翁記上海館 (已結業)

第一次打食評...係因為員工問題講真...食物質素平平 但剛好當天想食上海野就打去叫外賣 ，只係單單兩個餐 其中一個轉酸辣面 另外其中飲品轉酸辣湯就落左我差唔多三個字多 原因係電話中既職員係咁只顧傾計 我講我要既野一次又一次都仲要再問 當真令人無言 但最無奈既係 我等左一個鍾 都未見人就打去問一下 問完 佢話：「黎緊架喇 送左出去 等下喇！」我話好，無問題 點知過多一個字到 佢地打黎話 無落到單？！！！ 等左成個幾鍾無落單！！ 算！可能佢地多人 ，最後自己落去買 經過時 只有一個人？？？4個員工係到傾計？！！！無言至極 真係唔會再食！

相信呢間係住係附近既街坊都成日幫襯既餐廳剛探完朋友就一齊落街食個上海小炒一黎到呢間門口 就見到有人龍係度排好彩都只係等左大約15分鐘就有位!!! 正我地今次嗌左都唔少野食有上海排骨菜飯同紅油炒手先講上海排骨菜飯份量都算做多, 佢比起其他店優勝既地方一定係大份量同價錢相宜估唔到原來質素都唔差排骨唔會太老太乾, 最正係佢D菜飯吸收左排骨既精華(姐係D油)又香口又唔會太DRY!!! 正再黎就係紅油炒手呢個真係唔講得笑因為辣度對我來說都算幾係野而且紅油係浸左一半D雲吞係做法好正宗既紅油炒手雖然辣度十足但係都可以食到雲吞既鮮甜嗌一碟小吃兩個人SHARE份量岩岩好總括來說翁記的確係一間出色的小店值得大家去試下

慈雲山 - 一個細個睇烈火雄心先會接觸倒既地方今晚機緣巧合黎到呢一頭  唔係去過  我真係唔知原來呢頭有咁多好野食而我地今晚就簡左呢間上海菜館  入到去  門口有人等緊外賣  堂食既感覺都係呢頭既街坊事不宜遲   我地一齊睇下今晚食左咩好野喇!我地兩個人一口氣叫左4個冷盤 每一款都有每一款既特色川辣口水雞 - 唔算太辣 肉質嫩口  最特別係配合麻醬  令到一個怕食辣既我都不停食不停食雞絲粉皮- 睇得好食得 同樣係配合麻醬  撈一撈 兩個人好似幾日冇食野咁一啖接一啖咁食京醬前蹄 - 呢一碟簡直係我既開胃之選 而醬汁既搭配 令到整碟野更好食手拍小青瓜  - 不過不失之選  食上海野  唔食手拍小青瓜  感覺你就唔係食緊上海野咁 小籠包 - 只係24蚊  拎出黎都係非常熱辣辣  唔係細細粒嫁  非常大粒嫁  湯同入面既肉配合得岩岩好其實店內都有好幾款唔同風味既小菜叫加10蚊 就包埋個湯, 野飲同埋白飯  對卡我呢個無飯不歡既人黎講   硬係覺得咁樣先似係一餐飯四季豆既味道適中  唔需要擔心會唔會太咸  配合埋梅菜一齊炒  味就已經剛剛好了!而身旁既朋友就覺得  冇甜品唔似一餐完整既飯  所以

慈雲山哩個地方真係好少去，原來要喺黃大仙站再搭小巴，或者行上山Oz... 我地緊係搭小巴啦！落左車之後發覺原來哩度都幾多野食嫁喎😃花雕醉雞… 哩度有唔少冷盆前菜揀，其中我就叫左哩個雞，浸住雞既汁相對隻雞黎講好重花雕味！雞肉都幾嫩滑，可能係凍食既關係，就算食埋雞皮都唔覺油膩。阿翁上湯小龍包… 佢地既小龍包真係好好賣，我地咁岩淨番最後一籠😜 佢地既小龍包全部都係即叫即蒸，薄薄既小籠包皮包住舊鮮肉，仲有好多湯汁！重點係唔會過油！沾一沾附上既薑醋一齊食真係幾正嫁😋排骨炒年糕…我最鐘意就係食煙韌野，所以黎到一定會點番個年糕食！排骨份量都有成七至八件，肉質唔鞋口。年糕切得大大片！每一啖都好有咬勁夠哂煙韌嫁😋 仲有娃娃菜一齊炒帶黎清新感覺。不過整體有d油，好快就膩了。酒釀桂花湯圓…又係煙韌既東東😁 湯圓似係用左寧波湯圓，細細粒，入面全部都係黑芝麻餡，糯米皮夠煙韌軟糯，配上清甜既桂花糖同埋酒糟，真係哩餐飯既一個完美句號。

