紅蔥頭

营业中

休息中

FD好鐘意食紅磡哩間餐廳，話好抵食，咁一定要試試。餐廳宜家已經做咗聖誕裝飾，都幾得意。晚市套餐都有好多款可以揀，雙人餐2XX幾都好豐富，睇落真係好吸引。今日揀咗迷迭香羊扒煙腩片伴香草茄蓉汁同蜂蜜味BBQ燒豬仔骨套餐，加配埋四色青口。凍檸茶同凍奶茶，係套餐搭配，飲落茶底好清香，應該係用咗錫蘭茶底，好飲。蒜蓉包同羅松湯都系套餐搭配，唔錯！四色青口，分別係芝士鮮茄蓉，香草忌廉，芝士白汁同千島醬口味。我就食咗芝士白汁同千島醬口味，兩種口味都好啱青口，2只完全唔夠食。蜂蜜味BBQ燒豬仔骨，豬仔骨好大一件，切開都有10小件左右，仲搭配埋薯條同沙律，份量真係好大。豬仔骨烤得好入味，醬汁酸酸甜甜，十分惹味。薯條食落仲脆啵啵，唔錯。迷迭香羊扒煙腩片伴香草茄蓉汁，哩碟真係不得了，一份有3件羊扒，仲搭配埋好大一份薯蓉。羊扒叫咗全熟，食落一啲都唔覺得柴，仲好嫩滑，搭配埋香草茄蓉汁一齊食，十分好味。羊味味道唔會好重，啱晒鐘意食羊啲FD。FD真係冇推薦錯，以哩個價錢食哩啲質素，真係超抵食！

舊式傳統既西餐廳真係愈黎愈少，今次去左紅磡見咁大間遠廳就黎試下～環境暗暗地、仲要侍應生都好有禮貌好友善。👍🏻迷迭香羊扒、煙肉片、香草 （$158）🐏我真係超鐘意羊肉，今次叫左份5成熟羊扒，冇諗過上菜仲要有薯蓉，好飽！切開中間見到粉嫩嘅深粉紅色，羊扒好入味，柔韌度剛剛好，連平時唔太好羊既朋友都忍唔住食多兩塊！✨✨鐵板肉眼扒（$155）🐂可能就咁睇價錢唔算平，但係佢個牛扒真係一流，好有牛肉味，唔會有啲嫩肉粉味，雖然有少少筋位，但完全唔影響我地對佢既評價！貨真價實，朋友都話估唔到咁高水準！👑海鹽瘋薯條 （$38） 🍟傻仔唔記得左牛扒會送薯條，結果食得太多碳水化合物，飽到突😤附送餐湯+餐飲 🍲食完真係有種回憶起細個一家人去西餐廳食扒食意粉，雖然唔係正宗意大利法國菜，但係勾到唔少回憶！高質扒房，推介！

紅磡經典抵食西餐 疫情期間 冇咗演唱會 又少咗坐火車嘅乘客 紅磡都會變得冷清好多 以前真係人來人往 非常繁忙😌 呢間紅蔥頭係好多人食飯嘅好地方 佢都幾大間 而且座位寬躺 懷舊裝修 坐得都幾舒服😉 同埋上菜速度好快😄 真係要支持下💪🏼💪🏼 二人餐C $268牛油法包南瓜忌廉湯🥣番茄奶油吞拿魚螺絲粉迷迭香羊扒伴香草茄薯汁自家製朱古力心太軟+$19 南瓜忌廉湯 好香濃 好健康 而且係熱辣辣上枱😙螺絲粉酸酸地 好開胃😋香煎羊架 外面焦香 裏面仍有肉汁 一啲都冇蘇味 配薯蓉及甜粟米 正呀👍成餐飯 最期待嘅係心太軟😝 香濃嘅留心朱古力 唔會太甜 配埋桃肉及 忌廉 完美👍 唐揚脆脆雞翼$42剛剛炸起的雞翼 非常香脆野味😄 法式香草牛油焗田螺$50薯蓉焗到熱辣辣 好Creamy 田螺軟腍 一齊食好正 啖啖滿足感😋😋 跟餐飲品 凍檸茶🍹熱檸茶☕️ 🎈紅蔥頭 (紅磡)紅磡都會道6-10號置富都會7樓757-759號舖 kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #food

