，但都係3個扒餐+1個意粉餐。此Menu 價錢已包餐湯、蒜蓉包、餐飲，及有85折。扒餐可選擇白飯、意粉或薯條而醬汁也可轉其他汁。幾flexible!散叫Menu-冇折而且要加錢先會有餐湯（羅宋湯\是日白湯）、蒜蓉包、餐飲；但此Menu選擇比較多。其中，我會推介芝士焗鮮茄豬扒配蛋炒飯或芝士焗蜜桃去骨雞腿配蛋炒飯。焗飯焗到熱辣辣，面上放了芝士，焗後熔了，十分惹味;用的是新鮮蕃茄，都幾juicy；飯係蛋炒飯，都算製作認真。豬扒\雞腿雖然不是新鮮貨，但啖啖肉，肉質唔算＂鞋＂，都算合格。今天叫左daily lunch menu的海鮮意粉餐蒜蓉包：暖暖的、蒜蓉味重餐湯（

無無聊聊喺旺角等人見個肚餓餓地就是但搵間野食個下午茶D侍應一味掛住傾計....全餐廳都知我叫人...D侍應都可以仲未知...勁!羅宋湯底幾特別, 一味兩食, 又有粉食, 又有湯飲普通炸雞翼無乜特別, 浸左湯之後變得唔再香口餐飲叫左個奶茶...配綠茶果隻但唔知點解個色係深綠....可惜飲果陣無影相...個未好鬼甜....係我飲過最差既抹茶牛奶支飲筒我鬼搞笑...個轉灣位超級長....

無目標地係朗豪坊搵地方dinner, 行到門口見到野食都o岩食丫...又有位就唔考慮太多入左去喇, 兩個人食飯就係可以咁方便...都滿座, 暗架, 有d燈係都幾浪漫o既...望下個menu,又係叫野食可以加錢有飲品, 湯,沙律, 甜品咁,都有2人餐,4人餐咁...經過考慮,我地決定都唔叫2人set,散叫其他野食再加沙律,湯同飲品, 甜品都決定去第二度食好了...跟餐個沙律都唔差, 生菜新鮮爽口, 個湯係南瓜忌廉湯,但唔知點解辣辣地, 個蒜蓉包就硬左d喇...小食叫左兩個, 肉醬薯皮, 好香熱辣辣,仲有芝士係面都幾唔錯呀, 但雞翼就唔得喇,炸漿厚, 雞翼入面都爆骨架....麻麻地...4隻有3隻都爛骨呀... 卡邦尼lingerin, 平時carbonara多數係普通意粉,今次試下扁意粉, 都唔錯呀, 味道還可以,如果多返少少汁會更好, 有磨菇同煙肉,都唔錯呀...鐵板牛柳拼炸魚柳, 估唔到個牛柳都幾林身,有牛味...都juicy, 魚柳就比較, 牛柳係比較有驚喜...普通啦, 又唔算太貴,岩年青人食啦

在5月尾，朋友告訴我升職這個好消息！真是可喜可賀！自從他升職後，工作更忙碌！ 就算約定日期，最終都要改期！今次，多謝他可百忙抽空，陪我到 Elements 睇戲 <美國處男之孔雀開屏>！當日下午，由於他要到旺角數碼通修理 modem 機，我們的約會地點移師旺角！我放工後立即趕至。時間倉促之下，沒有空上網找尋餐廳資料！臨時臨急，我起初去朗豪坊 <Baby Cafe> 等位，他到達時，我建議他走到附近的 <紅蔥頭> 等位，看看哪間先取枱，便到哪裡晚餐！<紅蔥頭> 不用等位，當時未夠 7:00 即可入座！太好嘞！ 二話不說，大家立即看餐牌，決定食什麼！幸好！這裡上菜快，完全配合我們趕時間的步伐！值得一讚！他的選擇：煙三文魚凱撒沙律 $59賣相吸引！以一個大碗盛載，份量不少！ 以羅馬生菜、煙肉粒，拌上沙律醬；灑上蒜茸麵包粒及芝士粉做成。 煙三文魚僅有兩塊，比例上略嫌少一點！ 羅馬生菜色澤翠綠！而且新鮮爽脆！ 切段後容易入口！拌上沙律醬，能帶出羅馬生菜鮮嫩；亦食出田園風味！配上煙肉粒及灑上的芝士粉，增添鹹香味！ 蒜茸麵包粒脆卜卜，

今晚睇完戲已經九點幾,見呢度無咩人,又唔想行,又試吓坐位幾舒服,唔會太逼,不過waitress嘅服務態度有待改善,落單嗰陣好似有啲唔耐煩我同朋友都叫套餐,一個主菜加沙律同飲品個沙律嘅菜唔係好爽,有啲林,我朋友食咗兩啖就無食主菜我叫咗鵝肝天使面,啲鵝肝係切碎混喺天使面入面,味道ok,不過個汁就麻麻,個份量就好夠,我都食唔晒我朋友就叫咗巴拿馬火腿闊條面,叫得做招牌菜,應該有返咁上下質素,可惜都係麻麻