未婚妻說最近開了家上海餐館「翁記」，味道不錯的，星期日晚上七點多便去碰碰運氣。當晚餐廳生意實在好，全院滿座，心想一場來到也不會空手而回，便打算叫外賣拿回家中慢慢享用，縱使味道一定不及堂食美味也算是暫時「止渴」。小鋪人手不足我是絕對理解的，所以也不心急，點完外賣後在門外聊聊天，玩玩手機。時間流逝，越等越是不妙，最後等了超過廿五分鐘才等到我的外賣。「喊」是給這次的體驗，但望餐廳好好考慮資源分配，如此繁忙時段是否繼續接電話外賣/外賣生意。等外賣等多久才是正常實在因餐廳食物而異，但一個客飯一碗湯麵等超過廿五分鐘實在說不過去。百葉結烤肉飯 $40餸料份量滿意，肉的層次分明，肥瘦相間甘甜可口。烤肉汁味道偏甜，溶入肉的油脂後亦是美味，伴飯實在一流。

食品味道質素確是不錯，價格事實上亦非常相宜。但觸發我第一次寫食評的卻是員工的態度。我並不是第一次光顧，之前食過一次亦是覺得感覺不錯所以今日再到光顧，但沒料到讓我體驗到如此差的服務。叫的兩個下午茶外賣中，包括一件糯米雞。這糯米雞讓我足足等了逾25分鐘，但其他的食物、飲品卻在叫後的5分鐘內已預備好。25分鐘內，讓我從店內被請到店外等候，再到店內詢問一次也還未預備好，我想這是一般食客也不會有的耐性。即使她聲言即製，,但我想好歹也可以讓我有個預算要等多久，而非讓我一直無了期地等吧！？甚麼說話如約等多久的也沒跟我講，到我問時都只說尚欠糯米雞。終於我忍不住提出一點：其他食物飲品都早早預備好，熱奶茶、上海麵等都被攤涼及發脹，那怎麼食？竟然得到的回覆是：「外賣係咁架啦，你唔好嘈喇，換過俾你囉/啦。」這是原句摘錄出來沒經增刪任何一字，是如何的語氣態度我想我也不用多說。這間店不是第一次做外賣的，竟然在明知一些食物製作需時之下仍可繼續這種「其他食物都備好，然後放在一邊乾等尚未好的」的外賣方式(先聲明，當時店內並不忙)，值得一「讚」！在此寫唯一一劣評，是希望若店家有機會看到，請予以改善，而非說句「外賣係咁架啦

話説好日都唔會黎慈雲山 但今日去探完個親戚 咁岩到食飯時間 就齊齊落去食個飯～見到呢間翁記上海館門口好多人排晒隊 應該好好食～我地4個都唔執輸排埋1份～排左陣都好快有位 咁就入去嗌野食～1坐低先嗌4杯熱豆漿再慢慢揀野食 雖然小店地方細細 但野食方面都有好多款式 仲要好多係出面食唔到 好特別～首先叫左2個前菜手拍青瓜同水晶肴肉 之後仲有炸銀絲卷 竹笙火腿雲吞雞 當然唔少得小籠包！最後仲試埋酒釀桂花湯丸同豆沙鍋餅～首先講下手拍青瓜～幾大碟 酸咪咪好開胃！青瓜入味 爽脆夠凍～作為前菜1流！水晶肴肉 呢個好特別 係出面未食過～賣相相當精美 食落好清新 由于都係凍食 好似食緊咸既jelly 好過癮～好食又特別！由于我地叫得多小菜小食無叫飯麵～炸銀絲卷就可以飽下肚～雖然係炸 但唔會好油 熱辣辣點鍊奶食 1絲絲好好食～之後就係竹笙火腿雲吞雞 大大碗 足夠我地4個飲2碗有多～湯底好清甜 湯入面有津白 仲有成隻嫩滑雞脾 竹笙索晒d湯 爽口好味！雲吞都有幾隻 大大隻 食得出係自家製作～好滿足！小籠包原籠熱辣辣上 以為得個籠大？錯啦！d小籠包都好大！！真係唔講得少 好足料～咬落去d湯汁立即漏出黎～一定要小心

