素味牽 (已結業)

又要深水埗搵食，本來想食加滕屋但太多人，所以去左隔離既素食小店試試☺️店內光線充足，成間鋪好似好白好整潔咁點左兩碗米線，餸可以自己任選，餸菜款式多黎得素食店梗係要試下啲偽肉😌😌😌第一碗揀左胡椒雞、春卷同豆斗，湯可以揀辣度第二碗揀左魚腐、雞肉、腐竹，另外加左份炸雞粒米線大大碗，份量十足。個人覺得魚腐最好味👍🏻👍🏻👍🏻 唯一可以挑剔既係偽肉雞味道不太像，質感一百分💯今日呢餐感覺好健康😌

🌗黯然銷魂飯（素叉燒煎蛋飯） $50黯然銷魂飯嘅三項要素，叉燒、煎蛋同菜心都有齊。飯係珍珠米，粒粒分明👍🏻，素叉燒由麵筋做成，一定無鞋口或者太肥太瘦問題，外層吸滿叉燒醬汁，仲有少少烤過嘅感覺；雞蛋🥚係由日本直送，蛋黃又大又黃，蛋邊煎得焦香；豉油係自家秘製，甜甜地唔會太鹹，同蛋汁一齊撈飯一流呀。飲品叫左熱特飲：菊花圓肉杞子茶，菊花清熱去火、圓肉養血安神、杞子養肝明目，仲要特飲竟然唔洗加錢😮，咁抵～快d 去懲罰佢地啦！

見平時都食好多肉，今日專登同班同事去食素食，簡直令我對素食另眼相看，味道完全唔似食緊素食，一開始仲以為會唔夠飽，點知仲飽過平時，叫咗碗麻辣米線（有素魚腐、糖心蛋、臀肉、蘿蔔）講真佢嘅湯底真係拍得住譚仔嘅麻辣湯底，所以真係要試吓

深水埗有不少素食餐廳，這一間算是平民而且裝修企理，開咗唔算好耐，有時下晝唔想食肉， 都會嚟呢度食。佢午餐餐牌類似兩送飯形式，可以自行揀兩樣，又可以夾錢再嗌多一款或者加菜，可揀的款式亦算合理，有七至八個。不過如果晏去的話，有些款式可能會賣晒。今日食咗蕃茄炒蛋同芋頭麵筋，兩樣都好食蕃茄炒蛋唔似一般出邊嗰啲多汁，感覺好住家菜，冇味精，感覺健康同清新， 但芋頭可以再諗啲就更好。 除餐附送飲品，可以揀羅漢果茶或者豆漿。價錢合理，素食人士或想食清淡d既可以一試。

又是一間有心食店。一次無意之間，路經附近覓食，發現這間以綠色為設計主調，裝潢企理，名叫「素味牽」的新派素食店，吃了一頓素菜午餐，覺得食物水準不錯，價錢又不貴，之後便多次前來這兒吃午餐。雖然最近這次幫襯，見它原來新近推出了用上了叉燒製作的「黯然銷魂飯」（$50），又有特別的「意式香草雞麻香米線」（$53）和「意式香草雞麻香燴飯」（$53），還有最適合冬天吃的多款「素味鍋」（$53），不過我還是點了我覺得最抵食的自選兩餸「素菜午餐」（$43）。其實這兒的自選素菜分為 A、B、C、D四組，各有 8款素菜選擇，不定時輪流推出，而我這天吃的是 D組，揀了「金菇豆腐」和「尖椒炒蛋」做餸。兩小碟不油不膩的素菜，「尖椒炒蛋」味道較佳，蛋也炒得嫩滑，不過就辣度微弱，與想像中的辣度有點落差。至於「金菇豆腐」，除了金菇和豆腐，還有青豆，味道較為清淡，不過，素食不就是這樣嗎？這套餐是包餐湯或是日特飲的，這天的餐湯是看來普通的「雜菜湯」，是日特飲則是「菊花圓肉杞子茶」。愛喝凍飲，不愛熱飲的我當然樂意加兩塊錢轉成凍飲，這杯用了冰糖調製，真材實料，有杞子、有圓肉，還有杭菊在裡面的「凍菊花圓肉杞子茶」顏色清澈，味道清

