紫竹林素食

营业中

休息中

坐落在隱秘的工廈𥚃，環境不算優美，食物的質素卻是十分十分佳。初到餐廳時，除了我們沒有其他客人，令我們都有些懷疑餐廳的質素。但當第一道菜到我們的桌上，就知道懷疑都是多餘的。不論是炒茶炒飯，炸物小品，都令人食指大動，鑊氣十足。白飯都叫多幾碗。全晚我們點了兩款炸物，三款小菜。三款小菜都沒有過火，而且層次十足。特別推介KFC雞髀菇和芋頭魚兩款炸物。完全不油膩，外脆內軟，比一般素食餐廳高質很多。加上老闆有禮貌有熱誠，絕對推薦給各位素食者。

生日飯我最鍾意來紫竹林 ^0^ 這裡的食物是純素，最重要是充滿愛、祝福和溫暖，氣場好好， 食完好舒服， 充滿能量。 夫復何求！ 仲可以特別要求師傅幫忙做一個似生日旦糕嘅生果盤 ^0^ 超級窩心，健康又美味 :） 每次必食之選 ~ 越式米紙卷（ 清新）， 炒金邊粉（ 彈牙）， 沙薑手撕菇（ 嫩滑）， 天婦羅（ 香口）， 招牌叉燒（嘢味)...最近必食之選 ~ 純素蒸旦， 材料天然健康， 其他地方未見過㗎， 個個食過都讚不絕口！！！飯後最期待嘅係師傅做嘅愛心糖水， 真材實料 ，甜而不膩， 清潤又窩心 ^0^外賣必選之ㄧ， 招牌叉燒， 買返屋企與家人分享， 可以用嚟淥麵、炒菜， 好開胃！健康美味純素中餐必選~觀塘紫竹林素食^0^

見到評語話好好食，有家人要食素，所以來試試。蔬菜米卷，好清新，配合自製醬汁，十分開胃。芋頭魚，炸得好味有5油，而且裡面芋頭好厚，比一般素菜館好味。手工較子，好多料，味道層次都非常好。欖菜炒飯咸鮮美味。這間素菜館，值得再去。

熟悉中史的朋友可能在想，不是「竹林七賢」嗎？怎麼會變了「四」呢？🤔喔，不好意思，寫錯字了，應該是「涎」，不是「賢」。版主其實是想說在紫「竹林」吃了「四」款令人垂「涎」🤤的食品。只要夠多人，其實何止「竹林七涎」，來個「竹林十二涎」也是可能的🤣竹林一涎~KFC雞脾菇這食品乃是店方的招牌食品，深受素友熱烈追捧🎉🎉。師傳炸出來的雞脾菇，其特別之處，在於和「KFC雞脾」實在有些相似，兩者表層均有凹凸不平的疙瘩。和平滑表層相比，凹凸不平的表層會較有口感。此外，雞脾菇內裏能夠做到嫩滑多汁，原來亦是大有學問。當晚剛巧有機會和師傅👨‍🍳💬閒聊，才知道要有多汁效果，必須揀選較大件的雞脾菇。師傅又說，起初在鑽研如何烹調這食品時，做了很多的嘗試，才能在外表和味道上均取得理想效果。正所謂「枱上一舊菇，枱下多時功」，這道樸實無華的食品，可說是師傅的心血❤結晶。喜歡炸物的朋友，不妨一試。竹林二涎~川式回鍋肉出事的一道菜式🙈，所謂「出事」，是指我們多口惹「禍」。點菜時，我們問老板娘這道菜辣不辣，她說菜式是用豆板醬調味的，於是我們便說「辣🌶一些也不要緊」，結果………就出現了相片中所見，要先以水把回鍋肉浸一下才吃的情況😂

昨晚專程來吃新出的自製燒賣 和沙薑手撕雞，真的好好味！廚師還炒了一味金菇扒豆苗，讓我懷念媽媽煮的豆苗味道呢！ 燒賣好多料。自製的沙薑醬真的好吃。廚師另外煮的沙薑素鵝也是很好吃的。

