緬甸招牌湯米線 (已結業)

1. 米線都未熟 就俾客人食2. 廚師唔戴口罩3.湯底一點也不雞湯也不是鮮魚4. 唔值$48 5. 凍擰茶用番整緬甸奶茶既茶底，感覺怪怪6. 完全唔夠人手 得一個人希望可以好好改善

以前喺勝利道間細舖食過好幾次，搬咗舖之後第一次。主要做街坊生意，老闆係中緬混血兒。曼德勒鮮茄豬扒撈麵- $52撈麵係有少少蕃茄湯墊底，較為濕身，蕃茄湯底煮得好味，真蕃茄湯底，唔係加咗好多茄汁嗰隻，唔會好酸，味道偏甜，麵煮得軟身，而且都好入味，豬扒大大塊，味道就正正常常，唔算太有驚喜，分數為6/10🧐。Lunchtime 時間去，所以送野飲，我點左緬甸熱奶茶，似泰式奶茶，都幾香濃有啲可惜係衛生環境較一般，menu痴笠笠，碗筷都唔係特別乾淨，絕對有改善空間，不過應該人手唔夠，因為全間餐廳只有老闆一個人一腳踢😖😖😖

我其實真係有啲嬲。這裡之前有網上媒體宣傳話係香港小數的緬甸麵小店。所以今日我經開這裡就想去支持下啦。但經歷其差。第一、和澳門的風味完全唔同。湯底偏甜。像日本咖哩那種甜。色就像喇沙湯底那種色。有很多一條條唔食得的草。口感很差。味道很淡。但令我最失望嘅地方。係原來這裡是有下午茶的。但店員係完全無提起過。最出名的飲品係緬甸奶茶。但職員都無推介過。其實我點解要進來這間試。就因為佢有些其他餐廳無的食品呀。如果我要點普通飲品，在佢附近多的是⋯我反問返職員是否有下午茶。佢才答我有的。那我這個是否下午茶？她就表示唔係，下午茶份量比較少。但其實我見其他食客點選黎同我都係差唔多⋯我都無興趣食那麼多。但價錢差$20！價錢都唔係太大問題。但我發覺佢好似唔太足料。我見佢哋有一款食材黃豆脆餅，但我食完都唔覺有。還是那些散收收的脆片已經叫做脆餅？其實我真係食唔出有咩特別材料。魚味又唔太濃⋯本來想加其他餸，好彩忘記咗。唔係就更加嬲。老實講我對緬甸菜認識唔算深。所以好想試一試香港口味的。但如果呢間係代表香港的話。真係好失禮。服務員態度冷淡。唔想做無人迫你做。但如果你做特色菜就要有心理準備顧客會充滿好奇和對員工有要求。這

點了一碗招牌魚湯米線，根本不是緬甸風味，魚湯極腥，色水暗灰，薄脆淋晒！勉強食了那些餸，兩啖米線，已是極限，要投降！好揾笨！更完全破壞我對緬甸粉的好印象！不用試！永不再食！列入黑名單！

星期日中午只有我一個客, 心裏都知有伏。食一啖佢地嘅魚湯米已經覺得味道完全唔正宗, 只喺覺得好水又好腥!!! $56 加魚蛋完全唔值!!! 一定無下次!!!食完好心同老闆娘反映, 但佢地完全無心聽顧客嘅意見。餐廳應該是家庭式, 看到之前的一些好評, 我認為佢地水凖應該好漂忽，廚藝根本未去到可以開店。無心做或者唔識做就不要宣傳是什麼緬甸正宗招牌米線, 這樣只會令香港人覺得緬甸菜一D都唔好食 食緬甸菜還是去澳門吧!!! 真心唔建議。

我食完之後覺得d好評 一定系搵打手！好難再相信食評就系因爲甘多好評，特登揸車黎試！1.黃薑雞飯2.黃薑雞翼3.濃味魚湯米線4.茄撈麵個雞飯 d雞咸到連飯一齊食 都系勁咸雞翼外層用勁多粉炸都算，又系勁咸一個喇沙湯底既米線，竟然加檸檬汁令個米線系酸甘怪茄撈蝦子麵系乜玩法？一間鋪頭再難食，都總有一樣野系令人欣賞但哩間..真系完全零 純粹為醫肚 要勉強食多幾啖仲要食食下 有隻甲甴爬上枱，衛生程度差到爆！d侍應完全無服務可言 本來仲叫左個皮蛋好彩佢漏單。。。

先講一入餐廳，唔好太大期望有好濃嘅緬甸色彩裝潢，比較係家庭式經營感覺，樸實而選擇多嘅緬甸茶記。餐牌款式除左飯面，都有中式小菜，感覺好住家。呢碗緬甸椰香雞麵，汁底夠濃偏甜，但入口唔膩，雞肉份量大概一隻雞脾。個人覺得如果個麵再溫熱少少會更好味。家人叫嘅咖喱雞飯未食已經有好清香嘅香茅味，香茅襯咖喱汁好開胃，啱晒唔太食辣又想食咖喱嘅朋友。最後呢碗濃魚湯緬甸米線係終極推介，湯底混左椰汁同少酸辣，配菜有炸過嘅面筋，米線食落唔似出面食到嘅，比較幼身易入口。 由於個湯底好夠味，現場見不少客人叫呢碗米線再加餸，有豬皮豬耳豬肚等等，似乎熟客都好識食!

