美國餐廳 (已結業)

星期六既家庭聚會黎到位於沙田第一城既「美國餐廳」，中午12點幾黎到，仲未需要等位。午餐既選擇都好多，飯麵扒類咩都有，每個餐仲有包湯，麵包，沙律，主菜同飲品，平均都係60蚊到，算唔錯架啦。是日餐湯係青豆湯，有別於一般西餐可以揀既紅湯白湯，麵包係牛角包，比較上HEAVY，成個食晒都幾飽下，可惜牛角包無焗過，唔夠脆同熱，焗分鐘會好好多。沙律係意大利臘肉腸伴雜菜沙律，加左少少黑醋，幾開胃，不過黑醋落得多左少少，沙律有點兒酸，落少D又或者俾客人自己落會更加好。普羅旺斯鮮茄海鮮扁麵: 意粉淋度適中，茄味都算入味，唯一美中不足既係海鮮份量太少，加多少少更加好。烤美式豬柳配西梅乾蔥紅酒汁: 豬柳都繼厚身，紅酒汁甜甜地酸酸地，繼開胃，薯蓉又唔會落得過多牛油。香草燒春雞伴白飯配砵酒燒汁:雞肉肉質十分嫩滑，一D都唔粗糙，砵酒燒汁無咩酒味，幾適合唔好酒既我，不過配白飯似乎有點兒格格不入，配藉條可能會更加好。

這間已來個好幾次，每次都只食麵，水準就時好時壞啦！今次與同事成team人出黎食lunch，好好彩，有成張大枱，彷彿是為我們而設似的。午餐選擇多，飯麵扒類都有，有餐湯、餐包、沙律、主菜、飲品，都算抵食。意大利臘肉腸伴雜菜沙律，冰涼沙律菜，加上少許黑醋，很開胃，不過若能少點酸味，會更為舒服。吃下整個餐包都會幾飽.....白菌火腿蓉湯，略為重味精，有點罐頭湯的感覺。烤美國豬柳配西梅乾蔥紅酒汁，可配飯意粉或薯蓉，份量頗多，厚身豬柳容易咀嚼，紅酒汁是甜甜的帶丁點西梅酸，不錯不錯；意粉軟硬度比之前有改善，可惜午飯時間有限，未能慢慢進食。餐茶本想點咖啡，但一天不能喝太多，橫豎凍飲不需額外收費，就來杯凍檸茶。以下是同事點的，香草燒春雞伴砵酒燒汁及芝士焗淡咖喱菠蘿雞扒配蛋炒飯，同事們說味道不錯，看來今次有點運氣，haha。這裡的咖啡好香濃，但份量較小，但若然給我選，我依然會點這杯咖啡。

Happy Firday所以唔想煮飯, 原來想上樓上食越南嘢, 但冇位, 周圍行下睇下有乜好食, 見到呢間之前食個下午茶都算可以, 所以嚟試下晚餐, 但原來係唔得架囉~ 上次已經見識過呢度D上菜速度, 由午餐等到變下午茶, 今次差D由晚餐變宵夜, 不過早嚟食, 而且佢點會收工, 所以都冇咁驚, 但呢餐都食咗超過一個半鐘, 係咪好勁呢? 不過相信短期內都唔會再咁hea住嚟食, 因為真係等到頸都長都未有得食..............   餐包連叮返熱都懶, 兩款包都係又凍又硬, 開頭都免為其難塗d牛油食咗佢就算, 食第一啖竹炭包, 有少少酸酸地, 但心諗麵包就算變壞, 都唔應該酸架? 唔通竹炭係酸? 但又唔似, 咁唯有試埋另一款類似硬豬仔的包, 但都係酸酸地, 咁唔係包的問題, 咁即係牛油問題, 淨試牛油, 真係酸酸地, 即將叫經理問清楚, 究竟係咪本身只牛油係微酸的? 個經理仲諗緊時, 另外兩個侍應走埋嚟, 話之前都有客講過, 應該係只牛油本身係酸酸地, 咁冇辦法啦, 唔係變壞咗就算, 而且之前咁多人食過都冇事, 咁就由佢啦~ 但如果我係佢地, 我會建議換過第只牌子的牛油, 以免誤

