純麵舍

营业中

休息中

純麵舍 ULVA RAMEN地址: 鰂魚涌英皇道963-967A號多寶樓地舖又係一間平時返工好鍾意食嘅餐廳，佢主打沾面，只有三款口味，有時是專注於少種類菜式嘅餐廳，佢嘅味道係可以出乎意料之外咁好好味。🍜🍗淡麗系豚魚介沾麵 $77佢成碟叉燒同埋面都係凍冰冰嘅，因為佢嘅沾麵醬汁係非常之熱，令到你浸返熱啲面嘅時候可以掛都好多湯。佢嘅沾麵汁喺水同埋芡汁之間有一個好好嘅平衡，唔會太過水，但係啲面你會掛到啲湯汁，令到佢哋食落好香口啖啖都係沾麵醬汁嘅味道。沾麵醬汁裏面有啲大蔥花同埋木魚。佢嘅叉燒都做得好好好入味，又唔會過好韌，食落好易入口。佢其他配菜例如糖心蛋，紫菜蘿蔔絲都做得好好，以呢個價位來講簡直係贏晒後邊條街嗰兩間不知所謂嘅拉麵舖頭，其中一間都有米芝蓮，真係不知所謂。味道: 4.2/5服務: 4/5環境: 3.5/5番兜: 4/5

麵條個mix幾特別, 有昆布同蕎麥mix左入去, 比平時白麵香同彈牙。湯底走清新魚介路線, 適合唔想成日食濃厚系既人, 話雖如此, 味道上都適合做沾面汁, 辣味湯係鮮甜中帶辣好開胃。溏心蛋蛋黃流心程度剛剛好, 叉燒同配菜都有正常水準, 比較特別係有少少昆布做配菜另外試左個燒茄子都好好食, $15 有4個slice.成間餐廳感覺係舒服既, 價錢黎講甚至係超值, 因為佢地用料係有擺心機, 有心做, 唔少材料都係日本進口。姨姨侍應好好人, 主廚都好好笑容, 應該係兩夫妻😂 一定會再返黎食, 下次試下叉燒飯。

若果有去開純麵舍的，都知道是一家人經營，鋪位位置算方便，在鰂魚涌港鐵站對面。現在純麵舍添加了兼售叉燒丼，有三個款式，叉燒係用藻飼本地豬肉，飯粒就用日本米，無獨有偶，附近開了兩間小店售賣這種豬肉做的食品。我選擇了今次吃沾麵，今日期間限定喺蝦味噌沾麵，蝦味噌廚房員工表示味道會較濃郁，但純麵舍一貫淡麗系，所以這個味噌又沒有外邊拉麵店那麽濃烈，大眾應接受得到這股味道，蝦香也很淡麗，話雖如此，吃完還剩下的沾汁是不能直接飲甲，需要加上清湯才可。叉燒有三大塊，也是採用藻飼本地豬，口感可以，肉味不濃。而由彩Aya提供的自製麵條很好吃，有淡淡的麥香，不過份量對於男性就有可能不夠了，宜加替玉。伴碟配菜是苔藻，較為特別，小食醬汁燒茄子有點辛口，若煮返暖身或脆口會更好一點。沾麵加小食都只是$92，加上飲品汽水昆$97，給一百蚊付費還有得找贖，相當化算。我在晚上六時三十分進入純麵舍仍有空位，七時已經滿座，我看到店員間中要處埋外賣，有趣的是聽到有外賣是要求加多兩個彩Aya拉麵生麵餅。

究竟幾耐冇食過真嘅小店？大部份嘅餐廳，好多都係交嚟嘅貨！去完outlet 掃貨、路過鰂魚涌，見到間好簡單既沾麵舖，跟住入左去！本身唔太鍾意食沾麵，好彩佢有飯！$15 一個薯仔沙律，$15 一個燒茄子，都試左！茄子有少少辣，普通嘢！但薯仔沙律真係太出色，上面有一片叉燒、師傅貼心咁燒過、最重要係食得出佢真係自家製！好食到我個面同飯未到，就Encore 左一個，份量仲要唔細！到個戲肉沾麵，個面好好食，未沾湯都正，唔冧唔硬，有小小綠色嘢，原來係紫菜味，應該係隨機出，無得揀，第一次食淡麗系：其實就係好濃嘅魚湯味，甜甜地，加埋就好夾！今次食咗原味，我覺得辣味應該會仲好食！到個豚肉飯，其實因為已經飽飽地，食咗兩啖就比朋友食，但係最精彩係，佢突然間問我，不如幫你家d熱湯, 個湯啖啖地，加咗落去仲好食過本身，有啲茶漬飯嘅感覺！佢哋話個豬都係本地自己養，因為我個人真係唔鍾意食化學野，佢所有嘢都真係好似個名咁好純！其實我真係唔記得，我究竟有幾耐冇食過真嘅小店，而唔係連鎖嗰種味道！今晚真係好開心！同埋真係好好食！