記得2星期前係呢度食LUNCH~~叫左個焗蜜桃雞扒飯~~比我既感覺係十級難食~~雞扒十分DRY~同埋好""鞋"".個茄汁又完全冇味.淡某某咁.同埋飲左個完全冇味又稀到好似水既忌廉湯..諗住唔會再光臨..但今日比幾個朋友約左係度食LUNCH~~冇得選擇~~以為又冇好野食~~看看餐牌..點了個卡幫尼意粉..加杯奶茶..當我地D食品送到時..看見朋友我蜜桃焗雞扒飯賣相比我兩星期前食過我完全是兩回事..芝士焗得岩岩好.又唔會太燶.再問朋友味道如何~係竟然話好好食..我試了一口真的好好食..炒飯底好香.而且唔會好似之前一舊舊又濕既飯.最正就係個汁..汁入面有磨姑.洋蔥.番茄~~再加埋D蜜桃特別開胃..早知我都叫這個飯..好啦~到了本人的卡幫尼意粉..估唔到賣相都好好~~D汁又唔會好似水咁..味道亦都好好..食得出係炒左D洋蔥煙肉先煮個意粉當中亦食得出白酒的味道~~雖然食完有一點兒"流",但真係好正~~其實.我最想講係個南瓜忌廉湯..南瓜味好濃.最意想不到係竟然有D南瓜粒粒係湯入面.這比起好多高級餐廳還高級..真的要大讚..咁既價錢食到咁好食既野.真係超值.希望可以保持水準..

去呢間已經食過幾次次次去都係叫個都市二人SET因為最低食就係呢個SET佢有兩個湯+包 一個頭盤-焗青口(4隻) 兩個MAIN COURSE 兩個CAKE 兩杯野飲=196+10%SERVICE CHARGE如果佢就咁叫一個MAIN COURSE都要60幾至80幾..所以叫呢個餐就低D~~我主一個叫左菜叫左帶子拼牛柳另一個叫左海鮮天使麵個牛柳好正~帶子又大粒~天使都都有好多送~麵又唔會煮得太林~佢個CAKE有兩三款可以選擇...CAKE都整得幾好食....不過佢個雞翼就一般..無咩味~普通炸雞翼..其他我都食過豬仔骨..一口牛柳等等~~都算OK總括黎講都幾好~價錢又唔係太貴我食過一次就愛上了~

前幾日同五個 一齊去食, 有個fd 未到我地去攞位先, 個帶位0既叫到我地號碼我地諗住入餐廳, 點知個侍應居然話未得住, 話要再等等, 但係我地就見佢劃左我地個號碼, 跟住係咁叫其係我地後面0既二人枱, 咁你未得又叫我地個號碼, 叫左又話未有, 但係又劃左我地個號碼咁啫係想點, 跟住等多10分鐘佢又叫番我地個號碼跟住問我地人齊未, 我地話黎左4 個, 個侍應居然話"咁啫係未齊啦, 唔入得" 串得佢, 個陣已經差唔多9點, 個陣出面已經冇咩客等緊 , 但係我地要等埋個FD 黎先入得, 入到去原來佢居然張枱空左係到, 佢寧願丟空張枱都唔肯俾我地4 個入去坐,,... 一坐低我個FD 叫左個牛排, 佢問我個FD 幾成熟, 我個FD 講左3次7成熟個waiter 都聽唔到, 仲要好唔耐煩咁問 "咁啫係幾成熟" 我個fd 都唔鬼想理佢, 舉左個6字俾佢睇就算, 一叫完野食問都唔問就收走哂D餐牌, 大佬, 我地仲想睇下有咩其他小食嫁, 個沙律完全唔得, 又冇汁, 好似雜草咁, 最抵死係佢9點半話last order, 就攞低左張單, 一D 禮貌都冇10點2 就話我地收鋪, 我覺得我地好似俾人趕

原本想去隔離間AngelaBaby Cafe，但可惜我趕時問，所以去左隔離間唔駛等位。但係有代價佢地lunch set 有不少既選擇，價錢大約係$50-$70。我同男友各自要左個首先我要左個雜菇忌廉湯，個湯睇落好多菇，但佢地應該係整左個忌廉湯底，之後先落雜菇，所以飲落啲奶味蓋哂啲菇味我就叫左個洋蔥豬扒，個汁味道唔錯，但塊豬扒煎到勁乾，雖然話豬要煮得熟都唔駛咁架男友個牛雞扒好少少，但都係乾。個薯菜d薯條就唔錯，但菜就少左啲o羅總括嚟講，呢度係趕時間就嚟啦，因為佢地上菜好快，否則o係旺角大把好選擇。