我們一行21人到觀塘紫竹林享受豐富晚餐、 菜式非常豐富、首嚐黑松露叉燒、又有大盆菜、 椰子靚湯清熱解毒、 今日睇返啲相、 原來去年920 大家都一齊在紫竹林吃飯、希望明年920再見大家！………………………………20/9 （五）餐單:1）和風野菜沙律2）越式米紙卷3) 中盆菜4）西檸雞扒5）KFC雞脾菇6）豉汁煎釀三寶7) 薑蓉蒸鮮竹8）黑松露叉燒9) 沙薑五香鴨10) 葡汁焗四蔬11) 黃薑炒飯12) 椰子湯粟米南瓜濃湯

最值得讚的手工素餃，冬菇味及胡椒粉味濃，餡靚好食好滋味，皮很薄比較易穿。  比4分，但很可惜我唔記得影相  D湯都好好味，運氣好，會食到有益的紅菜頭蘿蔔。其他食物都是一般般 但都會想再黎試其他野食   *O*  老闆同老闆娘都好好 好親切  笑容都好暖好真切  好多野自己手工整   會感受到一份情係食物入面!  5星!環境我比3分，地方都算乾淨，食物仿似的像真度好高， 紫竹林係一間有心經營的餐廳，材料新鮮值得一試。住觀塘的你  誠意推介黎試下喔~~! !  

只此一家中餐館，讓我有家嘅感覺！^*0*^ 在紫竹林食飯就好似返到屋企食飯咁， 大廚就像家人用心烹調每ㄧ道菜， 希望回家嘅兄弟姊妹食得開心又健康; 食物新鮮美味、 絕不油膩 、人情味濃、充滿愛心、 地方舒適， 聽著柔和嘅音樂一路用膳，滋養身心靈_/\_

美味手工素餃，皮薄餡足，冬菇味及胡椒粉味濃郁（可能師傅知我偏好食香口嘢，所以味較濃），新鮮得來又非常滋味。說新鮮不是吹牛的，因為是劉師傅即刻包的，只是我打包回家，在適合時間自行以細火滾熱來吃。👍👍👍 對! 切記要細火煮，因為皮很薄，很易穿。❗❗❗$6一隻，打包的話，最好打包12隻共$72，那就最能善用特別從深圳訂製的膠盒（店主在我之後再去吃時透露訂做價不便宜呢～），因這盒可好好把12隻肥嘟嘟的餃子各有其位安身，不再怕黏在1起，煮時就不容易破穿。是多次聽得客人意見後作出的貼心安排。p.s. 等師傅包的時候，店員也細心先端上自家煲無味精素湯，在下也很喜歡喝他們的靚湯，運氣好的話，會喝到美味有益的紅菜頭蘿蔔素湯。

15人每人$135好滿足食物全是純素無蛋奶，老闆和老闆娘招呼都很好，非常讚的一餐！和朋友又再去吃紫竹林，15人的份量 20/9 （四）餐單:1）和風野菜沙律2）越式米紙卷(1份半)3）甜醋東坡肉沙葛4）素蝦醬炒雜菜5）沙薑脆皮五香鴨 （炸 & 蒸兩食）6）KFC雞脾菇7）月亮蝦餅(1份半)8）涼瓜炒素蛋(2份)9）招牌叉燒刈包(1份半)10）鮮淮山木耳蒸猴頭菇11）牛油果香椿雜菜炒飯12）紅菜頭蕃茄紫菜湯13）椒鹽花枝片14）餃子🥟 （蒸&煎兩食）15）素鰻魚炒飯

尋晚同一班素友一齊嚟到紫竹林食晚飯， 環境優靜，地方乾淨， 老闆同老闆娘非常之友善而且笑容可嘉 ，食物方面有部分食物偏鹹 ，但食材好足好好食， 提議畀老闆同老闆娘話有部份餸比較偏鹹， 佢哋都肯聆聽， 好食嘅菜係特別苦瓜炒腐竹， 裏面食落好似蛋一樣但其實係用腐竹做， 唔食苦瓜嘅我都覺得呢一道餸好好食， 佢哋嘅餃子十分美味，有湯或者煎兩款， 食素多年嘅我好耐冇食kfc， 嚟到呢度就一定要食佢哋kfc菇菇味道好，像真度好高，值得一試， 紫竹林係一間有心經營的素食店，材料新鮮值得推介!

