紅蔥頭 (已結業)

上個月到旺角朗豪坊都光顧過這間紅蔥頭餐廳，當時都想寫食評，可惜時間不容許。今天到鑽石山工作，看見有紅蔥頭餐廳，不知這間分店食物質數如何？與同事決定試下！進入店鋪裝修簡約，感覺很舒服！當時客人幾多下，坐底後看了看餐牌，我和同事叫了以下食物。意大利卡邦尼扁意粉這個卡邦尼意粉在其他餐廳都食過，但是試過這裡的卡邦尼意粉就愛上了，可能是煮法問題吧。因為食出洋蔥、白酒的香味，而且煙肉是炒香後再煮意粉的，忌廉汁唔多唔少，雞蛋和芝士味配合得很好，扁意粉有o趙口，軟硬度適中，強烈推介！蒜片辣椒煙肉芫茜扁意粉這個意粉炒得非常香口，可能是用蒜油炒的關系，蒜味極重，而且蒜片是炸過的，食入口有少許辣，再加上煙肉芫茜香味令到食欲大振，必食 食物質數有保證，下次一定會再來！

爸爸下星期生日,預早同佢食生日飯為保險起見早一日打黎book枱,不過其實呢個舖我都唔應該expect佢有機會full準時黎到,佢地o個兩位主任/經理類人物彷彿唔知道我有book到咁見到門口有張notice寫住只收現金,?!?!,只收現金?!這什麼道理?anyways反正唔full所以我都有位坐一坐低就feel到陣陣陰風完全唔知o係邊度吹埋黎,開咁大冷氣仲唔係想你食完即走?menu選擇奇少忌廉汁煙三文魚天使麵汁極少...D天使麵幾條痴埋變一抽,仲要唔止一抽咁少,我真係第一次出街食到d咁o既意粉,我見識又多左喇咖哩焗海鮮飯說好的海鮮呢?勁少...芝士焗菠菜龍利柳飯多芝士都算係咁菠菜夾埋都應該有一棵肉醬焗薯皮只有2塊薯皮,okay 2塊薯皮我地4個人分以上3個飯/意粉加$20變餐,有湯,蒜蓉多士,飲品,再加多$5多個頹沙律(d沙律汁未免酸得滯,好在只加左一個)我同媽媽都飲熱華田,唔加糖都已經甜到你唔想繼續飲o係茶仔飲都冇咁唔開心service黎講平平無奇埋單時心諗好在有帶夠錢,否則走出去搵ATM都真係玩死自己聽到隔離枱有位年輕媽媽埋單時因為唔夠cash,要特登走返去10分鐘路程以外o既ATM

今天晚上與朋友到鑽石山荷里活廣場睇戲，睇完戲出後門看見有間紅蔥頭餐廳，正好是晚飯時間，見到餐廳門口被烤焗套餐而吸引，與朋友商議決定一試！我們點了菠蘿蛋包焗飯及香草忌廉汁焗奇趣魚飯，以下對今餐晚飯的食評：菠蘿蛋包焗飯，蛋皮上搽上茄汁再加上芝士去焗，有創意夠心思。原來裡面是茄汁炒飯，有去皮雞粒、提子干、菠蘿粒，炒得好香，酸酸甜甜極為開胃。而且買相相當吸引，好味！值得推介！香草忌廉汁焗奇趣魚飯，雞蛋炒飯底很香(食得出是即炒)，香草忌廉汁味道唔錯，加上炸魚很脆，論買相及味道做得很出色。大眾化價錢，而且食物味道方面及買相不俗，可以一試！

環境舒適!食物就一般啦!個卡邦尼芝士煙肉意粉就唔錯!好香芝士 , 加上煙肉...好味! 羊肉卡巴就真係唔好食~有2個選擇配料 , 每邊得一樣! 唔夠配料~醬 : 唔係太好味 , 我覺得有d怪~