...試試一間相信十個位都無嘅小店。我叫左個 「淡麗系豚魚介沾麵」佢哋嘅湯底偏甜、偏清爽，同隔離周月果個湯底簡直係兩個唔同嘅流派～..有好有壞啦，沾麵好多時都係講求湯汁嘅濃稠度～以方便大家連汁帶麵一齊食。..佢哋嘅湯頭雖然同一般嘅唔同流派，但我覺得總會有朋友喜歡佢哋呢一隻，比較清爽嘅湯頭😌😋而我自己就幾鍾意店家呢一種煮法。..縱然價錢平平地（75蚊有找）份量上絕對無揸流攤～湯頭有大量嘅日本蔥、洋蔥同芝麻～麵底方面除左麥粉粒清晰可見，我仲見有啲綠綠地色混和咗入面條，好想知係咪加左菜/紫菜？有機會再去真係要問下😂..配料方面有四塊大叉燒，一隻溏心蛋，兩塊紫菜，同埋海藻、海葵&原條寒天料理出黎嘅漬物～..叉燒屬於薄切款式，肉味非常夠，同清新嘅魚介湯非常配合。質素絕對對得住價錢，仲有好好人嘅姨姨staff 😌😋..會再來的！...#大把機會ot#一定可以再黎食飯#開頭見佢個門面白雪雪以為佢碗麵好貴

呢到幾特別 好簡約嘅裝修只有不足十個嘅吧枱位 排排坐望住廚師即刻煮個新鮮滾熱辣嘅麵比你🍜有種幫襯緊日本街頭小店嘅感覺.呢到嘅menu只有一樣主食 就係沾麵👀而每日亦只有三款味道淡麗系、辛辣系、純makase special😎店員會係比menu時講埋是日special係咩有試過加櫻花蝦、秋葵、大根蓉等唔同配搭身為熟客試過幾款 最中意都係以下呢款😜.🍴辛辣系豚魚介沾麵 $68 💛9/10呢到嘅湯係走清澈路線 而唔係走濃厚系所以味道係偏清新同樸實嘅鮮甜味道🐟比起淡麗系 呢款只係薄薄多左層辣油所以依然唔會太過濃鹹油膩 就咁飲都得但微辛嘅口味更加勾起到食慾😋配料方面份量好夠大大份嘅麵條山 質感彈牙豚肉瘦底得黎絕對唔柴 幾有肉味添🐷除左常見嘅溏心蛋同紫菜 仲有比較少見到嘅海藻 夠哂fresh🪸.🍴蒓豚薯仔沙律 $15 💛8.5/10🍴醬汁燒茄子 $15 💛7.5/10兩款小食都係固定款 如果要二選一個人比較推薦薯仔沙律 個調味真係好好食🥔茄子其實味道都唔錯 但有時會硬身咗少少🍆.呢個價錢黎講真係算好高質唔想食咁濃味沾麵嘅話 呢間個人都幾推薦👍🏻

平日屋企有叫開蒓豚，貴少少但係知道來源嘅豬。中秋翌日，落附近搵食想食拉麵，有行貨嘅豚X，姓周嘅拉麵又無開，試吓呢間打正旗號用本地豬嘅鋪頭。同細佬嗌咗一個原味一個蝦味噌，一碗$68，心諗應該會係細細碟細細塊叉燒，不過都唔緊要，呢幾日食咗咁多月餅食少啲啲都無問題。上碟時有啲出乎意料地多。麵嘅份量大約係200g 多啲，清晰可見麥粉粒，質感有嚼勁，一問之下原來係彩拉麵製作。另外配料有4塊叉燒，一隻溏心蛋，兩塊紫菜同清爽嘅海藻(特別註明係包括海葵同原條寒天。味道方面，魚介湯底根據師傅係比較濃嘅沾麵汁，飲落去係少少鹹而帶清甜，喺我哋俾人以為拉麵只係得豬骨湯嘅時候簡直係一道清泉，而比較幼嘅麵條同呢個湯非常之夾。叉燒係好食嘅，有肉味而唔係腥味呢個好重要。喺熱辣辣嘅夏天食呢沾麵，食完竟然會有種清新同洗滌心靈嘅感覺。一直都好鍾意食拉麵，由以前中環細鋪嘅豚王，去到日本都要食嘅金色不如歸，到未開到成行成市嘅麵屋一燈，一直都未有呢種純粹想做好一碗麵嘅感覺，你亦都唔會想像到同豚王而家啲師傅可以傾下整碗麵背後嘅心機。同老闆傾咗幾句，佢主動地講咗呢碗麵唔好嘅地方係個湯無咗層油喺面，食到後面會唔夠熱。$68，對得起呢碗

今日嚟到呢間鰂魚涌嘅小店食沾麵，真係好少見到沾麵賣$68咁平，仲要唔使加一，點可以唔試下！🍴辛辣系䐁魚介沾麵 $68 (9/10)湯底係好香醬油味，一啲都唔太鹹太濃，甜甜哋，帶有辣油嘅微辣同麻油嘅香氣，仲有木魚碎好香，麵係幼麵，好煙韌有口感，麵唔會太淋，個麵冇咩鹼水味，海帶好香好清新，叉燒三大塊，雖然好薄但好淋，好有肉味，有少少油脂嘅香，蛋係糖心，有蛋香同有少少醬油味嘅甜味，真心好好食又抵食！推薦指數: 9/10真係未食過咁平有咁高質嘅沾麵，份量超足好高勝價比！真心好食一定會再去食過，真心推薦比大家！