正當間間餐廳都做緊下午茶, 但周圍都滿哂座, 難得見到呢度有位, 又見到有下午茶個牌放咗出嚟, 雖然唔係放正响門口, 只係放咗响側門那邊, 但直覺上佢放得出嚟, 應該都有下午茶食掛, 我正睇緊有乜好食之際, 老公已經行咗去門口預備入去, 真係叫都叫唔住~入到佢安排坐低後, 我地發現枱面上的menu仲係午餐, 於是問下個女侍應, 佢話下午茶要三點先有, 仲叫我地可以坐下先, 但當時只係兩點半, 仲有半個鐘, 廢事等, 就試下佢個午餐啦~ 大約有十款左右, 有意粉、飯、扒, 但午餐食扒好似太heavy, 所以都係叫意粉算~  餐湯+餐包   是日餐湯好似係周打魚湯, 其實我都飲唔出, 而且個色綠綠地, 都係忌廉湯的質感, 冇乜特別, 不過唔腥囉~  餐包係牛油包, 老公一拿起個包, 見到冇牛油, 開頭仲有d出奇, 但望一望個包, 先發現個包已經係牛油包, 所以唔駛額外再塗牛油, 個包叮翻熱, 好香牛油味, 但真係好油囉~  沙律D菜幾新鮮, 加咗少少橄欖油同黑醋, 幾開胃~  火腿、肉醬、雜椒扁意粉呢個都等咗差不多20分鐘, 真係即叫即整都唔駛咁耐掛?一望到個份量, 明明係午餐, 份量

今日係年30 收早可以試試美國餐廳 食lunch...一去到要等左一陣 好多人！員工服務欠佳好耐先幫我落單點左份西冷 5成熟先來一份密瓜n Han han*泡*得厚 難食！紅湯 蕃茄湯太濃 遲來西冷 5成變左7成 肉質好*鞋* 血水都無乜...干 爭爭 至於個汁 淡而無味 最後 埋左單先問要餐茶....

見佢開左成年都未試過，所以今晚諗唔到食咩就黎試下！自己揀左安格斯牛扒餐　($228)，另外朋友叫左海鮮套餐。套餐有前菜，叫了雞肉凱撒沙律，原本個沙律係正常味道，其實都應該好難唔好食，但沙律唔知點解成個底都係水 ，懷疑係洗完菜無隔水，就倒落個碟度。牛扒要了5成熟，但黎到應該有7成，不過7成都接受到就算。朋友個海鮮套餐，佢既評語係好普通，唔難食。不過促使我打食評既係佢地的服務態度，佢地既價錢雖走中至高檔路錢，但服務態度跟茶餐廳無分別，我地坐低唔夠3分鐘已經問諗好食咩未，第一次黎諗多陣都得掛？之后大部份時間都係同一個女侍應落柯打，上菜。個侍應第一次落單，到之后落甜品餐飲都係好無耐性，一黎就俾個餐牌，語氣好差咁問你：食咩？飲咩？仲要覆單又覆錯，要熱檸水，覆熱檸茶。其實我地7點零開始，食完都差唔多9點，當時已經好多吉枱無乜人，佢咁急都做唔到第二輪生意架啦，都無客黎，有無必要咩都咁急。諗住食餐好啲，同朋友傾下計，點知比佢地搞到精神緊張咩都要快諗好。對佢既食物質素已經無乜要求，但佢啲咁的服務態度真係趕客。原本都打算同屋企人黎，但而家唔洗了，唔會再黎！

