義香荳腐食品

营业中

休息中

煎釀豆腐（$10）凍豆花（$9）👅等我跟下九龍城地膽黎食碗靚豆花先😎😎呢到既豆花唔算最滑，但豆味幾出👍🏻👍🏻比起大埔個超級滑既阿婆豆花，義香豆花個質感會實在啲😉唔會食完好似無食過一陣風咁😀😀當然我都係中意愈滑愈好既豆花🙈🙈不過呢個豆味濃啲都唔錯😊地膽極力推薦既煎釀豆腐幾有驚喜😆😆平時啲豆腐會釀住好大舊嘅魚肉，但呢度嘅魚肉只有薄薄地一層🙂相反豆腐佔嘅比例大好多🤓🤓估唔到咁樣反而更加好食😋魚肉好鮮味而且食落爽口，加埋外皮香脆而入面超滑超有豆味嘅豆腐🙈熱辣辣好燙口好正😝😝

今曰同木先生去到九龍城食完餐泰式lunch, 我就帶佢食返碗熱豆腐花，飲返杯豆漿。雖然豆腐花不太滑，味道還可接受。但豆漿太甜，沒有豆味呢。食完之後，木先生叫理煎紅腸食，味道還可以。

中學時代已在這小店食豆腐花 炸燒賣撈米 翅撈米等小食 （偶然是lunch)已是常客！當時老闆偶爾還會多炸數粒燒賣轉眼已七年再次回到這裡老闆及老闆妹都不認得我了但親切感依舊這裡沒有任何裝潢 就像街市內的店仔一樣速吃速走⋯夏天來時確實會有點熱⋯但不要緊 你可以一碗凍豆花 或者一杯凍豆漿或者大菜糕⋯頓時便會有透心涼的感覺這次冬天來 我就點了凍豆花、凍豆漿及久違了的九菜餅凍豆花 豆漿依舊充滿豆味⋯豆漿沒有豆渣，甜味恰到好處！很能解渴！也不會喝到舌頭有種張著的感覺！至於豆花除有豆味外質地不會實實的、沒有石膏粉很多的那種感覺⋯但每一匙不會很易就碎開⋯很美味至於韭菜餅（$8）最喜歡就是他那脆脆的外皮 很香口又不會燶！即煎好即上⋯咬下去 暖暖的！脆之餘還有軟軟的後感⋯配上啖啖韭菜⋯真令人垂涎三尺不過缺點就是這次太油了可以再去油一點放乾就好不然感覺會很罪疚！但我下次還是會再點的啦！這次除了這三款外 沒有再叫舊時最愛炸燒賣撈米 因為原本已經吃飽飽了才過來吃一點不太飽肚的但記憶中⋯炸燒賣也是煎出來的,一樣煎出脆脆又軟軟的好吃感！必點！

食完樂園緊係唔夠啦, 立即再出動去食豆腐花,真係好少會行到去衙前塱道個邊, 呢間舖頭都係第一次見兩個人又係餓鬼咁, 叫左凍豆漿, 紅豆豆腐花, 煎釀三寶+紅腸其實MENU中都有好多選擇, 豆腐類, 魚蛋, 亦有麵食.凍豆漿好有豆味, 平時飲到既有豆味但就會無乜甜味, 好淡.但呢杯豆味重, 甜度均勻又不似飲糖水咁,好味!!!凍紅豆豆腐花 ($14), 紅豆好多,紅豆已經煲到起沙, 夠淋, 豆腐花滑, 但糖水唔夠, 要自己另外加黃糖調味.煎釀三寶+紅腸, 夠熱, 加上豉油已經好好味. 不過我食唔慣呢款魚肉, 有少少腥味. 扣少少分.整體味道唔錯既. 如果將來再黎九龍城都會翻食.但另一個問題係...我都有睇到大家既食評, 都覺得有位姐姐講野比較大聲. 當日我都有留意到, 當然說話大聲唔係問題. 我自己都會. 但係姐姐既說話時既語氣+說話不自覺會令到聽者會有Hard Feeling.出色既食物固然會留住食客, 但說話既技巧亦會影響食客既印象, 會不會翻食這些小事都很重要的

用心做食品係感受到的，呢間家族式豆品舖周末除左好多人買餸，仲有唔少遊九龍城嘅遊客黎食甜品:豆腐花豆漿......煎豆腐。豆腐花不論冷熱都好重豆香，熱嘅滑身d,凍嘅食落仲有少少沙沙嘅豆渣口感喺入面，店員仲會上枱前主動加左糖漿先！~

