紅雞冰廳

营业中

休息中

又有個閨蜜有咗BB，所以同佢食一餐豐富嘅，咁就比一齊靜靜地傾吓計😊搵咗呢間餐廳食野，就咁望落去呢間餐廳嘅裝修好正，非常之舒適可以享受下都幾爽😊坐低見到有我至愛—吉列魚柳薯條呢個真係不得了，肉質嫩滑，好juicy，相當香嫩惹味，都幾唔錯💯

食咗好幾次常餐都維持超高質，今日要試下自制漢堡，之前睇reviews見倒其他人食已覺吸引，原來time to time 會轉款個喎，之前係雙堡炸蝦，依家單堡滑蛋。一黎已俾個賣相嚇親，我真係響茶記？一食，哇痴線架真係好好食。漢堡扒係無乜落粉，好重肉感但又唔漏，滑蛋好滑又唔會太漏，個意粉係靚cafe果種芝士汁呀，啲西蘭花無水氣，痴線架，呢間真係茶記？食晒已經好飽好飽，檸茶都飲唔晒，如果雙堡真係要兩個人食。除咗吉田舍料理，香港都無試過第度係漢堡扒嘅set係好食(唔計漢堡包)，竟然會響茶記有好味漢堡扒，真係改觀。

九龍城嘅茶餐廳其實都好多選擇，但都係好鍾意專登行去紅雞冰室食因為同一般茶記唔同嘅係，佢嘅食物係有賣相有水準，亦都算幾多選擇，可惜我實在太專一常客最愛都係食常餐呢度食物上枱速度都好快，坐低5分鐘就已經有嘢飲， 10分鐘內一定有嘢食鮮茄通粉其實已經冇得輸，見到有鮮茄蓉，加上應該落咗唔少茄膏，好濃味，平時唔食牛肉我多數配香煎雞扒，一樣咁正通常雞蛋食一半，就會到晒落去個湯度，變做鮮茄蛋牛通粉，仲好味啲添簡直冇得輸，食極都唔厭

純粹因為好評而試本身只係外賣左個海南雞返屋企食，諗住係附近cafe食個tea，但間cafe截左單咁我惟有翻轉頭去返呢度坐低食個雞脾薯條tea。個樣黎到係唔錯，雞脾大隻，薯條唔係一般曲薯條。先食薯條，我......！真係......我未試過係茶餐廳坐低食薯條係凍嘅，好似雪櫃拎出黎咁，係炸過但攤到凍晒咁又無翻熱，都唔係，有幾條真係未炸透咁有雪味，我只係食左兩三條就無食，好難食。然後雞脾，係大隻，但佢個粉好厚好厚，得陣粉味，入面唔Juicy亦都唔算好熱辣辣，只係微溫，雞又無雞味，失望。我大概5:15坐低，佢收6點，兩樣野都似係就收工就費事翻熱就上枱咁。我杯凍檸茶，飲到大概搭8左右仲有半杯，個老細就行過順手就收，問都無問過，要我大聲話未飲完先放返低，整個經驗就係趕收工唔理出品唔理客人感受，我都唔算last minute坐低，咁趕收工就唔好賺我幾十蚊啦，叫我唔好入啦。到個外賣，見佢話招牌又水晶雞咁先諗住試下，佢嘅海南雞係有骨，明明我睇其他食評都唔見有骨，點解係得我盒飯係咁，我叫外賣嗰時間係4:45早過我坐低食，唔通距離收工1個鐘（講真仲有1個鐘零3個字都綽綽有餘啦）就骨都費事去？唉有骨呢樣野對我

今日同家人去九龍城～一朝早大家肚餓餓！路經這間紅雞冰廳， 見個名好得意就入去 食個早餐！簡單的卡位～ 職員態度良好～ 仲同我介紹本店冇得輸的早餐！ 就是以下這個薑汁鮮牛肉通粉餐！ 不過我喜歡透明滑米粉所以免費可以轉 另外一碗濃茄湯牛肉米粉🍅🐂完全係羅宋湯的味道🤩🤩😋超正丶正丶正早餐一定會有煎雙蛋🍳🍳及焊多士🍞或丹麥多士🧇 我們叫了每樣一塊～大家分享試下！厚多士比我想像中有囗感及熱辣辣！好好味～因為我係麵包控～丹麥多士更不在話！再加一條豬肉腸， 成個早餐真係冇得輸！！！！！最後餐飲我當然揀我最愛的熱奶茶☕使用傳統的沖法～好香濃 一早由豐富早餐開始～成個餐總括來說：好味丶好值丶好豐富！包一定飽飽😍🤩😍搞到我下午茶及晚餐同一時間食埋！慳番吾少～超值💸💸💸💸💰大家如經過九龍城就不妨試下這間餐廳～性價比高！

