紅蔥頭

营业中

休息中

最近搬咗去黃埔所以主要係紅磡搵食，行經置富都會發現有間有鐵板肉扒就入去試試~~個日6點幾放工就去食，當時人少少，餐廳寧靜舒適，心諗完左一日工作可以舒服食翻餐飯😉我地兩個人叫左肉眼扒同焗芝士波菜龍利柳飯，落完單之後首先送上兩份當日既餐湯-南瓜湯。個湯非常濃郁入味，餐包非常脆，用黎點南瓜湯黎食，簡直一流！！焗芝士波菜龍利柳飯黎到個賣相好吸引！吸引左我依個好仲意食芝士，菠菜既人😋😋雖然份量唔係好多但塊龍利柳嫩滑得黎又唔腥，芝士好香濃，菠菜汁配埋飯一齊食，掂啊！跟住塊鐵板扒黎到滋滋聲，再淋埋個蒜蓉汁，正啊！塊扒我哋叫左5成熟，好容易就切得開，食落口好軟好淋，配埋隔離啲薯條，一軟一脆，非常正！飲品我地叫左杯特飲-橙色派對，原來係芒果汁溝橙汁，以前好普通但飲落芒果味同橙味都好突出，味道好夾！最後食到好飽好飽！價錢又相宜，性價比高！一定會再去食啊！😌

紅磡都會廣場，是睇演唱會之前必到的地方之一，今晚便來嘗試一間西餐廳。蜂蜜味BBQ燒豬仔骨$148，肉質軟淋，味道酸酸甜甜，非常開胃，而不覺得有油膩感。芝士焗意大利波隆拿肉醬意粉$88，芝士香味十足，香脆可口。肉醬帶點返屋企的酸甜味道，加上爽口彈牙的意粉，是意大利粉的佼佼者。意大利烤雜菜沙律伴香草雞胸$74，雞胸肉口感鮮嫩，味道帶點香草的香氣，加上烤焗過的蔬菜，口感清新，非常健康。晚餐包括歐陸式濃湯加咖啡或茶，鮮橙汁另加$3。

放左學去附近食飯，我地叫左一個西冷配薯條，意式炸烏賊，仲加咗個甜品心太軟。嗌左冇耐，嘢食就已經送咗上嚟啦。意式炸烏賊，其實即係魷魚圈，外層嘅炸衣唔會太厚，係新鮮炸好，熱辣辣拎上嚟，咬落去除咗有表皮酥脆，仲可以食到魷魚嘅彈牙，加埋沙律醬放入口，真係開胃小食嘅好選擇。我哋叫咗七成熟，師傅嘅火候控制得啱啱好，上到嚟唔會太生，又唔會太熟，啱啱好可以食到嫩滑嘅牛肉。配埋薯條，可以點下牛扒上面嘅黑椒汁，咁就一種味道，兩種口感。隔離仲有煙肉同蘆筍，咁就可以balance返，有返啲健康嘅感覺啦。我地仲叫左一個甜品心太軟。餐廳好貼心，見我地食到差唔多先問我地係咪要上，一上薹已經好香，即叫即做，外脆內溶，完全做到流心嘅效果，隔離仲配埋幼滑忌廉和芒果粒，好好味。餐廳的同事經理態度好好，全餐食得好舒服，整體用餐環境感受非常舒適。

收工搭shuttle去左紅磡同男友食晚飯，聖誕節呢啲日子總覺得要食下西餐😂 見呢間價格親民就決定試下👏我地叫左個招牌蜂蜜味BBQ燒豬仔骨配薯條，鮮茄菠蘿焗豬扒飯，鐵板一口牛同自家製心太軟🙊燒豬仔骨賣相吸引😍 出街食燒豬仔骨最怕個醬汁會太稠一pat野咁，呢度就完全唔會，而且仲有一兜仔汁另上，可以按個人口味去加👍蜂蜜既甜味同BBQ醬既鹹味非常平衡，唔會太膩，豬仔骨燒得好香，肉質淋滑😋薯條雖然舖左係豬仔骨下面但依然香脆唔油膩👍唔知點解近呢幾年愈黎愈中意食焗豬😆呢度既豬扒已經預先切好左一件件，肉質唔算好滑但都唔鞋口，炒飯底幾香，菠蘿勁juicy😋 原本想鋸牛扒但又驚太多肉食唔晒，見到小食有呢個一口牛，仲要鐵板上，諗都無諗就叫左😎黎到詐詐聲入口熱辣辣，牛肉嫰滑，連中間既薯蓉都好香牛油味好綿滑！性價比超高！！👏心太軟係店家自製，仲要只係$29好抵食😙一切開勁流心！！😍 非常有誠意，必試！👍(但如果個蛋糕脆啲厚啲就perfect😆)下次真係要試下鐵板餐先得！因為連細碟既鐵板一口牛都做到咁新鮮熱辣！大份既鐵板餐一定非常唔錯🤗🤗

