美味廚 (已結業)

去美味廚當然要食佢的招牌菜排骨菜飯啦！豬排外層酥脆，而且有用蜜糖(?)調味，甜甜的好開胃菜飯略嫌有少少油，不過菜切得夠細粒有口感我嗌咗套餐配一碗花旗蔘竹絲雞湯，應該冇落味精，係好清好滋潤的老火湯太肚餓啦，唔記得相機要食先另外仲叫咗酸辣雲吞，美味廚的酸辣湯都好值得推薦，酸同辣嘅比例都啱啱好，雲吞好大粒，個餡超足料

趁上午11時30分嚟食lunch， 否則一到下午時段，要等位，又多人。 超值套餐:排骨菜飯，酸辣湯$83 ，再加一。可能係全香港最好食嘅排骨菜飯排骨肥瘦適中 ,外皮調味得非常好, 真係食過返尋味。菜飯沒有什麼味道，但有菜香,飯又滑又香酸辣湯味道酸辣適中~雖然我在上海飲酸辣湯，也不是這種味道。但若你試過美味厨的酸辣湯後，其餘的酸辣湯，從此失色。午市特價全包套餐$60，免加一，免茶錢。其實非常抵食。超值套餐要加一

由八九十年代一直吃到現在，以前的排骨都是大塊而且鬆軟，價格尚算合理（以銅鑼灣來說），但最出名嘅排骨已經不復當年，肉質又乾又硬，菜飯有時菜少到不得了，同白飯沒有分別，只是多了一些油在飯上面，其他菜飯如牛筋、切雞，份量也太少，排骨起碼都叫做一塊！有時候會叫炒菜，出來的結果得個肥字！服務態度就更加不能接受，如果你攞得多嘢你根本沒地方放，只會叫你用檯邊個小掛鉤，試問一個大背包怎樣掛上，分分鐘反檯。就算旁邊有地方放圓櫈都一於欠奉！睇嚟，我以後都唔會再去！！

We had heard two friends recommending the good food of this place so we came here for takeaway. We ordered three items: 排骨菜飯 ($55), 素雞 ($38) and 油燜荀 ($35) for each of us.The signature 排骨菜飯 was very disappointing as the 排骨 which were actually pork chop was very bad. There were only 4 pieces and they were so hard with very little meat and without much flavour at all! I couldn't believe that it was their signature dish.素雞 was much better as it was basically some fresh thin-sliced bean curd sheets b

上網睇左d介紹，去年宵前黎左呢度食午飯。叫左三個著名嘅上海菜，亦係呢度有名嘅菜式。排骨菜飯，燻魚菜飯同蠔餅。蠔餅唔同普通潮州蠔餅，呢款比較鬆軟同蛋比較多。炸出黎邊位香脆，內裏juicy。同普通蠔餅唔同，有d會得有蠔嘅位有蠔味，但呢個係每一啖都好平均好好味，有蠔嘅味道，再點埋個魚露，更加鮮甜。正！菜飯令我有d失望，但都算好食。因為佢菜飯d菜切得唔夠細粒，好似菜還菜飯還飯咁，如果細粒d就好啦。但味道係撈得足夠剛好好味而且唔會油膩。燻魚係上海菜中好有地位，呢度嘅燻魚雖然份量唔多但絕對會令你下次都黎食，燻魚外脆內軟，味道咸甜剛好，食落仲要有d 真係smoke過嘅感覺，我估唔知係咪上菜前做過火炙處理，淨係夠魚骨，筆者都啜左成5分鐘都好有味。鎮店嘅排骨，網上話炸個時加左蜜糖，所以食落會黐黐地牙。結果一食，係真係少少黐牙，但唔知係咪特登咁做，令味道更加留係口中，等你回味無窮，雖然會覺得豬排好甜，但又會覺得剛剛好。而且豬排又鬆軟，唔會乾哂鞋哂，總之食極都唔夠。筆者一定會再黎食，因為真係回味無窮。用餐日期:3/2/2019是餐費用:$170.5味道:9.5/10環境:7/10性價比:7.5/10

本身以為排骨會係偏香口個種 但係味道其實偏甜 而且比較軟身唔脆口個菜飯亦都略顯過油 入口有啲黏黏地嘅感覺整體黎講真係麻麻地 份量又偏細試過一次就夠...Was expecting a very crispy and savory pork chop, but ended u with a soft and cold one instead...Somehow the marinade was a bit too sweet, which kinda ruined the flavour of the pork overall.The veggie rice was also mixed with too much oil, giving it an unpleasant sticky texture that just felt wrong. Really wouldn't recommend visiting this place for their pork chop w/ vegetable rice.