同老公去九龍城採購上海野 行到肚餓 就入到嚟醫下肚。見到隔離枱的野食賣相非常吸引 於是跟住嗌 公司治係用厚多士整 蛋亦都好足料 一啖咬落去非常滿足！另外一個漢堡扒煙肉滑蛋飯，蛋就真係好滑加埋芝士，真係難以抗拒！配的西蘭花都係熱嘅 而且唔會好硬。有三款汁可以選擇，而且係分開上，方便你自己根據個人喜好落。不過主角漢堡扒就比較乾 感覺麻麻 咬咗一兩啖就算整體嚟講還可以 不過不失

平日早放工想食個下午茶，經過呢間見到門口個公司三文治食物相都幾吸引就入咗去食～🌟茶餐時間：14:30-18:00茶餐D☕️🥪紅雞公司三文治配薯條 ($46) 跟餐包一杯熱飲坐低幾枱都叫呢個餐，公司三文治一開四，每件都好大份好足料，🥚蛋、🧀芝士、🍅蕃茄、🐽火腿，不過同張相對比就爭左啲菜😂有埋就更加好🤣另外薯條都炸得好薄身，平時坊間有啲薯條炸得好脆好硬，但呢到唔同，會食到滿滿嘅薯仔，表面有啲調味粉令啲薯條冇咁單調👍🏻

女友週五的愛心外賣, 真開心又感激! (笑) 紅雞在九龍城的歷史, 不如聯發和順興這些經典茶記, 菜式選擇同樣多元化, 最出名的是海南雞飯, 漢堡扒和厚切豬扒, 和前者的經典的菜式不太一樣, 所以可以各有各做. 說到它的漢堡扒, 和其他茶記不同的, 自然是它的體積, 比一般的更厚實, 同時肉汁和肉香也比一般的豐富, 貼近手工漢堡包店的水平, 上面加上一塊差不多全溶的芝士, 粘在漢堡扒表面, 味道和口感的層次更豐富. 附上的炸蝦Size夠數大, 蝦肉口感雖不算爽彈, 也未去到霉爛的劣質, 外面的炸皮相當香脆而且厚度平均, 補足了蝦肉口感的不足. 伴飯的黑椒汁夠杰身也夠香, 味道偏甜而辣勁相當柔和, 再辣多少少就會更完美.厚切豬扒厚度沒想像中驚人, 反而面積大得等於半塊碟, 外面煎得焦香而脆口, 內裏肉質夠嫩滑而多汁, 蔥油比一般的蔥香更濃, 用夾伴飯反而比黑椒油更合適. 紅豆冰則有點失望, 不是因為上層不夠濃香, 而足紅豆不夠口甜, 整體口感甚稀薄, 這點要多加留意了.

宋皇臺美食很多，主要是泰國菜。今天去體育館做運動，隨便進去了紅雞茶餐廳，星期五但裡面人不多。點了雞扒通心粉常餐和叉燒煎蛋飯～一上座就覺得份量很大，整體很吸引人～ 常餐的雞扒很大塊，番茄湯低很濃厚，每一口都有番茄肉的口感～而最被驚艶到是他們的！！！非常出色，很濕潤又香噴噴，保留了我喜歡的蛋口感！西多士有厚厚的兩塊，烤得剛剛好～叉燒飯的叉燒雖然有一點點乾，但配上香滑的蛋和碎碎的洋蔥，很好吃！但整體都合格～下次經過九龍城會再光顧～

九龍城紅雞冰室開咗冇幾耐坐低叫咗個洋蔥叉燒炒蛋飯佢差唔多食完咁滯先隊咗兜例湯過嚟全餐飯最出色估唔到竟然係個例湯豬骨雞腳花生粟米紅蘿蔔非常之足料好味有益有健康阿姐聽我贊到佢碗湯靚佢仲講畀我哋聽絕對冇味精之係畀咗少少鹽亦都食得出真係冇味精只不過係滾得夠耐所以夠曬入味你兜就係我本來叫嘅洋蔥青蔥滑蛋叉燒飯佢唔係畀豉油係畀美極鮮醬汁雖然有啲鹹但係非常之好食飽到抽筋食到嘔另外仲叫咗個再普通不過嘅常餐沙爹牛肉麵都有少少辣豆沙嗲夠香麵質爽滑彈牙另外最想一提嘅係佢哋啲服務如果老闆你睇到呢篇嘢嘅話麻煩你盡量請多兩個人幫手的而且確你啲嘢好味但係你完全冇人做嘢落單又冇人落傳菜有冇人傳你哋嗰幾個員工已經非常之盡力做得非常之好但總會有界限你隔離嗰幾間非常之知名嘅茶餐廳大排長龍人哋除咗好味之外仲要服務好你只係得好味服務欠佳