約左兩個讀Poly嘅朋友食晚飯，佢地提議去置富都會嘅「紅蔥頭」食。原來佢地平日都喺度食lunch，話呢度d野食唔錯。餐廳有好多卡位，坐得好舒服。我同兩個朋友一齊食晚飯，三個人共嗌左三個餐share黎食。烤美國安格斯漢堡伴炸薯條($88)主要分咗三層，分別有牛肉蕃茄同埋生菜。包外脆內軟。牛肉厚身，牛味香又juicy。生菜新鮮夠爽脆。鍾意佢炸薯條份量唔會太多，炸成金黃色，外脆內軟。侍應送餐時仲拎埋成支茄汁過黎，成支上，任倒唔嬲🤣🙈。啱晒我呢一個鍾意點茄汁送薯條嘅人呀！😆芝士焗肉醬千層麵($78)上枱時重好熱，見到芝士重「卜卜卜」咁跳。未食已經聞到芝士香～🥰肉碎和芝士夾喺麵與麵之間好有口感，加左茄醬冇咁「漏」。鍾意食芝士嘅朋友千其唔好錯過啦。蜂蜜味BBQ 燒豬仔骨($138)加左$48嗌多個意式炸烏賊頭先嗰兩個餐奉送咖啡或茶。呢個餐除左有飲品，重有餐湯。我嗌左熱檸茶。檸檬夠新鮮，酸唔會苦。茶夠香濃。是日餐湯係羅宋湯，好足料，酸酸地好開胃。豬仔骨有一條半，份量多，原來除咗豬仔骨之外仲配薯條同沙律，超抵食！豬仔骨啖啖肉，腍身易咬，配蜂蜜醬汁，味微甜，份外滋味😋。沙律落咗啲酸汁好開胃。意式炸烏賊配

紅磡置富都會呢間西餐環境唔錯，今日同班朋友溫完書，食番餐，坐低環境有格調，餐廳都算多位，坐得幾舒服咖，性價比幾高，算抵食，選擇都多咖。咁我哋就叫咗以下食物：帶子配牛柳（$148）帶子好大粒，食落有鮮味咖，有小小烤過的香草🌿味，不過得兩粒。牛柳叫7成熟，個師傅功力都高，控制火候到剛剛好，好好味，我地幾個食到停唔到口，配上幼滑薯蓉，呢個菜好值得試。蜂蜜味BBQ燒仔骨（$138）本身我自己唔太好豬仔骨，覺得好似冇咩肉咁。不過今日佢就俾左驚喜我，d肉都多，唔會一食就係骨。佢用左蜂蜜調味，令到燒仔骨甜甜地好好食！份量超大！我地最後食得勁飽咁走！值得過黎食！

之前都嚟過好多次食下午茶， 貪佢平時下午茶時間 比較少人， 坐得寬敞安靜， 可以慢慢歎休息一下。 見到佢有一款鹹酥流心芝士吐司， 睇落幾吸引， 一上到嚟都聞到陣陣嘅芝士香氣， 微鹹嘅芝士鋪在多士上面，而多士亦焗得剛剛好， 面頭軟綿綿中間脆卜卜。 鐵板一口牛基本上係我喺度必食嘅下午茶菜色之一， 牛肉粒質素高， 醃製出色， 用鐵板上更有特色，性價比好高。 燒棉花糖吐司， 燒嘅過棉花糖加 上一啲朱古力， 食落感覺軟中帶脆， 水準都拍得住鹹酥流心芝士。 戚薇之戀係玫瑰柚子特飲， 微微酸加上柚子甘香， 都幾開胃。 草子莓莓， 草莓味唔算好濃， 加上少少橙汁， 幾清新。

