素心齋

营业中

休息中

在街上遊盪，突然聞到很香的燒嘢食味，才知道原來是串燒。點了一串黑椒牛肉感覺一般，很乾，汁不夠多，肉質很硬，又久牛肉味。而在買完之後才發覺原來這店舖的名字是有個齋字的，真的很奇怪，在齋舖竟然可以吃到肉，又或真的是齋來的，所以才有這樣的肉感及味道？

星期五的晚上，同公司來到了觀塘見客後才能夠鬆人，愛食的我當然不放過拮魚蛋的機會。身在巧明街的我，一早已指定了食店。來到觀塘，有一間充滿了葷肉香的齋舖，店名又素又齋，相信前一手才是真正賣齋的小食店。俗世人頂手後，搖身一變，變成了賣葷肉的串燒店，實在是一種罪過。上次盲沖沖的在山上找到了一間同名的魚蛋店，沒有串燒沒有齋，感覺一般。而且我說明了，下次來觀塘，必要一試APM旁的正舖。是日有緣一到，當然以這家小店為首選，叫了兩條串燒，邊食邊行返去APM搭巴士。行埋去小店落order，串燒的燒爐放滿了不同的葷肉，由雞軟骨，豬頸肉，到各式各樣的丸，大腸仔細腸仔。應有的肉食，是盡有的。而這店，沒有忘本，本是齋店的素心齋，也放了幾盒甜酸根係度賣。在上面燒著的，是半熟品，我點下要食什麼才把客人要的東西放落下層去燒。香味不斷的隨著酒煙瓢出來。老遠已聞到香味，這家串燒店，的確是非常之出色。 要等，因為要把半成品燒返熱。我要的墨魚丸同豬頸肉，從半熟品中拿出來，看著他燒，看得出，聞得出，由半生燒到熟，由無味燒到有香味。是看得見的滿足。燒好，店方加了少少的沙爹汁，食起來又特別

老闆娘叫自己個女做生招牌，令人食唔落丶。而講到食物質素，連七仔都比唔上。又話自己個汁獨創，其實咪又係味精。腸仔雖然包了煙肉係上面，但比例唔平衡，所以食起來好油膩唔掂。牛丸硬到咬爛牙失敗。

民以食為天，食是人生中必須的事情。我每當經過街邊的小食店都會不禁試試。這間店還比七仔差，一：服務，叫個女收錢，佢覺得我買得少，乘日講個超字；二：品質，平時我食D小食店就唔覺係街邊檔，呢間比我感覺好街邊。腸仔比煙肉包住好肥，仲有我的推介石頭牛丸，想咬爛牙咩，下次唔會再幫親！

十二月上旬‧有雨上次來吃了一串不太夠熱的燒豬頸肉，唔掂。是次來見佢燒緊雞軟骨，立即趁機來一串。醬汁滲滿雞軟骨內，夠味。雞軟骨有咬口而當中也有雞酒脂的味道，好吃。夠熱，自然零舍不同。下次知道怎樣選了。

八月下旬‧有雨在途中，下雨，不能前行，就在這裡門口停了下來，避避雨。見有串燒賣，來一串燒豬頸肉如何？拿上手已知有問題，就是串燒為何感覺不是熱辣辣的？吃起來就像烚豬肉，一點不香口，加上豬頸肉油脂較多，吃起來感覺就非常膩。唔掂！

六月中旬．雨之前在陸羽跟另一食友David兄說起，他說很難找到「橙色生腸」了，查實都有，不過不多。是日經過，又吃一串。老細會問你要「甜醬」定「甜辣醬」，當然是二者皆要。生腸不算爽，吃起來滿有咬口。不過就是這個「咬得爛」及「咬唔爛」之間的口感，才最對辦。那些給疏打粉招呼得爽而沒味的生腸，真把鬼！

(過期食評之九)以前經常行黎呢度附近，但通常都係為左去隔離開機鋪打機所以無留意呢間野，半年前戒左打街機，今次行過就係因為肚餓，見倒呢度d串燒好似唔錯所以問下點賣，原來煙肉包芝士腸六蚊一串，燒豬頸肉就五蚊一串，出奇地平，芝士腸好過去隔離七仔食，豬頸肉雖然切得好細舊但其實以五蚊計都算抵食，點少少沙爹醬黎食，雖然咸左d但都算係岩我胃口，應該仲會再黎食既，我幫襯果陣老板娘仲教緊個員工點招乎客人

幫(親)過一次就永世難忘, 一食入口, : 嘩..難食到嘔呀!墨魚丸or牛丸,都係微波爐丁出黎燒,重有人用e d方法賣野食既咩!一次夠啦!平有咩用呢.放入口一樣難食,出多少少錢.食d好野重好啦!

我試過放工時候經過, 都好多人幫襯喎. 燒墨魚丸, 豬肉燒賣, 咖哩尤魚鬚好多人叫. 最有特色的食物(出面唔係間間有) 係"燒炸魚片", 將成舊"香港四洲炸魚片"燒好, 你鍾意剪片逐塊食又得, 唔剪成舊慢慢咬又得, 幾得意丫^^

以前o黎間剩係外賣齋菜, 但近年已主力轉賣肉(串燒), 可能隔離串燒好賣...佢又賣埋一份啦!但係,唔知點解人o個邊好多人買, 佢就小好多??有日我行經覺得有小小餓...就去試下啦, 果然...唔好食, 不如你剩係賣齋仲好啦!!!