紅蔥頭

营业中

休息中

講起High Tea, 諗起呢間餐廳嘅下午茶餐超抵食。小朋友放學著住校服仲有Discount添。「烤雞肉羅宋湯螺絲粉」羅宋湯做湯底味道更香，帶點黑椒味，螺絲粉唔會太淋，加入厚厚嘅雞肉，口感更豐富。「唐揚脆脆雞中翼配薯條」愈邪惡．愈好味外皮比一般炸雞更香脆，索索聲...雞翼都大隻，最重要裡面肉質夠嫩好Juicy「馬來咖哩豬扒飯」咖哩味好濃郁超惹味，撈飯超好食，加入豬扒同薯仔停唔到口...徹底食埋最後一粒飯+$6仲可以跟歐陸濃湯 同 牛油法包「草子莓莓 & 橙色派對」兩杯特飲味道同賣相都好好，唔會太甜，炎炎夏日透心涼。

本身約咗朋友去尖沙咀食晚飯，但又晏咗收工，所以唯有過隔離置富都會商場搞掂😔。商場食肆選擇唔多，我想食西餐，所以揀咗「紅蔥頭」。適逢呢晚張敬軒演唱會休場，商場無咁旺，否則平日中午或夜晚都排長龍🙈。呢度面積好大，環境都算舒服。題外話，我哋見人唔多，諗住食完就走唔好阻人，點知店員好好，叫我哋慢慢坐！餐廳定價合理，同連鎖茶記差唔多價錢，但食物質素同份量都稍勝一籌🍽。再者，菜式選擇繁多，樣樣都想食，令人心大心細，最終我哋揀咗二人套餐C($268)。歐陸式濃湯兩客及牛油法包，🍞麵包同湯屬正常水平，無乜太大驚喜，但兩樣都絕不馬虎。羅宋湯有好多蔬菜渣，而法包就牛油蒜香十足。蕃茄奶油呑拿魚螺絲粉，🍝Pasta大碟到一個點，一個人一定食唔晒！螺絲粉軟硬度適中，最重要係非常掛汁。蕃茄醬加入奶油，中和咗酸味，而呑拿魚肉就均勻地滲透其中🐟，所以每啖口感都好豐富。蜂蜜味BBQ燒豬仔骨，🐷🍖豬肋骨有成兩條，即係等同其他餐廳嘅全份吧。豬肉肉質唔嚡，切開亦算離骨。我認為醬汁部份爭少少，因為用上蜂蜜燒烤醬，甜甜的感覺唔太夾。伴菜仲有薯條🍟同沙律🥗，兩樣味道都OK，食晒好飽飽。小鐵板一口牛($48)，我哋見啲小食咁平就追加

今日去開紅磡個頭，順便黎呢間紅蔥頭食個下午茶。之前去過深水埗既紅蔥頭，非常有細個食學生餐既感覺。周六都有下午茶餐，一共12款，價錢由$44到$56不等，有肉有飯有粉有多士有小食，配咖啡茶，加$3有橙汁凍飲或汽水，特飲加$16。另加一。今次一行4人，一共叫左4樣野食。鐵板一口牛 $56 另加一鐵板一口牛果然係用鐵板熱辣辣上枱，聽到吱吱聲，似係一塊牛扒切到一口size，肉質有d部位都好嫩口，加左少少燒汁好好味。中間加左薯蓉，滑而不鹹，仲加左蒜片增添口感味道，最後灑上少少菜苗。呢碟我地叫左兩份。焦糖玉桂法式西多士配雪糕球 $52 另加一西多士一客4件，熱辣辣上枱，上枱已經聞到香味。多士果然有焦糖面，仲見到砂糖粒，食落外脆內軟，如果玉桂味香d就好。配有一個士多啤梨雪糕球，上面加左朱古力醬同砂糖。雪糕味道好有童年味道。心太軟 $42 另加一呢個心太軟唔係餐牌度，問服務員先知有得叫。心太軟雖然細細個，不過朱古力蛋糕暖笠笠，入面超多朱古力醬流出黎，而蛋糕皮薄中帶少少脆，整得好好。伴有邪惡忌廉同黃桃粒。最後蛋糕上面灑上糖霜同加上朱古力醬。跟餐飲品都加錢升級開懷特飲，3款口味我地都叫左。全部都大大杯，用