今晚來到位於置富都會嘅「紅蔥頭」，嘗試一下佢嘅扒餐。餐廳面積都幾大，裝潢設計充滿一種歐洲懷舊風格，周圍都有木製家具同古典陳設。聽聞店主熱愛懷舊風，店內不少家具、擺設都是從英國等歐洲國家搜尋回來。店裡嘅古董木門、木桌椅及木櫃，均刻意不作翻新油漆，保留原有古舊味道，每條木紋、磨損剝落嘅油漆都係歷史見證。我哋叫左兩個扒餐，套餐包餐湯、牛油法包同一杯餐飲。是日餐湯係羅宋湯，味道唔錯。法包加上左香草牛油幾好味。扒我哋點左「鐵板肉眼扒 」（$155）、「鐵板牛柳拼吉列魚柳 」（$155）。上枱時鐵板仲係熱辣辣，我哋點左medium 生熟度適中，肉質唔鞋，肉眼牛肉味較濃，而牛柳就較淋，吉列魚柳夠脆口而且内裡鮮嫩有魚味。整體兩個扒餐都唔錯👍🏻另外我哋仲點左「鐵板上的蝸牛」（$50），即係法式田螺，田螺肉鮮嫩，配以pasto醬非常惹味，底下有薯蓉襯托，而且用熱辣辣嘅鐵板承載，成個presentation都做得好好，好睇又好食👍🏻最後我哋叫左「自家製心太軟」（$29），原來驚喜在甜品，啲個心太軟真係好。好。食。❤️心太軟好多地方都有得食，但做得好食真係唔多。啲個心太軟由自家製的75%濃度朱古力製成，甜度適中

紅蔥頭 (紅磡)📍紅磡都會道6-10號置富都會7樓757-759號舖紅蔥頭想當年剛出黎做野我都算係常客。今日一search 之下發現原來得番2 間🥹，心都痛埋，所以一定要去支持！今晚我地揀左2 個鐵板餐（包括餐湯，蒜蓉包，餐飲），1 個小食，同2 個甜品👩‍🍳 鐵板牛柳+吉列魚柳 $155牛柳非常軟淋多汁！魚柳外面炸到好香脆，但內裡仍保持到嫩滑，而且估唔到魚味濃！好味！旁邊配有超甜粟米，四季豆同蕃茄，仲有薯條！👩‍🍳 鐵板肉眼扒 $155大大塊肉眼zi zi 聲咁係用鐵板上枱，極香！油脂分布廣，少筋而且肉質軟身唔鞋！滿足！👩‍🍳 法式香草牛油焗田螺 $50熱辣辣嘅薯蓉包住田螺肉，嫩滑好味😋🍰 心太軟 $29 無睇錯！真係$29 咁平！ 75% 香濃朱古力🍫，熱辣辣外脆內軟，超流心。加上少量海鹽同埋伴碟啲忌廉，完美提升朱古力味！呢個甜品絕對出色！ 我地忍唔住食完又再order 多次🤤

我有時落堂都會喺到食lunch, lunch 同下午茶會抵食啲，學生仲有8折添~餐廳位置旺中帶靜，店內富有懷舊氣息，空間寬敞舒適。歐陸式濃湯 羅宋湯配蒜蓉多士個湯有驚喜😍，好足料，香濃牛肉味加埋辣椒做湯底，配埋蔬菜甜味，成個味道昇華晒。個多士脆得黎唔乾，不過不失。特級牛肩扒 $198配粟米和薯條三條牛肩柳，份量適中。今次叫咗五成熟，肉質鮮嫩，唔會好嚡口，細味下都有小小牛味。唐揚脆脆雞翼 $42 4隻即叫即炸，炸粉唔會過厚，香脆可口，配埋個沙律醬剛剛好黑松露蟹籽帶子黃金意大利飯$122黑松露同蟹籽份量俾得一啲都唔吝嗇，帶子大大隻，煮得啱啱好，好有水準，飯粒煙韌，好creamy ，但調味略嫌有點鹹。黃金係粟米，食落有口感，甜甜地，同個飯好夾。跟餐送奶茶華田 正正常常😂

見有時間就去咗紅蔥頭嘆返個afternoon tea，貪依度地方夠大，坐位又夠多，可以慢慢嘆 而且下午茶嘅性價比非常高。🥰今次order左烤雞肉羅宋湯螺絲粉、星州炒米、烤棉花糖吐司，飲品有凍草子莓莓、凍熱情玫瑰及熱檸檬水。😍烤雞肉羅宋湯螺絲粉嘅雞肉夠多，而且烤得惹味，雞肉又好嫩滑，羅宋湯又鮮又味濃，配螺絲粉食一流。😋星州炒米鍋氣十足，又有紅椒、青椒、芽菜、葱、芝麻等等配料一齊炒，仲有秘製咖哩醬，炒得好入味。😋烤棉花糖吐司嘅吐司超香脆，點朱古力醬及練奶，最重要面層棉花糖特別軟綿綿拉絲食，停吾到口。😋凍草子莓莓用士多啤梨汁加橙汁而成，熱情玫瑰係熱情果汁加玫瑰花茶，2杯特飲同樣出色又解渴。😋