由細吃到大的老店，八十年代是去佢隔離嗰間「牛小姐」居多， 其實兩間賣的東西基本是一樣，味道也一樣。可能「牛小姐」門口的雕像吸引小朋友多一點吧。到了九十年代移民了，但每次回港也一定到牛小姐或這裡吃。在二千年後牛小姐執了，只剩返呢一間，好彩味道比人情長久，十年如一日，反而曾經同枱吃飯的人，如今已各自修行，也不特別懷念，從來是執著味道比執著人情美好，多一點回味，少一點苦惱，活得輕安。而幾十年來，我也只點排骨菜飯同菜肉雲吞。 我覺得這兩度菜是這店最好吃的， 其他的都普普通通。 這店的排骨(其實係豬排)， 我覺得係香港最好食， 製作方法不同坊間一般做法。 喜歡豬扒表面焦糖化了的皮包住充滿油香又厚厚的肉，上海幫製法，調味比較甜--我特別喜歡較甜口味，因為有種溫馨的感覺，甜令人忘憂。配上菜飯又可平衡油膩的感覺，可惜當日菜的比例少了點。菜肉雲吞亦是香港最好食，皮不是很薄，是煙韌有咬口那種， 有飽腹感的皮， 是接近北方當主食 的做法。 餡料是極多菜少少肉那種，肉只是用來吊起菜香，不是主角，吃起來十分清爽， 食二三十隻都不會膩！ 湯底是雞湯加色(加幾滴鼓油)，幾鮮味。好彩冇跟足傳統上海做法，只用清水加色加

呢個絕對係我嘅兒時回憶！細個嘅時候，同屋企人間唔中都會嚟食，呢種美味同男朋友分享之後，佢一試便愛上。所以間唔中經過銅鑼灣，都會想嚟呢到食晚飯。裝修過後走黑色型格路線，我仲記得以前紅磚外賣袋個設計☺️店內間格比較窄，要係背與背之間行走，有點迫。🔹排骨菜飯 $55呢個係我摯愛♥️！美味廚入面我最專一嘅菜式之一。菜飯充滿切碎嘅白菜粒，飯香又軟熟，帶點小油而不膩。排骨係重點之一，鋪滿面嘅排骨已經散發出香酥味，皮脆肉嫩！而且你會見到店入面每張枱都總會有一碗排骨菜飯，可想而知佢嘅威力！強烈推薦！🔹燻魚菜飯 $55除咗排骨菜飯，燻魚亦都係一個喜歡吃魚人士嘅好選擇。雖然燻魚偏向多骨，但魚肉嫩口，配上燻魚汁配菜飯亦不錯！📍銅鑼灣Fashion Walk加寧街9-11號地下B舖．．環境分數：7.5/10食物分數：8/10Encore分數：8.5/10．．

因為想吃一餐簡簡單單、快速的上海菜，便想起這裡。已光顧過這裡數次，雖然坐得有點擠迫，但味道還可以，簡單一餐吧😉我最喜愛上海料理的燻魚，而他愛排骨，那麼便點了燻魚排骨菜飯$72味道不錯，我較愛燻魚。菜肉雲吞$55與其他上海小店相比，味道不過不失今天我們很餓喔！再點了鱔糊菜飯$75怕油膩的你別點這個。味道不錯，如有多一點點的鱔魚肉會更好喔！整體而言，這裏的食物味道也不錯，但座位實在太緊貼，有點不自在。

Simple Hong Kong and Taiwan dishes. Food is served quickly. Can get crowded especially on weekends. Ladies are pleasant.

美味廚迄立喺銅鑼灣都好耐！都算係老舖☺。我由初中開始都幫襯了唔短嘅日子喇😤，每逢想食排骨菜飯、菜肉雲吞、酸辣湯、炒三鮮、回鍋肉…………😏都第一時間壤著要去食！加上當時香港都未有咁多選擇，同家住銅鑼灣必然係幫襯嘅首選之一啦！😉美味廚當年最出名算係“排骨菜飯”！排骨香酥甜甜鬆軟，菜飯濕潤又多菜，一流👍但隨時間流逝呢味名物都有段時間出品差了不少😧飯硬無味，肉硬，嘩簡直😦可能同師父自已去咗天后開舖有關，師父仔又未掌握得到！今日中午我再去光顧，今次叫午市餐-排骨菜飯+豆漿☺排骨比我上次叫外買時鬆軟有肉(但就少咗甜甜味道，菜飯勉強ok(但就比較淡同菜少咗！)總括水準都好返啲！😉