深水埗加藤屋成日排長龍，但喺隔離嘅素味牽都無乜人😕 素味牽話畀大家知無肉食嘅可以好滿足，食素都可以令人生更精彩！😋 黯然銷魂飯 $50黯然銷魂嘅精髓唔係叉燒同蛋，而係洋蔥！不過就因為呢間無五辛，咁無咗洋蔥都ok啦😬 叉燒用麵筋做，超真超似🤪 雞蛋用咗日本蛋，無燶邊更加健康😚 份量都好夠，跟餐嘅薏米水都好清好健康～佢哋仲有個素菜兩餸套餐更抵食，下次再試😛

Bookmark左太多太多間深水埗cafe喇，但係當日同媽媽去個頭正值假期，為免娘親等咁耐，加上前排做節同聖誕大魚大肉過，所以決定食餐素食～ 我就揀左未幫襯過既素味牽喇💁🏽‍♀️同好多blogger講既情況一樣，有唔少人喺加藤屋等位，而素味牽人流就比較少，唔洗等位～ 講下食左咩啦💁🏽‍♀️➿ 是日餐湯：南瓜湯🎃南瓜煲到完完全全溶喺湯入面，好似blend左既西湯咁，但係係中湯黎！入面仲有紅蘿蔔🥕黃豆、眉豆等等，好清潤～➿ 香菇小肉卷🫔 (套餐 +$8)菇菇既成份比我想像中少～ 咬開小肉卷覺得入面既素肉碎比較淋身，似薯蓉狀🤨 個人認為可試，可唔試～➿ 黑椒牛柳絲鍋 *清湯 ($53)素牛柳真係有肉紋，外貌同質感都幾似真既，黑椒味恰到好處～ 擔心食素食唔飽既，可以叫呢個鍋物系列，因為配料份量好多，有兩大紥金菇、鮮冬菇、雲耳、椰菜、蕃茄、粟米粒🌽，仲要有粉絲，再跟碗白飯🍚，一定會飽！➿ 素米線 *清湯 ($23)腐皮($8) + 山葵芝士丸($9) + 麻油雞($10)唔食辣既媽媽傻豬左，睇錯「山葵」做「山藥」🤣 好彩山葵芝士丸冇咩wasabi味，所以唔攻鼻，都唔辣！麻油雞質感相對冇咁真，麻油味唔

一個平日，下午兩點八黎到，佢話收3點，我見無人就照食，因為佢上得切我就食得完•『腐皮、麻油雞米線 麻辣湯 中辣』$42啖湯有少少似譚仔嘅味道，少少辣油喺面；麻油雞雖然得3-4塊，但味道好香，仲有好多片薑；腐皮都幾多•【後記】➡️疫情嘅關係只做午市1200-1440，3個鐘都唔夠，大家要繼續分散投資➡️可能係最後一個客人，多餸飯只得返兩樣餸揀，所以叫米線➡️ 行過素年好多人排隊；加藤屋，多人同要同陌生人share枱，我無食；疫情下，要揾適合一個人又食得安心嘅午餐，唔容易

螞蟻上樹+茄子金菇羊腩 in veggie style!金菇羊腩有一絲絲彈牙很似是肉的東西，不講不知是齋菜螞蟻上樹有一粒粒仿製肉的豆製品Veggie lunch at Sham Shui Po, surprisingly tasty, didn’t realise they were veggie, texture like meat. Soup is great and rich in taste.

黃金商場附近一直係深水埗最繁忙嘅平民食堂茶餐廳、米線、日本菜，幾乎數得出嘅都有！最近流行嘅新派素食亦當然有啦！今次去左位於元州街圖書館對面嘅「素味牽」我同朋叫咗兩餸飯同素肉鍋，仲有新推出嘅意式香草雞麻香燴飯兩餸飯、素肉鍋都由唔同食材配搭，包括菇菌、豆品、蔬菜等，營養豐富均衡而麻香燴飯既有忌廉汁嘅質感，竟然仲夾雜住川菜嗰種麻辣嘅味道，令人驚喜！為咗推廣素食，呢間餐廳嘅食物不但價格親民，亦有唔同類型嘅菜式吸引唔同口味客人而兩餸飯更會不時轉換菜式。另外亦有仿真素肉「黯然銷魂飯」入面嘅素叉燒確係幾可亂真！無論有冇素食習慣，各位下次嚟參觀生活館嘅時候不妨去試食一下！