❤️芝士焗蜜桃汁去骨雞腿飯$98估你晤到雞腿肉夠晒滑，焗飯真係無得輸，蜜桃汁酸酸甜甜，好開胃，一個人食晒成碟飯😍❤️迷迭香羊扒。煙腩卡伴香草茄蓉汁$158wow 心心眼，有三大件羊扒，油脂分怖好平圴，七成熟啱啱好，有小小羊So 味，好香，正。必食！而且擺碟好靚添❤️唐揚脆脆雞翼$42即叫即炸，好juicy ,必食配埋沙律醬❤️小鐵板一口牛$48原個小鐵板上，熱辣辣，香噴左，一口牛入口即溶晚餐配埋蒜蓉包同餐湯蒜蓉包脆口仲熱辣辣添，好有誠意好耐無飲過羅宋湯喇，羅宋湯特濃蕃茄味，要追住黎飲😆鐘意呢到夠晒靜，好舒服，啱晒傾計慢慢食，值得一讚係呢到店員好好態度👍🏻性價比超高，讚⚠️紅蔥頭 (紅磡)紅磡都會道6-10號置富都會7樓757-759號舖

呢一間係喺紅磡嘅鑽石西餐好多款式亦都有二人套餐同埋小吃我哋嗌咗牛扒即叫即整鐵板串燒 我哋亦都嗌咗龍利柳飯 份量好多亦都有醬汁調味我哋亦都有凍飲筒雪糕仲可以加$19食心太軟超好食份量十足熱量10分多兩個人食啱啱好佢哋仲可以加錢飲特色飲品同埋唔同嘅薯條環境好好好闊落好適合同朋友食飯價錢合理仲可以打包添侍應服務10分好和10分友善仲有啊佢哋亦都有意粉我哋亦都揀咗西式意粉麵條好多亦都好好食有興趣可以去食㗎仲有分店添喺深水埗

一向都成日去紅蔥頭食野，因為佢d套餐好抵食今次就去鋸個扒，扒餐包大大份扒、餐湯、餐包、飲品，大份抵食！鐵板肉眼扒 $155我叫左3成熟，肉夠稔身有彈性，另外有粟米粒、蕃茄、薯條同一條筍，食左成個扒都好飽！飲埋個包埋既羅宋湯，酸酸地好開胃，餐包係蒜蓉包，蒜蓉味好香呢！鐵板牛柳拼吉列魚柳 $155牛柳肉味香濃，吉列魚柳好香脆魚肉又嫩滑，一樣配上餐湯、餐包、飲品！小鐵板一口牛 $48一口牛肉汁滿滿，口感好好，中間有香滑薯蓉，正！鮮橙汁 跟餐+$3跟餐只需加3蚊就可以有杯鮮橙汁，香甜解渴！

-紅蔥頭🍽-去開睇演唱會都一定會係隔離商場食個快飯🤣想食西餐就可以去呢度😂-鐵板肉眼扒 $155而家好多時都碟頭上扒冇左個陣JarJarJar既滋味😂見呢度用鐵板上就決定要試🤣想食juicy又冇咁韌既扒就要食肉眼就算7/8成熟都唔會話韌到扯唔開🤣薯條加燒汁好好味😋-鐵板牛柳拼吉列魚柳 $155牛柳就比肉眼會彈牙少少但都未算話去到好韌咬好耐都唔開🤣吉列魚柳要快d食因為俾汁浸林左就冇咁正😉-意大利魷魚墨汁意粉 $112呢個略兼唔太夠味魷魚唔太入味但個汁配意粉都尚算ok可能個魷魚再用蒜炒下會更入味🤣-意式炸烏賊 $48呢個烏賊同頭先個個意粉一樣係個魷魚調味偏淡再重口味少少會更正🤣-鐵板上的蝸牛 $50小編最鐘意食田螺焗薯蓉🤣呢個推介好味道！-🌟評分:🏅🏅🏅🏅📍地址: 紅磡都會道6-10號置富都會7樓757-759號舖-#foodieluveat#foodisluveat_hk#foodieluveat_紅磡#foodieluveat_西餐#hkfoodie #foodiehk #foodiehkig #hkfoodblogger #hkfoods #hkfoodlover #foodiegr