食完飯好似唔係好飽，去食碗糖水先~呢頭咁多糖水舖，食咩好？行過呢條街，發現有間豆品店，豆腐花冷熱都只係$8,呢個價應該只有老店先會做到。諗住同人share一碗，費事食到咁飽啦，點知店員好直接:要交租啊，無得一碗兩份食 好囉！又唔係貴，又係健康嘅野黎，食多碗囉一碗熱(左)一碗冷(熱)。$8一碗都唔細碗咖，凍嘅口感粗燥d,可能無隔渣？熱嘅勁滑豆味就兩碗都差唔多啦。兩碗都幫你落左糖。仲有其他野食，e.g.煎豆腐，不過唔知好無食呢？

群組裏的小妹妹曾經介紹過，剛巧我要走去九龍城買BB菠蘿，便行多兩條街順便找找看~ 原來豆腐店是開在街市附近，前後有肉店魚店，看上去豆腐店尚算整潔~天氣熱好使我想食涼粉，但又想食豆腐花，竟然豆腐店是可以給涼粉及豆腐花兩溝！ 額外買多一杯大菜糕，老闆娘還大大聲問要什麼果味道，太座加多句問果味的來歷，最後老闆娘告訴我們是用果味粉，還是要杯蛋花原味，少甜而且爽口~涼粉切成細細粒，豆腐花的豆味不算厚，質感皆滑，兩溝的味道是融合的，糖漿已經由老闆娘加了，幸好不是過份的甜！本篇完~

食完正餐 緊係搵個甜品喂下我第二個胃朋友介紹老鋪傳統甜品豆腐花當然黎試一試 支持一下啦一入鋪頭 有3張卡位 之後中間就一條長枱Order左2碗凍豆腐花有豆香 唔錯1杯凍豆漿唔好味 見好多人食炸野 都叫左份青椒三寶有青椒 豆腐同茄子 豆腐最好味同埋全部都大大件 魚肉都釀得足料好抵又好食 即叫即炸 一共6件

九龍城除咗泰國菜，其實仲有好多嘢食架。依家停左雨，下午茶一於就食碗豆腐花拉。舖面好簡單，門口外賣，入面堂食。話明係荳腐食品，緊係要試下碗熱豆花$8。嘩，好耐無食過食完唔會口渴既豆花拉。😍聽講呢到既豆花特色係有陣焦香，焦香就唔係幾食得出拉，都有淡淡既豆味，夠滑。食完完全無澀口、口渴既感覺，好食過百福、山水嗰啲多多聲。見到枱枱都有碟煎釀三寶，自己忍唔住都叫咗一份。因為想食魚蛋，就叫左份煎三寶$19(兩舊煎豆腐、兩舊紅腸、六粒炸魚蛋)原來係即叫即炸，🔥熱辣辣，襯熱食係皇道，唔怪得知係呢到既名物拉。好食！放學時間都有唔少學生黎食，又有唔少人外賣(外賣比堂食貴少少)。舖頭得兩個人打理，但勁快手，收錢 整嘢食 包外賣之外，仲有時間同客傾兩句。香港愈黎愈少呢啲小本經營既小店拉，如果大家有時間，我建議大家都係坐低慢慢食，吹下風扇，感受下小店嘅人情味。後記：有唔少食友仔話豆漿最有焦香味，遲啲會再去試下九龍城 義香荳腐食品熱豆腐花$8 煎三寶$19味道:★★★★吸引度:★★★★性價比:★★★(五分滿分)

今日同朋友去九龍城買下嘢，行行下想食豆腐花，朋友就帶我去義香，坐抵諗緊食咩，朋友就極力推介青椒三寶青椒，矮瓜，豆腐件件都好大件，重係剛剛炸起，食落發現魚肉都非常多同彈牙 ，朋友冇介紹錯即叫即炸炸雲吞，上枱時還聽到沙沙聲，食落好香口，原來加甜豉油都好好食 最後當然唔小得食碗熱豆腐花啦，好香豆味好滑，走時還外買左杯凍豆漿，一路行一路飲，下次去九龍城一定會再來食下其他小吃先

