純麵舍

营业中

休息中

同坊間一般濃厚掛汁湯底好唔同，純麵舍係走順口、清爽嘅淡麗路線~重點大大碗都係只需$77仲連埋蛋真係好抵食~湯汁清澈帶點細膩嘅魚介風味，再加上芝麻同京蔥就更加多元~ 因為湯汁比較稀所以完全無油膩感，夏天食真係特別爽麵質有咬口亦帶點小麥香，份量都好足唔使加量都夠晒~用咗本地蒓豚製造嘅叉燒雖然比較薄片但唔柴幾嫩嘅~去嗰日嘅 special 係本人唔鍾意嘅金平牛蒡，唯有 skip 了~p.s. 呢間係鰂魚涌少有地星期日都開嘅舖頭唷~支持！

2025年 3月7日 星期五放下晏嘅時間 試左呢間係鰂魚涌嘅*純麵舍 好好食啊 🤤今次係第二次幫襯 價錢$77碗物有所值 對於我來講份量係大嘅 麵自己搓 义燒自己滷 湯底自己淆 睇裝修 睇格局 閒談幾句 以為係日本人開嘅餐廳原來全店服務員都係香港人 好似小村落咁 可以休休閒閒咁品嚐麵嘅滋味讚! 佢哋既麵真係岩我食👍好多時下午兩點幾三點幾就已經沽清午餐時段要等到晚市先再有得食 真係西利 👍#誠意推介櫻花蝦湯沾麵 #提提大家#餐廳只收現金/ FPS

🍜 淡麗系豚魚介沾麵 HK$77・味道：甜甜地似燒汁味嘅醬油湯底，每一啖都飲到鰹魚香味🐟，aftertaste係有微微甘甜。呢到話就話沾麵，但其實係走蘸湯嘅拉麵，湯底可以就咁飲～配埋芝麻粒同京蔥更加香口。豚肉好冇豬羶味🐷，夠晒大塊，邊邊位仲有小小脂肪，好食👍🏻・口感：湯底鮮甜唔杰，肉質嫩滑唔柴。拉麵麵質硬身，粗幼正常，食落水份比例偏重，咬落有淡淡麥香。🍆 和式醬汁燒茄子 HK$15・味道：鹹甜燒汁醬燒茄子，茄子唔青，醃得夠入味。同樣加咗木魚碎同白芝麻粒，令到味道更多層次，冇咁單調！・口感：茄子夠軟腍易咬，但未到爛，啱啱好desu～🥗 蒓豚薯仔沙律 HK$15・味道：沙律醬＋煮豚肉汁，撈埋嘅醬一定冇死🥹非常上癮嘅好食！黑椒粒係畫龍點睛位，令到成個沙律冇咁膩，加返小小辣味刺激下，開胃🥔！・口感：唔係打晒做薯仔蓉，仲咬到薯仔粒的，個人幾like！🍜 辛辣系豚魚介沾面 HK$77・味道：依舊係微微甘甜嘅鰹魚湯底，但加咗辣汁🌶️，成件事再惹味再好多，甜＋鹹＋辣，三味兼備，每一啖都好上頭XD 比起淡麗系，本波更鍾意呢款小小刺激嘅湯底😛・口感：湯底鮮甜唔杰，肉質嫩滑唔柴。拉麵麵質硬身，粗幼正常，食落水

公司附近既沾麵店, 係鰂魚涌人龍店之一, 好奇之下入左去試。今日叫左special, 鰹魚湯加牛旁。湯底: 行淡麗路線, 比較稀, 唔太掛湯, 係呢間店既特色。湯頭用鰹魚煲成, 好重鰹魚味, 唔油唔咸, 飲落好清爽, 冇厚重感, 而且想一飲再飲。麵質:聽講係用彩沾麵既麵, 所以麵條會有麥粒同較彈牙配料:叉燒肉偏瘦, 就咁食有少少乾, 浸下湯再食就好好多。至於蛋, 有少少偏熟, 比較普通。服務： 係一間極細心既店, 一開始想望下有冇醋提供, 佢就問我係咪有咩需要。 啲人食完又會執下位等大家坐鬆動啲。以77蚊碗沾麵, 性價比高, 所以都好多人排隊。

