緣味小聚 (金百利廣場) (已結業)

疫情期間，好多餐廳都推出唔同嘅優惠，嚟到銅鑼灣亦都唔例外，經朋友介紹你試吓又平又抵食嘅蒸海鮮套餐，一攞個餐牌嚟睇已經用驚訝黎形容！！！ 個餐有一個燉湯，另外又有一籠蒸籠仔飯，再加點心，最最最抵食嘅當然就係主角蒸海鮮啦，當中有蝦有鮑魚有蜆😋😋😋😋，當然有咁多嘢未必樣樣質素都非常之好，但以咁嘅價錢嚟講，真心出去飲一湯燉湯都唔止喇！所以以呢個價錢絕對唔會令你失望，我同其他朋友分享後個個都爭住來試。

沒有最差，只有更差嘅大閘蟹加火鍋放題，$537完全係垃圾，碟碟蒸完出嚟嘅蟹，細隻都唔係問題，又唔新鮮，啲肉梅揼揼，拆開都唔開謂，仲有啲係臭嘅！肥牛好似中毒咁樣，羊腩煲又靭，點其他嘅點心都只係食得落口，唔可以話好食，全晚最好食嘅竟然係薑汁糕😑，真係非一般嘅放題，真係見過鬼都怕黑！🤬🤬🤬

想食到原汁原味既海鮮，一定要去食蒸海鮮🦞！今次來到銅鑼灣分店，期待已久呢！龍蝦海鮮蒸氣鍋餐 原價＄328，好多時都見到有做優惠價！價位相當不俗！服務殷勤！店員會協助你海鮮及計時。諗起都流口水經典龍蝦海鮮蒸氣鍋餐（原價 ＄328)🥢生猛厚肉龍蝦半隻每人半邊厚肉龍蝦，真係不得了，賣相好震撼，質素更是叫人驚喜，鮮甜至極，肥厚紮實！巨大雙鉗，再加埋肥美尾肉，超滿足🥢蟶子皇差唔多係我手指既兩倍！蟶子皇長過手指呀！蟶子鮮甜無沙，新鮮好味，驚喜🥢韓國鮮鮑魚爽口，而且帶韌性，味道唔係超濃卻充滿鮮味。有嚼勁，好啱我口味！🥢扎扎跳海生蝦店員蒸蝦的時間控制良好，蝦肉不老且嫩，爽脆彈牙 ，完全唔痴殼，叫人吃個不停！🥢爽甜貝殼類大蜆同花甲超鮮甜，飽滿漲卜卜，咬下去居然會爆汁！🥢點心小心流沙包、黑金流沙包、古法馬拉糕、千層薑汁糕！最驚喜係有小籠包供應，外皮厚薄適中，啖啖肉。每一樣點心都不錯！做得好過不少茶樓。🥢松草花滑雞蒸焗出來的雞肉夠，原汁原味，夾雜健脾益肺的蟲草花香味！好味哦！🥢有機三寶蔬最後會有d 蔬菜清清口腔，有南瓜好粉，最好食～蘿蔔、冬瓜、娃娃菜用鍋蒸完全不熱氣，很健康。

銅鑼灣金百利一向都係美食嘅集中地，而且鄰近SOGO非常方便。今日介紹嘅餐廳為海鮮蒸氣鍋放題，150分鐘內除咗可以食海鮮之外，仲可以選擇叫佢哋嘅手工點心、澳洲和牛同埋其他小食。🌟150分鐘法國生蠔海鮮蒸氣鍋套餐 $348呢一個套餐基本上以下食物都係任食，包括：法國生蠔、韓國鲜鮑魚、大海蝦、大白貝、鮮甜蟶子、時令貝殼類、澳洲M5和牛、安格斯肥牛、西班牙黑毛豬、舞蓽花滑雞、多款滋味小食、手工精經點心、火銀配料。所以見到啱食既食物可以叫多幾件。同一般蒸氣鍋一樣，先食海鮮，基本上全部海鮮食落去都好新鮮有咩腥味同冇咩沙。職員會親自為每枱客戶服務，幫客人準確控制海鮮烹調時間，唔使怕海鮮蒸過龍同埋有計時器計時包一定唔會唔記得食。食完海鮮之後，就可以打邊爐啦，除咗餐廳主打嘅澳洲M5和牛，亦都可以選擇其他肉類例如西班牙黑毛豬。同一般嘅海鮮放題唔同，餐廳亦提供唔同類型嘅點心俾我哋選擇，當中包括黑金流沙包、燒賣、小籠包、手打牛肉球。打完邊爐之後，就可以食粥，因為湯底加咗椰子水，所以食落都好重椰子香味。📌緣味小聚 @marginal.gathering 銅鑼灣記利佐治街1號金百利廣場7樓R4號舖🚇港鐵銅鑼灣站