身為黃大仙為食友，有一個很大的優勢！ 就是可搭個小巴，短短十分鐘路程到達九龍區美食心臟地帶—九 龍 城！今天下午又拜訪九龍城義香豆腐食品，每次都食豆腐花，今次襯同屋企人黎，甘多把口，一於叫多啲，試埋佢既小食！青椒三寶 $19絕對符合商品說明條例，跟餐牌上的照片一模一樣，都是大大件，超級飽滿型的煎釀三寶！豆腐、茄子、青椒上面釀上滿滿的魚肉，雖然價錢比街邊貴一倍，但感覺絕對值回票價！茄子剛炸起，超熱！茄子炸到軟綿而不霉，魚肉緊緊黏附在茄子上，完全無分體情況！豆腐不乾不硬，火候控制適當，豆腐軟嫩帶豆香。青椒爽口微甜，與彈牙魚肉的口感相映成趣。魚蛋 $10真有尋到寶的感覺，想不到豆品店的魚肉這麼出色。除了超有魚味，口感亦十分彈牙，絕對不是批發魚蛋貨！燒賣 $10這個未必適合全部人，但正是我杯茶！我稱呼呢種燒賣為皺皮燒賣，比一般燒賣更要軟糯，但非常易入口。每次食都有溫暖幸福的感覺。 豆漿拼豆花 $14每次必吃，一次過吃到豆腐花又喝到豆漿，最能滿足我這種貪心鬼。豆花一如往常般滑漏，以豆漿代替黃糖更是一絕，將豆味發揮到極致。 臨走時再回望一次正在油炸的豆腐，天呀，好肥膩呀，好有罪疚感！但如果再比我落

每次到九龍城，都心思思想把美食吃盡才回家今午跟朋友在附近吃過下午茶，前往街市買餸之時，還是抵擋不了義香荳品的荳香，來了一客煎釀三寶我選了荳腐青椒茄子各兩件的款式，每件大大件，只是 $19下單一刻即落鑊炸，不用兩分鐘就上枱，熱騰騰香噴噴，沾上甜豉油及自行添加枱上的辣醬，簡直絕配荳腐香滑可口，茄子亦很新鮮，青椒挺爽口要不是趕買餸煮飯，定想再來一碗荳腐花和香口的炸雲吞與炸荳卜接近放學時間，店内都近八成座位坐滿街坊與學生，大家跟店員閒話家常，好一種老香港的情懷，充滿和諧的氣氛，希望這家老鋪繼續長做長有

記得細個嘅時候，最鐘意就係同屋企人去街市買豆腐花食～價格非常便宜，5蚊有2碗！又香又滑！可惜之後小鋪執咗就再冇食返嗰種味道。今日同朋友本身係去緊九龍城食其他嘢，但喺行經九龍城街市嘅時間，見到義香荳品就不禁停左喺度！同兒時一般嘅陣陣豆香，加上懷舊嘅店舖環境，好有親切嘅街坊感覺 好鐘意喺度睇住伯伯煎嘢食^^ 價格當然都係平民價，大件夾抵食❤️ 豆腐花，又香又重黃豆味，加上黃糖，簡直甜入心 平時好少食煎炸嘢，但見住伯伯係面前不停煎，都情不自禁叫左一份煎釀豆腐食。即叫即炸，豆腐煎得外脆內軟，魚肉味道唔算好重，但口感一流!今次食咗唔算好多野，臨走叫左杯熱豆漿邊行邊飲，為寒冷嘅天氣添加一點點溫暖。不過出到鋪真係太凍，都唔記得影相lu🌬

：熱豆腐花 堂食$8 行街$10 九龍城有兩間豆製品店最出名～ 成日都會見到周潤發😂 行過街市食返個真係好正👍超級滑而且豆味好重 熱到燙嘴😛 不過好多人 好忙所以唔好打算態度會好好🌝而且賣相唔吸引 但勝在咁多年依然好味

豆漿還可以, 但沒有格離街那老店香豆味.豆花唔夠甜, 而且寫明不提供糖....無左食豆花既味道.... 麻麻地我沒寫過食評，但今次真係忍無可忍。星期日經過打算買個外賣回家，叫左2枝豆漿2盒豆花，門口呀伯口up up咁唔知講咩。由於人太多一時聽唔到，個呀伯見我無反應就好惡好大聲咁指住右上方「望下上面啦」。果一刻我先知佢問我要大枝定細枝。。。咁嘈咁多人聽唔到你講野好出奇呀？咩態度呀？以後都唔會再幫襯！