九龍城泰菜眾多，有時想改改口味，無意中發現了紅雞冰廳，前後光顧了幾次，味道十分不錯。第一個推介是焗豬扒飯。首先飯是蛋炒飯，然後上面鋪上足料嘅豬扒，豬扒不會太瘦太柴，尚有肉汁。還鋪上厚厚的芝士，內裏有鮮蕃茄，芝士表面焗得焦香，尚有一點拉絲，非常推薦！第二個推介是早餐。他們可以隨早餐選擇多士、丹麥麵包，丹麥麵包為首選！質感內裏柔軟，外層香脆，如牛角包口感，加上充滿牛油香味。早餐的香煎雞扒外層的雞皮香脆，內裏肉汁鮮嫩，推薦👍🏻另外，海南雞飯也可一試。肉質鮮嫩，不鞋口，不過飯略嫌不夠雞油、香料香味。但整體尚算不錯。最後要試一試他們的熱奶茶，茶味較出，香濃順滑✨👍🏻

原本想去九龍城食泰國菜，但太多人排隊轉左黎試呢間懷舊冰廳😎細細間裝修都好有港式風味，不過上餐時間真係較長，幾張枱都係到追問幾時有😅🔸 自家製雙層芝士漢堡牛肉飯配炸蝦飯（HK$68）自家製嘅牛肉漢堡都幾厚身，不過口感略硬左少少，出面包住芝士更邪惡。配埋脆卜卜嘅炸蝦都幾豐富，而且有得揀醬汁，帶少少日系嘅感覺😜🔸 番茄湯牛肉通粉配鮮奶炒滑蛋及丹麥多士（ HK$48）冰廳就係要叫常餐架啦，呢個常餐都有多種配搭，另外可揀雞扒/豬扒/白方包/多士等。番茄湯底味道適中，炒蛋都香滑，整體不過不失啦🙂🔸秘製咖哩牛肭條飯（HK$65）咖哩唔辣，食落有椰香味。牛肋條大大條，份量都足，軟硬適中。除左有白飯仲會送埋塊薄餅，用黎沾咖哩超正呀😎跟餐仲會附送一碗例湯，紅蘿蔔粟米湯，清甜唔太覺有重味精～

今日黎左紅雞冰廳食lunch，見到冰廳依個字已經覺得成件事好懷舊，果然呢度既裝修都好有以前80，90年代既舊式茶餐廳既感覺，幾特別！咁我今日就叫左自家製雙層芝士牛肉漢堡炸蝦配意粉，飲紅豆冰。牛肉漢堡好有牛味，仲要好厚，有兩塊，食左一塊已經好滿足，食得出係自己整既感覺，唔似平時既冷藏漢堡扒。炸蝦都好鬆脆，好食。意粉軟硬度適中，份量都好夠，一定食得飽，仲要好好味道tim！另外飲左杯紅豆冰，好多年無飲過啦，都唔係度度有得飲。呢杯紅豆冰都有好多紅豆，味道適中，唔會過甜。

繼昨日星期一，我初次乘搭港鐵「屯馬綫」列車，前往總站「屯門站」，光顧和享用日式炸雞漢堡包配罐裝汽水套餐，跟手工製造芒果抹茶忌廉甜品之後，今次我在星期二乘搭「屯馬綫」，來到另一個新港鐵站「宋皇臺站」。聽說「港鐵」之所以興建「宋皇臺站」，最初原意並非完全為了「九龍城」居民，但是「港鐵」當初計劃興建「屯馬綫」，本來就有承諾為「九龍城」跟居民興建港鐵站，所以最後在「宋皇臺站」設專門連接「九龍城」的出口。結果一如大部分人所料，「宋皇臺站」隨著「屯馬綫」開通而正式啟用，亦令很多人包括我在內，藉着今次「屯馬綫」和「宋皇臺站」啟用，而第一次透過乘搭「港鐵」列車前往「九龍城」，和光顧「九龍城」的食店。「九龍城」以食店多而聞名，很多人乘搭「屯馬綫」來到「九龍城」，亦令到很多「九龍城」餐廳食店店外，有大量食客慕名光顧，和排隊輪候入座享用晚餐食品飲品，多得需要等候不短的時間。由於我看見「九龍城」餐廳店外實際有太多食客排隊，所以我為了預留時間返回「新蒲崗」享用「牛腩飯」晚餐，沒有在「九龍城」比較多食客光顧的餐廳店外等候，改在其他食店享用「雞肉」部分晚餐食品。結果我在「九龍城」「侯王道」旁邊，找到這一間店名名稱叫

今日收工唔想煮飯，又同老公兩個人出咗去食，去開九龍城，行過見到呢間舖頭裝修勁懷舊，就行咗入去試吓，咁啱又過左時間下午茶，所以一日叫咗一個晚餐，我就叫咗個自家製雙層芝士漢堡牛肉配炸蝦意粉，個吉列炸真係即炸，勁熱辣辣！配埋個黑椒汁，味道真唔錯！😋😋另外老公就叫咗個經典傳統港式焗豬扒飯，佢話個豬扒都好入味，配埋個炒飯底，同埋個面勁多芝士，正呀🥳🥳兩個餐都仲有個例湯同埋飲品！仲有冰廳入邊裝修都幾懷舊，都幾有feel ！🤣🤣🤣