今晚為好朋友慶祝生日，所以嚟左哩間餐廳…之前見食評普通…但見有生蠔又唔貴所以就決定要試試！兩個人大約六佰蚊左右，環境寧靜又好舒服，總結嚟講每樣嘢食嘅水準都好好，每款菜式都好靚好吸引！雙拼蠔來自西班牙同西非，自覺西班牙的又大隻又甜，西非細隻啲同蠔味較重但有少少碎殼，有兩款餐包跟！黑色嘅好似蒜蓉包咁嘅口感，另一款包用香草整的！味道都幾特別！個肉眼扒都唔錯，燒得好靚！跟扒嘅薯格唔油膩仲好脆好好味添！個紅米飯配燒嘅帶子串燒，個帶子好大粒，個焗田螺都好好食，最後嘅甜品奶凍都好好味…服務亦中上！下次一定會再試其他菜式。

吃咗生蠔、鵝肝多士、豬肋骨、甜品 tiramisu，其實仲有一份牛扒未來得切影相，朋友已經吃緊！之前睇到其他評價有 d 擔心，但原來水準其實唔錯，好彩最後有去試，價錢其實唔算好貴，据扒食西餐就預咗，好多牛扒選擇，今次試嘅係安格斯牛扒，肉質 OK，medium rare 掌握都好，下次會再去試其他

見門面幾好，門口個叔叔又話餐廳d扒類有幾出色，所以就入左去試，試左個好貴的所謂安格斯西冷扒，係唔係安格斯就不敢講，但份量少、味道差就係事實，成塊排有4份一係肥膏，真係大X樂會好過佢，氣衝衝上來openrice寫個食評，發現原來早前已有評語提點⋯只怪自己沒有做足功課⋯

所有野都煮得過熟兼份量少。魚肉勁鞋，青口有陣臭味，完全食唔落。咖啡幫埋你落勁多奶，咁就一定飽。服務差就更加唔在講，連自己有乜賣都唔知。呢間野應該改名重口味餐廳。

沙田第一城新店，未見食評，等我嚟！店內裝修可以！午市時刻光顧，有數款午餐供應：雜菜湯配餐包：湯較淡，但配微暖牛角包，讚！巴拿馬火腿沙律：火腿要利用顯微鏡才可發現。。。羊脾扒：份量足，味道可以，配薯蓉。街坊生意，建議可選擇跟飯或意粉。冇骨豬扒：標準，冇特別！咖啡或茶：可以。總結：第一城要做中檔街坊生意，食物質素須再下苦工！

很高興可以為此店寫第一編食評，但是很抱歉是一編負面食評此店在第一城開店不足一個月, 在整個第一城相信是人均消費最高的一間食肆, 店舖經理之前已向行經店舖的客人聲稱採用高級食材, 扒餐會有足八安士份量, 前數天一行人, 柯打了美國PRIME GRADE 肉眼扒 (MEDIUM RARE), 美國安格斯牛柳 (MEDIUM RARE), 香煎龍脷柳, 每個餐包前菜 (湯或沙律), 主菜, 甜品及茶或啡, 首先前菜選了湯及三文魚沙律, 湯上到桌前是明顯不夠熱的, 三文魚沙律不過不失, 美國肉眼扒上桌時明顯 OVERDONE, 差不多是 WELL-DONE, 而且質素上我懷疑是不是美國PRIME GRADE, 美國安格斯牛柳雖沒OVERDONE, 但份量少得可憐, 質感亦有不是美國的感覺 (可能是心理作用)$298, 香煎龍脷柳上的一片檸檬很攪笑的連新奇士的招紙都沒撕掉, 就附連了一截在檸檬皮上,而龍脷柳味道亦都一般$278, 甜品叫了芝士蛋糕, 上枱時很奇怪地一大一少, 亦不知為何蛋糕也切到一岩一忽, 最經典是熱檸茶, 單看外表就有種混濁感覺, 飲第一口就有苦澀味如廿四味, 這茶肯定是由午市