今日約咗朋友去紅磡食下午茶位於紅磡嘅紅蔥頭下午茶餐非常抵食, 40幾蚊有嘢食有嘢飲, 非常親民<烤雞肉羅宋湯螺絲粉>羅宋湯好濃郁, 啖啖酸酸鹹鹹嘅蕃茄味螺絲粉煮到啱啱好, 配搭羅宋湯非常好食烤雞肉份量多啖啖肉, 食完好飽肚<鮮茄豬扒炒烏冬>呢份主食非常特別, 蕃茄醬汁偏甜, 混合烏冬同豬扒, 味道竟然唔錯<豬扒配牛油酥皮吐司>唔鍾意食飯麵嘅朋友可以試一試豬扒配牛油酥皮吐司吐司用牛油輕輕煎過, 口感酥脆, 裏面夾咗好多生菜、蕃茄同豬扒, 均衡營養<瘋薯>難得大家一齊食下午茶, 當然有帶返啲小食開心share瘋薯有得揀肉醬或者檸檬沙律醬, 我哋就揀咗比較清新嘅檸檬沙律醬薯條雖然冇乜特別調味, 但食落淡淡薯仔肉, 真材實料<凍咖啡>最後仲飲咗杯凍咖啡, 雖然嗌咗少甜少冰, 但依然覺得有些少太甜

今晚同朋友去睇演唱會前，先去置富都會食個晚餐先，經過紅蔥頭裝修時尚簡約，餐牌都好啱食，大家都話可以試試！晚餐包餐湯和餐飲。忌廉湯creamy ,凍檸茶凍奶茶都夠濃！芝士焗蜜桃汁去骨雞腿飯，上檯已經香氣四溢，醬汁加芝士蓋滿飯面，焗到金黃色好吸引，雞腿去骨切件，沾滿醬汁鮮嫩美味，飯底係蛋炒飯，伴上醬汁和蜜桃，味道香濃帶甜味。鐵板什扒（豬扒、雞扒、煙肉、煎蛋），配黑椒汁，鐵板超熱，將黑椒汁倒在食物上發出沙沙聲，香味撲鼻，什扒沒有一塊煎得過火，雞扒格外嫩滑。另一朋友遲到，見到什扒咁香，立刻order 扒迷迭香羊扒.煙腩片伴香草茄蓉汁,迷迭香是西方一種常見的調味料，其芬芳滲入羊扒之中，讓羊扒帶有一種獨特的異香，被烤得七成熟的羊扒淌著醬汁，羊肉的鮮味發揮的淋漓盡致。蕃茄蓉的味道濃郁而且加了香草更加美味！

今晚約埋老公去重溫下以前拍拖成日撐枱腳食嘅鐵板餐在屋企附近撐枱腳先～紅蔥頭門口望落都幾有情調，晚餐好多選擇，唔同時段入座都有特價，我地點咗兩個鐵板餐，一個西冷+雞扒，一個牛柳+魚柳，有牛有雞又有魚，跟餐有湯有飲品，鐵板上枱先淋上醬汁！最期待的畫面出現了～「渣渣聲」真係好正！薄西冷好驚喜，肉質鬆軟牛味重，配埋個燒汁，好Juicy，唔覺意已經食左好多舊～雞扒嫩滑好味，老公點的牛柳，牛柳煮得太熟好易會韌，今次呢個8成熟又ok啊，易切開一d都唔韌，唔錯～兩個扒餐份量亦好足夠！飽到上心口，滿足！之後再食埋好耐無食過的法式薯蓉田縲，回憶返哂嚟～經濟實惠的港式西餐，性價比高！