TGIF。終於捱到一星期最渴望的一天⋯星期五晚上過來銅鑼灣睇戲，都要醫下肚先嘅，友人帶咗我去食呢一間美味廚，估不到的驚喜喔。雖然都成七點鐘，但入去唔駛等就有得坐。佢哋啲牆壁掛左啲畫同木製餐牌上去，簡單得來又幾好睇。朋友話呢度嘅排骨菜飯好出名，好好食強力推介。又見到隔離枱飲緊酸辣湯， 咩都想試下我哋揀咗個超值套餐，酸辣湯配排骨菜飯 $80酸辣湯類似碗仔翅，好耐冇飲過，酸酸辣辣十分開胃。排骨菜飯大大碗，兩人一齊食都好夠，排骨堅係好食。另外我哋叫左雞絲粉皮（$55）同埋香炸肉排（$75）雞絲粉皮淋滿濃濃的花生醬， 十分好味。另外香炸肉牌，睇英文以為係豬扒，其實都一樣係排骨，重複左，但係由於佢哋嘅排骨整得真係好好食，今餐好滿足

今日，我和朋友到銅鑼灣行街👭，行完sogo後已經是下午二時，我們就決定喺附近醫咗肚先再行過。🍽行下行下，見到呢一間食上海菜嘅餐廳門外有五六個人攞飛排隊，咁我哋都決定攞飛排埋一份，唔使10分鐘，我哋已經可以入座 ，位同坐位之間比較迫，其實冇咩位置可以放袋和戰利品，個侍應見到我手忙腳亂，便提醒我桌下有個鈎可以將你嘅物品一一掛起， 都算好貼心，讚！坐低之後，我哋睇緊有啲乜嘢食，環顧四周，見到10枱客人，幾乎有9枱人都係點排骨菜飯 ，所以我哋兩個女仔都決定每人點一個排骨菜飯。🍚嘩*^O^*排骨好新鮮，外層脆脆的，甜甜的，相信係因為塗咗蜜糖之類嘅調味，但食落完全唔會覺得肥膩，可能係因為個菜飯，啲白菜同飯係撈埋一齊嘅，仲食到好香嘅菜味。我和朋友一啖肉，一啖菜，感覺冇咁邪惡呀！哈哈！ 我哋兩個女仔食到飽飽，全碗都食曬。這個排骨菜飯真是一個不錯的選擇。

地點係Sogo附近，又方便，餐廳好新淨，又坐得舒服4個女仔叫左個2人套餐加砂鍋雲吞雞，剛剛好估唔到銅鑼灣都有咁抵食，2人套餐有2大碗菜飯，酸辣湯，酥炸豬排，豆腐，菜等等，全部都好足料。必試酥炸豬排，肉質鬆軟，唔鞋口，唯中美中不足似乎唔係即炸上枱，得少少微暖。難得係價錢仲要唔貴，就算散叫每碟小碟都係幾十蚊到1百蚊內，平時係其他上海菜館除左居村區之外好多時都過百蚊碟，所以美味㕑仲要係旺區，性價比絕對值得去試。

係銅鑼灣成日食西餐日本菜韓國炸雞，有時食下中菜都幾好，而且價錢又唔貴又好食！椒鹽豆腐皮好薄，又唔會因為薄而令到個豆腐唔脆！豆腐都滑身，而且份量都算多。豬排上海粗炒粗炒係我每次食上海野都必叫既！豬排上海粗炒同就咁粗炒價錢差唔多，我呢個食肉獸緊係叫有豬排既上海粗炒啦！粗炒入面有筍、冬菇，食落冇咁卦之餘，佢個調味岩岩好啊，唔會太甜又唔會太鹹，岩岩好！豬排好多，好大舊！啖啖肉，正啊！年糕回鍋肉因為怕就咁叫回鍋肉會太多肉，太邪惡！見佢有年糕回鍋肉，感覺上冇咁邪惡，哈哈！年糕煮得好淋，唔係好煙韌個種年糕，回鍋肉既豬肉切得好薄，食落去好滑，就算食肥膏既位都唔覺得好漏好肥！再加埋d菜一齊食，呢道菜我十分推介！