好耐冇食蒸氣火鍋，今日要食一食過下口癮，位於銅鑼灣金百利地點方便，睇中呢間新鮮海鮮即叫即蒸，店中有專人服侍，幫你計時幫你開蠔殼等等，服務一流💯任食海鮮有生蠔🦪、海蝦、番薯蜆、大鮑魚食完蒸氣火鍋更可嚟個椰子水粥底火鍋。除咗火鍋配料有M5和牛、蟲草花雞、山竹牛肉、選擇之外亦有小食，例如鹹雞、口水雞、拍青瓜等等另外點心亦都多選擇，蝦餃、粉果、流沙包、合桃包不同糕點等等🥢飲品方面有自家茶，汽水啤酒任飲🍻

今晚我哋幾個人嚟食，首先位置真係非常窄，同埋啲櫈好似10幾年冇清潔過咁，仲有啲臭汗同噏味🥲真心唔明點解會咁污糟。。。打邊爐已經好濃烈嘅邊爐味，但我咁樣都聞到臭汗水味啲海鮮好似唔新鮮咁，真心唔好食，又貴喎🥲🥲🥲人頭300Up，又超級腥係個春卷同流沙奶皇包好食啲，其他都麻麻啲店員好似完全聽唔到我地講嘢咁，每次都要我哋重複兩三次。。。佢地仲成日決定我哋啲嘢放係邊個位置🧐雖然可以食180分鐘係唔錯但真係唔會再食，衛生環境又差

唔係第一次食粥底火鍋蒸海鮮，一向係蒸完海鮮蒸牛肉，雞肉等等..但係呢度職員話粥底火鍋只可蒸海鮮，牛肉只可作打邊爐用。但我走嗰時聽到個應該係熟客（個職員叫佢X先生）溫馨提示佢，如果繼續蒸牛肉球要加水，加左水啲粥就無咁好味！

訂咗17:00外賣自取$88 馳名客家走地雞一隻，17:12去到先開始慢慢做，問需唔需要整熱，心諗買外賣唔熱點食。還有這位姐姐還話我早上08:40經OPEN RICE 訂餐太早，嘈醒佢瞓覺，佢晚上02:00幾先瞓，醒咗又瞓唔番，攪到佢今日個人暈暈地………這樣那樣。建議餐廳重新設定訂餐時間，免得員工無覺好瞓。

一行5大1細，係KKday 買左set 餐加埋雜費 每人近$300 ，小童就收$144。都係正常價唔算貴。成個餐有龍蝦每人半隻（唔差）、細蜆（全臭）、大蜆（ok)、蟶子（正常）、鮑魚（好細）。第一批上既蜆全部臭攪到成窩精華粥唔要得。蝦🦐又梅！之後補番既先係得既。飽魚細都算😑第二次補番d蜆就正常🤨 點解唔一早拎d 食得既出嚟，要俾左d 唔食得既先呢？眼見隔離枱唔係買KKday 既都係咁上下不過全部都食得。即係買set就俾左d死既先，知道瀨嘢就拎番啲正常。粥底冇味極少料。尼個價錢真心唔值，一次教訓。永冇下次！！下次醒，都係去番良心店食穩陣。仲要食完龍蝦就走嚟sell 買劵$3000送$2000！吹脹

好耐之前親戚帶過我嚟食呢一間餐廳，記得價錢都好合理，而且個八寶飯都好足料，海鮮亦算新鮮。諗住今次帶朋友嚟呢間餐廳食，點知10分失望。一去到可能因為當其時係大閘蟹當造時間，餐廳推出左大閘蟹放題。於是餐廳手忙腳亂，仲要去到嘅時候先得知八寶飯套餐暫停供應。我哋被迫選擇另一個套餐。最後我哋選擇咗個餐就係一啲海鮮然後任食一啲打邊爐同點心。首先每人都會有一個燉湯，嗰日係蟲草花雞腳湯。味道還算可以唔會有味精味道好材料亦算合理。蒸海鮮方面包括有開邊龍蝦，桶蠔，元貝皇，鮑魚，大花蜆，聖子，龍躉，海蝦。其實種類係算多，而且都幾新鮮，唔會有沙。食到呢度本身都唔係話好嬲，到準備食粥底嘅時候就開始失望。佢嘅粥底唔係好成功，唔似粥，好稀。咁之後我哋就直接打邊爐，真係唔好對佢嘅嘢食有咩期望。佢啲肥牛好似啲組合肉，建議大家都唔好食咁多。佢打邊爐嘅肥牛叫安格斯肥牛，但係我以前食佢嘅八寶飯套餐嘅安格斯肥牛同呢個係完全唔一樣。我覺得完全受騙。咁但係始終都唔夠飽唔通就係食菜咩，所以我對佢呢一個餐完全好失望。如果大家唔係食佢嘅八寶蒸飯，基本上都唔使食佢嘅邊爐。除非你食完海鮮會飽！