今日又同朋友仔去搵嘢食😋平時成日食旺角油麻地今日朋友仔就帶我行遠少少去何文田搵好嘢食🤓見到間🇲🇲緬甸嘢好似幾特別下午茶又唔貴嗌咗個Mohinga 鮮魚濃湯米線🍜 $28個湯底好濃稠 有啲類似中藥嘅香料味 但係太濃 好似怪怪地咁唔係好啱我口味配料有炸豆餅🥠 魚片🐠同埋豆卜炸豆餅記得唔好浸咁耐會腍咗🙈細細碗米線份量啱啱好 啲米線偏淋下午茶包埋嘢飲仲有緬甸奶茶揀☕ 但可能我係第一次飲所以都係唔太啱我口味 同個湯底一樣有啲怪怪地嘅中藥味

在何文田返工，lunch周圍發掘新小食店，因為喜歡米線就走進這店。格局就是一間地鋪食店，約可容納20多人。下午茶時間人流稍微緩和，不用排隊就可以就坐。價錢都幾抵，不用30元有主菜和飲品。Mohinga 鮮魚濃湯米線的湯底罕有濃烈魚香味，又沒有腥味，夠鮮甜美味，不過米線偏硬，我喜歡較軟的中式米線。配簡單幾顆豆卜、半隻熟蛋和脆片都夠飽了。曼德勒紅燒腩肉配椰香飯有點像紅燒肉，不過醬汁甜度較高，椰香飯滲出淡淡椰漿味，又幾開胃。黃薑脆脆雞翼這個小食即叫即炸，大量的黃薑粉，味道不咸又不算辣，但吃完想再吃。價錢很平民，食物較茶記特別，口味都適合我，可以再戰下午茶！

早一陣子經過Mohinga看到下午茶餐牌無論是食物還是價錢都很吸引，今天有機會來食個下午茶了。上次在午餐時段試過招牌的鮮魚濃湯米線，幾好味，本想食沙律但怕天氣清涼會太凍，所以最後還是吃A餐，跟餐飲一杯。甚麼是緬甸奶茶？我也不太清楚，糖飲品裡本身已經有了，味道跟平時茶餐廳奶茶的不同，沒有那麼濃，偏甜中帶點獨特香味，甜度也令飲品很容易入口，有興趣的可以試試。下午茶版的Mohinga鮮魚濃湯米線是比正價餐牌的米線細碗，但份量以下午茶來說也不算少，女仔會飽。跟午餐一樣都會有半隻雞蛋和一塊好吃的緬甸黃豆脆餅，只是豆卜、魚片和米線的份量少點。我喜歡米線不會做得很淋，反而沒有煮到完全熟透保留一點點口感較好吃；配上魚湯真是絕配。魚湯一如既往香濃，質地厚身，吃得出加入了不同的香料來提升味道。$28在何文田區吃一個特色下午茶是超值的了。不單是價錢，味道也有保證，用上有益的食材感覺比一般店鋪健康，少添加，會再來啊

還記得年前在澳門吃了一碗緬甸魚湯粉，味道令人難以忘懷。何文田終於有一間以魚湯粉及米線的餐館，讓我重溫它的好味道。Mohinga 鮮魚濃湯米線  $48先呷一口魚湯，口感非常濃稠，而且可以飲到一絲絲的魚碎。除了有魚的鮮甜外，亦帶點香茅，芫茜，薑黃等香料味，就有點像咖哩的味道吧！配料有炸豆餅，是緬甸魚湯粉特有的配料呢！浸湯久了仍然保持香脆，可以食到粒粒黃豆的口感。另有很多魚片及豆卜，豆卜好吸湯，好吃！米線亦相當彈牙。緬甸風味咖哩雞撈麵      $52有好多咖哩汁。咖哩是南洋咖哩的味道，就是有點像楊x 成咖哩等味道。微辣中帶香甜，怕辣的人都食到。另加入大量炸蒜，香茅，金不換等，相當惹味。雞肉有三大件，煮得透徹，令雞肉很易離骨，而且非常入味，雞肉嫩滑得很。薯仔也是煮得軟糯入味。用上類似蝦子麵的麵，非常爽口，而且好"吸汁", 吃到一半會發現咖哩汁幾乎被吸收掉了！緬甸黃薑脆脆雞翼          $48嚐不到有"薑"的味道，但有甜甜的味道。雞翼本身也炸得金黃香脆，不錯吃！緬甸，可能是我一世人也不會踏足到的國家。在香港能用味蕾品嚐當地的