今日朋友話要黎紅磡買野，咁我地就睇下邊度有野食，最方便就係去商場搵食啦，經過呢度見餐廳都好多人，就決定食呢間。餐廳燈光柔和，都幾有情調，職員帶我地入座後，我地就揀下想食咩啦，都好似好奈冇食鐵板餐，我地兩個都叫左鐵板餐。今日餐湯係羅宋湯，羅宋湯酸帶點微辣，非常開胃，配料亦都好豐富，會配上蒜蓉包，脆卜卜好正，送湯一流。我地叫左唐揚脆脆雞翼($42,4件)，雞翼夠脆身，肉質嫰滑。主角出場啦，我地都係揀左7成熟，跟燒汁，先來的是我的鐵板牛柳拼吉列魚柳($155)，熱辣辣，聽到鐵板的滋滋聲就已經食慾大增，因為我今日中午已經食左牛，所以我諗住揀左牛柳配魚柳的話，件牛扒會相對細D啦，原來都唔係，一樣係大大件，真係好抵食。牛柳肉質粉嫰好靚，達到我所選的7成效果，而且好腍，又夠juicy。魚柳炸得夠脆，而且嫰滑，一啲都唔乾身。鐵板同時配有薯條，粟米，煙肉同豆。薯條夠粗身又唔會好油，都好好味。之後是朋友的鐵板肉眼扒($155)，肉眼扒好厚切，而且大大件，非常抵食，朋友都有切比我試下，肉眼扒啖啖肉，而且牛肉味豐富。呢度野食大大份，而且都好味，價錢又親民，都幾抵食。

📍 紅蔥頭 𝐂𝐚𝐟𝐞 𝐌𝐄𝐃🌍 紅磡都會道6-10號置富都會7樓757-759號舖📝整體評分：8／10🥢歐陸式濃湯及牛油法包🥢 另+$6🥢芝士焗肉醬千層麵🥢 $78你唔怕肥又係芝士控就一定要食呢個，平時出麵食既千層麵都係茄醬多芝士唔夠，呢到就係芝士多到成隻碟都係，出哂芝士油，勁香濃。🥢烤美國安格斯漢堡伴炸薯條🥢 $88安格斯漢堡扒仲大過麵包，勁厚勁多肉汁，肉味濃郁卻不帶牛臊味，醬汁、配菜、麵包就無特別去調製，花心思係埋呢D配角上，一定可以同burger專門店媲美。🥢鐵板西冷牛扒🥢 $149西冷有成一吋厚，牛肉味頗濃，肉質軟腍適中，仲要無筋，勁好切。必點心太軟！

紅磡置富都會呢間西餐環境有格調，坐得幾舒適，下午茶時段抵食，選擇都唔少喎。「烤雞肉羅宋湯螺絲粉」雞肉嫩滑，配上羅宋湯湯底，好惹味。「香草茄醬鮮蝦天使麵」🍝配埋羅宋湯+牛油法包醬汁同天使麵比例剛好，唔會因為唔夠汁而太乾，麵質口感唔錯，唔會太淋。鮮蝦都有幾多隻「自家製心太軟」最喜歡流心朱古力，外脆內溶，配上幼滑忌廉，芒果粒...為今餐劃上完美的句號。總括今餐抵食，價錢仲平過屋企樓下間茶餐廳，性價比高👍🏻