今次嘅呢一個任食海鮮蒸鍋真係好正，去咗呢一間喺銅鑼灣嘅緣味小聚❤️一入到去嘅時候就已經俾啲到嘅香味吸引住！個個都食緊海鮮蒸鍋！場面非常之熱鬧🤩我自己都急不及待叫咗一份海鮮試吓！好好食嘅就當然唔少得呢一個鮑魚，呢一隻鮑魚大大隻，再加上非常之爽滑彈牙！係好好食嘅鮑魚，鮮甜味真係好足夠！另外呢度嘅蟹亦都好好食，超級多嘅蟹膏！就咁望住就已經覺得好正，入口嘅時候味道好香！真係非常之吸引，蟹肉嘅味道亦都好甜！仲有唔同嘅點心同埋小食！整體來講亦都係非常之豐富！係一間任食嘅餐廳來講！呢一度嘅性價比真係好高！抵食得來味道又好！

我早排同朋友討論一下有啲乜嘢餐廳好介紹嘅時候，朋友就介紹咗我話銅鑼灣區有一間好抵食嘅海鮮任食蒸鍋！於是就帶埋男朋友過咗去呢一間緣味小聚！一去到嘅時候真係非常之大嘅驚喜就係好抵食！180分鐘任食海鮮蒸，仲有打邊爐同埋其他唔同嘅小食！身為一個好鍾意食海鮮嘅人，當然唔少得要試吓唔同款式嘅海鮮啦！整體來講，呢度嘅海鮮都非常新鮮同埋好食嘅，我自己都好鍾意食呢度嘅琵琶蝦！琵琶蝦大大隻，蝦頭嘅位置仲要好多下高，一旦擺落口嘅時候啖啖肉真係好爽！卜卜蜆亦都係非常鮮甜，雖然細細粒，但係食落去都係好飽滿同埋好有鮮味！另外仲有呢度最出名嘅特色點心，都係好高質！唔同嘅糕點種類都各有特色，我都好建議大家試一試！

講到食海鮮，唔少人都諗起香港幾個地區有好靚嘅海鮮食得到！但係一般都係非常之昂貴，今次就想介紹一下喺呢一間餐廳可以食得到高質嘅海鮮之餘，但係只係需要一個平民嘅價錢！就係呢一間緣味小聚啦！呢一間餐廳主打嘅係任食海鮮蒸鍋！一望到呢度海鮮嘅款式就覺得餐廳真係非常揼本！好新鮮嘅海鮮再加埋蒸氣嘅烹調方式，可以食得到海鮮嘅原汁原味好正！而且呢度嘅海鮮亦都好高質，我自己都幾鍾意食呢度嘅琵琶蝦同埋扇貝！啖啖肉真係好滋味！除此之外，除咗可以食到海鮮！食完之後仲可以用粥底打邊爐，呢度嘅火鍋配料都好充足，牛肉同埋豚肉都係無限供應！

我一諗到食海鮮就真係非常之期待！朋友介紹咗我去呢一間喺銅鑼灣嘅緣味小聚，一諗到可以任食海鮮就真係覺得好吸引！而且仲要係我最鍾意嘅烹調方式，就係呢個用蒸氣去煮熟海鮮啦，可以食到海鮮嘅原汁原味真係好爽！呢一度嘅蒸氣海鮮真係好吸引，先見到呢一度嘅鮑魚真係非常新鮮大隻！適合口嘅時候先甜味十足，而且重點嘅係非常爽口彈牙！另外，呢度嘅扇貝亦都好出色，大大隻嘅扇貝，入口嘅時候非常鮮甜！加少少調味嘅醬汁就已經好非常好食！可以任食海鮮真係好吸引，呢間餐廳真係非常值得推介大家都可以過嚟呢度試吓！仲要有好多唔同嘅特色港式小食同埋點心！

之前朋友介紹咗我去呢一間緣味小聚！呢一度嘅套餐真係非常之抵食！所以就帶埋屋企人過咗去呢度食飯啦😍一去到嘅時候就比呢一度嘅海鮮蒸鍋吸引住，任食嘅海鮮蒸鍋而且仲要係入面嘅海鮮非常之新鮮！由於係咁食嘅關係，所以唔同嘅款式我自己都試咗一次，我自己好鍾意食呢一度嘅扇貝！清蒸嘅味道令到呢個扇貝真係可以原汁原味咁食得到！另外當然唔少得要試吓呢度嘅粥底打邊爐啦！好好食嘅粥底，非常香嘅湯！再加上，呢度除咗可以有任食嘅火鍋配料同埋海鮮之外，仲要係可以有唔同嘅特色港式點心可以食得到！好特別而且真係非常之豐富！