紅米 (已結業)

$68防疫套餐，有湯、薑黃飯、咖哩牛腩（仲有得揀其他肉）、西洋菜蜜。薑黃飯真係好足料嘅薑黃，咖哩味都好濃，牛腩望落黑媽媽以為會好乾，但咬落原來好林，啲肥脂都溶晒。西洋菜蜜就澀啲。食完個人好暖，仲送左支消毒洗手液。蒜蓉汁雜扒餐都好夠份量蒜蓉汁好味，扒都好大塊

今日天氣非常好，係慈雲山做完運動去食堆個靚晚飯，今次就揀左Red Rice食。雖然早食飯（6點9左右），但都有唔少人係餐廳，好彩一個人都易搵位....坐低後，當然睇menu(又忘粥影相）。有咖哩飯、蛋包飯、鐵板餐等等...因為好肚餓，所以揀左個鐵板西冷扒7成熟食，跟白湯，飲凍奶茶。白湯就正路野冇咩特別，凍奶茶就有點失色（可能d冰溶左？有點溝了水的味道）不過個扒不錯，唔會太膠，又做到7成...咬落淋淋地幾入味...可以再試...成個餐唔駛$90，算是平民扒餐，都抵食...食完好飽。

蕭若元作為香港中伏界的KOL，原來佢有開好多間冰室架，今次黎到慈雲山的原因是因為行完獅子山，就要吃個午餐啦～下午茶餐都幾抵食，加埋凍飲先４５元，仲要好大份，呢一點必須大讚。提供凍谷咕的餐廳越黎越少，呢杯好入味非常足料，好好飲；凍奶茶就太甜，味道正常。牛肉漢堡蛋包飯：牛肉漢堡及黑椒汁絕對出色，但蛋太熟及米飯唔好食太濕，呢一點扣好多分數。焗豬扒飯：作為王牌會有期待，不過跟兒時相比的大家樂比較，還是差少少，因為米飯明顯不是炒飯，純粹是普通飯加蕃茄醬然後焗，芝士又不夠多及焗得夠，而豬扒切好哂一片片就好方便。價錢公道、味道就部分好部分差、飲品唔錯，合格有餘，可以一戰。

本來好想支持黃店但食物水許實在太差勁只得價錢可取. 下午茶order左1)奶醬多 熱央 2)薯條係要加$5 奶醬多賣相還可以但多士一上台不脆不熱. 薯條更差勁唔知炸起左幾耐 得個硬字 熱都唔熱. 仲有杯熱央都飲唔落. 少有茶記熱飲差成咁. 亂咁沖. 茶無茶味, 啡無啡味. 全台3樣野無樣食得入口 都算小見. 仲有問樓面攞沙律醬居然話只得千島醬. 真係暈一暈. 希望你們真的可以改善下食物質素咪以為慈雲山人唔識食. 我一向都好小寫食評 但真心想你地好才狠批.

焗肉醬意粉味道很淡，除了表面那層芝士，下面的意粉都沒有味道，肉醬沒有存在感，不好不壞，失望。雞蛋三明治蛋挺足的，可能有3個蛋吧，包皮沒有煎過，可是也沒有味道，雞腿有血，而且流在盤子裡了，吃下去有血腥味。

焗豬排意粉很大碟，味道也很好，不會甜或者酸，芝士味挺濃，意粉挺多的，很有驚喜。雞腿腸仔鐵板，腸仔外脆内軟，煮得挺好吃，不過有點咸。雞腿煎到脆卜卜，又香又脆，肉質新鮮。黑椒汁是個亮點，有少少辣味得來又挺香。

一連兩日再來毓華里，今次試的也是慈雲山於開飯的榜三甲位置。這西餐給我印象很像六合街那間，不知是否分店，不過對卡座一直存有好感，而且這店的套餐選擇亦多。枱與枱之間很識事務的間了透明膠板。尚未夠晚上六時，所以索性點多個下午茶餐。見穿醫生袍的年青女子來落單，被幽了一默，差點以為進了診所。😷😂茶餐款式不細講，因款式是規規矩矩，食物都熱騰騰、應脆則脆，印象最深反而是那杯唂咕...平生以來首次飲的最似中藥苦茶的特濃唂咕，平時飲冷飲走甜熱飲不下糖的我居然要下足2包咖啡糖才喝得下，不過濃度挺像85%以上含可可成份的朱古力那種感覺。埋單時疑似cosplay醫生的女侍應送了支離子消毒液過來，我冷不防回應句：謝謝，醫生！

特飲😊🙈之前嘅草印仔卡換水果茶，去問就話冇曬水果茶叫我地揀特飲而家仲變曬做用 apps 儲分希望呢間餐廳嘅服務可以唔好越做越差，食物都係。有時等人嚟 serve 都等幾耐吓...