Mohinga鮮魚濃湯米線🍜$28 (下午茶)何文田有間緬甸食店，相信好多人留意過😄之前經過幾次，都未有機會入去🙈今日咁啱又經過，見到寫下午茶一律$28，結果就吸引左入去😎然後叫左招牌魚濃湯米線😉湯底真係好濃郁，真才實料👍味道就好有特色🙃跟餐包埋熱飲，朕叫左杯咖啡☕️店員說落左煉奶🙂咖啡味道幾特別😁特別得黎又幾啱朕胃口☺️ 

得知緬甸招牌湯米線在勝利道開店一段時間後，也在附近多開一間分店。既然那麼受歡迎，今天就跟朋友來試試緬甸菜是甚麼味道的。這裡的招牌是鮮魚濃湯，自家製的，我當然點這個。我們也另外點了兩個小食，多點餸分著吃。Mohinga鮮魚濃湯米線($48)，分量不算少。黃色的湯，有一定的濃度質感較厚，上菜時聞到很香的魚味再加上了一些香料製成，喝下去香味濃郁，是用心機做的味道。餸沒有肉，有半隻雞蛋、豆腐卜、魚片還有是特別的緬甸黃豆脆餅。值得一提的必定是黃豆脆餅。剛上菜我沒有立刻食，待了一會又放在湯裡一會才食，外軟內脆，還有很香的豆味，再吸收香濃的魚湯，好吃朋友極愛食雞翼，就叫了一客緬甸黃薑脆脆雞翼($48)。雞翼是新鮮炸起的，不過大小較細肉不多，也沒有甚麼黃薑味，感覺只是普通的炸雞翼，小小的5件每件差不多要$10。另外的是酥炸黃金脆蝦餅($48)。脆蝦餅也是剛剛炸好，每件也較細較薄，蝦味不算濃，很脆，香口食物點一個來share做小食都可以。初次嘗試緬甸菜，感覺幾新鮮，味道不錯，特別是招牌的魚湯米線感覺健康，沒有肉類，以魚製成又沒有加味精也可以很好吃啊。這裡還有其他具緬甸特色的食物，下次再來試試

一個人的·晚餐，選擇不多，但也有很好的選擇，位於窩打老道的緬甸招牌湯米線，就是最好的例子。本人未曾到過緬甸，對於好奇心的驅使下，我又來到這裏，相同的名字，不同的位置，相對勝利道的老店，新店這裏有更寬敞的空間，放有8張四人枱，位與位的距離也大了。餐廳佈置充滿農村風貌，也有許多小擺設，雖然全店已安置分體冷氣空調，但仍放有古銅舊式掛牆風扇，增添簡樸風味。翻開菜單，菜色跟老店的相同，之前試過招牌魚湯米線，見人家的番茄撈麵已被吸引，於是二話不說便先點了曼德勒鮮茄撈麵，跟著想加點前菜，便再向服務生查詢，他先介紹了特色茶葉沙律，茶葉？我也是第一次聽聞用茶葉做菜，基於大毋懼的精神，一於試下。不過那香噴噴的炸雞翼自上次光顧後已很想試，那香噴噴的味道已相當吸引。今天有幸湊巧來到，怎可錯過機會？點完小食，那番茄麵已到，剛好點選了的本想作為前菜的菜色便都變成飯後配菜了，廢話少說，趁麵還是熱騰騰的，不要等了，來一口，入口有濃郁的鮮茄味，帶有些微酸，感覺開胃，麵條我選了稔身的，配上鮮茄汁，不一會便吃完了。趕上的是雞翼和沙律，先試過雞翼，因炸雞翼的熱温等不了，涼了便失了味道，一小口咬下去，香脆無比，但内𥚃肉汁豐富，

和老公在油麻地吃飯,他在窩打老道發現了ㄧ家緬甸餐廳,想試試看。香港食肆多元化,東南亞美食各式各樣都有,日、韓、星、馬、泰、越、印度、印尼都很多,但緬甸菜不多。店內掛了幾款招牌食品的特寫照,顏色鮮艷的蕃茄麵特别搶眼,必吃無疑!曼德勒鮮茄滋味撈麵~ $ 48舖滿新鮮蕃茄和醬汁,綴以蛋絲,醒胃又好味!酥脆金脆蝦餅 ~ $48蝦餠炸得香脆,乾身而不膩!加點酸甜醬更惹味!曼德勒紅燒腩肉配飯~$ 55豐腴的五花腩肉以秘製醬汁炆煮。帶點點南乳香,頗特别!緬甸咖啡(熱)~ $20緬甸香濃幼滑奶茶(熱)~ $20咖啡和奶茶不錯!與店員閒聊,得悉是老板娘從家鄉緬甸入口的正宗地道咖啡和紅茶葉冲製。越南有滴漏咖啡,馬來西亞有拉茶,緬甸飲品另有ㄧ番味道!特色小店,街坊價錢,店員親切友善!食肆不論大小,只要有特色美食和用心經營,自會有回頭客。未嚐皇牌米線和廚師推介,希望找天再來吃Mohinga 鮮魚濃湯米線,還有黄薑飯!,