美味餃子店 (已搬遷) 新店位置

食左車仔麵..$13蚊2個餸~要了豬大腸+魚蛋配粗麵 , 粗麵味道唔得 , 豬太腸就好味叫了招牌野葛菜生魚湯細 ($8) , 太"星"味道就一般.再叫了一個白菜煎餃大既...很香...很好食...之後再叫了韮菜餃都一樣好好食 , 煎得好好食

同學屋企冇飯開於是同佢一齊食晚餐: )一直都知道呢間鋪頭係附近但係成日路過都冇入去食過今次同學提議就正好試下呢間個個好評既熱店啦!6點30黎到都唔少人喎!坐得好逼.反而過左一陣d人走咁d我地換左去另一張冇人既枱樓面都幾細呀.得3,4張枱不過小本經營嘛.同埋大家一齊食感覺咪仲好味; )我地2個人叫左湯白菜水餃(大$21)同埋湯韭菜水餃(大$20).但係我最祈待既係個湯底; P一上枱迫不及待飲啖湯 - 好熱;但係好甜!試得出好足料再試餃 - 一樣鮮甜味美試一試同學既韭菜餃,分別就係比我既白菜餃香口最驚喜係呢度既秘製菜甫辣醬,又香又辣,配餃一流好彩同學勸我唔好加麵因為10隻餃真係唔少,而且飲晒碗湯真係飽到上心口; D最後好滿足咁捧住個肚咁離開仲同同學約定下次要試埋煎餃臨走仲見到老闆2公婆係後面好溫馨咁包緊餃子呢度d餃仲係每日由人手新鮮包架,夠晒誠意: D

已經唔係第一次黎食餃，早幾日同好朋友行街，見個天又黑，對腳又累，個肚又未餓．．．所以就黎左食餃喇．朋友比較喜歡煎餃，因為香口ｄ，而我自己就喜歡湯餃，一來冇咁熱氣，二來個湯底又甜，特別係個湯底，每次都必定一飲而盡．

其實以前o係附近返學既時候都o黎過~今次再o黎...多人到不得了...食左車仔麵..$13蚊2個餸~我要了豬大腸+腸仔配米線~湯底是舖頭的招牌~野葛菜生魚湯...我不吃魚的...但對呢個湯又無反感...ok喎~另外要了一個白菜煎餃...很香...很好食...下次要試下椰菜雲耳餃同韮菜餃

上星期特登0黎食..去到...點解冇開呀???7:00左右...咁早收檔??於是昨天又0黎多一次...有開la!~店子細細..人都幾多la!~叫了煎韮菜餃(小的)湯椰菜雲耳餃(大的)同油菜...男友話煎餃香..我鐘意湯餃的清...兩個都幾好食...d皮好薄野葛菜湯幾好飲..好大碗...

差不多7點到的，居然沒什麽人，馬上就有位子。來到餃子舘當然吃餃子了。但是餃子的種類其實只有3种：云耳椰菜，白菜肉和韭菜肉的。 我點的煎餃，同學點的湯餃。7個餃子$17還真是不便宜。但是味道還真不錯，不油不膩，外面炸得脆脆的，很香。同學的湯餃子也不錯。還點了一個葛根菜豬骨湯，誰知就是一碗湯，像足洗碗水，什麽料都沒有，還要$8。大家以後千萬不要單點這個湯。不過後來看到湯餃子的湯可能就是這個。

以前中學係附近． lunch 都好喜歡過來吃的有次同男友係奧海城睇完戲諗唔到食咩就決定帶佢過來食啦! 估唔到個店主仲記得我呀．哈 個人每次都一定會叫煎餃!! 因為佢真係新鮮每日不斷包!白菜同九菜都好食．不過九菜就香d~食既時候記得落spicy source!! 佢d source好似係人手配家特別香同好食!! 我每次都食唔停餃子外都有面食．即係車仔面我通常要豬腸同雞翼尖加時菜!再加杯豆漿!! 完美的一餐!! 2個人食到勁飽都係 50 元．hk 真係好難搵 lu

買了碗椰菜餃拼白菜餃。一貫被濃濃的野葛菜湯浸著。鮮喝一口湯，夠熱又夠濃味，火候十足，非常清熱。椰菜餃拼白菜餃的皮皆十分薄，可隱約見到d餡。椰菜餃菜多肉非常少，很爽口，味道較淡。白菜餃就多肉少少，菜切得很幼細。配加埋佢地秘製菜甫辣醬，真係一流。

睇呢度既食評一面倒支持，怕且都有番咁上下。 上星期去開嗰頭終於一試，果然係好嘢，絕對值得推薦. 舖面不大，只容3-4張檯，但不算太迫。我們兩人叫左細既雲耳椰菜肉水餃同白菜肉水餃，堂食跟湯上，嘩！滋味無窮！湯濃而不膩，作為一個湯怪，我覺得非常正，兩種餃子都十分掂，皮薄通透但不失嚼勁，餡相當多之餘多菜少肉，細緻分明，水準極高。講真十幾蚊碗淨係食誠意都抵。隔兩日我仲試埋外賣生餃，都一樣咁得，打邊爐的話可能大隻得滯，記住淥耐D。

未食已經很想喝點熱湯, 想起可以吃餃子, 又有葛菜湯飲, 實在太好了!試了一下個湯, 清清地, 果然不錯, 試左個雲耳椰菜餃, 爽爽地, 幾好口感! 一碗十多元, 抵! 再叫了尖餃, 感覺很油, 我覺得還是湯餃子好一點, 飲埋湯, 很好! 不過鋪位太小了, 有點擠!