羊肉卡巴 tea 卡巴價錢貴左, 不過質素高左 第二次食羊肉, 之前第一次羊肉又乾又鞋, 好難食, 今次就保留到肉汁, 肉夠稔, 帶少少羶, 幾好味 個皮厚身, 好熱, 帶有麵粉香 配料蕃茄生菜亦新鮮

間野到現時為止我去左兩次...兩次都覺得食物可圈可點.但服務態度認真唔掂.D服務員好冇禮物,我兩次去,佢地連一句"多謝'都冇講到.我用完餐離開時,有服務員企系門口旁,但都冇講一些"多謝' 或"歡迎下次光臨"這樣的服務態度我深感驚訝.

福建炒飯 平日下午茶有$27既茶餐, 包餐飲, 要再加一 食過幾次福建炒飯, 平時人流不多但都要等十幾分鐘 飯底: 蛋炒飯底粒粒煙韌乾身 飯面上舖滿好多料 ~ 蝦, 翠肉瓜, 菇, 雞肉 ~ 好豐富 落重芡, 可惜偏鹹

下午的menu有set lunch, 即使無set lunch, 其他餐都有包餐飲, 另加$6 便可以有湯及蒜容包.order了兩個lunch:1. 豬扒拼魚柳飯 第一, 飯唔熱, 豬扒, 魚柳又唔熱. 飯就夠多, 但D汁比例上太小豬扒超硬, 十分難食, 成$40 一個餐算係好唔得. 因為茶餐廳一定好食過佢!2. 焗千島汁雞腿飯D 飯焗到硬晒, 但有白汁, 千島汁同芝士搭救, 算係好過第一碟我們二人只是為填飽個肚而來, 已經叫D好隱陣既野, 但都可以咁難食...由於近志連, 當日見到好多外國人, 見到有一枱, 食到眼定定... 真係唔該餐廳改善下, 咪一陣D外國人以為香港D野咁難食

今天早上，又是放假的日子，心情特別好，和老公到荷理活廣場食早餐，約10時到門口已經差唔多滿座！我叫了1號餐，火腿通粉配炒蛋厚多士，老公就叫了3號餐沙爹牛肉公仔麵配炒蛋厚多士。首先講下火腿通粉，飲了一啖湯、嘩好熱！湯底原來是好濃郁的忌廉雞湯，通粉煮嘅時間啱啱好，一D都唔淋，火腿同樣好味！沙爹牛肉公仔麵，湯底同樣是熱辣辣濃郁的忌廉雞湯，公仔麵唔淋啱啱好，老公最欣賞就是沙爹牛肉，牛肉好滑一D都鞋，沙爹應該是用一級沙爹醬煮，唔同一般市面上的味道，好味！我和老公最欣賞就是炒蛋配厚多士，炒蛋好滑，好有蛋味，多士就外脆內軟，好味！澳牛和華星我和老公都是常客，的炒蛋，制作同樣出色，值得推薦！原來只開六、日，下星期我一定會再去食早餐！

今晚，跟KiKi媽去了鑽石山荷里活廣場逛街，見這間紅蔥頭甚為有名，又未食過，又見門外的套餐價錢不錯，便進去試試。一進門口，見到接待櫃位有職員站著，我們便走到櫃位前。怎知這位男職員竟然自顧自的工作，直至兩分鐘後他完成手上的工作，才問我們「幾多位？」。從入口處看，餐廳分開左右兩邊。左邊全是木桌，右邊則設有卡位。店員安排我們右邊的卡位。坐下來再看看環境，感覺裝修還挺不錯的。我們要了一客二人套餐A($148，另需加一服務費)，菜式如下：餐湯兩個蒜茸包兩片沙律一碟燒牛柳飯配黑椒汁一客香草忌廉龍脷柳飯一客餐飲兩杯值得注意的是，全店似乎只有一名較年長的男職員(就是在接待櫃位不理我們的那位)有權寫單。沙律一碟：感覺很普通，只是將粟米、菜和蕃茄片放到碟上，不覺得有甚麼特別，感覺就像「求其」弄出來的。燒牛柳飯配黑椒汁一客：我們要的是七成熟，肉的確很嫩滑，很好吃，飯也是熱的。只是黑椒汁的味道調得太濃，要是牛柳蘸著黑椒汁吃的話，便完全吃不出牛柳的味道。也要一提的是，其實職員在運送途中將整塊疊高的牛柳掉到旁邊的黑椒汁上，我們在拍照時故意將牛柳放回白飯上面，似乎這裡的職員做事不太謹慎呢！香草忌廉龍脷柳飯一客：飯同