連續與朋友光顧了三天，價錢實惠，食物性價比頗高，最體貼是每次光顧送你至少6Oml高級消毒噴霧，每天3點又有1OO枝免費派給長者，在慈雲山藍店雲集的地區，如此照顧街坊及長者，真系算係咁。一般紅米會替人探體溫才入座，3天也沒有探體溫，可能這裡的員工太忙，加上不是很多人的原故，大長枱有膠板阻隔做分枱作用。今天下午茶叫了個蛋包飯漢堡，算是這裡的招牌菜，下午茶份量不少，女孩子當正餐也夠飽。蛋濃香嫩滑，蛋汁豐富，飽就略為濕了小小，漢堡扒超水準，牛有咬口，上乘免治牛混了香料洋蔥粒等等，非一般凍肉店來貨或老麥級別。

小店位於慈雲山, 在武漢肺炎疫情下, 見到門口仍是甚多人輪候, 所以最後選擇了此店一試!此店的環境看似是西餐廳, 但骨子裡應該算是茶餐廳基本上食物款式甚多有西式中式日式和韓式,整體而言食物的味道雖然唔算出眾, 但整體質素都唔差!而且論價錢亦十分實惠! 一個扒餐70至90元左右! 焗豬排飯也只不過是45元, 還包一杯餐飲, 性價比可算是十分唔錯!!!餐廳最窩心之處就是每兩個人惠顧就送一支搓手液,四人惠顧就送兩支搓手液, 如此類推!!! 這支50ml的搓手液現時在藥房也賣35元一枝!! 此小店對客人算是唔錯!!!!!!!!

最近時間比較多，瞓醒都已經係下晝，但係要食一個飯或者係麵又真係太飽，好在係屋企附近有間red rice....又唔使下下去到過海先食得到all day breakfast, 去到睇一睇Menu 多咗好多選擇，又有酸菜湯飯，又有焗飯， 炸雞翼等等，而且價錢平民，今日兩個人去食，焗飯同埋all day breakfast 各一，埋單$100有找，絕對係抵食之選，講一講個焗飯，豬扒焗到外脆內軟，而且芝士多到唔手軟，正！all day breakfast 有雞扒豬扒買魚柳可以揀，睇一睇塊魚柳。。大個自己塊面！呢個價錢簡直無敵！

晚餐，順便訂埋火雞大餐要等位，等左一陣坐底左之後，睇完“是日晚餐”唔太吸引就睇下主餐牌睇下有咩食啦，依家多左石板牛果啲，所以成間餐廳都充滿香氣睇中左個“地獄汁牛肉鐵板烏冬”一黎到“咋咋聲”，見到配料有洋葱/紫椰菜/葱花/粟米粒/紅蘿蔔絲/仲有兩條紅辣椒乾味道幾香，唔算好辣哩個烏冬，餐飲有兩杯選擇我要左“荔枝果子茶”好甜，但啲果子幾特别，有啲咬口

水牛芝士番茄柚子醋沙律 配胡麻醬 牛角包 餐湯 ($44連熱飲)個餐湯唔見咗🙀牛角包上咗好耐(頗焦) 個沙律先到估唔到芝士係炸嘅，上面係黑白芝麻同少少香料食落有柚子味不過揾唔倒柚子喺裡面😂

自從近日更新menu之後,發覺出了大問題除咗自選早餐之外,無晒獨立湯米,湯面餐。變咗一定要食大大份加埋煎蛋+多士之類嘅野。可能原意係益街坊,但係咁樣就有迫客人食多啲消費多啲嘅不良感覺。其本上依份配菜都足夠一般女士嘅早晨胃口,還有餐飲嘛。倘若加埋主菜嘅湯米,大家評論吓係咪會多咗啲呢???今次想講吓依個滑雞湯米都幾唔掂啲雞肉無味不特止,仲要係非常(鞋口)嘅真係食唔落希望睇到食評可以加以改善,挽回一直以來街坊對佢嘅捧場

好耐冇黎食過，原來已經重新裝修，餐牌都換埋。夜晚兩個人食買咗以前都有嘅蛋包飯，蛋包飯入面嘅炒飯係用茄汁炒嘅，蛋皮都夠滑，魚柳都算大塊，茄汁味都幾酸下。另外叫咗石鍋花膠雞湯飯！個湯幾好飲但係花膠就得一舊，另外兩舊係魚肚嚟嘅，有成四五夠雞件，但係都冇咩肉，仲有蘿蔔啦蟲草花娃娃菜，兩個人食$127買單，算嘅係咁啦！