🚩紅蔥頭以前讀書嘅時候我都成日嚟紅磡呢一頭，不過通常都喺學校食嘢就算好少會黎到火車站呢邊食嘢～見東鐵過海真的很興奮，放工就同朋友過嚟睇吓係咪真係咁興奮，順便可以搭九家姐返屋企～餐廳位置都幾方便，不過燈光就比較昏暗，似係舊式嘅嗰種扒房，價格都幾實惠㗎😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈二人套餐B $248✨南瓜忌廉湯配蒜蓉包呢款南瓜湯唔似我哋出面飲嘅南瓜湯咁橙色，佢比較偏喺加咗好多忌廉落去，啱晒唔鍾意南瓜味咁重嘅我！而且佢嘅蒜蓉包烘得好香脆，牛油味都好足✨西冷牛扒牛扒我哋叫咗七成熟，上枱嘅時候係偏生嘅，但切好嘅時候就啱啱好七成啦😆啲肉一啲都唔難咬！薯條份量都好多，而且擺埋咗一邊唔會整到林啤啤～✨香草忌廉龍利柳飯呢款飯嘅味道就比較偏淡，啱曬啲唔鍾意太濃味嘅人，食完都唔會覺得好Heavy～魚肉唔會鬆散，調味亦都啱啱好！不過飯就比較硬身，要撈多啲啲汁食～✨熱情玫瑰 +$16佢係熱情果加玫瑰花茶～ 攪勻佢之後熱情果味好出 一路食飯一路飲住佢 酸酸甜甜好消滯 唔想成日飲咖啡或者檸檬茶可以試吓佢～✨自家製心太軟 +$19加$19就可以轉心太軟真係好抵，雖然佢唔係好大件，不過食完飯食就啱啱好！心太軟焗到

餐廳裝修比較懷舊，燈光一點點暗暗的，都幾浪漫喎⋯⋯1)深海帶子拼醬燒汁牛柳$158好厚薯蓉😜配菜有(粟米粒、煙肉卷住四季豆、蕃茄仔)帶子煎得啱啱好，牛柳好厚，但切落去都好容易，有肉汁，(肉質唔鞋)2)餐湯:羅宋湯，入面蔬菜都多，味道唔錯。3)餐飲轉左特色飲品:凍草子莓莓(加18蚊)用士多啤梨同橙汁溝出嚟，可以同定職員講要少甜，因為我講左，所以味道就啱我。4)再加四色青口$58四件配芝士白汁，呢種味道冇得輸。5)蜂蜜味bbq燒豬仔骨$148，bbq味好正，好似自己燒嘢食一樣，豬仔骨嘅醬汁好味，上枱時已經好香。重有一碗沙律菜同好多薯條，薯條熱熱哋食落重有少少脆。

來到紅磡置富都會找東西食！呢間餐廳俾人平民西餐感覺。與朋友一起來要了一個二人套餐，包括：餐湯及牛油法包*2是日係羅宋湯，味道濃，帶輕輕辣味。法包烘過蒜香味十足＋自選意粉*1卡邦尼煙肉意粉芝士味好重，仲食濃郁嘅忌廉同蛋黃，好邪惡但又好滿足！+肉類*1蜂蜜味BBQ燒豬仔骨豬仔骨好大份，比一般成人手掌更長，BBQ醬汁亦調配得惹味十足。+咖啡或茶＋精選雪糕（兩球）要咗雲呢拿味和朱古力味，朱古力味好濃！另外要了一份烤美國安格斯漢堡伴炸薯條包烘烤到乾身，漢堡扒厚身，肉味香濃，配搭蕃茄、生菜和沙律醬，好滋味。

1200入店半個場空，迫人坐單人台，我同同行另一人，有背囊，重有其他野，門口店員視而不見，只結張單人台，到1215依然半場空台，其後都有2人坐4人台到叫人落單，被彈一句自己寫紙，但午市你收我加一你俾啲咁嘅態度？成餐飯我睇唔到任何度服！上菜 去茶記呀姐都識上啦！半場空台 又加一，咩態度水都要叫先有—————————第一次食紅磡呢間，完全失望，完全食系氣，野又唔系好味，又唔系坐滿場，又未到繁忙時間，都咁西口西面