我們約平日午膳期間到此餐廳，限聚令下，餐廳2人一枱，亦十分乾淨。二人同行，我們叫了兩個兩餸飯，奉送湯或特飲。兩餸：香芋炆面筋、豆角茄子、青瓜雲耳豆腐、南乳粗齋湯：南瓜湯 特飲：杞子桂圓羅漢果值得一提的是，所有餸也沒有胡椒粉或味精，真的很像自家餸，份量合適。另外，餐廳提供添飯一次的服務，值得一讚。南瓜湯則較少南瓜，但有一些眉豆及白豆。杞子桂圓羅漢果特飲則有好幾粒桂圓，美中不足的是杞子較少。總括來說，此餐廳也是值得嚐試的素食餐廳🍴

身為一個食肉獸，嚟到呢間素食店，我都一定要點「肉」食😝素米線 (HK$23)本身有米線、時菜、芽菜和雲耳，其實都幾大碗喎，所以叫咗3個餸，食得豐富啲😄．黑椒牛柳 (HK$10)：有黑椒味，軟滑口感，比牛柳更腍，少少似牛柳，不過幾好味。．麻油雞 (HK$10)：調味好似，烤夫不錯。．腐皮 (HK$8)：新鮮軟滑😋．清湯：一點也不清，不用加什麼調味料已經好有味道。食晒啲餸，剩返些少米線時，就發現湯面有2隻蚊子屍☹️，廚房衛生一般般啦，希望可以改善一下。羅漢果圓肉杞子茶 (HK$0)呢杯係因為點咗3款素餸而贈送的。好足料，好好飲😋鹽酥雞 (跟餐 +HK$10)調味不錯，炸得好脆口，可是只得3小粒。

呢間係性價比高的素食店。在深水埗地鐵站D出口出左行5分鐘到😆今次我係試佢個黯然銷魂飯🍚係我食過咁多間齋舖裏面最好食嘅叉燒蛋飯😋 隻蛋仲有少少流心，素叉燒醃得好入味👍個汁好好味，我覺得仲好食過肉既叉燒😎媽媽叫左個三餸飯，個個餸都好好味😋特別係個咖哩薯仔好好餸飯，最緊要係碗碗飯都係珍珠米😋兩個人食到飽連埋野飲都係98蚊😆餐廳都乾淨企理，坐得舒服👍款式都多，我應該會再去佢仲有米線可以揀，另外都見到佢研究新嘅菜式😋

食素🥕🥬🥒🧄🍠查實食素係幾貴，但係網上見到有人推介，平食素菜，今日晏就去試！☺️☺️☺️出示學生證平$6😏😏.鮮竹卷麻油雞溏心蛋酸辣湯米線 $54 😋😋😋😋叫左三餸送特飲，鮮竹卷勁好食！麻油雞加入了薑粒好食呀。.兩餸飯跟雜菜湯 $43 😋😋😋😋翠肉瓜炒雞髀菇和蘿蔔炆羊腩，雞髀菇好甜，翠肉瓜和雲耳好爽，蘿蔔淋，羊腩質感似，但食得出係菇類。成件事好有趣。.🉐鮮竹卷！好好食！😋

經過元州街市政大樓，見到附近食店（隔離就係加藤屋）好多人，要排隊。素味牽少人啲，就去試下素食 。 店內環境好舒服 有講到點解有食素 餐牌 黯然銷魂飯 $50呢個名源自《食神》，即係叉燒煎蛋飯🍳素食店當然無可能有真叉燒啦！不過蛋奶素嘅朋友，可以食蛋，所以蛋仲係蛋，不過煎得今次無脆邊，反而用麵筋造嘅素叉燒好脆。豉油煮過甜甜地，都幾好。傳統黯然銷魂飯用泰國香米，但佢哋介紹用日本珍珠米，出來都真係珍珠米。黏嘅圓米配脆叉燒，好似都唔錯。凍洛神花茶 ＋$2酸酸甜甜，甜味多啲，但因為佢哋舖頭用左冰糖，所以比較清甜。 (加配)蔬菜金錢袋2件 ＋$10小食可以揀春卷或者金錢袋試過原來都係春卷皮包菜，裡面有粉絲同少少薑味，有時食皮，有時食餡，都幾好。