偶然瀏覽到此店的食評，見到一面倒的笑面，又被大家推介的野葛菜生魚豬骨湯底吸引，打完 tennis 剛回到家的我，求其換件衫，便彈出門覓食去 晚上9時，荔枝角道絕大部份的店舖已經重門深鎖又行人稀少，行近一看卻出奇地見到店內全院滿座（3張圓枱約廿多人）！第一次光顧，穩陣D要了一碗細白菜豬肉湯餃(7隻$17)，以防萬一D餃唔對路都起碼有啖湯飲嘛！首先試湯，即刻已經感到不枉專程到此，雖然味道略淡，但完全飲得出味道分明的野葛菜和生魚，雖然火喉方面可以更進一步，亦已比許多大酒樓的所謂老火湯高明；而作為一個伴餃子的湯底，更加把餃子這樣普通的食物顯得矜貴。有這麼出色的湯底，主角亦不負所望，餃子的皮很薄又滑，餡料味道略淡但越食越覺得鮮味無窮，而且菜多肉少(約是8:2)，吃多了也不覺滯膩；是以吃了一半便即刻追加一份細嘅煎韮菜餃(7隻$15) ........ 嘩！原來煎餃更加好食，邊皮煎得非常香脆一點也不硬，一咬下去雖然未至於好似九龍城清真牛肉餅的爆汁效果，但仍感覺湯汁充盈，都要小心咬下以免湯汁濺出 除了超有誠意的湯底外，枱面上的辣醬亦見心思，只是加了少量的豆豉便令辣味添了層次，變得更加惹味，煎韮菜餃的香

野葛菜煲生魚豬骨湯底好清甜香濃，好飲之餘又有益健康！椰菜雲耳餃：依然保持水準，超好味道，用料十足，雲耳爽口，椰菜碎正，湯底香濃，魚味突出，老細友善！$23。10隻$18。7隻

十月二日, 呢晚約咗 Winnie 搵新屋, 行行吓, Winnie 突然諗起呢間好好味既餃子店, 所以帶咗我入去試吓, 初時都唔算好大期望, 只係坐底後見到個男老闆勁熟面口,好快已經諗到係之前畀無線啲咩星期二檔案之類既節目訪問過兩次既人呀!呢個老闆同佢老婆喺九七前玩股票玩得好厲害, 唔駛講九七果陣輸咗好多錢啦! 記得好似係過百萬架!好采佢哋兩公婆都好堅強, 明白錢冇咗可以再努力搵噃呢個道理,所以開咗呢間餃子店, 幾年後, 個環境終於開始好噃少少, 記者就第一次嚟訪問佢哋, 問佢哋覺唔覺得而家咁樣做食市日做夜做辛苦, 但以前炒股票啲錢就易賺啲, 冇咁辛苦,佢哋就答話雖然係搵得少好多, 但呢種實實在在一蚊一蚊賺噃嚟既錢令佢哋覺得安定好多!再幾年後, 即早一年前, 股市又開始暢旺, 記者又走嚟訪問佢哋,問佢哋仲有冇再玩股票, 佢哋都話唔會玩身家, 最多都係幾十萬上落,仍然覺得實實在在賣吓餃子搵噃嚟既錢最實際。見到呢對夫婦咁堅強, 令我諗起好多玩股票玩到上癮既人, 當中又有唔少因為炒燶咗股票而要自殺既人, 如果個個都好似佢哋咁識諗, 就唔會發生咁唔開始既事啦!好似講遠咗添... 講噃啲嘢食,

(31/11/08)好久前行過,這小小店也竟有雜誌介紹張貼了在店外,便留下印象,想來食食。兩點鐘,店內仍有少量位位,店外不斷有人買外賣。鋪內只有三人手,真係做唔切。叫左椰菜木耳餃、白菜豬肉餃各一豌細(有七隻)。等待期間,見同枱人,個個都飲晒碗湯,有人仲倒轉隻碗,飲埋最後一滴,咩咁好野呢….!?原來係野葛菜生魚豬骨湯底!我敢肯定,佢一定係無加味精的老火湯!!隔埋油,勁正!!我地叫左杯豆漿,都變得「多餘」了。都ok既,有輕輕豆味,唔會像稀糖水。至於餃也不甘視弱,白菜豬肉餃,材料切得碎,卻仍有菜的爽爽口感。椰菜木耳餃,可能齋左d,所以白菜好味d。愛濃味的,或許覺得佢既餃較淡味,老公點左枱上的辣椒油,大讚!仲話好肉有苦瓜在內,我真係莫名其妙,不過我試試,所覺得是非一般辣椒油!食完都忍唔住,買走一打生的韮菜餃和白菜餃。

網上看到這間評分甚為誇張,幾乎一面倒都是笑臉,好奇之下就過來試試要了一腕魚湯跟白菜湯餃,怎知道原來湯餃的湯本身就是魚湯,結果喝得一肚子水...湯跟白菜餃都做得甚有特色魚湯夠濃,不會像喝水那樣,味道也不錯,不過湯餃的魚湯會比較淡,想試原味可獨自叫一碗白菜餃的白菜夠爽口,但肉比較淡一些,所以我覺得配他們特製的辣醬就剛剛好總括來說比起一般的餃子店有他獨特的地方,可以一試