今日早收工，約咗個同事去行街，順便齊齊食個EARLY DINNER，唔洗晚飯時間同人迫。揀咗附近既紅蔥頭，係置富都會7樓，餐廳環境都幾闊落，二人卡位好舒適。芝士焗蜜桃去骨雞腿配蛋炒飯濃厚拉絲芝士好CREAMY好RICH，蜜桃粒粒都好香甜，去骨雞腿夠方便，啖啖肉好JUICY，炒飯乾爽粒粒分明。加配是日沙律，清新夠FRESH。餐湯係羅宋湯，大量雜菜，味道濃郁。西梅汁豬扒第一次試西梅汁，酸甜開胃，豬扒煎至金黃色，肉質腍滑，口感唔錯，薯菜可以淨係要雜菜，值得一讚～鐵板一口牛牛柳粒香滑軟嫩，口感鬆化。

紅蔥頭餐廳位於紅磡站相連嘅商場，地點方便，晚市有扒類套餐仲有意粉、小食、甜品，價錢大眾化✅.🌀歐陸濃湯套餐送餐湯、牛油法包及餐飲餐湯係羅宋湯，材料豐富，酸酸甜甜頗開胃.🌀扒迷迭香羊扒煙腩片半香草茄蓉汁 $158羊扒肉質軟嫩，我哋點咗七成熟，肉質幼嫩羊味幾突出，食落非常juicy😋而且有3件咁多，好適合同朋友分享.伴碟有烤蔬菜，三色椒🫑茄子🍆翠玉瓜同薯蓉，蔬菜烤過之後十分香口，連伴碟都做得好有誠意👍🏽.🌀黑松露忌廉汁煙三文魚天使麵 118忌廉汁口感creamy，黑松露配野菌味道柔和三文魚有一定厚度，捲成花朵形狀咁又靚又好味.🌀唐揚脆脆雞翼 $42雞翼肥嘟嘟，外脆內嫩，配上沙律醬非常惹味.🌀自家製心太軟+$29朱古力味香濃，唔會過甜🍫一切開蛋糕就見到澎湃嘅朱古力醬，朱古力控表示好滿意.另外值得讚一讚店員嘅服務，有禮貌之餘又細心，知道我同朋友share兩個餐已主動送上兩隻碟俾我地，呢啲細心位好加分👍🏽

想食西餐都唔一定要係好貴嘅，今次就去咗呢一間平靚正嘅西餐廳去食飯啦！叫咗一個香草茄醬鮮蝦天使麵，咁大份嘅天使麵都只係$58 ，以西餐來講都真係非常之抵食！重點嘅係呢一度嘅份量真係好多，醬汁亦都係非常之香濃！

紅蔥頭 Cafe Med - 紅磡國際都會..鮮茄豬扒炒烏冬 tea set ($46)豬扒煮得幾好唔乾唔柴好少食茄汁炒烏冬又幾特別喎濕濕哋唔會太熱氣..板煎黑椒雞扒蛋飯 tea set ($42)雞扒煎得好脆！切落去係索索聲，令我喜出望外肉質都幾嫩個蛋亦啱啱好唔會煮過龍而乾爭爭..仲有餐飲各一杯叫咗熱咖啡同熱檸茶..環境好靜又大座位闊落坐耐啲傾偈都好舒服記得呢間餐廳開咗好耐亦有幾間分店不過啱啱search Openrice 原來只剩返兩間呢個疫情真係令到經濟好差

冒住毒毒的風險，在置富都會的商場內吃了一個下午餐。餐廳內沒有太多人，所以餐廳調暗了燈光，令這個餐廳頗有情調。食物的選擇有很多，結果也挑選了一陣子。最後點了1. 蕃茄奶油鮪魚螺絲粉 $562. 午餐C 黑椒雞扒飯+南瓜湯+熱好立克$59合共：$126.5食物很快地送上，黑椒雞扒飯，雞扒弄得不錯，煎得金黃色，而且啖啖肉，配合白飯，很是吸引。南瓜湯也是不俗，加了白麵包，是一個很好的前菜。另外也點了蕃茄奶油鮪魚螺絲粉，這個菜式女朋友之前也點過的，幾年之後女朋友一樣的菜式，證明她是十分長情的。這個螺絲粉的醬十分出色，一個意粉最重要的就是醬，這個不太DRY，酸酸甜甜的，很是開胃。雖然在價錢上，這裡的下午茶的性價比不太高，但我獨愛這裡的氣氛和跟女朋友吃的每一餐。日期：2022.2.6Cafe Med