今日我同朋友行去紅磡呢個商場度睇樓，睇完樓見到呢個商場有一間西餐廳，咁就試下，不過知呢間餐廳都開咗都幾耐，但一直冇機會試，咁就同朋友試下，咁我哋就叫咗以下食物：凱撒鮮沙律: 生菜好fresh, sources mix 得適中，不多也不少。 叫左咁多肉點都要食下啲沙律中和吓。海鹽瘋薯條: 我對薯條有啲要求，呢間嘢薯條都幾香口同埋少油，每一條薯條都脆卜卜，令我十分之happy。 有啲似我以前中學時代食嘅薯條，因為我鍾意啲茶餐廳嘅薯條多個啲英文字母快餐店嘅薯條。鐵板什扒: 裏面包括豬扒、雞扒、煙肉同鮮蛋，呢個我覺得真係冇得頂呀，因為一上枱嘅時候，鐵板已經發出咋咋聲熱辣辣， 而我選擇咗黑椒汁， 咁其實撈埋個黑椒汁每一塊雜扒 mix埋啲黑椒汁，我覺得都好食，有少少似以前茶餐廳嘅鐵板。扒迷迭香羊扒、煙腩片伴香草茄蓉汁: 羊扒有三嚿，都比較意外，因為通常啲餐廳都係畀兩嚿，講返我哋個主角個羊扒整得算幾出色，因為肉質鮮嫩， 加埋個茄蓉汁意外地好食 ，用刀切起上嚟都幾易cut，同埋羊扒保留住肉汁，我覺得個羊扒整得出色， 而我覺得啲個羊扒畀我個雜扒略勝一籌。最後如果大家行去紅磡呢一間商場，可以試下呢間餐廳，

·紅蔥頭·餐廳裝修別緻，入口處放一張長木枱，充滿歐陸風情🐻另外有個窩心位，就係學生有8折，雖然無我份😂但覺得呢件事好有人情味👍🏼跟餐附送餐湯、蒜蓉包同飲品，餐湯係甘荀忌廉湯，口感濃厚🌀扒迷迭香羊扒·煙腩片伴香草茄蓉汁羊扒揀咗7成熟，火喉控制得唔錯，食落滑嫩，有恰到好處嘅羊so味，選材唔錯，仲有3件咁多，CP值都幾高✅伴碟配菜有薯蓉、露筍等等，驚喜位仲有個茄蓉汁，味道天然，食得出係誠意之作🌀黑松露蟹子帶子黃金意大利飯意大利飯非常濃郁creamy，啖啖都充滿芝士同忌廉嘅香味，趁熱食真係世界級正，芝士控一定收貨🌀心太軟好治癒嘅一個甜品，一切開就有澎湃嘅爆漿效果，朱古力味香濃偏dark chocolate口味，自家製果然有水準

今天工作來到紅磡，工作完畢，和同事來到置富都會的「紅蔥頭」食晚飯。「紅蔥頭」是一間西餐廳，面積頗大，座位寬闊舒敞，套餐總類多，有餐湯、餐包和餐飲。今晚的西湯是南瓜湯，湯很濃稠，南瓜味香甜，飲完一碗已差不多半飽。蒜蓉包很香脆，麵包面塗了很多蒜蓉醬《煙三文魚凱撒沙律》$108沙律菜很新鮮，很大盆，有兩大片煙三文魚在中間，賣相不錯，沙律醬也落得恰到好處。《黑松露忌廉汁煙三文魚天使麵》$108嫩滑的天使麵加上忌廉汁，伴有香菇和三色椒，還有淡淡的黑松露味，同事讚不絕口。《鐵板西冷牛扒》$149鐵板燒得火紅，熱辣辣、香噴噴地上枱，大大塊牛扒非常軟腍多汁，加上黑椒汁更惹味。伴碟的竹筍幼嫩，薯條也不錯。最後，本人覺得服務員的態度很好，很有禮貌。畢竟，在這競爭激烈的餐飲業，服務態度佔了很重要的一環。

在紅磡路過要快食，選了這間裝修ok的快餐廳🍴餐牌不太乾淨很黏手，點餐要自己填紙仔，詢問侍應怎樣填跟餐飲品，亞叔侍應態度差差的說咪寫號碼囉，(飲品)餐牌有，第一次光顧點知咁多規舉呢?!! 食物質數當然難食，豬扒肉質鬆散味道怪，紅湯正常但都難飲灑，最正係杯咖啡，啡不似啡水不似水，喝了2口也要投降🤦🏻‍♀️ 最終盡力但都吃剩半個餐，浪費金錢但補了健康，應該不會再光顧了，真的比普通連鎖快餐店也不如，祝餐廳好運！

今日約12點同班frd黎幫襯，適逢消費券出咗，咁咪問經理有冇得分開落單，個經理話坐一張枱無得分，咁我都算，之後佢仲無尾音咁補多句，想分單咪每人坐一張枱，啲態度真係完全趕客，我同啲朋友差點想即刻走。