鐵板黑椒牛柳粒炒意粉 (特餐 $36 再加一, 包餐飲) 鐵板夠熱 意粉本身已用醬油炒過, 夠晒味, 韌度軟硬度適中 屬於"乾"炒意, 無油, 但連少少汁都無, 若嫌過乾, 亦令意粉好都黏底 牛柳粒軟稔, 本身醃得入味 黑椒粒: 大粒, 粗粒, 味好濃, 幾辣, 落得太多太重手

假日好多西餐廳都唔做下午茶但紅蔥頭三至六點就有tea, 價錢同平時一樣, 好抵食!同細妹一齊試下呢度既心太軟, 叫左tea set後, 再加$19就有 心太軟 menu話要等十五分鐘, 因是即製的, 不過約五分鐘就有 暖暖的, 唔算太熱 裏面既朱古力漿香濃又唔太甜, 好食!!! 伴碟既cream就溝得太多水了

如果之前d食評都無誇張，咁我相信鑽石山分店已有改善。HKD 168 二人餐 + 10%服務費總額 HKD 185麵包 (凍夾韌)紅餐湯 (非常熱，味道ok，配料唔會爛溶溶)酒醋鴨胸意粉 (味道ok)燒豬仔骨 (味道ok)蛋糕 (藍莓芝士太淡，朱古力正)熱檸水 (無特別)服務 (中尚)抵食!

一直好想試呢度既豬仔骨...見宣傳牌寫12月份晚市85折, 就來試下點知, 原來只有意粉有這個優惠, 其餘就無 蜜味BBQ燒豬仔骨 ($78 再加一) 排骨內層醃得不太入味, 整個精髓就是面頭個汁, 要沾上才好食 初時還以為是塗上惹味汁醬再去燒個骨, 但食落覺得無預期中咁惹味 蕃茄奶油鮪魚螺絲粉 ($49, 加一後再85折) 好濃既奶油, 好香

今日收到女友話有免費戲票，咁就帶住開心 一收工就去戲院附近食野等開戲行完個場都無乜好特別揀...後來發現...原來馬莎後面仲有間咪去八下見人少少，無乜時間，所以就入去試試 地方都算ok...可能當時人唔多.... 所以唔係迫 好在都好快有人招呼 講下叫左乜野食 個味都唔好提，衰到連熱都唔熱下(暖都唔覺羅)。(睇相似凍)你睇佢畢到成碗邊都係湯就知...幾有heart！ 無味，仲要跟個生既白飯 腸仔‧火腿‧豬扒‧雞扒‧各一 成晚叫做食到兩啖既…唉，有得揀就唔會哽，一上枱就知係即丁..但係又丁得唔好。 最慘係我一向都唔浪費食物，一人個人用左十五分鐘硬哽晒。無時間影個甜到嘔既甜品，同埋杯又苦又怪味既凍檸茶(隔離枱仲投訴要換) +1９蚊食左個甜品心太軟，一黎到真係好香 香...因為真係一件好甜既糖加熱既未黎我覺好甜...口感上..就只係一件勁甜朱古力醬應該都一定唔會再有下次百七蚊...食埋d..又唔暖既微波爐即熱食物...仲要生米..凍湯..怪檸茶