今次嚟到紅磡呢間平價西餐廳試吓佢嘅下午茶！✨呢間餐廳喺紅磡火車站上面嘅商場，好方便！🥪豬扒配牛油酥皮吐司 ($48)吐司好香牛油味，入面有生菜🥬、蕃茄🍅、同埋塊幾厚嘅豬扒，口感唔錯。🍝香草茄醬鮮蝦天使麵($58)份量幾多，蝦都有好多隻🦐，食落鮮甜。醬汁都幾多，但稍嫌可以更濃味，整體都唔錯，呢個價錢來講抵食！🍟瘋薯(檸檬沙律醬炸薯條）($40)薯條嘅份量都多，一上到嚟熱辣辣，好正，又唔會太鹹，點埋檸檬沙律醬仲正！

疫情關係好多聚會和活動都取消，工餘時間真係好悶，唯一可以做嘅事就係去食嘢，老公今晚帶咗我去紅蔥頭晚飯，餐廳裝修時尚簡約，座位舒適。所有主食都會送餐湯和蒜蓉包。鐵板什扒：有豬扒，雞扒、煙肉和煎蛋，豬扒超大塊，肉質好嫩唔鞋口，雞扒煎得皮脆肉嫩，配埋特製醬汁好惹味，還有即炸薯條，香脆可口！芝士千島忌廉汁焗鮑魚海龍王飯：用料新鮮，有青口、蝦、魚、魷魚，用芝士千島忌廉汁焗，口感幼滑creamy,芝士還可以拉絲。蜂蜜味BBQ燒豬仔骨：豬仔骨入口柔軟、咬落彈牙，而蜂蜜和燒烤醬混起來，更加給豬肋骨帶着很多味覺上的層次，非常好吃！免費餐飲：凍咖啡、凍檸檬茶夠濃夠香。

跟餐薯條鬆脆又唔燶，簡直超水準。跟餐爆檸茶底好味，有誠意。芝士波菜焗龍脷飯夠晒大碟，稍嫌菠菜太少但味道是在水準之上。加$6跟餐湯同蒜蓉包，可惜蒜蓉包不夠熱也不夠脆。整體不俗，茶餐價錢，西餐味道。

最近搬咗去黃埔所以主要係紅磡搵食，行經置富都會發現有間有鐵板肉扒就入去試試~~個日6點幾放工就去食，當時人少少，餐廳寧靜舒適，心諗完左一日工作可以舒服食翻餐飯😉我地兩個人叫左肉眼扒同焗芝士波菜龍利柳飯，落完單之後首先送上兩份當日既餐湯-南瓜湯。個湯非常濃郁入味，餐包非常脆，用黎點南瓜湯黎食，簡直一流！！焗芝士波菜龍利柳飯黎到個賣相好吸引！吸引左我依個好仲意食芝士，菠菜既人😋😋雖然份量唔係好多但塊龍利柳嫩滑得黎又唔腥，芝士好香濃，菠菜汁配埋飯一齊食，掂啊！跟住塊鐵板扒黎到滋滋聲，再淋埋個蒜蓉汁，正啊！塊扒我哋叫左5成熟，好容易就切得開，食落口好軟好淋，配埋隔離啲薯條，一軟一脆，非常正！飲品我地叫左杯特飲-橙色派對，原來係芒果汁溝橙汁，以前好普通但飲落芒果味同橙味都好突出，味道好夾！最後食到好飽好飽！價錢又相宜，性價比高！一定會再去食啊！😌