因為工作關係去左我好少去既慈雲山。唔經唔覺見左2個鍾客，一出到黎天都黑晒！ 個肚又打晒鼓！好彩男人一早黎左慈雲山仲搵埋餐廳，仲要係上海野！行下行下去左d內街，心諗唔對路喎！有野食既咩？原來e條街收埋左好多食店！其中好多人排隊既就係e間「翁記」一坐低唔洗諗！例牌小龍包！一咬落去勁多汁！剛蒸好，又夠熱！個皮就真係要讚下！夠薄！又唔易穿！鍋貼煎過好香口夠脆，但又唔會過乾！一樣一咬落去爆汁既！😊油脂剛剛好唔太油膩！食多幾隻都唔怕！酸辣湯！勁推介！有大有細，好難相信e碗係細！ 夠4人飲！酸味同辣味平衡！仲好足料！飲完一碗係會想飲多碗！男人要食肉！勁返碟豬手佢食！又係份量驚人！好入味！如果要爽d就更正！炒米粉！驚喜！用我曼鍾意既銀絲米粉炒！足料！配菜夠爽脆加埋米粉好正！但係唔太夠熱囉！點都要食d菜中和下，男人最愛！奶油津白！奶油味唔太重！所以唔太膩！菜如果可以唔煮咁林就正！可能我個人唔太鍾意食太林既菜！但我男人食得津津有味！最後最令我估唔到既就係價錢！真係做街坊生意！性價比高！我仲立刻話左比幾個住附近既朋友聽！但完來佢地都話一早知道仲係佢地既飯堂tim！

慈雲山一向好小上海野,行過見到就試下啦叫左個擔擔面加小籠包,仲有杯豆漿既。個擔擔面幾香花生味,唔算。但個小籠包個皮就太厚,有一隻仲破左....D汁仲漏哂出黎....要扣扣分不過食左咁多野都係40蚊左右,都值得一試阿!!!!

今日晏晝同表妹去慈樂邨做老人家義工探訪，做完都成6點，表妹提議食埋飯先返屋企，我地搵左附近一間上海野食。 餐廳係巷仔入面，不是太起眼，會唔會卧虎藏龍呢？我地叫了一個擔擔麵餐，都幾抵，一個擔擔麵加小籠包（4隻）都係$44！小籠包散叫已經$24，仲要送埋飲品，我叫了熱豆漿，擔擔麵要左小辣，先飲啖湯，一個字：辣！但係辣得有近麻辣，小辣都唔係省油既燈，我開頭飲左一碗仔都紅都面埋，麵不粗又不幼，花生醬加辣湯，好在湯夠多，令麵唔會似糊仔咁吸晒啲水，仍是湯麵。 小籠包一籠四隻，每隻都好大隻，夾起睇啲湯仲係皮內搖下搖下就知道絕對皮薄湯多，豬肉餡料新鮮無臭豬味，包得也好實，呢個套餐好抵！小食點左花雕醉雞，有點失望不是醉轉灣，雞件不是很多，主角我反而覺得是花雕，呢個醉雞花雕味好重，雞不知道是不是一齊煮左好耐，好入味，無論雞皮/雞肉也是，雞肉也是滑滑的，價錢稍貴，$45。 甜品當然也要叫，豆沙鍋餅$28有8件，價錢親民，鍋餅即叫即煎，餅皮看似企身，但係入口軟，餅皮與餅皮之間夾雜滿滿的紅豆沙餡料，甜度適中，紅豆已經打成蓉，味道很不錯！ 很滿意的一餐，我喜歡小店，餐廳當然每張枱都是街坊，大家與老闆娘