被簡約的門面吸引，踏進門口便感覺到到了日本的家庭式拉麵店。店內座位不多，甫坐下，店內的小妹妹熱情地講解餐牌，我們選了淡麗系豚魚介沾麵及辛辣系豚魚介沾麵，另外點了一客蒓豚薯仔沙律及一瓶玻璃樽裝可樂。店裡的姨姨看見我們拿著個生日蛋糕，主動地提出幫我們放入雪櫃，超細心的🫶🏻蒓豚薯仔沙律：$15調味很好，很香的麻油味。淡麗系豚魚介沾麵：$68淡麗系重魚介，偏甜，辛辣系只屬微辣，兩款湯都很美味。麵的份量很大，男生都會覺得很飽，叉燒3塊，肥瘦適中。這個價錢實在物超所值！

平時有得揀我唔會食麵，只會食飯。但純麵舍2021年底剛開張嘅時候咁啱行過，見到佢門面簡簡單單又清爽，最緊要係一個沾麵只需$68！附近其他大大細細嘅拉麵店至少都收$80以上，所以我係俾佢嘅價錢吸引左入去。餐牌上基本上只有獨沽一味嘅一款沾麵，襯三個唔同嘅湯底。一定係對品質好有信心先唔需要花多眼亂。湯底係偏甜，但唔影響佢嘅質素。拉麵係由本地日本師傅手打，每日新鮮提供，所以非常彈牙！食到豬肉片時，更令我驚為天人！我平時食嘢唔嘴刁，而且對味道口感都有啲遲鈍，但連我都食得出佢嘅豬肉係好新鮮同有豬肉味，所以就問老闆豬肉嘅來源。原來係佢哋自家養嘅元朗豬，唔怪之得咁好味😋初時以為佢哋之後會加價，但因疫情關係，所以一直維持$68一份，簡直係良心價。嗰日8號風球前喺舖頭度等外賣，聽到老闆喺電話上面用流利嘅日文對話，應該係同日本師傅溝通緊幾時送拉麵過嚟，實在令我有返咗鄉下嘅感覺，真係最高に美味しい！老闆好細心，有解釋俾我聽返屋企點樣熱返啲湯嚟令到個外賣最接近堂食嘅品質。其實個外賣袋上面都有晒所有嘅提示，絕對做到日本人個仲細心👍🏻👍🏻

Ulva Ramen is a tiny little ramen shop that caught our eye the last time we were in the area. But as it was lunch time, it was busy so we decided to eat elsewhere.  But as it was the weekend, we decided to see if it was open and yes, it was.  Only one diner was there and the staff greeted us eagerly. But we had already decided to give it a try so we went in.The place is very very tiny. Seats are few and only face the kitchen area.Menu is in Chinese only. There is no English, however, there is a

Finaly i have a chance to try Nearby office dipping ramen. The soup taste sweet and watery compared to any other Japanese dipping ramen in hk. The pork meat a bit gamey while noodle texture quite good. The taste it worth the price or even should be less than that. if you are a ramen lover i dont think this will be your choice for second dine in.. try it and just get over with it🙄.

喺鰂魚涌返工放lunch想食餐拉麵，推介呢間近太古坊嘅新派拉麵店，今次去除咗經典豚魚介沾麵同辛辣系豚魚介沾麵，更有是日Special 新加坡蝦醬鮮湯沾麵，食落唔止有驚喜，價錢仲非常親民，加$10就可以有埋玻璃樽裝汽水，日常Lunch必食！淡麗系豚魚介沾麵湯底清爽偏甜，叉燒肥瘦均勻唔乾，麵條粗身麵質彈牙，口感非常豐富～新加坡蝦醬鮮湯沾麵蝦醬湯湯底濃郁鮮甜，鮮蝦醬味道突出，有微微辣味，加埋淡淡芝麻香，正呀！

路過見小店決定試下一上枱覺得個湯底好清直頭見到個碗底之後再上個拉麵覺得係成座山紫菜雞蛋都係跟拉麵上見佢拉麵比較特別唔係剩係得麵粉應該仲加咗芝麻同埋菠菜？只係見到啲綠色唔知係咩嚟識落又分辨唔到係咩麵叉燒唔會好口好鞋口薄得來都幾好食重點係大座拉麵山都只係$68咁餐就$78（包埋汽水）我叫咗期間限定櫻花蝦味道朋友叫咗最基本嘅魚湯魚湯偏甜櫻花蝦就偏鹹配埋拉麵啱啱好海帶配料都非常多比較少見係成粒糖心蛋上出面拉麵店通常都係得半粒但係舖頭比較細只有吧枱可以坐客人坐最入時出入好唔方便但係整體來講都係一間唔錯嘅小店🥰

I don't think I can supplement anything in terms of food - you can just read all the other fantastic reviews and look at the nice photos. What stands out for us was the people here. I just feel so sad when there aren't more of these hospitable folks in town.The homemade noodles were chewy and just the right level of hardness.