北角嘅純麵舍，係我同同事有返食過一次嘅拉麵店。環境方面佢間舖就係偏細，而且近門口位嘅話會比較熱，如果大家夏天嚟的話。我自己多數會食佢嘅沾麵。佢醬油湯底非常濃帶有一種醬油特有嘅醇厚鹹香，但唔會過鹹。反而有一種淡淡嘅甘甜。每次食完沾麵就加湯飲都幾暖胃同埋飽肚。麵條方面，純麵舍選用粗身麵條，咬口彈牙，非常有嚼勁。尤其係天氣較凍嘅時候，呢碗熱辣辣嘅沾麵真係幾暖胃。叉燒嚟講嘅話唔算話超級高水準。佢嘅叉燒比較瘦，唔會係入口即溶嗰隻。整體嚟講個味道其實唔差，但係呢個水準嚟講貴咗啲。

一間隱藏係馬路邊嘅拉麵店🍜，堂食只有十個位，全部都係坐係bar枱位，對於一大班朋友一齊食就可能無咁合適。鋪頭只有三款沾麵可以選擇淡麗系豚介沾麵純MAKASE SPECIAL 麵兩款沾麵無論係沾麵湯同麵都係一樣，SPECIAL只係多左一個配菜，今次係牛蒡同胡蘿蔔絲。首先講下個沾麵汁，同一般食沾麵湯汁好唔同，係稀身嘅，可能無一般咁掛汁，但食落好清爽，好啱夏天食，汁裹面會有好多大蔥絲同芝麻，令食嘅時候口感同味，道都有所提升。而麵條經過恰當的烹煮,不但沒有過度軟爛,反而保留了適度的韌性和勁道。成個沾麵嘅份量係十分足夠，價錢黎講，真係算性格比高，比較可惜嘅係位置問題無得同一大班朋友一齊食。

Randomly came across this restaurant while scrolling through Google Maps. Intrigued, I decided to visit it twice. The first time, I went with my sis, and the second time, I brought my entire family along..Both my sis and I ordered the Spicy Fish Broth Tsukemen with Pork for our first visit. The fish broth had a delightful bonito aroma, its spiciness complemented the tsukemen nicely. The pork portion was generous and it was not fatty at all. Additionally, the egg yolk was runny.For the second vis

有時我都好自私，唔係太想介紹私藏小店！旺咗，人多就難等位🥴！不過我都希望支持出色嘅餐廳😙，今日就向大家介紹位于鰂魚涌嘅---純麵舍🍜。講明先！日元低水，唔少去過日本都會覺得香港拉麵係唔抵食🌝！純麵舍就算係好抵食！佢菜單好簡單，分別有「淡麗系豚魚介沾麵」，「辛辣系豚魚介沾麵」同埋「限定特製菜單」。我今次就試咗「淡麗系豚魚介沾麵」，湯底非常鮮甜，但都保持清爽。😋 湯底有d 蔥絲增加咗唔少風味！麵底係太麵，餸就有豚肉、蛋、紫菜同海帶，面頭就撒咗d香蔥同埋芝麻，好香好好食。🥹置於份量方面，我加咗$18升級特盛，肉同麵都加d, 好足料！絕對夠一個男人食，女士就可以應該唔需要升級。大家都試吓啦！

對住鰂魚涌地鐵站既純麵舍，每次經過都有小小人龍，今日lunchtime黎到同朋友仔排左一陣隊就入得去嚕。等位個陣，店員姨姨會先俾餐牌人客睇，再仔細咁介紹沾麵款式，入到去就座至到埋單，每個店員都好親切，小店人情味十足！🥢純makase special麵Specical款姐係同普通一樣價錢但會有埋當日蔬菜，我同朋友仔去幫襯個日就係煎翠肉瓜🥰第一啖先試沾麵汁，入口好清甜再品嘗到淡淡既魚介香，有別於一般重口味既醬汁。沾麵汁屬淡麗系，質感比較薄同稀身，掛汁力偏弱，但麵條放入沾麵汁一齊食又幾夾，似清淡魚介湯拉麵，食完無油膩飽滯感。仲有巨量大蔥，芝麻同鰹魚碎，令到湯汁更甜口！麵條係黎自彩aya，粗身爽口，麵身有好多麥粒充滿麥香，而且份量好足！配料亦值得一提，有三大片薄切叉燒，糖芯蛋，紫菜，昆布！餐廳用上本地豬，望落好似好瘦好柴，但入口出奇地嫩滑。所有食材都好輕盈，簡簡單單咁烹調，配合得毫無違和感🫶🏻🍆和式醬汁燒茄子有四大舊茄子而且售價只係十五蚊，係百物騰貴既香港真係買少見少。雖然係咁，但處理得一啲都唔馬虎。鰹魚片同茄子分別都燒過，再配上鹹鹹辣辣既醬汁，都幾開胃！📍純麵舍 鰂魚涌英皇道963-967A