最近我家附近開了一間上海菜館，於是星期六同家人一起去試下，這個菜館並不是大集團，屬於小店形式，我地點左兩個客飯：乾煸四季豆，炒鱔片，再加醉雞及小籠包；小籠包可以揀4隻或者8隻，適合人少時選擇，每碟菜式味道中規中矩，價錢亦很公道，而且客飯星期一至日都有，相信我地亦會繼續光顧。

今晚同朋友去慈雲山做義工，做完義工就搵地方一齊食飯～經過一間食上海菜，見有 D 人排隊，應該唔錯，所以等左一陣就入去食！入到去先睇睇MENU，價錢非常優惠～飯類同麵都 around $ 40，好抵食！ 先點左杯熱豆漿，飲完暖笠笠 =] 小食方面叫左個花雕醉雞～醉雞不過不失，花雕味唔會太濃，雞肉嫩滑，不過雞皮唔夠爽。 小籠包皮薄餡靚，皮嘅厚度均勻，唔會一夾就爛～內裏包住滿滿嘅豬肉，配上薑絲同黑醋一齊夾得好好！ 奶油津白～白色奶油襯托白黃色既紹菜，感覺好純凈；上面灑上蒸熟既金華火腿，0向清淡既奶油紹菜中，加點韻味和色彩，唔錯！ 蟹籽海鮮炒飯，無論海鮮同飯既份量都好多，唔會太油，而且Ｄ飯好乾身，我最中意，同朋友食左一碗已經好有飽肚感～ 另外，點左個宋嫂魚羹～好多湯料，有荀絲、豆腐、冬菇絲、蛋白同新鮮魚塊，湯味鮮甜可口，又無味精，值得推介！

收工同爸爸媽媽一家人去搵食，發現鬧市中隱世美食翁記上海館，夜嘛嘛有間特別多人既野食，咁多人食肯定有好野，就梗係去湊下熱鬧啦。環境光猛，非常好生意，店員都好熱情，見我地幾個人，幫我哋安排位置，所以只係等左一陣就有位 。坐低就睇下食乜，店員即係熱情推介，特別記得既係竹笙火腿雲吞雞、黑醋排骨、小籠包同埋京蔥爆豬肉窩窩頭。通常尼講上海野係比較濃味，但哩個竹笙火腿雲吞雞就清清地啱老人家，湯好好飲之餘，仲非常足料，有好幾隻雲吞，仲成隻雞脾添。至於黑醋排骨呢，一尼到香氣四散香味十足，酸酸微微十分開胃，但又唔算話好酸，都容易入口，貌似咕嚕肉，口感就完全唔同，明顯冇加粉既，啖啖排骨肉。小籠包簡直係重點重頭戲，一籠四粒，粒粒都漲卜卜啖啖湯響入面，仲熱辣辣添，最好係一啖擺落口連湯飲係最爽。然後係京蔥爆豬肉窩窩頭，京蔥爆豬肉呢就極之入味，就咁食濃左d，加埋個包，裝住食，鹹淡適中，口感一流，直情係國寶級食物。最後，食埋個香酥豆沙鍋餅就差不多完結哩個尋隱之旅嚕。

要在慈雲山開鋪的話，要有特色。上海食物在慈雲山少之有少所以呢間鋪只要做到一定水準已經可以屹立了。食物方面，小籠湯包套餐加酸辣麵或西川擔擔麵，附送豆漿只要四十多元，相當抵食。小籠湯包咬一小口後再將裹邊的湯吸光，發現湯汁跟肉汁完全混合，值得一試；酸辣麵酸味剛剛好但辣味就遜色一點，這樣調味應該是為了較易入口吧；擔擔麵樓面從遠處送來時已經有一陣陣花生醬既香味"垂涎三尺"真的很難受呢，攪勻後第一口吃下有很濃既花生味，但沒有漿口感覺，吃完都不覺吃膩，值得一讚。

由開業到依家態度一直都唔好, 不論堂食外賣, 多人同少人,次次都等30min以上先出到餐.D阿姐成日黑面,特別話事個一個阿姐. 問多兩句都唔得.外賣的話就hold 住個電話兩分幾鐘, 冇一次聽晒order就 cut 電話.而野食方面,真心唔值. 如果唔係近,我絕對唔會食呢一間最基本酸辣湯都唔好味,陣味好假,得個死酸,水晶肴肉得雪味,回鍋肉但三塊肉