非常好吃好味道！本星期已是第二次來吃！已經食過唔知幾多次。昨晚8個人晚餐吃了差不多十道菜也只是大概$13X, 覺得好抵食。而且這裡是純素食無蛋奶的餐廳，支推廣零殘忍的素食，主廚又煮得一手好菜式，所以我大力支持這家店。還有我要讚一下 老闆兩公婆，做生意好老實，唔會收多人錢，比貼示佢地會係都唔收，好得意架佢地。這家店的食物味道、零殘忍的素食店、主廚夫婦人品，我比5星星👍

臨近年尾，當然要找地方食團年飯，於openrice 搜尋到這間素食店，就抱著碰碰運氣的心態試這間店，點知......超有水準！！！一去到只有一檯食客，地方尚算寬敞，而且有四種茶選擇：玄米茶、蝶豆花茶、洛神花茶及菊花紅棗杞子茶。一行六人，食以下私房菜式。花樣年華： 係米紙卷加上素肉鬆，做頭盤一流！年年有餘：炸得超鬆化的芋頭魚，好味！羊肚菌姬松茸燉湯：夠香！但略嫌湯料太少。發財好市：荷塘年藕：所有蔬菜都非常鮮嫩爽口！招牌叉燒：超好味！ 比叉燒更叉燒！黑松露炒飯：有點像糯米的炒飯，未食已聞到極香的黑松露。大紅大紫：有點失望的甜品，還以為會有驚喜....只是普通的紫米露。

觀塘多美食眾所周知，這次我們來到成業工業大廈再次搜索美食。同事留意到有間素食餐廳我們從未光顧，這次決定試一試。午市供應套餐，有款餸菜，可選其中兩款，飯湯任添，只收45元，非常超值。左至右麵醬炒油麥菜可能天氣冷的緣故，油麥菜熱度不足，但不減其菜味，麵醬的味道滲入菜中，非常有風味。咕嚕雞球雖然是素菜，但很有雞肉的口感，酸甜味道十足，更有一片片菠蘿，至於紅椒則味道較辣。飯很香口，煮得恰到好處，湯也很鮮甜。

同同事去食私房菜素食，食物好精緻感覺到廚師的用心製作。味道很好，有清淡，有濃味，有鬆脆香口，咁多味菜的組合，感覺上特別用心組合迷網榴槤脆，超好食，外面似係粉絲包裹炸香，非常酥脆，又唔係一般的榴槤酥，裡面有多重口感，最突出當然係濃味的榴槤。和風野菜百合沙律，酸酸甜甜，百合特別鮮甜。湯好鮮，完全唔會因為冇肉而感覺寡。哩間餐廳係完全唔加味精，咁先厲害。豆腐，就好清好滑，對於喜歡哩種豆苗的我就岩曬，份量可以再多d就更加好，好好食黑松露烤鮑魚菇，黑松露的香味，我鍾意，鮑魚菇夠爽口，廚師好細心切好，稍微一分可以分開，唔使咁大塊一次入口。叉燒，真係似叉燒味，香甜脆，黑色的係欖角，當然叉燒味又冇肉味，豆乾係素食中必定食物。松子炒飯，飯炒得有鍋氣，粒粒分明，松子好香，口感豐富。雪蓮桃膠糖水，雪蓮係咪即係雪耳呢？😄桃膠煲得夠軟夠火候。全部食物都不太油膩，食品精緻，值得一試。