之前行過幾次都已經想試佢個沾麵，今晚終於有機會試。純makase special麵其實即係淡麗系豚魚介沾麵，special嘅意思係多咗幾塊脆肉瓜。個沾麵汁係香嘅，但偏稀，唔夠杰。個麵還可以，但因為個汁好稀，所以其實係唔掛汁的。叉燒都好稔，合格。蛋都流心，合格。其實成碟嘢最有驚喜反而係個脆肉瓜個脆肉瓜係煎香咗，好好食總結：唔難食，但係又未去到好好食。哩個價錢嚟講我覺得可以一試，但係又未必會再返轉頭幫襯

上網睇資料先知道原來呢間係由彩拉麵班底開嘅新舖🍜大學時期已經經常幫襯「彩」係質素嘅保證不過舖位比較細 平日夜晚7點幾去到 都等左一陣先有位每日有3款沾麵湯底 淡麗系豚魚介沾麵、辛辣系豚魚介沾麵 同埋 與每日不同嘅Special ($77/碗) 小麥麵底同配料一樣嘅 有叉燒🐖、溏心蛋🐣、海帶 係個湯底唔同我今次試左淡麗系豚魚介沾麵 湯底比起以前食過嘅其他沾麵清新 唔油膩 不過我覺得比較普通 下次去會試其他味👍🏽麵質好彈牙帶 而其他配料嘅份量亦好足😋

一人前 第一次食呢間小店快食之選 選擇不多 但勝在快靚正$15有辣拌茄子小碟 有少少咸 唔算辣落單十分鐘上湯+麵湯夠熱 麵夠彈牙爽口食完個口唔咸 吧枱上有水供應 全自助式埋單現金或8達通

一次由服務到食物質素都好舒服嘅用餐體驗。服務：帶位姐姐好體貼，雖然佢都幾忙但都會主動而有禮講解菜單，估唔到小店都可以做到咁，重要係今時今日嘅香港，一般店舖都係你自己睇自己要去問。食物：好輕盈清新，但好足份量，無太花巧，肉和麵及沾湯都有各自嘅特點及味道，但配合起來又無違和感，小食見到隔離叫左最後一客，有得睇無得食唔到無得評。地方：一個字細。但乾淨整齊ok。人多係有D迫，但店員都同我地講抱歉地方細另我地坐得唔舒適。佢地員工係堅體貼有。價錢：沾麵77，小食15，飲品10同5，呢個價同質CP值極高。*一定會再返去食返佢個小食， 個薯仔沙律好似坐山咁。

位置在測魚涌既小店，多位在太古坊工作既朋友一直推介，最後我同朋友今晚一齊去試吓，店舖應該坐到十個人，入到店裏，員工親切推介3 款麵同小食，最後叫左個小食，燒茄子同沽麵。燒茄子🍆非常好味👍🏻，性價比非常高，只是15 蚊。另外沾麵有豚肉、昆布、溏心蛋。湯味道非常既清甜，完全沒有油膩感覺，豚肉肥瘦適中，最後2 個人埋單不用200元，性價比高，值得再試。

這家餐廳自認為自己的食物都很好吃，不停推介，但實際上並不是這樣。每次都會用『有禮』的方式硬銷自己的「限量」小食，這種行為可能會讓顧客感到不舒服。此外，餐廳的整潔衛生程度也很差，甚至可以看到他們食物材料擺放位置不整潔的情況，這樣的環境可能會影響食物的品質和安全性。為了確保食物品質和衛生環境，建議顧客可以考慮到其他餐廳用餐。在選擇餐廳時，可以先查詢網路評論或詢問朋友的建議，以確保用餐的品質和衛生環境，希望讓其他人可以參考。